潮鍋

营业中

休息中

胡椒豬肚雞鍋，雞、胡椒和雞是分開上枱，好處是煮雞不會過熟，胡椒濃度自己控制，但因沒有熬煮，湯頭仍不夠胡椒味，而雞肉質地偏柴，淡。黑柏葉應該經過泡水加工，無味。店長強力推介的魚丸，有點腥味。腩底還好，但份量少略貴。潮式邊爐，還有很多其他選擇。2人光顧，點餐如下：胡椒豬肚雞鍋 $338腩底（小） $298醬料 x2 $56爽口黑柏葉（份） $88潮州鮮魚丸（6粒） $58皇帝菜 $48蒿筍片（份）加一後合共HK$1,027。

偶然間和朋友經過這間位於灣仔的火鍋餐廳，雖然價格較高，但整體食物質素相當不錯。特別是他們的鮑魚刺身和手切牛肉，是我最喜歡的菜式。刺身非常新鮮，而手切牛肉則肉味濃郁，大約灼8-10秒就夠了。蟶子王的鮮甜令人驚艷，完全不會嚼勁十足🤩至於湯底，算是中規中矩，不喜歡辣湯底的人也可以嚐一下這個番茄土豆湯底🍅🥔。二人火鍋套餐 $988▪️南非鮑魚刺身▪️金沙魚皮▪️蕃茄薯仔腩排鍋 ▪️聖子皇▪️本地手切牛肉▪️山東羊肉片▪️雲吞，水餃，九菜餃▪️滑豆腐▪️鮮黑柏葉▪️烏冬▪️時令菜蔬▪️時日甜品

樓面只有四眼叔叔做嘢，雖然我唔覺得係好忙，佢應付唔到壓力，你叫佢做嘢佢會話我得一個人兩隻手要等，佢攞張單嚟，你遲咗半秒應佢，佢會再問你係唔係叫咗埋單,態度好吹趕。其他員工態度好好完全冇問題。生意已經唔好，咁樣趕客唔係辦法，餐廳嘢食好食，希望老闆留意下服務質素，等我哋可以繼續嚟。

星期日夜晚食火鍋，人不算多，最怕食物不夠新鮮，潮鍋是朋友推介，火鍋食物質素非常高，雖然覺得喺香港打邊爐好貴，但係都想支持高質素的火鍋店！當晩最驚艶的是椒鹽魚蛋，平時也是魚蛋愛好者的我，總是對魚蛋評頭品足，今晚呢碟椒鹽魚蛋，一個字嫩，新鮮彈牙，椒鹽惹味，吃出了魚蛋新高度！😋😋😋朋友喜歡象拔蚌，所以我們也叫了刺身，切得不錯，也非常新鮮，我自己不是很愛魚生，所以放在鍋裏灼一灼，鮮味無比！在香港吃牛肉，最慘同大陸比較，這碟牛肉叫腩底，肥瘦適中，除咗價格係大陸嘅三倍，牛肉質素相當不錯！另外叫了田雞，新鮮劏，非常好味 （要知道，不是間間火鍋店都有生劏田雞😜）水餃、雲吞一食都知道材料新鮮。火鍋店最重要的是火鍋料，夠靚夠新鮮，即使我認為唔算平，起碼都有食物質素！雖然餐廳話有八折，我們埋單都要$19XX. （2 個人）火鍋店其實有套餐選擇，不過我自己好怕套餐唔係俾啲好嘢我食，所以我都係prefer 叫自己喜歡吃的火鍋料！A highly recommended HK style hotpot restaurant. What’s HK style hotpot? You can enjoy sashim

叫咗涼瓜石斛湯底，幾特別，清清地，飲完湯亦都唔會覺得口渴，應該冇乜味精。吊龍伴肉質嫩滑有肉味，大概灼8-10秒就食得。而且我覺得呢度嘅牛肉唔需要特別去點調味料，就咁食反而好食過點豉油。特別一提個魚蛋好好食，而家已經好少見到啲咁有魚味嘅魚蛋，而且都好彈牙。墨魚滑亦都好彈牙，但相對上就比較淡墨魚味。最後送咗個甜品係椰子布甸，好清新解濟。環境好舒服，感覺上周圍都好乾淨。而且侍應服務好好，全程不停問你有冇咩幫忙，或者會主動加湯比你，呢樣好重要令我哋會再回頭去幫襯。總括嚟講食物質素中上，大部分野都8/10，服務同埋環境10/10。

灣仔同事食飯 🍚 揀咗潮鍋，都坐得舒服😌，但經理🧑‍💼同女侍應服務麻麻，反而男侍應貼地d。每人揀咗個套餐，有餐飲，上咗一杯🥃茅根竹蓆水，好清甜，仲有酸梅湯揀。再嚟就中餐🥢有中湯紅蘿蔔🥕佛手瓜豬骨，ok, 日餐有面豉湯。主菜我揀咗獅頭鵝腸撈面（$158），走薑，但經理🧑‍💼幫我全走😅變得冇乜味，鵝腸又唔夠肥，唔掂，雖然有鵝汁，但都補唔到d味。甜品🍮有panna cotta, ok。都飽既。

繁忙的灣仔太河街街道，中間位置有間高格調食肆-潮鍋，鋪內有品味裝潢，坐位舒適，空間感闊落，可以好好享受用餐，還有牆上美麗壁畫點綴，和同事光顧過數次午餐套餐，款式選擇多，有湯附送，中等價格但值回票價。帶家人再光顧晚餐主打的打邊爐，高品質食材，牛肉靚，龍蝦刺身新鮮足秤啖啖肉，兩食椒鹽香口辣度適中，糯米飯和炒麵線亦非常出色。店員招呼周到，誠意推介食材，上菜時間都適中。衞生環境都理想。另外原本內部有房間提供，可以預約，良朋好友自成一角，增添氣氛。值得推介

之前都來過，食過魚生丼飯同海南雞飯，今次試三文魚丼飯，三文魚都幾好食，不過個人比較中意海南雞飯。中午時段有時會有竹庶水或者酸梅湯飲，飯後有時會有甜品。呢到裝修好靚同埋坐得好舒服，員工服務態度又好，所以久唔久都會來。有機會都想來試下打邊爐。

呢排係灣仔返工 同事帶左我去一間門面好神秘的日本菜食lunch 入到去裝修係高級火鍋店 但係午餐時段係食日本菜 而晚餐就會變回火鍋店 店內仲有個魚缸養海鮮 即係代表係呢到食海鮮會好新鮮😍下次要同朋友黎試下🥰講返今日個lunch 我地揀左「照燒原條鰻魚丼」和「豚肉生薑燒定食」我地其實係為左條鰻魚而過黎到此一遊 條鰻魚果然無令我地失望 真係長過隻筷子😂而且肉質好肥美 好彈牙 鰻魚汁味道好好味😋😋豚肉生薑燒都大大份 肉質比較薄身 味常正常發揮 而每個定食都會跟前菜同沙律 而且仲有特飲 今日特飲係「竹蔗茅根」 唔會太甜 落足料特飲 唔錯👍🏻餐廳仲設有獨立vip房 可以唱k 最多可以有16人一齊打邊爐 岩哂一班朋友過黎開派對 正😁😁

今日出左灣仔，朋友帶左我去一間火鍋店食Lunch，本以為晏就打邊爐咁豐富，原來呢到有Lunch Set🤩我地一人叫左一個午餐Set，價錢大概$88-$188，有熟食、丼飯等等…都幾多選擇！🤗「照燒鰻魚丼」超超超超超級大條鰻魚，打卡度一流！魚肉厚身惹味，加上有鰻魚汁配飯，絕配！呢個餐仲配有漬物、沙律、麵豉湯、自家製飲品！😋「無骨海南雞飯」海南雞比左雞髀肉，肉質嫩滑，蘸辣汁更惹味，油飯大大個，仲有西洋菜蘿蔔湯，好豐富😆潮鍋📍灣仔太和街28號地舖

想搵個舒適嘅地方食晏，潮鍋係唔錯嘅選擇，靚靚裝修，環境乾淨寬敞👍🏼👍🏼午餐Menu選擇有趣，除咗幾本熱食之外，仲有刺身飯🎈照燒鰻魚丼店員推薦，係原條超肥大嘅鰻魚🥰好厚身！配埋麵豉湯、清新沙律菜，幾適合夏天😌😌胡椒豬肚花膠雞泡飯 胡椒豬肚湯，好好飲，胡椒嘅辛辣味道真係好吸引🤤🤤除咗豬肚之外，仲有花膠、雞件，配上白飯，就成為簡單美味嘅午餐，唔肥膩，又有啖湯飲吓，過幾日再encore😎😎

係灣仔返工，有時食lunch會係灣仔街市買餸，因為價錢較大眾化，街市格局亦親民，所以無諗過買完餸行返出黎，會見到一間裝修咁靚嘅潮食潮流餐廳「潮鍋」，於是決定入黎試一試佢地嘅午市套餐。行入黎「潮鍋」，最搶眼必定係畫有哥哥同梅姐嘅大壁畫，配襯墨綠色嘅牆壁顏色、復古的燈飾，以及棗紅色皮質卡位梳化，立刻感受到一種懷舊的氛圍和氣息。餐廳內亦播放舊的粵語流行曲，這種體驗令人放鬆身心，以享受美食和美好的時光。夜晚黎「潮鍋」，可以潮食潮州菜同打邊爐，至於食lunch，我地就叫左兩個套餐，分別係胡椒豬肚花膠雞泡飯（$128）和無骨海南雞飯（$88）。胡椒豬肚花膠雞泡飯豬肚是這道菜的重點之一，口感爽脆，非常有嚼勁，加上花膠和雞肉鮮美，讓整道菜豐富多樣。胡椒的香氣和味道非常突出，將米飯加入到胡椒雞湯中，再一羹一羹送入口裏，米飯吸收了雞湯的濃郁味道，口感軟糯，味道香濃，值得一試。無骨海南雞飯雞肉非常嫩滑，口感非常好，米飯經過特殊處理，口感Q軟，讓人驚艷。而且配搭濃黑醬油和辣椒醬等醬料，增加整道菜式的風味，口感鮮美，亦香氣扑鼻，十分清新。兩道菜餚各有特色，無骨海南雞飯口感清淡，而胡椒豬肚花膠雞泡飯則口感濃郁，非

一直很少去火鍋店,因為它並沒有什麼特色。可是,最近朋友介紹了一間新開的火鍋店-潮鍋,令我刮目相看。這裡的菜品充滿特色, 在此跟大家分享一下當日的菜單:前菜: 潮州墨魚卵粿(味道正宗)日本劍先魷魚刺身(極為鮮味,竟然出現在OMAKAZA之外的店)炸普寧豆腐(味道正宗)生醃牡丹蝦(咸鮮咸鮮)火鍋配料:本地手切牛肉 ( 款式不少,肉嫩味足)新鮮鵝肝 (十多秒即成,入口即溶,齒頰留香)潮汕牛丸、潮州魚蛋(味道正宗)豬王喉(配合沙嗲湯底, 口感特別)竹笙(非常出色)白鱔片、田雞(這裡不主動提供豉油及調料, 只付上兩款醬供火鍋用,一款是沙嗲醬,另一款是特色豆醬。這款特色豆醬用來吃海河鮮,簡直是畫龍點睛,強烈建議大家試一試。)吃罷, 干上幾杯老酒,再點份炒面線及蠔烙作結 ,滿足的一夜。

潮鍋-舖頭裝修好靚。有幾間獨立房仲可以唱k。1間房可以坐十幾人又舒服。食物質素好好今次同屋企人第1次黎。質素可以再同朋友黎食飯+唱k推介刺身勁新鮮原條鰻魚飯大過隻手

每當有朋友生日🎂都會諗食咩好🤔最近俾我搵到間高質嘅潮式火鍋🥘本人超鍾意打邊爐又係牛魔王🐮對火鍋嘅配料嘅要求就係👉🏻一定要新鮮好味鍋底夠足料夠味今次就試吓呢間新開嘅火鍋店一入門口見到啲裝修擺設好靚好特別我哋坐底點了幾個餐前小食小食有驚喜鹹蛋魚皮口感鬆脆鹹蛋味濃普寧豆腐 外脆內軟墨魚卵粿口感煙韌冰火尤魚鮮甜帶微辣好開胃店員💁‍♀️推介我哋時令刺身見小食掂就試埋佢哋嘅刺身象拔蚌 、 海膽 、生蠔估唔到火鍋店嘅刺身仲好食過某啲日本餐廳爽口鮮甜一問之下原來佢哋嘅刺身係由日本直送到港，唔怪得噤好食啦魚子醬生蠔🦪不得了生蠔爽甜肥嘟嘟終於到戲肉喇🥘開爐點了兩個湯底： 沙嗲鍋 & 椰子雞鍋呢個沙嗲鍋不得不讚濃稠不稀身濃郁惹味平時打邊爐好少叫沙嗲鍋，因為好難搵到一間好食嘅呢個一試愛上牛肉必食 👉🏻吊龍伴香滑牛味濃多汁黑毛豬 肉質滑嫩肥而不膩鵝肝通常食西餐先會叫，見店員推介又試吓超掂鮮甜唔油膩，冇諗過鵝肝用嚟打邊爐係噤好食㗎仲有佢哋嘅牛丸、墨魚滑、潮州魚蛋、鮮蝦水餃都好好食當晚開咗支佢哋火鍋店出品嘅Sake🍶清甜易入口打邊爐飲sake🍶又幾夾喎聽店員話最大房間可以容納14人有得唱埋K 可以安排一人一鍋打邊爐下