潮樂園 (和富道)

营业中

休息中

盡量造訪及回訪各米其林餐廳，也嘗試準米其林及衝擊米其林的餐廳，以米其林給人的感受去品嚐。星級：不適用。訂位：不適用（無預訂）。下單：服務員點單，應對還好。上菜：重複菜式名字。用餐環境：稍微擁擠。洗手間：可接受。北角和富道出潮菜，確實沒錯，以往有阿鴻小吃（現已搬遷），現在此店也打出名堂，還有兩家店舖挨著。作為《米芝蓮指南香港澳門2020》必比登美食推薦之一，名符其實，有獨特之處。肝併腸，分量十足，鵝腸爽脆滑口，鵝肝嫩滑，事前清潔辟味準備功夫夠，滷水入味。普寧炸豆腐，香口，外脆內嫩又滑溜。鹹牙帶魚，煎到金黃色，乾身外脆，肉不結實。黃金煎蠔餅，金黃香脆，美中不足的是參粉份量太多，少了蠔肉的口感。2人光顧，點餐如下：潮三寶牙帶魚炸豆腐肝併腸毛餅（小）外賣盒加一後，合共HK$513。

早排一直忙緊 ，加上身體有啲事，都好久無寫下食評。整理一下個相簿既時候，搵返呢間係北角食過抵食夾大件既潮州鹵水店。潮樂園，食個單餸或者雙拼都有大大件豆腐放係底，雖然豆腐拼唔係咩貴價野，但係好少鹵水店係午市會放豆腐係底。五十幾蚊仲有紫菜湯飲，又好味，又抵食。呢啲時刻，真心要推廣比多啲人知😊

4/5(中英雙語，Chinese and English review)鵝肝依然非常之正，鵝片都幾好。豬紅咸左少少，但係韭菜勁鮮嫩。蠔仔粥依然咁有層次，粥底好味，蠔仔又鮮。螄蚶好食，不過又係鹹咗少少。(Google translate)The foie gras is still very good, and the goose slices are all good. Pig red and salty a little, but the leek is fresh and tender. The oyster congee is still layered, the congee is delicious, and the oyster is fresh. The tadpoles are delicious, but they are also salty.#queenbeoly_comdine #foodblogger #foodporn #food #foodie #foodphotography #instafood #foodstagram #foodlover #

🇭🇰#香港捐窿捐罅記 #打冷滷水排行榜唔知大家點睇米芝蓮，我就覺得有少少伏伏地😗以前細個都會追住啲星星去食😛但係發覺好多都強差人意，唯一唔會變嘅就係佢哋嘅價錢😦今日就去咗間米芝蓮推介嘅打冷，有好多明星都食過🌝睇吓係咪真係咁好食🧐-🐖滷水鵝腸🐖（$88）一睇就知係新鮮腸，因為有好多肥膏🤪但係佢煮老咗，好似食緊擦子膠咁😗冇晒爽嘅質感🤥好鬼死鞋😦老人家應該直情會食唔到😪.🐽#滷水鵝肝拼鵝片🐽（$198）鵝肝整得幾好，又滑又甘香😗起碼冇煮過老，一老就超級粉😪鵝片又係老咗🤕，比較鞋口𡁻到2046 mode 😭.🦖#椒鹽珍珠蠔🦖 （$108）煮得幾惹味，香口😋珍珠蠔既體型算大👍食落去算係啤酒殺手😛第一次食呢類型嘅餸果然冇令我失望😂.🐙#蠔仔肉碎粥🐙（$88）蠔仔份量算多，食落去味道鮮甜😗但係大地魚嘅味唔算出眾🙃可以落多少少去煮🙋🏻‍♂️不過其實都唔係好明佢哋呢種食法😂感覺上係似水浸米咁😂 都有可能係我唔識食😛.🐡#反沙芋🐡（$98）潮州人好鍾意用芋頭做甜品🧐而反沙芋係其中一個出名嘅甜品😗要不停係個獲到炒20分鐘以上先有得食😗而且好考功夫因為糖係好易炒窿嘅😛食物外皮脆脆地 幾好食嘅🐷總結來說 今次係米

今日午餐時間，又係周圍想試新野，最尾行到呢間時我記得呢間餐廳係幾出名，而且門口都貼晒米芝蓮，而且啲同事都願意一齊入去試吓。由於我哋一行五人，佢叫我地去另一間店舖都係佢哋嘅，只係隔幾個鋪位。其實一入到去都已經見到好多介紹貼晒喺玻璃度啦，有米芝蓮推介有好多同唔同明星嘅相片等等其實我覺得呢度都幾抵食呀，如果連埋餐飲就更加好啦有同事就叫咗個墨魚丸撈麵$48，佢分開兩碟再有好多菜，感覺上好有heart紫菜湯有好多紫菜，不過味道比較淡有人叫咗呢個沙嗲雞球炒河$50，好有鑊氣又係加咗好多菜我自己就叫咗個滷水鵝飯$50，碗飯好大碗叫佢減半都有咁大碗😅味道好味特別係個滷水豆腐好滑好入味👍🏼我再加左個凍檸茶+$8呢個係滷水鵝三併，滷水鵝丶鵝腎丶鵝腸飯$66平時啲雙拼嘅餸就係等於單拼嘅餸咁多，只係多一種味道。但係呢度唔係，佢係每層都有一種滷味，其實真係好抵食一定會再encore

唔知點解公司嘅同事好鍾意去潮樂園，猴子今次又係反對無效，因為今日係生日嗰位同事話事。今次唔係叫套餐各自食，而係嗌餸一齊食，都好嘅，可以試多啲唔同嘅菜。先嚟嘅係滷水鵝、墨魚同埋生腸三拼。滷水鵝真係唔使多介紹，差唔多係必食嘅，雖然猴子都係鍾情於較瘦嘅鵝片多啲。再嚟係凍烏頭魚，極度少油，啱晒猴子，肉質結實有咬口，有鮮味而無腥味。韭菜豬紅亦係唔錯嘅選擇，豬紅唔會一夾就散，韭菜亦夠爽。蠔仔肉碎粥，今次叫咗大碗嘅，味道鮮甜，如果材料可以多啲就更好。荔芋香酥鴨，猴子覺得呢個麻麻，芋頭同鴨都好濃味，而且容易滯。潮陽蝦蟹棗，夠香夠彈牙，不過份量真係少咗啲，中間嘅蕃茄無人問津。欖菜肉碎炒飯，炒得好香，不過之前已經食咗兩碗蠔仔粥，夠晒飯氣，所以只係食咗少少。猴子留意到潮樂園喺門口貼咗兩張分別係米芝蓮2018同2019嘅標籤，再加上北角呢間舖嘅位置唔算係旺區，所以都幾有「隱世名店」嘅感覺。

公司嘅飲食控同事提議去潮樂園食滷水嘢，猴子本能地有點抗拒，不過又講唔出原因，但既然潮樂園曾經得到米芝蓮推介，猴子一時間又搵唔到理由反對。入到餐廳，猴子迷迷糊糊點了個滷水鵝併五花腩，到上菜一刻才恍然大悟！之前的本能抗拒，源於猴子近排食咗好多高脂肪嘢，搞到個胃有啲滯，滷水鵝本身都有點肥膩，再併個五花腩就更加火上加油。猴子一向謹慎，為免腸胃炎，所以將最美味嘅部份，即係肥嘅部份都去掉，結果享受當然減半。記得上次嚟食滷水鵝，瘦肉部份比較多，但今次呢隻鵝就比較少肉。至於五花腩，平心而論，係肥瘦適中，要嚟餸飯一流，只可惜今日真係有啲滯，唯有下次再挑戰。當然，除咗滷水鵝同五花腩，作為伴菜嘅豆腐亦係一貫有水準，夠香夠滑，猴子二話不說第一時間掃清。另外值得一讚嘅係奉送嘅紫菜湯，紫菜份量滿一碗，飲落極之鮮美，擺明係益街坊。賽後檢討，都怪自己唔識併，如果今次係併墨魚而唔係併五花腩，成個用餐體驗就會唔同晒，又或者等猴子食番幾餐清淡啲，下次再嚟認真品嚐五花腩！

潮汕的味道看YouTube 介紹的小店、果然有心機製作！首先試了歯水鵝干并鵝片！汁有香味不會太咸！兒時最愛的沙嗲牛肉芥蘭介做得非常好！水瓜洛不是每間小店都有得吃的！也做得清新可口！最後仔粥都大size ! 兩個人都吃不完！四樣野張單大約$500! 小店算是高質數非常好值得再試的！近日和富真的很多不錯小店！沙嗲牛肉蘭水瓜洛鹅干并鹅片足料仔粥

蠔仔粥加入左方魚肉同魷魚🦑十分鮮甜😋蠔仔脹卜卜重點係蠔仔量不少😍😍再加小許芫茜😎🥬🥬 💰鹵水鴨拼墨魚🦑$128（例牌）💰蠔仔肉碎粥$55（例牌）足夠2人份量❤️下次有機會一定要試埋［韮菜豬紅］

雖然已升為米芝蓮 店，但訂位都不太難，。每晚分兩場，分別係6點30分至8點15分及8點30分10點15分。今次一行6人 去食 ，個人認為食物質素不錯，價錢係可接受的。蠔仔肉碎粥 $108  我去打冷鋪必食的蠔仔肉碎粥，每一羹都有好多蠔仔，粒粒飽滿脹卜卜，，除左蠔仔，仲有肉碎及魷魚等，用料十足，粥好清甜， 食完不會覺得口渴，好好食。滷水鮮鵝肝拼鵝片 $198 鵝肝滷得好入味，鵝片肉質鬆軟，份量足，不會得幾片。滷水三併  $148 滷水鵝掌翼、鮮鵝腸及豬大腸全部都滷得好入味，滷水汁恰到好處，不會太咸。鵝掌翼夠稔、鵝腸脆嫩、豬大腸夠肥 潮州煎蠔餅 $98 好少地方落鴨蛋整蠔餅，蠔餅不會好鬆散，食落好香韭菜花炒鮮魷 $108純粹咁多肉叫個菜福果甜芋泥 $38 芋泥質感好綿滑, 甜而不膩小朋友好鍾意食。仲叫左個潮樂園招牌炒米粉 $88 無影相，太普通無特別。

星期日下午一點來午膳，都無乜人幫襯，心知不妙。原本想叫兩碟小炒，但係潮樂園同一條街分開兩個細鋪位 （見圖），出菜亦分開兩邊，一邊厨房出小炒，另一邊做鹵水和粉麵，兩店相隔幾個鋪位，小炒要由隔籬鋪攞過嚟，適逢下雨天， 一路行來嘅時候，剛好見到食店夥計從 一邊鋪頭把小炒拿過另外一邊店給食客，但運送期間餸菜完全沒有加蓋，見到外面多處簷篷滴水，所以完全唔敢叫小炒。滷水鵝片三拼飯 (可自選) 90元，有滷水鵝片、鵝腸、鵝腎 、豆腐，送例湯；鵝腸爽脆入味，豆腐滑溜、鵝腎入味又夠淋，例湯係紫菜湯 但完全冇味，有啲似清水浸住紫菜；潮樂園嘅滷水算係好味嘅，但比較淡口，我本人卻偏愛傳統濃味啲潮州滷水。汕頭魚麵 45元，好大碗，亦有唔少生菜墊底， 但魚麵 好嚡口沒有魚味，個湯又係冇乜味，要加辣椒油佐食就比較好少少。净魚餃 38元 1 碗 有八隻， 又係好多才墊底，足料皮薄，但餡料好多肥豬肉，好肥膩，湯無味。總括來說 此店祇有滷水稍微可取，其他菜式都過分淡口，有待改進，真係唔明點解可以攞到米芝蓮推介。

聽啲潮州人話呢間嘢好好味 於是呢晚同爸爸呢度呢間試食 點咗炸蠔餅 烏頭蠔餅係又脆 入面啲蠔仔新鮮多汁 絕對係上乘之作 烏頭鮮嫩有魚味 醃得啱啱好唔會太鹹 最後仲加咗個翅 味道一般般 下次可以再試呀

突然想食韮菜豬紅，找到這間在公司附近的打冷。有好多笑哈哈加上米芝蓮推介飯店，就膽粗粗去試一下。由於是平日晚上，兩人walk-in 都即時有位。我們原來由副入口進入餐廳，吃飽後才發覺餐廳共有兩個位置，中間相隔幾間其他鋪頭，大約十多步左右。結賬要到主入口付款。餐廳好細，座位好迫。動作不可以太大以免撞到隔離。我們兩人吃得不多，只點了三款食物韮菜豬紅 $58 - 值得推介豬紅有彈性、能掛湯汁、入味。*推介*唯獨是韮菜不夠多。蠔仔粥$58（例牌）蠔仔好多粒，佔粥的份量有50/50，細粒得黎會脹卜卜，而且完全無腥味。整體粥的份量都算多，可分到四小碗，但看似蠔仔湯飯多過蠔仔粥。整體來說呢個價錢雖然比出面的較貴，但都叫值得一試。加上與圖片相符，比個讚佢糖醋麵$78 - 好特別，不是每間打冷都有，值得一試！聽就聽得多，食就第一次食。待應說這是煎麵，糖和喼汁會隨麵送上枱。食落似扁身的肉絲炒麵，脆口的，麵底本身無咩味。先試點喼汁，酸酸地感覺減輕油膩感。會追住來食再試點糖，出奇地好夾。像咸肉粽點糖的感覺，把兩樣相反味道的結合一起，都好好食。吃完再看到餐牌，原來歸類為甜品。還以為是主菜，哈哈

呢間野其實之前都有食過，係唔錯既。入得米之蓮都唔差得去邊嫁啦環境環境其實都係同一般茶餐廳差唔多，唔算特別乾淨，不過尚可接受不過餐具就有種黐立立既感覺味道今次食既係單拼套餐有鹵水鵝配豆腐 + 白飯 + 紫菜湯整體而言比之前食差左鵝係唔錯，幾有鵝味不過個汁係差左，同之前食果陣比差左陣鮮味。之前食會有種想撈飯食既衝動，但今次真係無呢種感覺。紫菜湯雖然有唔少紫菜，但味道偏淡，反而突出左陣芫茜味服務服務就其實都係一般，因為佢有兩個鋪位，而我又坐左響第二鋪位果邊，所以都無乜人理我

鵝腸唔係清得好乾淨，食一條就知奶野。胡椒豬肚既豬肚又係，騷騷地。梅膏骨太鹹，肉又乾隻沙薑雞，無味。米之連推介，伏了。4個人食左9百幾，仲要坐厠所門口，環境麻麻，又有陣發霉味，真係唔值。