潮福蒸氣石鍋 (已結業)

有次節日特登去食好野，就去左食潮福蒸氣石鍋。其實，從來未食過依樣野，都唔知有乜特別，只係一試。入到去可以自己揀醬料，可以有新鮮生猛海鮮選，蒸氣石鍋的外表如小尖山，幾特別，個presentation 係可以的，揀左一啲海鮮，包括蝦，花蛤等等，專人控制時間下都蒸得好鮮甜美味。不過埋單既時候真係嚇一跳，因為好貴，個種貴同食材本身的價錢相比，大約係三倍。感覺好唔值。好食還好食，不過，真係太宰客了。

之前同朋友食過旺角戈間覺得蒸氣火鍋好好食，D海鮮又新鮮，個粥好甜。今次帶屋企人去新蒲崗分店試下，同埋我地今次試任食，點知佢冷氣壞左食一餐飯叫人開左差不多10冷氣，比大排檔還要熱。等左好耐都冇人幫你蒸食物，海鮮又不夠新鮮。好失望...

上個月去幫朋友係王仲銘中學隔離整電話，整完原來想同朋友去食雞煲，但係又想食海鮮。諗咗幾耐下，選咗潮福蒸氣石鍋。兩個人唔係點咗好多。貝殼盛盆，整個花甲甘來試試，其實我都叫唔出全部貝殼類嘅名，但係真系好新鮮，一D味精都無，蒸出來好滑。大連鮑魚，大大隻，上面鋪滿蟲草花，真係好香，裡面D肉都嗦曬蟲草花味。裡面淡淡肉加蟲草花一起食。仲叫咗牛肉粒和牛肉，分量唔會好多，但係兩個人都好夠食啦。切得都好均勻，食起來都好有嚼口。牛肉唔老。瑤柱鮮准山粥，最後食埋個瑤柱淮山粥，就已經好飽，淮山好腍，瑤柱鮮味好濃。我個人覺得呢個好似飯後甜品一樣。服務態度好，會同你講點食最好，服務員反應好快，抵贊！

我記得我朋友曾經推薦過潮福蒸氣石鍋比我，因為我平時都好忙，今日終於得閒出來，所以就想試試呢間朋友推薦嘅餐廳，環境系幾唔錯嘅。點左D貝殼類，反正有時間，我就等佢慢慢蒸，D貝殼會隨著溫度嘅升高慢慢跟著變熟，貝殼慢慢張開口，等佢砰一聲完全打開，就證明可以食啦，好好味哈哈哈然後點左蟶子皇，好鮮甜大連鮑魚，上邊放左D蟲草花，配上鮑魚，好滋補啊和牛肉雪花紋適中，所以弄出來的肉口感特別好花竹蝦一條一條串著，好整齊，拿起身都好方便蒸左D馬拉糕同蔥花卷美國石豪撒上D薑片辟腥，好鮮美嘅味道墨魚丸超好食瑤柱鮮准山粥，健脾益胃，滋補好選擇！

長假期完結之前, 我們預早約定了两家人去食蒸氣窩放題吃過這家蒸氣鍋的人, 一般都有非常好的評語, 唯獨是價錢並不便宜! 今次竟然有蒸氣鍋放題重要係海鮮為主, 一於訂位來吃過夠新鮮的大蜆, 鮮甜惹味, 大蜆最難處理是保鮮期, 又要讓蜆吐泥沙, 還要在有限的時間及時上枱, 三種不同種類的蜆, 大大隻的蜆肉, 非常甜美好嚼口蒜蓉蒸元貝, 大大隻的元貝, 非常鮮甜美味, 以往我吃元貝的時候是會連內臟即腸一齊吃的, 但最近看很多報紙說最好不要吃元貝的內臟! 原因是重金屬等..... 其實只吃帶子部份已經非常美味!蟲草花鮮鮑魚, 時間蒸得剛剛好, 沒想到新鮮的鮑魚嚼感不硬, 邊位部份軟腍, 蟲草花的香味滲入鮑魚內今天送蒜蓉蒸龍蝦, 美國龍蝦也可以泡製得很爽脆, 蒜蓉很夾味, 真是有食神蒸肉蟹, 沒想到肉蟹也有這麼多的蟹膏, 蟹肉及蟹腳也非常結實, 鮮味到呢象拔蚌仔, 鮮甜濃郁的味道非常出! 好咬嚼感, 很出色送燉湯姬松茸龍躉, 個人是極之喜愛姬松的清甜, 龍躉的骨膠原融入湯中很甜美, 整個咀給膠著了

今日同阿媽去撐臺腳，咁就去食餐好嘢喇，聽講潮福蒸氣石鍋幾好食，又多海鮮品種揀，又有其他嘢食，阿媽話環境都幾靚啊，睇落幾干凈衛生，而且用草帽嚟當鍋蓋好特別啊，睇嚟無嚟錯，一坐低就開始點嘢食。我地第一次嚟，所以點左個套餐，覺得幾抵食，我地都肚餓喇，就首先蒸個肉來填下肚先，一份雞肉都都算大，而且配左好多蟲草花嚟蒸，可以增加營養，又可以提味，雞肉緊結，我地按照菜單提示時間嚟蒸，蒸得好嫩滑，兩個人食曬都唔覺得滯。大連蒸鮮鮑雖然唔系好大只，但勝在先材好，夠曬肥美，新鮮度又夠，一啖就差唔多食曬一只，覺得肉好彈牙，雖然細但都令人好鐘意。套餐有四只海鮮蝦，上嚟時仲好似識跳咁，唔洗講就知夠曬新鮮喇，蝦蒸一陣就熟喇，我今次連豉油都無沾，但都覺得好好食，因為蝦肉真系好爽口，清甜就更加令蝦肉加曬分喇。兩個人嘅套餐有四兩花蛤，估唔到花蛤都幾大只，而且數量都唔算少，肉都算比較飽滿，而且好干凈，唔會有沙，同樣唔洗放調料都好鮮，原汁原味我覺得最好。日本大元貝同個燉湯都好OK，個粥我地更系鐘意喇，我地選左新鮮淮山瑤柱粥粥，粥加上海鮮同雞肉嘅肉味，粥簡直系超級好食。

因為實在太鐘意食海鮮啦，所以就同男朋友一齊去搵可以食海鮮嘅地方，揾搵下就見到呢間潮福。食蒸氣石鍋要去manager到落單先。終於可以食到呢個有草帽嘅蒸氣石鍋啦。啲海鮮都好新鮮，擺系度俾我地自己任揀，想食咩就揀乜，好方便！而且全程都有靚姐服務。蒸嘢食嘅時候，利用檯下邊蒸餾水產生嘅蒸氣嚟蒸食物，就可以保留原汁原味。食材嘅精華亦會滴系最底層嘅石鍋粥底裡邊。所以首先要準備好個粥底！放米、淮山同瑤柱系石鍋入邊，食完啲蒸嘅野之後，就有瑤柱淮山粥食啦。 男朋友點咗蒸蟹，放落個蒸架嘅時候隻蟹仲系識郁嘎。佢一打開個蟹蓋就已經流曬口水啦，因為入面真係超多蟹膏吖！！！ 蟹膏多到要爆mon啦，哈哈哈哈之後就係我地食海鮮必點嘅蟶子皇，要食梗喺要食大隻啲嘅。肉質新鮮，而且有粉絲同蒜茸調味，十分香口。 南非龍蝦，店員放好龍蝦之後，調好檯面上嘅計時器，聽到嘟嘟聲就有得食啦！！！蒸蜆，唔洗加任何調味嘅海鮮，可以食出海鮮嘅鮮甜原味。

上次飲漏咗個湯深深不忿，要再食多次補數今次去咗新蒲崗潮福，我比較鍾意呢間分店，舒服得嚟服務態度係最好自從出咗半任食之後都係食呢個雲腿粒冬瓜燉螺肉，好好味呀!!今日終於飲到，如果任飲就好嚕南非龍蝦，龍蝦爽口彈牙貝殼盛盆，今次有某款蜆有沙，不過整體都好鮮甜自選海鮮，其實次次我都係揀呢幾款食，不過今次冇咗蝦揀嚕一見到隻肉蟹就覺得值回票價，啖啖膏啖啖肉，又香又鮮黃金蚌、大連鮑魚、日本大元貝、蟶子皇樣樣有真係特別開心，仲要樣樣都新鮮好味出咗呢個半任食之後食潮福都唔肉痛

環境同氣氛、仲有地理位置等等一系列嘅因素都系會變成我挑選餐廳食野嘅列表因素之一，所以綜合咗咁多條件之後，有時候好難先至可以揀到幾間嘅，畢竟唔會有餐廳可以做到完美嘅程度。我首先要提個系潮福蒸氣石鍋嘅燉湯，味道簡直系唔得彈吖，可以同專業煲湯師傅阿姨相提並論喇，老火靚湯先至不過如此之嘛，很濃鬱嘅湯味。鮑魚都唔錯下，雖然未達到頂級水準，但係都已經係超一級水準，鮑魚肯定系屬於一級原材料喇，會非常之新鮮，鮑魚嘅原汁原味都可以完完全全包裹系入邊，咬一啖落去，好似將成個鮑魚都囊括於口中咁。蒸南非龍蝦，宜家想起 都令人覺得回味無窮吖，龍蝦肉真係好鮮嫩，龍蝦龍蝦，蝦中之龍吖，點解就可以咁好味咧，完全令人沉醉其中喇，龍蝦肉不會特別多，就系係正常範圍之內喇，但係真係好想食吖，蟹膏都挺多的，蟹膏好有營養。

今天上班真係已經快要攰死我喇，平時成日都話覺得好得閒，宜家突然之間就咁忙，真係令人招架唔到咯，好像過翻以前咁安逸嘅日子呀，邊個可以過來解救我吖，唔開心，咁就去食喇，好開心？咁都系去食野慶祝喇。好好、潮福蒸氣石鍋的蟶子皇其實賣相都幾靚下，會叫人見到就想食咯，特別系佢入面嘅醬汁，真系認真唔錯，我挪其他嘅來搭配哩個醬汁都覺好好味。自選海鮮蕃薯蜆，一直都覺得好令人好訝異嘅食物，我系鐘意食肉嘅人，所以覺得都幾新鮮下。值得一提嘅就系馬拉糕，我一直都好鐘意馬拉糕咁脆口感嘅糕點，馬拉糕不會太甜，而且不會太軟，價錢也好抵。終於到咗蟹喇，蟹好大只，真系好大只，蟹肉蟹膏好自然嘅味道，應該系蟹本身就好生猛嘅，就算系不用調料都覺得好好味咯。日本大元貝，果真系我見過嘅大元貝，味道方面無得彈吖，幾個都未覺得夠喉。

新蒲崗是我最近會經常來的一個工作地點，老同學屋企真系離哩間潮福蒸氣石鍋比較近咯，由於晚上借宿係佢屋企，所以我地有時都會去佢度食野，其實都幾多好食嘅。大元貝真嘅系大吖，元貝真系大得嚟又好多肉，睇落就覺得正吖，滑滑地，超級好味，清淡得嚟又不會覺得太淡。西洋菜燉排骨湯，西洋菜可以吸光曬所有排骨入面瀝出來嘅油脂，排骨都系比較高級嘅，肉質雖然比較嚡，畢竟系排骨吖嘛，我認為骨頭同青菜都系其實系好夾嘅，畢竟兩者之間可以互補得非常之好，油脂同味道方面都可以做到平衡。象拔蚌仔，好簡單嘅一味，雖然分量系少咗啲，象拔蚌仔裡面嘅粉絲都不可忽視，其作用俾我地想像中嘅要重要得多喇，裡面最精華嘅梗系象拔蚌喇，下一次可以多點啲，好鐘意食咯。蒸聖子，我覺得同象拔蚌仔有異曲同工之處，都係肉質好好口感，經由粉絲嘅搭配，落翻小小蔥花、蒜蓉之類咁都可以好好食。

去年來新蒲崗掃貨，相隔多時，今天重臨此地～再掃貨。 一行4人，掃貨後，真係好肚餓。 反正去年夏天曾光顧這家蒸氣石鍋店，不如再去這家吧！ 當時是散點晚餐，但因為要左計右計， 就住就住來點選，所以品嚐的款式不多。 4人埋單千多元，即是每人3百多元。 現在餐廳變為半自助了，每位338元 在限定十款海鮮，任選五款 其他食材任食，計落＜半自助＞的形式有著數。 不用再受束縛了，今晚來盡情地享受吧！ 今晚客人很多！只需抬頭一看～煙霧迷漫！每枱蒸氣鍋都在工作。這個矇矓的天花板，與去年夏天剛開業時，清晰可見的天花板有很大對比。就坐後，先到醬料自助吧，調制喜愛的沾醬吧！發現這次，餐廳配備了花椒油，陳醋。 雖然汽水啤酒任飲，但自己選擇喝茶。 二款燉湯　忘了每款名稱，湯很清，內裡的肉很腍滑，就連豬骨都已變得軟棉棉了。 貝殼盛盆　好多款的貝殼，每人分到一碟。可惜不懂分辨每種的名稱：蜆？蛤？ 生劏龍躉件　蒸出來的龍躉肉，看到龍躉件厚厚的魚皮，是骨膠原呀！蒜蓉不太多，才可品嚐到淡淡的龍躉肉的味道。肉質也很結質呢！ 美國石蠔　　没有蒜蓉，以薑蔥來調味。反正這家餐廳很多款海鮮都配以蒜蓉，來一個薑蔥蒸蠔也

今天同S妹過來新浦崗，發現呢邊有一間潮福蒸氣石鍋，對呢度既海鮮真系念念不忘咯。S妹都話好耐無食海鮮想試下，于是我地決定入去食返餐，我地懶得自己慢慢揀，選左一個蒸氣鍋海鮮餐，裡面有龍蝦、鮑魚、花蛤、雞同埋時蔬，配料自己隨意搭配。由於我之前有食过，已經比較老手了，所以點樣蒸法都系我來包辦，先蒸左個龍蝦先，蒸出來既肉質飽滿彈牙，好爽嫩。鮑魚蒸果時比左小小蟲草花一齊蒸，結果食落又幾好味，鮑魚肉質爽口之餘有D蟲草花既清甜，店家處理海鮮的手法好好，食甘多次都無食到好海腥味。花蛤當然唔少得粉絲蒜蓉呢兩個好基友喇，甘樣既搭配真系百食唔厭。至于滑雞想蒸得健康最好就加紅棗蟲草花喇，店家都識得藥膳搭配，所以次次都可以蒸到一鍋清香嫩滑的雞肉煲出來。至於時蔬蒸出來之後依然爽嫩新鮮，就算唔加醬料都已經好清甜了。今次S妹食得好滿意，話我無介紹喔，下次都要帶佢幫朋友過黎試下。

近來香港好興蒸氣火鍋，因為乜都要健康，蒸又的確健康啲！今晚帶左舅父仔一家去食蒸氣火鍋！先揀一個粥底，揀左瑤柱鮮准山粥，見住啲材料放晒係個鍋度，好多材料，煲好後即刻"不"左碗食，甜甜地，米多所以粥都"傑"，粒粒瑤柱都淋，粥內充滿瑤柱味。有一堆食物係任叫任食的，先試馬拉糕，甜甜地幾軟熟。再來雜菜籃，有菜芯，黃牙白，粟米等。粟米好甜，不過其實咁食菜唔係咁好，啲菜淋晒好似無晒營養咁。估唔到蟲草花清遠雞的蟲草花蒸左咁耐都幾爽口，雞件夠嫩滑，好在任食，我前後叫左3次！丸類新鮮，豬肉丸鮮蝦丸都係手打，幾彈牙的！海鮮每枱可以揀五款，肉蟹非常鮮味，雖然拆蟹鉗麻煩，但值得，因為蟹膏多，蟹肉又夠鮮味！花竹蝦有啲蒜蓉舖面，所以好香好惹味，花竹蝦都有成隻手掌咁大隻！美國石蠔蒸完之後就遜色左啲，un un地同埋好痴牙，食完要用牙簽徹底清理！Overall海鮮都唔錯，挺鮮味，淨食海鮮一定唔飽，好在有其他任叫，可以好好填飽肚。

《 潮福蒸氣石鍋 》拿～今次既食後感係好多人推介，又幾出名既蒸海鮮專門店😬識食呢間野，仲要抵食啲既話，一定一定要叫套餐！窮人如我者，千萬唔好散叫啊😫食窮自己🙈哈哈因為因為因為呢～～～～～～因為我散叫左下圖既呢隻大蝦要差不多$400😳😳當我知道左價錢後嚇左一大嚇，但由於叫左了，都算了，但真心震驚🙈之但係呢，其實套餐都有包埋呢隻蝦😳😳雖然細隻好多，但大佬啊！套餐包左好多野食，例如：鮑魚啦、超大帶子啦、聖子啦、同一款大蝦啦有粥啦等等足夠食飽一個大男人都係$398😄竟然平過叫一隻蝦囉！我可以講啲咩？雖然隻蝦又的確係好生猛好大隻好鮮味既～～～唔好食都唔會專程額外叫多隻啦～～～但！都係覺得嚴重蠢左，銀包在淌血..........😭😭😭個心好拿住拿住啊😞😞所以我決心要提醒你地，要食，就記得9點半後食套餐（或其他有套餐既時段啦）食既野都算差不多，但價錢合理好多好多！套餐我覺得收費算合理～～起碼，唔會有散叫既果種驚訝😅散叫既話，我唔會去食，因為我太窮，食唔起 · ·抱住充滿懷疑既心態食左傳說中個個都話好鮮甜美味充滿海鮮精華既粥底，食完後發現：話有海鮮精華鮮味既果班人，50%講大話，40%無味蕾，剩返10