影片
港铁沙田站 A3 出口
继续阅读
开饭介绍
以「正宗潮菜，现代演绎」为宗旨。潮庭主打卤水，鹅片肉用上潮州特产狮头鹅，用上陈年卤水汁浸泡，香料，精华渗透在鹅肉中。
继续阅读
营业时间
星期一至日
08:00 - 16:00
18:00 - 23:30
以上资料只供参考，请与餐厅确认详情
第一次去潮庭，等咗20分鐘坐低。由落單到食物來到枱面要30分鐘，每一籠每一碟咬落口都係凍嘅！第一次飲茶食啲咁難食嘅嘢！唔明白點解仲有咁多人去飲茶？絕對冇下一次幫襯，失望到極點，仲要價錢唔平。仲嬲。。
继续阅读
因為家人有coupon所以去食，食食下先記得影相。。。食物普遍口味偏淡。蠔餅如果再脆d會更好，不過感覺唔太油，炸粉亦唔多，幾好。魚蛋再彈牙d會更好。魚湯幾好味。荔芋酥/鴨（？）香口得黎唔算油。好食！
继续阅读
一向都覺得呢間環境特別污糟，無奈老人家就腳，所以冇選擇下一年不多於兩次終於來咗飲茶，同之前一樣，全部茶杯、碟、碗同筷子好似冇洗過，有殘渣已經不出奇不驚訝，全部餐具油淋淋，用熱水冲完都仲係油，筷子全對由上而下都油淋淋，無準備下唯有用濕紙巾抹完再淥。正常情况都接受5到，何况疫情下真係好5安心，感覺大排檔仲衞生，如果閣下想見識吓，温提請自備餐具！另外點心不過不失，冇驚喜而性價比低，服務差叫極冇人，有人又 5 so你，完。
继续阅读
晚上一行五人到達位於新城市廣場8樓既潮庭，由於是6點30左右就不用等就直接有位。好快咁我地就點左幾個餸，包括魚皮小雲吞榣柱津白，鹵水鵝片，墨汁鹹魚肉餅，梅菜扣肉同埋煎蠔餅。由於人流很多侍應不足上菜速度很慢，先嚟蒸蠔餅蠔餅外脆內軟味道不錯，梅菜扣肉梅菜很入味扣肉亦都相當鬆軟呢個餸菜未到必點，魚皮小雲吞瑤柱津白雲吞數量很多，湯味道很濃郁，鹵水鵝片中規中矩，墨魚汁鹹魚肉餅我覺得味道不錯有鹹香又馬蹄肉餅也煎得不錯，這個數必須要加白飯如果淨食會感覺鹹味很重。最後五日埋單約九百幾蚊，五人嚟講不算太貴也不便宜，回頭率50%
继续阅读
一家人最鍾意圍住一齊食飯，今晚就揀咗呢間潮庭叫餸食飯，環境唔錯，安排咗去角落，可以靜靜地俾大家傾吓計，而且同隔籬枱都隔住屏風，安排得幾好。菜式叫咗四囍拼盆，蠔餅，炸子雞，滷水鵝片，小雲吞浸娃娃菜，梅花扣肉同埋杏汁豬肺湯。四囍拼盆比較吸引，可以自由選擇小菜款式，都係以海鮮類為主，例如帶子、桂花蚌、花枝卷同蟹肉卷，味道清淡，但都夠晒味，口感唔錯夠晒彈牙。蠔餅都夠晒特別，一上枱就見到有好多蠔仔，但佢嘅做法比較特別，唔同普通嘅潮州炸蠔餅，類似台灣蚵仔煎，餅底係應該係加左地瓜粉，有啲qq口感，但係味道都偏清淡。同埋佢個杏汁豬肺湯，真係飲到用杏仁榨汁嘅質感，成個湯奶白色又好香杏仁味，啲豬肺都洗得乾淨。最後用中銀卡消費，仲有$300現金券回贈，計埋都幾抵食。
继续阅读