漁牧 (已結業)

前兩個禮拜禮拜日同女友一家4個人去megabox，周圍都要等位，🉐️哩間唔使等位，直接探體溫然後直接進入叫左乳豬，干身無汁，皮不脆，又無溫度，入面既飯癡埋一塊，淋pakpak 應該係做好放左起碼半個鐘先拿出來酸菜魚：味淡，魚不新鮮，唔入味，仲要都係攤凍左，應該係油溫唔夠就倒魚落去，結果就係好難食欖菜炒角豆，哩個正正常常炒飯普通，當快餐質素唔怪得唔使等位，原來就係咁差餐飯唔係好貴，連埋茶，飲品，總共8百蚊左右但完全唔係值得食既餐廳服務員都加水，追送，買單完全不見蹤影晚飯價錢，茶餐廳質素，或者更差

平時我都唔會上網寫食評，但係呢間野實在太過難食了 叫咗個片皮鴨食落好大陣騷味啲皮鬼死咁厚跟住叫咗條龍利魚 非常之唔新鮮 有陣怪味，放入口散晒 應該係嗰啲冰鮮魚叫咗個楊州炒飯 比白飯仲難食好似用啲擺咗好耐嘅飯去抄 仲衰嗰啲普通茶餐廳炒出來 啲食材非常之唔新鮮！唯一食得落肚就係肚四季豆 爽脆 唔會炒太老總括來講 其實呢間野裝修氣氛係唔錯，樓面工作人員都冇乜大問題，唯獨係啲嘢食真係唔掂，有咁好嘅環境 冇好味嘅菜 真係浪費咗！如果有關工作人員睇到呢篇文章麻煩跟進一下 唔好浪費咗一間咁好環境嘅餐廳總共用咗我八百幾蚊 心痛

晚市叫咗酸辣海鱸烤魚，再叫咗两個配菜-萵筍同大豆芽 ，上咗菜之後，撈咗一陣，得5塊萵筍同一小撮既大豆芽，同返個侍應反應返話個份量會唔會有d問題，佢指住撈咗出黎萵筍咪有囉，同佢返講得5塊，撈晒出黎都係得5塊，雖然係配菜都唔係咁既量，跟住佢走咗去問廚房出黎講返話通常都會8-10塊，唔會得咁少，之前就補返正常份量既配菜比我地。總括黎講，味道係ok既，環境都ok，不過不失咁，只係有個小插曲。

晚市九龍灣工業區沒有什麼選擇， 買了幾次外賣/網上外賣平台 都等30-40 分鐘 也都沒有怨言( 可能是我傻), 因為明白晚市餐廳會減省人手. 今次又等咗40分鐘, 好聲好氣問職員( 第一次問): “唔該已經大半個小時了，可唔可以check下我張單啲食物”職員看都沒有看我張單 ：“ 未有就未有，你出去等下, 唔係想得罪你, 不過你等同唔等同我無關" 這是餐廳職員應有的態度嗎? 與你無關？如果廚房漏單都與你無關？! 最後45分鐘我走了， 等到過了 9pm 除了麥x勞什麼也沒有得吃了。 很差的體驗，BAD LISTED.

小食仲好食過主食叫咗幾款小食嘅有豬耳小小麻香少少辣仲有啲青瓜薦底簡直就係開胃開胃連埋雞腎同埋海蜇都非常之好食去到點心就普普通通至於扁皮鴨呢就一早預訂左但係就半隻來講份量唔算多同埋佢比較肉多皮少煮食買咗個酸辣鱸魚魚嘅質地唔算特別滑而且個酸辣同我想像中嘅唔同佢比較似泰式酸辣並唔似四川或者川菜嗰種酸辣同我想像中嘅有啲出入所以我覺得有啲怪怪地

父親節食，都唔使等位，之後早訂，晏晝都仲有位，入到去，仲有房坐仲特登訂咗隻片皮鴨，真係好令我失望乾到不得了，大蒜又唔夠，諗住攞啲汁夾一夾，會好味啲啦，都係一樣啲皮已經乾到冇肥油，啲肉仲要好似柴皮咁，真係唔好再食不可一不可再啊反而加$48嗰個涼瓜炆鴨仲好味啲出色嘅燒魚，仲要加酸辣嘅口味，叫咗龍利魚，又冇乜骨，條魚仲要好滑，加入鴨血，萵筍，腐竹，薯粉，最緊要煮耐啲，等佢入味，非常出色鮑魚雞煲，大人小朋友都好啱食，啲汁帶甜甜，煮耐啲，啲雞先會夠熟撈飯，簡直就絕配乳豬啲皮又夠趣，又冇乜肥膏，點埋啲着仲好味，好可惜啲糯米飯，泰林另外仲有豆沙鍋餅，又唔太甜，有龍龍嘅陳皮味，一啲都唔樓

蠢左無睇食評就去食，真心難食4個人叫左個餐加烤鴨，千幾蚊食完唔知食左乜混豬食到蘇味，又有毛。餃d皮超厚，又超咸。片皮鴨的粉皮完全唔識講總之後悔，唔會再去呢間食，又貴又難食

見做緊優惠，午市套餐買四送一，所以約埋同事一齊黎試下，我地叫左4個午市套餐，有餸、有飯、有野飲，味道都不錯，原本諗住有優惠，應該會好抵食，可惜........暗藏不少其他收費.....計起上黎，都要$93/位。我地一坐低服務員就問我地飲咩茶，我地話唔使，服務員話飲水飲茶都要收錢，態度差，最後我地都叫左壺茶，到埋單先見到每位茶錢$15，計埋加一 $16.5/位，唔抵唔抵.....之後見到話係fb / ig 打卡，會送一客西紅柿，咁見套餐多肉無咩菜，咁就打左卡，送左一客西紅柿（都只係一個普通size 既蕃茄），到埋單時見到有一項收費是 「手寫單收費 $5.8」，問服務員呢項係咩收費，佢指係送既西紅柿既加一收費......🤦🏻‍♀️，真係無諗過送既都要收加一；一個蕃茄原價要$58......今次我照比，但再黎食既機會.......megabox 仲有好多選擇既。

180蚊半隻片皮鴨又唔夠分量又唔好食。凍既.仲話好多人食。大家要食要有心理準備.噤大個人都未食過水煮魚衰到一個點。唔辣又唔麻.唔好食.魚片唔滑.食過既人就知我冇亂說。真心700幾食垃圾。無下次

我是第一次有衝動寫食評，因為這間餐廳又貴又難吃，它的招牌菜:混豬和片皮鴨真心令人失望，最嚴重是包鴨的那片粉皮是凍的!!不是蒸好才拿出來嗎??用那附上的蠟燭蒸熱??

疫症蔓延，餐飲業寒冬。如此時勢，眾餐廳除了推出優惠維持收入之外，更應把每一碟菜式做得更好，留住客人。可惜，今天大失所望。人均消費二百，不多，但也不算少。不知由何時開始，餐廳把菜餚煮得好已成為bonus漁牧混豬乳豬只室溫狀態，拔毛明顯草率。糯米飯亦是室溫偏冷，明顯是早已預備好並放了良久，雖說正值優惠只需半價，但亦不代表只值這種質素。自製臘肉熗炒手撕包菜比上不足，比下有餘。臘肉略為偏硬，調味不是筆者那杯茶，亦過份濃烈到有點被嗆到。毛血旺垃圾級別，無一可取！不麻亦不辣，毛肚老到吃不下去。豬紅是次等貨，了無咬勁。最令人無言的是連芝士腸也難吃，難度系數甚高。這次是第四次造訪，相信也是最後一次。在如此時勢，各行各業都艱難，只好咬緊牙根，做好本分。然而餐廳的本分，就是烹調好每一碟菜給顧客享用，而非收足顧客十足的金錢卻交行貨。

一直被一大鍋魚所吸引，諗住疫情下會有優惠，點知星期六，日係冇優惠，諗住會冇乜人客，又唔係喎，隔住台坐都滿。其實幫襯前都心大心細，因為食評一般，唯一好處係食環境！果然不出所料，真係食環境。四人同行點了酸辣盧魚，半隻片皮鴨，叫多個二食，涼瓜蚊鴨，白飯及紫薯飯。魚唔夠滑，相信係將魚煮好再淋上汁煮，汁嘅味道唔錯，但煲耐咗會好咸，魚亦會鞋。半隻鴨其實只係有1/4隻，好嘅係有隻鴨肶，至於涼瓜鴨，獻汁則較濃。紫薯飯純是紫薯加白飯。食後感，純粹食環境！

同朋友睇戲前仲有成個鐘剩喺Megabox竟然搵到有間食烤魚平時行過都無乜點留意店內裝修得好靚 好有中國氣息而且位置亦都幾舒服環境整體來講都十分不錯由於大家都唔太肚餓所以聽咗職員建議叫一份麻辣烤魚平時都係喺內地食烤魚多 今次第一次係香港食 但係有點小失望烤魚嘅麻辣冇想像中咁辣 而且魚肉嘅味道冇咩鮮味 肉質都算正常 同內地正宗嘅烤魚始終有少少分別烤魚的分量比較細 如果約返三五知己來的話就應該要再叫多一份烤魚或者其他小菜先會夠不過整體來講都算可以接受

這店的午餐還是挺化算的，看到位置還算多，但服務是沒有的，等了一會都沒人理會，於是便自行走到卡位坐下~一坐下，便有人走過來問要開壺茶嗎？（茶位是每位12元的），但不喝是不用付~而且套餐都是包飲料的，所以沒開茶了~午餐： 四川香辣麻婆豆腐~還可以吧😅😅不會好吃，但也不難吃乾抄叉燒烏冬~超級油😰😰是非常多油的那種，吃完碟底的一層油，真的超可怕🙈豆沙窩餅~味道ok，不會很甜，還有淡淡的陳皮味，但還是較愛吃平常吃到的那種，蛋皮做的豆沙窩餅~麻辣十兄妹~挺麻辣的，吃後咀唇會有麻痺感，但就是太油，吃不慣~

去到咁遠 (其實唔真係好遠) 既好處係…..開完會可以有藉口順便放工, 跟住行街, 食飯! 唔明點解呢碟片皮鴨佢夠胆叫自己做半隻! 春雞我聽過亦食過, 春鴨我第一次見! 回鍋肉, 得5片肉! 完….