影片
开饭介绍
由超过30年经验的总厨坐镇，以把日本高级料理平民化为理念，并借着日本匠人精神，把原材料的鲜味呈献给食客。
继续阅读
营业时间
今日营业
12:00 - 22:00
星期一至日
12:00 - 22:00
公众假期
12:00 - 22:00
公众假期前夕
12:00 - 22:00
以上资料只供参考，请与餐厅确认详情
有关奖赏计划
食家推介
南昌站上蓋V Walk 商場地下有一間日式餐廳，餐廳位置相當當眼，門面極富日式和風設計，好難會將佢錯過🤭揀日不如撞日，今晚就同朋友一齊享用和式美食🤗🤗餐廳6點後仲會提供一人前嘅匠人料理，每位只需$298就可以享用8品美食，高質推介嘅懶人包🤭🤭，我地仲外加咗一個帶子三文魚親子丼❤️匠人料理（1人前）燒鱈魚片、吞拿魚蓉米通、枝豆燒鱈魚片相當脆身，吞拿魚蓉米通口感特別，枝豆就正常發揮刺身（三文魚、伊佐木、赤蝦）厚切刺身夠新鮮，白身魚伊佐木鮮味濃郁，赤蝦相當鮮甜❤️壽司 🍣油甘魚赤酢壽司松葉蟹肉赤酢壽司伊佐木赤酢壽司一客有三款不同嘅手握壽司，赤酢壽司已預先調味，唔需要再沾壽司豉油已經好夠味，油甘魚油花豐腴，松葉蟹肉鹹香十足👍🏻天婦羅🍤沙鎚魚天婦羅炸茄子🍆好juicy ，沙鎚魚炸完之後都仲可以保持嫩滑👍🏻👍🏻燒安格斯牛配飯檲安格斯牛柳粒肉質軟稔，要加埋炸蒜片一齊食，燒三文魚飯檲外脆外軟日式雪糕🍦抹茶🍵雪糕配上綿滑紅豆🫘👍🏻❤️❤️獺祭（150ml) / 日本蘋果梳打Happy Friday 就梗係要小酌幾杯🤭冰涼獺祭清酒🍶清香，配上新鮮刺身更是絕配帶子三文魚親子丼厚切三文魚鋪滿壽司醋飯上，珍寶刺身級帶子相當新鮮，咬住一粒粒三文魚籽係嘴入面爆開，鹹香十足👍🏻
继续阅读
呢排成日食壽X郎 元X呢類 不過食到厭曬..三文魚都食到無曬味唔知有無人同我一樣鍾意另類d嘅刺身，原條上比我感覺好新奇...有種羊毛出自羊身上嘅感覺(緊係唔係講成條三文魚咁叠上黎啦 食四日三夜都未食完)聽講日本人會食埋個刺身魚頭我就無膽嘅 驚腥 同埋睇住佢眼仔望住我 唔忍心其實講咁多 都係講緊呢兩個鯛魚刺身 送比大家 自行定奪好唔好食啦~~冷門嘅刺身黎講我就幾鍾意嘅 第一隻 真鯛(好似係) 少少甘甜 聼店員講 係呢排秋天黎先開始味道濃d ”大人の味“ (初學日文嘅我抛下書包 係咪咁用架?)仲有另一個刺身係店員話可以"一雞兩味"，雖然就淡d陣味，勝在可以有2種食法，我覺得係賺左
继续阅读
今天和朋友一起來午餐聚會。漁釧，這間餐廳的位置非常方便，從南昌地鐵站一出來就能到，非常正！😋🍴午餐選擇繁多，我們選擇了以下食物：🍣 九貫壽司盛 配油揚稻庭烏冬定食這道定食真的讓我驚喜！😍✨包含了三文魚壽司、拖羅壽司、大蝦壽司、三文魚子壽司等，每一口都感受到新鮮的海味，🍤🐟口感滑嫩，令人回味無窮。油揚稻庭烏冬的搭配也讓整體更加豐富，麵條彈牙，湯底清爽，真是一道完美的搭配！🍜👌🥢 角切刺身丼定食這道刺身丼的切工非常精緻，魚肉新鮮，這是最重要成功的元素！🐠💕每一片刺身的口感都非常滑嫩，搭配上米飯簡直是絕配！😋🍚我最愛豉油加Wasabi，加在啲飯和肉上面，一口接一口，完全停不下來！👍✨🔥 燒花魚一夜千定食這道燒花魚的表現也不遜色！🔥🐟外皮燒得酥脆，裡面卻保持著鮮嫩的肉質，香氣四溢。每一口都能感受到魚肉的鮮香，不食就蠢啦！🌊✨🍵套餐：所有的定食都包含了味噌湯、蒸蛋和沙律，讓整體的用餐體驗更加完整！🥗🍲而且只需額外加$18就能享用綠茶雪糕和蕨餅，🍡🍦加$10就能有汽水，超值！💸👍食材新鮮又美味，絕對是🌈🍽️享受美味的壽司和刺身！💖✨
继续阅读
第2次食V Walk呢間漁釧，上次試過lunch，覺得性價比幾高，所以今次試埋晚餐。夜晚6點開始有個匠人料理一人前，個set好豐富，我同朋友兩個人叫呢個set再加兩個小食就夠飽。匠人料理一人前⭐燒鱈魚片、吞拿魚蓉米通、枝豆燒鱈魚片類似食開嘅魷魚絲，幾鮮甜。吞拿魚蓉新鮮，放上米通上面一齊食幾特別。⭐刺身（三文魚、伊佐木、赤海蝦）刺身新鮮，每一啖都好有鮮味，而每款都有兩片。⭐壽司（油甘魚赤醋壽司、松葉蟹肉赤醋壽司、伊佐木赤醋壽司）壽司幾精緻，油甘魚、松葉蟹肉同伊佐木各具特色，赤醋令壽司飯同魚生好夾。⭐天婦羅沙鎚魚呢個天婦羅沙鎚魚夠特別，炸得好脆，入面魚肉仲好鮮嫩。另外仲有南瓜同茄子天婦羅。⭐海膽蛋白蒸呢個係蒸蛋白，所以冇平時食開嘅茶碗蒸咁滑，不過海膽幾甜，冇怪味。⭐燒安格斯牛配燒飯糰安格斯牛肉口感好正，牛味濃郁，肉嫩多汁。飯糰燒到啱啱好，令外面金黃色，食落仲辣辣地，幾過癮。⭐日式雪糕上枱先知係紅豆宇治抹茶雪糕配小丸子，啱哂我心水，小丸子仲好軟糯，好味！⭐日本蘋果梳打呢個set除咗蘋果梳打，仲可以揀獺祭（150ml)，適合鍾意飲日本酒嘅人。小食⭐陶板清酒煮蜆職員喺我哋面前煮蜆，見住啲蜆開，所以保證新鮮，食落好有酒香味，而個清酒湯更加係必飲。⭐鐵板牛舌呢碟黑椒洋蔥牛舌夠多洋蔥，食落好香，牛舌唔韌，亦醃得夠入味。呢間餐廳整體樣樣野都唔差，個匠人料理一人前夠哂抵食，值得試下！
继续阅读
禮拜日夜晚walk in入去食，望到入面仲有吉枱，但係都要等15分鐘先有得安排入座，同我地一齊仲有起碼3枱人，咁唔緊要啦可能樓面淨係得一個人，點知唔係（之後會講）。跟住叫左一個壽司盛、和牛粒、黃金軟殼蟹、吞拿魚蓉卷，同綠茶汽水。已經比平時等得好耐（15分鐘）先上菜。先上和牛粒，味道還好但咬落去d肉質感覺唔係和牛。黃金軟殼蟹仲差，咬第一舊係lum身既，仲濕濕地，炸物唔應該係咁。同埋兩份熟食既份量都偏細，但係收近$100。跟著壽司先係最過分，壽司盛$338但完全唔新鮮，三文魚壽司上面舊魚生中間斷開左一部分，擺明係師傅切得唔好。吞拿魚蓉卷d吞拿魚顏色睇上去已經好差，偏深色而唔係平時食開既粉紅色，食落都好唔新鮮。真心，可能壽司郎都高質過佢，人地仲要平好多，上菜上得快。食緊途中我地注意到樓面其實有at least 3個，但係佢哋成日同其他枱既熟客吹水。我地前面果枱就係佢哋熟客，一家三口黎，佢哋同個小朋友傾得好開心，上菜又好似真係上得快d（根據我地觀察佢上菜既頻率）。咁唔怪得開頭等入座明明唔洗執枱都等咁耐啦，根本唔係樓面唔夠，係樓面掛住吹水做嘢效率低。上曬之後我地都唔夠飽，決定比多次機會嗌個鰻魚炒飯希望好食，結果落完單，我地食曬之前個round d野，佢碟都收埋，個飯都未黎，呢度又等左10分鐘。同行男朋友催佢問係咪落漏左，佢同我地講話「sorry因為前面仲有幾張炒飯單所以要等多15分鐘」，我地即刻話「咁幫我地cancel」。炒飯理論上唔係特別難整既菜，加埋我地已經等左好耐，仲要間餐廳唔係full house。埋單$796，真係覺得自己做左條大水魚。最後我地都係唔飽，兩個人上樓上買左包台灣炸雞番屋企食。最不解係咁樣既食物質素，竟然都可以有「熟客」？同樣價位但更高質既日本餐廳，香港真係大把，強烈不推介。
继续阅读