影片
以上资料只供参考，请与餐厅确认详情
每次到石门都一定会去呢间超地道嘅潮州小店「潮滋味」，冇花巧装修，但每道菜都正宗到喊，耐唔耐都会挂住呢度嘅小米同肠粉！已经唔知嚟过几多次～🐷 鲜猪杂扁实猪杂洗得干净冇异味，汤头清甜带胡椒香，扁实皮薄馅靓，咬落爆肉汁，暖胃首选！ 🍞 班斓酱多士潮式茶记创意！班斓酱香甜唔腻，多士烘到脆身，中西合璧嘅味道好过瘾～ 🥟 海丰小米（招牌必点！） 晶莹剔透嘅外皮烟烟韧韧，猪肉馅调味刚好，点少许辣椒油更惹味，一啖一粒好食到停唔到！ 🌿 香茜叉烧肠粉正宗皮簿馅靓热辣辣嘅肠粉皮包住蜜味叉烧，香茜份量慷慨，潮式酱油画龙点睛，同港式肠粉两回事，必食之选！🍜 香炸猪扒肠仔米粉南乳猪扒炸得金黄酥脆，肉质松化唔干柴，米粉索尽汤汁精华，加埋肠仔超满足～ 饮品方面，仙草奶茶微甜香滑解腻，珍珠豆乳豆香浓郁，两杯都系完美配搭。 呢度嘅食物保留传统潮汕风味，价钱亲民，想食潮汕小食一定要试！
继续阅读
呢间潮式餐厅开左好多年，都系第一次试，午餐去食几有惊喜下香茜叉烧肠粉：本身好钟意食皱皮肠粉，叉烧份量唔少，但个皮略为厚左啲，口感就冇咁好马駮鱼丸汤：鱼丸口感弹牙，咬落几多汁海丰小米：潮州粉果嘅外皮包猪肉同鱼肉馅，加埋个咸咸地嘅酱几特别猪杂汤：猪大肠冇腥味，猪肉丸一样弹牙多汁虽然座位比较狭窄，但食物质素高，值得一试
继续阅读
热锅小煮好食，拉面索晒啲麻辣汤底，好够味😋有好多配料：鲜虾三只、芝士肠、豆卜、海胆丸、菇、娃娃菜🤩麻辣手撕鸡肠粉好食，肠粉软熟弹牙，个餐仲包咗小食同嘢饮，真系经济又实惠👍🏻👍🏻
继续阅读
今晚嚟到石门揾嘢食，见到呢间潮州菜款式几特别，就试吓食呢间，估唔到食物令我有惊喜！.我哋叫了一碟〈潮式叉烧菜脯煎蛋饭〉及〈海丰小米套餐〉.潮式叉烧菜脯煎蛋饭 —煎蛋超大块！外表煎到焦香，内里仲有蛋汁，唔干唔老👍🏻配料有叉烧、菜脯、洋葱及红萝卜丝，份量好多饭量十足，好食又够饱肚.海丰小米套餐 — 有海丰小米 + 墨鱼丸汤 + 饮品第一次接触海丰小米呢款食品，我觉得好有特色.小米似细细粒嘅饺子皮以蕃薯粉制作，口感似烟韧粉果皮入面包住猪肉馅，食到大地鱼的味道配上蚝油或辣椒酱一齐食，系出奇地好夹好好食！辣椒油香辣、蚝油有鲜咸味咸咸香香又惹味，小米好有惊喜！😍.墨鱼丸汤都好出色！汤有胡椒味，但唔会太辣，我食唔到辣都接受到，算好饮墨鱼丸的口感厚实得嚟又几爽口，唔似坊间好腍好粉嘅墨鱼丸，好食👍🏻.至于饮品就好一般我叫了一杯冻茉莉绿茶，味道好淡，饮唔出茉莉或绿茶嘅味道而热柠水亦无乜特别.但整体而言，食物好高质，值得再encore！😋
继续阅读
潮滋味沙田石门安群街3号京瑞广场1期1楼152号舖石门呢间潮州嘢系心机小店!! $56潮式肠粉 海丰小米10粒 仲有一杯饮品海丰小米既粿皮以蕃薯粉制作 QQ弹牙的薯粉皮包裹着混合左大地鱼粉的猪肉 馅料丰富 好惹味自家制斑斓咖央多士都好好食！老板娘话系佢亲自整嘅酱黎嫁
继续阅读