潮尚居

营业中

休息中

諗唔到食咩，經過樓下見到佢午市做緊六折，就上去試下老實講如果冇折嘅話其實定價都唔平點心選項唔係好多，主要係食小菜我哋叫咗兩個素嘅點心，但係嗰個蘿蔔糕其實唔係素嘅，入面有肉，所以素食者要注意，不過味道係好嘅，整得好香脆，唔會太油膩另外普寧豆腐就正常發揮，算係外脆內嫩，同埋係新鮮炸起，熱辣辣個沙茶牛肉麵牛肉佢寫明係用牛頸脊，所以好嫩滑最後甜品要咗個芋泥，冇影相，但係係好幼滑同埋好香嘅，整體嚟講質素係唔錯，不過如果冇折扣應該唔會嚟，因為午餐嚟講都幾貴

潮尚居可以食到最正宗傳統嘅潮品佳味，擁有資深潮藉廚師團隊，憑藉多年烹調經驗，將最潮嘅味道呈現。潮州紅燒翅，總廚運用傳統嘅烹調方法，以紅燒方式烹調，呈現出濃郁的風味和獨特嘅口感，飲落去啖啖足料，超正！脆皮婆參，咁矜貴食材唔係度度有得食，喺潮尚居嘅正宗巧手苙菜，婆參帶有獨特嘅彈牙感，咬上去膠質豐富，吸收湯汁嘅鮮美，呈現外脆內糯嘅雙重口感。滷水鵝拼盤，鵝肉滷水味道極富層次，香氣撲鼻，而我特別鍾情於滷水豆腐，每一口都爆汁 ，更加滋味！沙茶牛脊肉，沙茶醬我回味無窮，牛脊肉軟腍又肥美，特別用上小芥蘭特別幼嫩，老師傅嘅功架盡現。手工炸蝦蟹棗，係潮州家家戶戶嘅手工菜，蝦肉和蟹肉配上其他材料，炸至外層酥香內裏餡料多汁鮮味，搭配潮州油桔油醬，酸酸甜甜好醒胃。清心豆爽，綠豆加上清心丸，係一種用馬蹄粉同木薯粉製成嘅Q彈小丸子，特別適合而家天氣咁悶熱食用，有助於清熱、利濕、開胃

原來尖沙咀有間潮州菜，食物高水準，環境坐得舒服，啱晒朋友家人聚會，呢度嘅廚師團隊都係來自潮州籍，多年嘅烹飪經驗同埋正宗口味，將潮州菜發揮得淋漓盡致，見到每道菜嘅心思，食落又有驚喜，今次最正嘅係魚翅撈飯同脆皮婆参，講下今次食左d 咩先滷水鵝拼盤$198滷水拼盤入面有滷水鵝，滷水蛋，滷水豆腐，雞腎同五花肉，成個滷水拼盤我最鍾意係豆腐，滑不溜口，滷水味唔會太濃味，岩哂做前菜潮州紅燒翅 $498位戲肉嚟到魚翅撈飯，足三輛紅燒翅，呢餐飯都輕奢😆不過對自己好啲又有咩唔啱喎脆皮婆参$328 原本海參對我嚟講係一嚿無味嘅嘢，不過見佢推介又真係想試吓，同埋未聽過咩叫婆參，原來真係值得推介，煎香咗嘅脆皮，入面軟腍厚肉嘅婆參，從來未食過咁好味嘅海參紅燒魚鰾煲 $298/4件紅燒魚鰾煲係一道非常滋補嘅潮州菜，以魚鰾（即魚肚）為主角，配搭竹筍、雞肉等材料，慢火炆煮至入味，魚鰾吸收晒湯汁，大大塊魚鰾晶瑩剔透，吸滿晒濃郁醬汁，口感軟糯又彈牙，啖啖都充滿膠質，啲湯汁好香濃！沙茶牛脊肉芥蘭 $198嫩滑嘅牛脊肉片配上爽脆翠綠嘅芥蘭，淋上香濃沙茶醬，牛肉入味又多汁，芥蘭清甜又爽口，兩者配合得天衣無縫。好惹味又餸飯

今日約左長輩食飯，帶佢地去左潮州菜試下。揀番尖沙咀夠方便，樓上舖感覺都乾淨同舒服啲，可以慢慢坐下食下▪️潮州紅燒翅$498/位招牌菜真係好足料！！啖啖都食到翅，口感順滑，味道正宗，仲好貼心咁俾埋芫茜同醋，更添鮮味▪️脆皮婆參$328黎到已經覺得好香，婆參口感Q彈，外層微脆，充滿燒過嘅香味，雖然較細片，但夠晒入味，食到lamlam脷 😋▪️滷水鵝拼盤$198 滷水鵝肉嫩滑，色澤唔錯，入面有齊鴨腎、豆腐、雞蛋，叫呢碟已經好好餸飯👍🏻▪️香煎蠔仔烙$168蠔餅爆滿蠔肉，煎到金黃色，啲蠔肉一切開就瀉出嚟，味道都好新鮮，每一啖都好厚肉，落足料，餅邊幾脆▪️紅燒魚鰾煲$298一煲都幾多海鮮，魚肚軟腍入味，入面仲有蝦、魷魚、雞肉、筍同冬菇，夠晒豐富▪️清心綠豆爽$36/位食完野叫左個綠豆糖水，清心丸口感軟身，整體解膩清甜

我個人幾鍾意食潮州菜，今次搵到間環境同味道都幾ok嘅餐廳🤩✨招牌滷水拼盤 - 有鵝片、腩肉、雞腎、雞蛋同豆腐，全部都好入味👍🏽✨潮州紅燒翅 - 配左醋同芫茜可以放，我就鍾意原汁原味，湯底夠濃稠，而且勁足料勁多翅~✨脆皮婆參 - 第一似咁樣食法，個皮夠脆，仲有好香蟹子味😚✨香煎蠔仔烙 - 勁多蠔仔粒，質地軟糯，沾埋魚露食解膩又提鮮🤤✨沙茶牛脊肉 - 好大碟，砌成左一個小山堆，下面係芥蘭苗，上面就係惹味嘅沙茶牛脊肉，牛牛易咬唔肥又冇咩筋😍✨清心綠豆爽 - 綠豆去左皮好有誠意，仲有彈牙清心丸，清甜好味🧡食完野仲有功夫茶嘆下，好滿足😽

實而不華嘅潮州菜館，味道正宗，有品質嘅保證。潮州紅燒翅魚翅足三兩，翅針粗身又香滑彈牙。湯汁濃郁，味道甘香醇厚，加上香醋同芫茜非常美味。脆皮婆參巧手手工菜，先炆後煎方式烹煮，表面香脆，咬落軟糯中彈牙，鮮味十足。紅燒魚鰾煲厚身魚鰾索哂濃郁嘅紅燒汁，好惹味。仲有魷魚、鮮蝦、雞肉、冬菇同筍，誠意滿滿。碧綠川椒雞雞肉嫩滑同時帶有鮮、香、麻嘅川椒味道，伴以薄脆珍珠葉，送飯一流。清心綠豆爽最後來一碗潮汕特色甜品清心綠豆爽，清甜爽口。

屋企人係潮州人，間唔中都會同佢哋去食潮州菜😍呢間餐廳夠闊落，坐得舒服啱晒！滷水鵝拼盤拼盤咩都有🤩鵝肉、鴨腎、滷水蛋、豆腐同腩肉😍全部都夠入味，亦都唔會好韌好乾！份量都好足😋潮州紅燒翅紅燒翅味道都幾香，睇得出非常足料，每啖都有滿滿嘅魚翅😋夠晒高級！😍脆皮婆參真係第一次食脆皮嘅海參🤩🤩 非常特別，頂層嘅脆皮又薄又脆，非常香口🥰 而下面嘅海參都幾厚身，口感滑嘟嘟又帶點煙靭🤗沙茶牛脊肉牛肉好嫩滑！沙茶味好香，味道好夠，送飯真係啱晒呀😍碧綠川椒雞川椒雞唔會好辣，反而係惹味多啲，食到川椒香味，好開胃🥰清心豆爽熱嘅綠豆爽真係少食！入面有綠豆同埋清心丸🥰 食落好舒服，清心軟暖暖哋好煙靭，呢個食法都好正！

屋企老人家突然想食潮州菜～見尖沙咀「潮尚居」有好多好評 環境又舒服 啱晒✨🍲 潮州紅燒翅翅針粗身又彈牙 鮮味層次豐富～傳統潮式做法勾薄芡，濃郁得嚟唔會漿口✨💫 脆皮婆參先燜後炸 外皮超脆 🔥蘸少少汁食 帶出海參鮮味💫🦆 滷水鵝拼盤鵝肉嫩滑得嚟有咬口～拼盤仲有鵝肝、鵝腸同豆腐，滷香醇厚唔死鹹👌🥩 沙茶牛脊肉牛脊肉切成薄片快炒沙茶醬用蝦米、花生秘製～配埋芥蘭送飯一流🍚🦐 手工炸蝦蟹棗酥炸蝦膠同蟹肉！！外層脆卜卜 咬開爆出蝦蟹鮮汁🔥🍨 清心豆爽傳統潮汕甜品去皮綠豆燉到開花 中和濃味菜式❄️食完大家都好鍾意～有下次既一間

招牌滷水拼盤😃😃😃😃😃食潮州菜當然要食滷水拼盤，滷水拼盤包括有滷水鵝片，五花腩，滷水鵝腎，滷水蛋同豆腐。滷水鵝片用了九斤重的獅頭鵝，鵝肉嫩滑，滷得好入味又唔會太鹹，鵝腎有滷汁香而不膩。香煎蠔仔烙😃😃😃😃蠔烙外皮煎得金黃酥脆，蠔仔粒粒飽滿鮮甜，蛋香味濃，蘸一點魚露提鮮，令味道更上一層樓。紅燒魚標煲😃😃😃😃😃魚標炆得柔軟又夠入味，膠質豐富，湯汁濃郁。仲有蝦，魷魚同埋冬菇，吸收晒湯汁嘅精華，送飯一流。潮州紅燒翅😃😃😃😃用左牙揀翅，湯底用老雞火腿去熬製十分濃郁，配上陳醋，味道一流。脆皮婆參😃😃😃😃師傅將尼豬婆參先炆煮完之後再高溫快炸，海參表面少少焦脆又保持到柔軟彈牙嘅膠質口感。清心綠豆爽😃😃😃綠豆去殼煮得十分綿密，清心丸很煙韌，一食甜入心。呢間潮式酒樓食得出全部都係師傅嘅手藝同心機，真材實料。而且酒樓的裝修很簡潔清雅，用屏風作間隔，保持到私隱又不會太局促，很適合一班朋友聚首一堂。

有個潮州老友升職又加薪，請我去咗呢間潮州菜館食飯，環境開揚企理，落地大玻璃附近嘅餐檯仲有屏風分隔，私隱度高，仲設有包房添。🥢鹵水鵝拼盤$198嚟潮州菜館必叫嘅當然係鹵水拼盤喇，有鹵水鵝片、腩肉、腎片、雞蛋及豆腐，鹵水味清香撲鼻，味道鹹香得宜，入哂味嘅鵝片，嫩腍多汁，鵝味濃郁，腩肉肥瘦適中，入口脂香滿溢。🥢潮州紅燒翅一位$498湯汁色澤潤亮，味道鮮鹹醇厚，魚翅口感軟滑中帶彈性，與湯汁完美融合， 加點醋及芫茜增添風味層次。🥢脆皮婆參一位$328表面香脆，食落Q彈腍滑，滿滿骨膠原嘅口感。🥢特式凍馬友4件$218肉質嫩滑鮮甜，配合鹹香味濃嘅特調醬，更突出馬友嘅風味，餸飯一流。🥢紅燒魚鰾煲$298魚鰾吸收哂濃郁嘅紅燒汁，軟綿滑溜，滿口骨膠原，煲內仲有鮮蝦、雞肉、冬菇及筍，非常豐富。🥄清心綠豆爽$36綠豆綿密中帶微微咀嚼口感，再加埋Q彈福果及柔滑軟糯嘅清心丸，整體清甜而不膩。🥢前菜有辣辣甜甜嘅豆乾蘿蔔及爽脆酸菜，開胃又下飯。🍵最後來個醇厚濃香嘅功夫茶，解膩生津。

尖沙咀新開咗間潮州菜館，聽聞既正宗又高質，最近食完，想要分享下～。潮州紅燒翅 $498/碗真是一分錢一分貨呀(✯◡✯) 價錢雖貴，但這碗紅燒翅湯色琥珀誘人，翅味鮮香，口感滑溜，而且翅粗有咬口，又入味，真是份量十足又豪華！。脆皮婆參 $328這是館內人氣之選♡ 的確美味！海參厚身Q彈，有少少烤香的味道，讓本身脆嫩入味的口感，變得更有層次٩(◕‿◕｡)۶ 。紅燒魚鰾煲 $298這道菜亦是館內人氣之選♡ 魚鰾（魚肚）軟糯Q彈，吸滿醬汁，鹹香微甜，還帶有淡淡酒香( ˘ ³˘)♥︎ 搭配蝦仁、鮮魷、菇、荀等，味道鮮香醇厚，yo大推這道菜呀(^‿^✿)。手工炸蝦蟹棗 $168炸得金黃的蝦蟹棗有波形和卷狀，均以蝦肉蟹肉鮮甜融合，加入馬蹄粒，讓口感帶點清爽。卷狀的炸蝦蟹棗以腐皮包裹，炸過的皮更脆，咬落去會有「喀嚓」一聲(๑˃ᴗ˂)ﻭ。清心豆爽 $36/碗在飲完清香回甘的功夫茶後，再食返碗潮州經典甜品，完美！

朋友仔話尖沙咀有間食潮州菜好味趁住放假就叫佢帶我去食好嘢😂🔷滷水拼盤滷汁香濃得嚟唔會死鹹 鵝肉嫩滑帶油香 鵝腎爽脆冇異味最驚喜係五花腩 肥而不膩 入口即化豆腐同蛋都滷得夠晒入味🔷石橄欖燉海螺湯湯色清亮 一啖飲落去喉嚨好舒服石橄欖嘅清香同海螺嘅鮮甜完美結合燉足火候 飲完成個人即刻潤晒🔷脆皮婆參外皮炸得金黃酥脆 裏面卻保持軟糯膠質完全冇腥味 🔷紅燒魚鰾煲門鱔魚鰾厚身飽滿 吸盡鮑汁精華口感似高級花膠 配料超足 鮮蝦彈牙 八爪魚腳爽脆 冬菇索晒汁🔷沙茶牛脊肉美國肉眼切得厚薄適中 火候掌控極好沙茶醬惹味得嚟唔會蓋過牛香 牛肉嫩滑 小芥蘭非常清甜爽脆🔷反沙芋頭即叫即製 糖霜外殼脆卜卜咬開係粉糯芋香 糖衣均勻又唔黏牙由滷水到手工菜都幾出色特別欣賞魚鰾煲同反沙芋 價錢中上但物有所值👏🏻

每次黎尖沙咀都想食#傳統潮州菜食過返尋味每次帶來港朋友黎食都話冇介紹錯不過我見有葉澍堃都有話好食就知我真係冇介紹錯喇！呢間潮尚居唔可以咁少人知！每次黎都有必點包括招牌紅燒翅/蠔餅/沙茶牛肉但都未及近排愛上脆皮婆參！未試過咁特別既口感唔識點去形容，脆皮但又有口感人生最少要試一次好食到我都唔記得影相影左有今期時令好juicy呢度枱數唔多建議提前訂座留意入口喺漢口道，地址喺北京道都搵左我好一段時間不過，一個字！值！

老公是潮州人，對潮州菜自然情有獨鍾。近日我們發現了尖沙咀有間正宗潮菜飯店，當然要去朝聖吧！飯店裝修簡潔，枱與枱之間有一定距離，座位舒適。🦢招牌滷水拼盤～拼盤包括滷水鵝片、豆腐、雞蛋，鵝腎及紅燒肉，肉質肥瘦相間，滷水汁恰到好處。🪹脆皮婆蔘～來自澳洲的婆蔘軟腍Q彈，皮脆帶微焦香味。婆蔘本身味道較淡，配上濃郁的醬汁後令口感更突出。🫕🥣石橄欖燉螺頭湯～螺頭湯清甜滋潤，湯料豐富。🐟紅燒魚鰾煲～魚鰾來自門鱔，爽口彈牙。搭配其他配料如蝦仁、雞件及冬菇等，十分惹味。🐔燕窩石榴雞～石榴雞因外形酷似開花的石榴而得名！餡料豐富，包括燕窩、冬筍，雞肉及香菇等，健康美味。🥢反沙芋頭～傳統潮州甜品！口感粉糯，味道香甜。外層的糖衣脆而不膩，考功夫之作！

所以呢日我到咗尖沙咀位於太子集團中心品嚐正宗傳統的潮州菜 ，呢到由資深潮藉廚師團隊烹調各種潮州美食，環境優雅舒適，窗邊位仲有屏風提高私隱度，而且店員有禮！☺️鹵水鵝拼盤拼盤有鹵水蛋、豬腩肉、腎片、豆腐等，鹵水汁由人手調配，味道相當吸引。特別係豬腩肉肥瘦適中入口即溶，還有豆腐仍新鮮嫩滑！脆皮婆參先焗後炆再炸的婆參做到表面焦脆、入口即溶，令人一試回味,值得一讚石橄欖燉螺頭湯螺頭份量厚肉、飲落清甜滋補,配上石橄欖足以暖胃，飲完仲想來多碗呀~手工炸蝦蟹棗外皮炸成金黃色手工蝦蟹棗，蟹肉和蝦肉紮實鮮嫩，與金黃色外皮互相輝映，好味燕窩石榴雞（三件可愛度滿分的燕窩石榴雞外層皮料包得好薄！裏面餡料充分包滿石榴雞粒和筍等等，細嫩多汁，睇得出係手工之作。反沙芋頭鋪滿砂糖的芋頭條作甜品，口感豐富、咬落脆卜卜，好味道呀。最後奉上功夫茶，茶味濃鬱清一清味蕾唔會太過油膩,滿足滿足👍🏻