潮興魚蛋粉

营业中

休息中

我吃牛腩通常都是崩沙腩或坑腩。崩沙腩，即爽腩，是牛肚皮的腩位，面積小及有塊薄軟膠質，爽軟不硬，通常貴過坑腩。坑腩則是牛胸前的部位，牛味最濃，略帶肥。崩沙腩正的地方，是那塊筋膜。爽口的筋膜，配着炆得腍身的腩肉，好吃。「潮興」出名手打魚旦、魚麵等，牛腩我倒是覺得比魚旦更出色。「崩沙腩河加色」$55整體味道我覺得差了，個湯有色無味，缺了潮州牛腩滷水香的靈魂，全靠那些芹菜粒、蔥花及炸蒜粒提香：崩沙腩部位還不錯，筋膜帶肉算沒欺場：可惜我覺得炆得不夠腍，肉的部份有些柴。吃到中途，我習慣就會加上潮州辣椒油，讓食味多一重變化。河粉夠滑，這個稍為加分。

今日專登黎銅鑼灣交收，要等對家到，仲有成半個鐘😂快快地可以趁依個空檔吃個靚麵，甘我就好隨便甘揀左黎依間食個牛雜麵。😉叫左河粉，個粉底其實幾好，唔爛又可以吸曬d 湯汁👍 湯底都ok, 有好濃既牛汁味，又唔會話好咸，加埋一大羹青蔥，炸蒜，西芹，混埋一齊真係好香👍 牛雜份量都幾多，有膶，大腸小腸，牛肚，牛肺，膶唔係話超級新鮮個隻，吃得出粉粉地，牛肺反而好好食，大大件又唔柴！而大腸係肥腸質地😂夠曬邪惡！整體一個麵40幾蚊算係甘，銅鑼灣黎講算好平👍水準可以講不過不失，下次可以試下佢個崩沙腩😉

潮興魚蛋粉 (駱克道) (3.5/5分)分別食過謝斐道同埋駱克道呢間潮興魚蛋粉，謝斐道呢間地方比較大啲今日1點已經賣晒崩沙腩全場爆滿牛腩牛丸米粉($52)牛腩入味，牛肉尚算有少少鞋，但味道唔差潮汕牛丸好彈牙，有些少爆汁

同朋友去飲野前諗住打一打底加上天氣又凍喎所以決定飲食番碗魚蛋粉🍜坐底好快就諗到啦 決定叫個墨魚丸 貢丸幼麵 加紫菜老實講魚蛋粉每一間地方都差不多 最重要係佢個麵底同湯底 呢間魚蛋粉嘅湯底都比較濃郁 就咁單食都食得出有牛腩味 紫菜嗦晒佢啲汁都幾好食🥣貢丸墨魚丸都係出邉火鍋店嘅水準 冇乜特別幼麵鹼水味唔夠突出 不過勝在麵質夠彈牙如果鍾意食鹼水味嘅朋友可能會比較失望另外佢加$10可以多少少蘿蔔 (舖頭自稱甜心蘿蔔) 佢啲蘿蔔嗦晒啲湯幾好食 而且冇渣 不過我又覺得蘿蔔未甜到令人驚艷 所以有少少失望😟總括嚟講佢嘅份量都比較少 如果比較大食嘅朋友，可能要加多碟菜或者小食先至夠

未食晚飯 做完運動朋友說這家粉麵有質素點了招牌之一的崩沙牛腩撈麵$60 牛腩好好食 軟硬適中 好入口 如果汁可以更多會更好麵也是中硬那種😍值得一讚店面很乾淨 這些多年有好好打理

銅鑼灣哩間魚蛋粉都食左好幾年想當年收工都會去哩度食宵夜入到去地方唔算好大，但夜晚12點幾都會有好多人系到食野，開方式廚房甘所以聞到哂啲牛腩味，好香濃~坐低左，好快就有人黎問你食咩，我睇左睇叫左牛肚牛丸河（多葱）睇多一睇菜單，都幾多野食，有飯果啲都唔會甘單一全部食麵碗麵5分鐘都唔洗就黎到我面前啦當然要加辣油同醋啦牛丸有汁嘅，一啖咬落去，差啲熱死而啲牛肚都好味，入味而且易咬而啲河量雖然量叫一般啦，但應該食兩碗先可以夠飽

唔知有冇人係咁、我間唔中就會好想食下魚蛋粉，有呢鋪癮銅鑼灣都幾多港式粉麵鋪，同便利店差唔多，行幾步就總有間喺左近見呢間鋪入面幾大幾寬敞，就入去食下啦嗌左個魚蛋三寶米線、盛惠$48，唔包野飲，其實都有啲貴，見呢度都有做唔少遊客生意、又有分店咁。三寶包括魚蛋、魚片同魚片頭！係幾彈牙既，都有淡淡嘅魚味，湯就冇咩味，都係靠蔥同冬菜嘅味。清清淡淡咁米線份量對男食客食黎講、可能會唔係幾夠食，加底或者加多個餸先搞得掂。

很多人都知道潮興魚蛋粉最出名係牛腩無論係坑腩，崩沙腩都一樣出色以前食潮興我淨係識食墨丸河自從跟朋友食過之後愛上它的沙爹肥牛河唔想有湯，叫撈麵都係一個不錯的選擇還有沙爹肥牛飯鍾意食沙嗲嘅朋友推介大家嚟試下沙嗲很香，不辣，你會見到它的沙嗲醬入面很多小蝦仔，很惹味

今日午餐想食清淡一啲，所以就嚟叫咗一碗魚蛋雲吞河，魚蛋係手唧的，現今社會而家咩嘢都機器化，真係越來越少呢一類嘅美食。魚蛋入面有少少魚骨，咁樣反而覺得係新鮮製造，俾個like佢，另外鮮蝦雲吞都非常足料，如果少啲肥膏就好啦

同朋友係銅鑼灣行下傾下計..行到11點幾.. 一齊覺得肚餓...咁岩經過潮興.. 咁就入去食佢地既出名崩沙腩店地方唔大...環境都唔係話好乾淨...崩沙腩同普通牛腩差6蚊咁我地緊係叫崩沙腩啦腩都有10舊... 我覺得都算多..份量亦岩岩好..唔會太小...崩沙腩肥瘦岩岩好...但今次有D失望... 應該煮得唔夠耐..口質偏向左係爽口... 同我以往食開既又腍又入味差好遠而湯底既味道亦唔夠濃, 偏淡食完後... 真心覺得水準比以前差左好多... 失望..

途经这家麵家，有少少肚餓，入左去叫左碗牛腩米，簡直不能接受，牛腩超咸，湯底當然也是咸，就連米粉又淋又漲。一碗$34元係铜鑼彎話貴吾算貴，你話平又吾算平，下次入去都捻捻先。

曾幾何時要食墨丸多數去“文輝”，但响連鎖店攻勢下更多時候唔太難食就算。“潮興”就腳多分店，比較淡口嘅一間，病到周身骨同神經抽住痛又手凍腳凍，今日只可食清啲。次次都係叫墨魚丸魚皮餃米粉同加芥蘭全走，今日冇胃口，冇要菜。墨魚丸好重墨魚味，但今日有一粒腍咗啲唔夠彈牙。魚皮餃唔係間間得，呢度咬落皮煙韌，唔係齋粉應有溝魚肉，餡就係豬肉，就算唔係自家製來貨都揀過下，今日仲冇甩皮甩骨，隻隻脹卜卜好似元寶咁靚。其實去呢類舖頭唔預好乾淨，但今日食緊有個熟客抱咗隻狗仔入嚟，首先唔計佢啲毛有冇亂飛，最重要係煮嘢食個阿姐徒手抱住佢係咁摸佢同佢玩，我都唔知佢之後有冇搵梘液洗手咁衛生先搵手拎菜同材料煮食，但感覺麻麻係事實……

一個人中午，吃拉麵麼，是日的感覺是不想花太多錢去吃喝玩樂。行了一圈銅鑼灣，感覺上都係食碗麵算。而今天，我不想吃日式麵，要吃的，是廣東式的潮州麵。所以的選擇了潮興。雖然這兒說自己馳名的是魚蛋，但我個人並不甚喜好魚蛋這一個食物，丸是會食的，但是其他肉的肉丸 rather than 魚肉丸。我是愛好牛腩的人，但不是清湯腩。這是的五香柱候牛腩正正是我喜歡的類型。牛腩不是太肥，肉質爽肉絲的中間流出的牛腩汁，非常之有味，而且食落有少少掛齒的感覺，又爽又腍，嘩!! 我同事幾乎日日都去大利，我覺得，佢應該要轉一轉口味。是日的二陪是貢丸，香味是豬肉同冬菇的好配合。結實，腍，冬茹味香，不錯。而麵就選擇了粗麵，食落都幾爽，飲得杯落。簡單的一個粉麵午餐，味道原來是出乎意料的好，在灣仔銅鑼灣區有好幾間分店的潮興.....原來我一直都忽視了這一家好麵店.....

十一月上旬．晴一天，遊至此。沒胃口，不吃也可以，不過要跑，好歹也吃點東西。在門口見到這裡的牛腩都好像不錯，就要了碗爽腩米，扣底。真的是爽腩，表面帶筋的部份軟熟好吃。而瘦的也鬆化，不韌，想不到有點水準。稍不足之處就是肉味不夠濃，不然的話，就可以進入推介之列了，現在是「可以一試」。人很「飄」，未回魂，要來多一杯咖啡。不夠熱，味也淡淡的，粉麵店的熱咖啡，也是如此。