潮樓煮意

营业中

休息中

凌晨一點落機後，諗緊有咩食。難得仲有茶餐廳仲未關，打電話去問營業時間。佢話做到三點，真係好！一家五口，叫咗五六個小菜，三杯嘢飲，三碗飯。辛苦晒店員，夜麻麻都可以食d正常野價錢合理，食物質素正常👏🏻👏🏻

食過一次堂食午餐，味道ok，奶茶都好飲沙嗲牛夠濃味又多汁，牛肉件數多兼淋身但夜晚外賣其實都唔差，唔太咸不過叫左個雞煲就少伏，胡椒牛柏葉雞煲件件都係骨頭，無乜肉食餐飯竟然唔夠飽

一向都覺得呢間唔錯，不過聽說佢轉左幾次手.。聽街坊講佢的鑊氣小炒幾好的，於是叫了個椒鹽鮮尤外賣拎返屋企。 呢個餸平時喺屋企可能做到，所以如果街有嘅話都好想試吓。拎到返屋企仍然都係熱辣辣嘅，脆粉做得好好，上面嘅嗰啲椒鹽同埋辣粉嘅味道都啱啱好。唯一美中不足嘅係，裏面嘅魷魚真係冇味道，可能係急凍嘅關係啦。不過呢個價錢同區入邊最平，隔離間酒樓都要賣到$110。呢間80幾蚊做到呢個價錢做到呢個味道仲要有咁多條好抵食。

難得放假可以訓醒都點幾先出去食Tea喺聯和墟泊好車近近地就嚟到潮樓煮意試下呢度既下午茶！呢度下午茶只有大概有8-10款選擇，另外仲會送熱飲！今日我就點左咖喱咸牛脷飯，一上枱已經聞到好香嘅椰香咖喱味，鹹牛脷蚊到好軟淋不過就偏鹹！用嚟送飯都幾唔錯！牛腩湯米線，湯底清甜，牛腩唔會好柴不過牛腩份量比較少！魚香茄子炆米嚟到大大碟，超多米粉中夾雜帶咸香既咸魚粒、茄子相比平時算多肉汁，加上肉碎的咬口，食到有唔同既層次味道！

有店舖新開張，午餐太多人，決定晚市先幫襯，點知一樣咁多人 最後決定行個圈8:30先去食。晚餐點了兩個小菜: 虎皮尖椒炒排骨， 紅棗雲耳蒸雞。 新張期內，原來點兩個小菜還會送一份細嘅瑤柱蒸手打肉餅。首先想講講無影相送俾你食個份細肉餅，下次會叫份大嘅食 彈牙，好好味，唔係溝好多水，一夾就散晒個啲。唔知點形容，總之好好食。虎皮尖椒炒排骨: 鑊氣好夠，好嘢味，排骨應該係新鮮排骨，送白飯一流紅棗雲耳蒸雞: 新鮮雞件，份量好有誠意，無嘢投訴，好味。最後，差啲忘記咗個碗例湯，合掌瓜湯。有湯渣，濃味，應該煲咗好耐，唔係淡茂茂嗰啲湯水。杯茶嘅茶味就差啲啲，茶色，茶味，茶香都淡，要改進下。 服務，有禮貌，中規中矩。整體體驗好好，應該會回頭。

新開張，第一次幫趁，下午茶時段，有半數人客，未算太滿座。下午茶餐牌，時間2-5:30PM，A-G餐選擇，全部$36選了B餐，星洲炒米加餐飲熱奶茶奶茶先上茶和奶味平衡，但味道又唔算好突出。等候星米期間，聽到追單情況此起彼落，也許是新開業，運作未順暢吧，等了一會兒，星洲米上枱，賣相唔吸引材料有蝦仁、叉燒，火腿，顏色很淡，咖喱粉不足，沒有太大咖喱味，粗身米粉，做唔到彈身爽口，份量是下午茶餐份量，不會太飽肚，整體味道不過不失。會試其他新餐廳，未有意慾短期內再幫趁