影片
港铁铜锣湾站 C 出口
继续阅读
电话号码
39562146
开饭介绍
以滋润炖汤作为主打的火锅店，亦有提供多款新鲜刺身，如加拿大野生象拔蚌。
继续阅读
营业时间
今日营业
17:30 - 01:30
星期一至日
17:30 - 01:30
以上资料只供参考，请与餐厅确认详情
有关奖赏计划
[📍銅鑼灣｜漁火海鮮刺身火鍋]朋友極力推介既火鍋店，位於銅鑼灣嘅漁火海鮮刺身火鍋，係地鐵站附近，地點好方便。朋友介紹嘅原因係食材非常之新鮮，同埋好多都係自家製食材，環境非常乾淨，所以試試佢。打邊爐最緊要係個湯底，試咗個麻辣同埋胡椒豬肚湯底，老闆娘話係全部自家製，搞到我都忍唔住先飲個湯，兩邊嘅湯底都好足料，係真材實料咁炒出嚟。麻辣嗰邊都真係幾辣，胡椒豬肚個邊有胡椒有豬紅有白果。出邊好多火鍋店都係擺舊麻辣磚同埋整包湯料，個湯底得個咸字。重點係我食完成餐返到屋企都唔使係咁飲水。講返食物，海鮮方面，老闆娘推介蘇格蘭蟶子皇，一上到枱見到勁大隻同埋勁新鮮，老闆娘仲教我哋淥幾秒就得，果然超級鮮甜同埋真係勁大隻，要分幾啖先食得晒。再黎肥水大花甲，隻隻都勁大粒，個麻辣湯同個花甲都幾夾，可以帶出個鮮甜。之後再叫咗個椒鹽海中蝦，見到好多人都嗌，每隻蝦都勁大隻，新鮮炸起，隻隻蝦都勁爽口，忍唔住連殼都食埋你就知幾好味。本地手切鮮牛頸脊，兩個人絕對夠食，都係好新鮮，有雪花唔會好柴，食落都幾爽口。漁火特色四色丸有驚喜，估唔到啲丸都咁用心製作，食得出係手打丸，而且真係好有特色，最難忘係鮮蝦丸，外面有層蝦乾鋪住，咬落淡淡蝦肉，超級好味。即炸鬆脆響鈴，新鮮廚房即炸，靚湯底一定要試響鈴，果然冇令我失望，仲要勁大條。時令什菜籃，啲菜都新鮮過人，又有粟米，又有冬菇，什菜籃作結，非常滿足。自家竹蔗茅根，健康之選，辣辣地飲返杯解辣，好潤喉。漁火海鮮刺身火鍋係非常之有水準嘅餐廳，每一款食材都係非常之新鮮，好多自家製嘅食品都係非常之高質素。店內嘅職員亦都好nice同好細心，環境好舒適，有啲似私房菜嘅感覺，私隱度好高，約埋朋友傾偈打邊爐絕對非常之適合，絕對值得推介。
继续阅读
今晚好想打邊爐，見成日食四川火鍋，今晚想食番啲香港地道打邊爐，搵到呢間位於銅鑼灣京都廣場8樓嘅漁火海鮮火鍋，就去試試先。呢間火鍋店啲湯底好特別，全部都係餐廳自家煲嘅養顏潤喉靚湯底，好似番到屋企飲番呀媽煲嘅靚湯一樣，好足料。 👉🏻 花膠響螺燉赤肉 （湯底）花膠釋放大量胶質，令到個湯好濃稠，加埋響螺就更加滋陰，而且令到成煲湯更加鮮甜。老闆娘更叫我哋飲多兩碗靚湯先，才開始打邊爐。👉🏻 手切PRIME牛肉老闆娘介紹我哋食呢款牛，果然冇介紹錯。牛肉雪花紋分佈平均，食落真係好有牛味，而且入口即溶，肉質夠細嫩。👉🏻 蘇格蘭蟶子皇老闆娘教滾8秒就食得，果然非常鲜嫩爽口，而且夠晒彈牙。👉🏻 肥水大花甲花甲全部都好大隻，兼且冇沙，肉質肥厚飽滿。👉🏻 墨魚滑拼蝦滑墨魚滑夠爽滑兼有彈性，而蝦滑又夠鮮嫩彈牙。兩款索埋啲湯汁，令到肉質更加鮮甜。👉🏻 即炸鬆脆響鈴呢款係我打邊爐絕對唔少得嘅響鈴，老闆娘話佢哋嘅響鈴係自己師傅親自炸，果然冇介紹錯，放落湯1-2秒便可食，響鈴索咗啲湯汁再加埋少少脆口，食落啖啖都有響鈴嘅油炸香氣，口感真係好正。👉🏻 自家製竹蔗茅根打邊爐除咗叫啤酒降火外，還有老闆娘介紹嘅自家製嘅竹蔗茅根，夠晒冰凍，兼好清甜潤喉，絕對係打邊爐嘅最佳良伴。
继续阅读
花膠響螺老火湯打邊爐真係第一次，飲完兩碗湯先捨得開始食嘢。完全係喺屋企飲阿媽煲湯嘅感覺。牛頸脊係老闆娘推介，肉味濃同埋口感嫩滑。最重要係真係好大碟底，全份牛肉都係真材實料，冇特登墊高😂打邊爐一定要有海鮮，呢度嘅花甲同蟶子都好新鮮。另外都嗌咗蝦滑另外推介巨型響鈴，真心大過我塊面。仲要拎上嚟嘅時候係熱辣辣，即炸即食🤣另外我哋仲嗌咗啲小食未開始打邊爐之前可以食吓呢個蝦餅，勁大塊嘢飲我哋就叫咗竹蔗茅根，可以清吓熱氣，同埋都好好飲
继续阅读
星期五天氣特別凍，找一間火鍋店試試，看見相中的牛肉賣相不錯,那就早一點3日前book枱，它的位置在地鐵站附近，3年前也是有間火鍋店在下層，一心試下吧!到了門口，店舖格局裝修已經殘舊，也不是做火鍋的餐館格局，人很多，服務員帶我們坐下，因為太肚餓，所以之前等位已經在紙上tick了好幾款，坐下來不是湯底來先，而是一碟花甲，問服務員佢話再等等。之後5分鐘湯底到了，魚湯沒有魚湯未，只得豆腐芹菜，之後餃子和白菜响鈴也上，遲遲主角牛肉未到，等了30分鐘才來，薄切賣相和openrice差不多，說明“鮮牛頸脊”, 無牛肉味，仲要已經醃左梳打粉，好離譜!服務員個個新請，外行人，放湯鍋差少少成鍋倒下，下次不會來!
继续阅读
家庭式經營火鍋店很多年，硬件和傢俬都比較舊。初初唔係好覺， 之後先發現佢擺喺你枱面嗰盤九格調味料輪住放喺唔同枱畀客人自己左攪右攪， 放完又唔會去理， 任由啲污糟 客人用手入去個樽度撩， 最後尾我見到有個細路仔直情將樽裏面啲匙羹擺落個枱面度 再放返入去🙂↕️。 佢啲樽都不是太乾淨好油 😥 成間嘢冇咩樓面夥記， 要搵個人幫手真係要等一陣🥶 淨係見到個身材比較矮小的細細粒老婆婆駝背自己一個人好辛苦成晚跑嚟跑去送餐 😭感覺佢好辛苦🥺(後尾先知佢係老闆娘😄)， 好擔心佢太攰送嘢揸唔穩陣會將啲嘢食跌咗落地下， 看到啲蔬菜比較乾身應該有洗乾淨。 味道水準一般， 唯一優點就係夠熱。 坦白講呢個價錢有啲貴😥 食放題好過， 另外有個優點就係冇咩客人可以唔使等就入到嚟😊
继续阅读