潮樂魚蛋牛雜粉面

营业中

休息中

好耐之前食過佢嘅魚麵，好特別，好似食緊一條條魚蛋咁，超彈牙好味，一直都心心念。琴日再去荃灣，好想再食，叫咗碗雲吞魚麵，超抵食，佢哋仲係賣緊$40嘅價錢，仲要好大碗，4粒雲吞，裏面勁多西生菜，唔叫油菜都可以慳返，超良心價錢。其他雲吞麵舖，好少有魚麵食，就算有都賣到好貴，都要買到50幾$60碗。所以呢間粉面店真係超級值得推薦👍🏻喺裏面坐咗一陣，好多街坊都係熟客，同埋啲員工超級友善。如果大家經開荃灣，可以不妨一試！

夜晚可以揀嘅嘢食唔多，唔想食太飽，只係想有啲嘢落肚，平平地食個麵。不得不讚個辣椒油，堅係正完潮州风味，夠香又夠辣！-金錢牛肚幼麵beef stomach noodles $35.00幼麵彈牙，加潮州辣椒油🌶️同醋自製酸辣湯底，牛肚亦好爽，好易咬開而且冇異味。

看起來是荃灣的街坊店本來唔覺得好特別就隨便叫一個飯我叫咗牛腩飯睇上去好一般但是落去口感非常好半肥瘦50蚊都唔使仲有野飲係香港地邊度搵非常推薦 下次來荃灣繼續食牛腩飯😃

近排食得幾熱氣，想食返餐輕營少少既lunch所以黎左食魚麵 雲吞魚麵 $39雲吞正正常常，每一個雲吞入面都有蝦肉但size比較細，如果大粒d會好d 魚麵好彈牙，有少少似魚片頭，充滿魚味。不過魚麵質地比魚片頭更加彈牙爽口，每一條魚麵既大細都唔同，令口感更加豐富。另外，魚麵味道比想像中咸少少，不過仍在可接受範圍內~ 整體都滿意既，不過39蚊黎講，性價比一般，食得唔算好飽，如果份量大少少可能會好d(σ°∀°)σ..:*☆

最近愛上咗係荃灣區附近搵食，因為實在有太多好選擇，真正街坊價錢又好味道嘅小店多的是，今日見早餐時間落嚟希望又睇吓有冇新嘢試試。早餐時間～招牌魚蛋河（加腩汁）碗魚蛋粉上枱大大碗，湯頭熱辣辣加哂分，先呷一口湯頭、豬骨湯味清、加上腩汁、香蔥粒同唐芹混在一起非常配合，魚蛋、魚片同炸片頭屬交來貨入口一般冇驚喜、不過合格，另外要挑剔的話河粉可以再煮多一、兩分鐘令到入口軟滑啲（只屬個人意見）。實話實說，綜合以上、早餐時段以$29蚊有碗熱辣辣嘅自選粉麵而且份量足真係冇投訴，支持小店！

1-5-2022(Sun)同老公喺荃灣街市買餸,出咗嚟至記起要買魚片,但唔入去啦,老公記得街市街啲麵舖有得賣,於是行嚟睇,經過呢間,真係有,但只有長長嘅一條.我哋就入去問收銀點賣,個老闆娘即刻衝出嚟答$93.00一斤,我做埋手勢問可唔可切5吋喺?佢就好想我成條買咁.我話唔係,我唔要成條.然後佢至死死地氣切出嚟磅,磅完收$34.00.買完行兩步,見到另一間都有賣,寫明$8X.00一斤,而且有幾條都唔係好長.我返到屋企磅,有5.5兩重,即收多我$2.00.到3-5-2022(Tue)我哋至煮嚟食,其實同其他平價嘅冇乜分別.

呢間表面上平平無奇既粉麵鋪，喺街市附近，基本上唔仔細望唔會發現佢存在😹😹咁啱肚餓又唔知食咩，就入去試下坐低咗，環境都幾乾淨光猛，有唔少人喺度食，叫咗佢地既招牌魚蛋河，只係$28咋！🤤以為咁平應該好細碗，點知係意料之外😂，女仔食一碗都夠飽🤓。魚蛋有三大粒兩塊魚片，麵非常多，河底較清好健康，魚魚爽口彈牙！無特別驚喜但呢個價錢係物超所值！😜😜🧡

天氣涼涼地，想食返啲熱騰騰，又有湯的午餐或下午茶，走去兆和衔，有很多選擇🤔千挑萬選，行咗入「潮樂」用橙+綠的招牌，地方頗為寬敞，衛生👌乾淨，地下冇黐立立，坐得唔逼，叫咗個下午茶：四寶河，有魚片、墨丸、魚皮餃加埋潮州手打魚蛋，河粉幼細，湯底鮮味😋真係隔兩日又再幫襯。再試牛腩粗麵，牛腩黐住少少肥膏，入口溶化，並帶啲啲羶香，瀰留在口腔與齒縫之間，真係好鬼正👍下次一定要豬手飯，因為聽到好多街坊嚟叫外賣，試完再報告畀大家知😆

見新開，就試吓。主打潮洲粉麵，我試吓魚蛋墨魚丸紫菜湯河，加杯凍檸茶，正！魚蛋，墨丸都新鮮，大大碗，都ok! 紫菜冇沙。如果湯多啲就好味啲，因為加了紫菜，比較乾身。凍檸茶加$8，大大杯，唔係太甜,ok!

上個月和朋友行開過荃灣,來到這間新開的潮樂店舖, 我朋友叫左招牌魚蛋粉和牛腩河粉,我就來了一個西式早餐,各款的味道也不錯,香滑的奶茶,用上黑白奶,真材實枓沖出來,真的好香....... 牛腩河粉濃濃的湯底真的好味道. 環境乾淨企理,坐得舒服,下單又快,上食物也快,正所謂快靓正,價錢也合理,不錯的,下次再來吃.

見呢間新開張，於是同朋友膽粗粗入嚟試下，估唔到味道不錯，這間的粉面湯底味濃，招牌魚旦粉很爽口彈牙，牛雜也好味，好抵食，食得出用心製作，服務也很好，環境都好乾淨，值得一試