潮龍園

营业中

休息中

哎呀，潮龍園真係令人失望到極點！😖首先講佢哋啲嘢食啦，味道真係麻麻地。🍜 牛腩米嗰碗細細個，份量少到你以為自己食緊樣本咁！🥄 食完仲要肚餓添，真係浪費時間同金錢。💸環境方面更加慘不忍睹，擠迫到你舉手投足都要小心翼翼。😰 感覺好似俾人迫喺沙甸魚罐頭入面咁！🐟最令人不能接受嘅係佢哋啲職員態度！🙅‍♂️ 有次我反映份量比平時少，佢哋雖然肯換，但係嗰個中年四眼男職員嘅態度簡直係惡劣到冇得頂！😠佢大喝一聲就縮開，好似我咬佢咁！😳 然後用筷子喺碗米度亂攪，一句嘢都唔講就拎走咗碗米。真係覺得自己好似罪犯咁被對待！😢講真，我絕對唔會再幫襯呢間舖！🚫 感覺就好似貼錢去買難受咁。💔 每諗起嗰次經歷，都覺得好無奈同憤怒。😤如果你問我意見，我會話千祈唔好去潮龍園！🙅‍♀️ 香港有咁多間好嘢食，根本唔使委屈自己去食呢啲咁差嘅嘢。🍽️總之我以後都會繞路走，唔會再踏入呢間舖。🏃‍♂️💨 希望你都可以搵到更好嘅選擇，唔好浪費時間同金錢喺呢度啦！👍😊

諗住入去食個牛河 枱都未準備好就叫人入去 地下又油。。有個四眼長頭髮阿姐態度差到爆 好聲好氣問嘢 串到乜甘食物又唔係好食 本來都唔期望好食 但加埋間舖有陣💩味就真係完全食唔落貼錢買難受 一定冇下次👎👎👎👎

🤔太子｜潮龍園 #丁丁香港探店 46HKD地址：太子西洋菜南街237號地舖 -也是一家開了很多年的店了最近裝修完環境變好了很多不知道吃什么的时候可以来随便吃点儿- 崩沙牛腩拼牛肉丸 崩沙牛腩味道非常棒～很香的牛肉牛肉丸就没有那么香了不过也还不错- 腐乳通菜 不是很贵适合加点蔬菜平衡一下

以前如果要食粉麵，無論質素定價錢，潮龍園一定係不二之選。幫襯左潮龍園都有三年，開頭真係好好食，好食到我會介紹埋身邊嘅同事同埋朋友去食。最近兩次去食，感覺唔同咗。唔知舖頭係轉左手定係點，氣氛亦大不如前，好似冇咗以前好和諧嘅感覺⋯⋯本着以前好多次都係好好食嘅好印象，今次都係再試多次，睇吓質素會唔會高返。叫咗四寶河配腩汁、炸醬麵拼鳳城水餃，另外叫咗個魚皮。四寶河冇以前咁好食，炸醬麵都辣左⋯而鳳城水餃放喺湯另上嘅時候個皮係爛爛地。個魚皮又淋又鹹⋯未試過食魚皮係唔會追住食同食剩⋯至於服務態度方面，係得收銀（後生嘅姐姐）有禮貌之外，其他真係麻麻地⋯我見到佢好似會搬鋪去傷心酸辣粉個鋪位，希望佢搬鋪後會改善返，做返以前嘅水準，如果唔係可能都會慢慢唔再幫襯。

抹檯女待應，不洗手不用任何工具徒手拎已切好的檸檬沖茶，送到都唔敢飲即走。下單又錯，餐具上沾滿上手留下的食物殘渣，從服務到衛生無一是處。永不光顧！差，差，差，勁惡劣

昨晚去吃碗米粉，見到呀姐用條毛巾抹完枱又抹膠隔板後，再用來抹掉辣椒油蓋的內同外，非常嘔心及不衛生，在疫情下這樣做，如有食客中招，真係不堪設想。見到呀姐咁污糟，我連碗粉都吃不下，立即埋單走人，以後都唔會再幫襯！

呢間粉面舖啲服務態度勁差，叫左一個雜河，一個牛三寶，佢啱寫完紙仔價錢，但我即刻改話唔要牛三寶，改埋雜河，佢一邊聽話好，一聽走，跟住嚟錯，但死都屈我話無改過，仲有態度勁差，真係一肚氣，以後都唔會幫襯。

這天趕時間，只有不足半小時可以吃午餐，走過這家叫潮龍園的麵店，就立即走進去。坐下來點了一客兩餸麵，點雲吞和冬菇，說沒冬菇，那就要雲吞和蘿蔔吧，又說沒蘿蔔，最後點了雲吞生菜米粉加牛腩汁，另加凍檸檬茶。米粉上桌，看湯頭的顏色就知道沒加牛腩汁，試一口，淡如開水，唯有請店員給我牛腩汁，加了牛腩汁，味道稍為好了一點。至於雲吞，煮得太軟，似乎在水中煮了很久很久，幸好味道還是可以的。生菜嘛，有的已變黃，不過價錢便宜，可能就是這水準了。麵店不算太大，環境和服務一般。

有天沒有甚麽想法，於是竟由旺角一直走到此處，又不想站吃酸辣麵，結果便來了以往打完麻雀最喜與朋友一起來的麵店。😏甫進店，就聽到有人在罵人，不知幹嗎，而其他食客都靜靜的吃東西。太久沒來過，因此，還是加了$8點了雙拼麵。牛腩拼魚蛋米線，多荵。想不到，雙拼加了$8，竟然只有兩小顆潮州魚蛋，簡直可謂呃錢。🤑米線又碎，但多荵的確非常多，牛腩偏瘦，脂肪不太多；魚蛋不太鮮香，挺彈牙，但就只有少少兩顆，真可憐。

係太子普通茶記早餐多的是，黎黎去去都係食火腿通沙嗲牛麵，食都食到厭。而潮州粉麵開咁早，又有得食早餐就真係好少。呢日咁岩有時間，就去左呢度食個雲吞河做早餐。坐底完就好快點左野食，然後個侍應攝左張單寫住29蚊，有粉有熱飲，價錢算正常。等左一陣，碗粉同杯奶茶就送到，一望有四粒雲吞，啲粉同蔥蒜荽茜份量都夠。個湯清清地，加埋啲蔥有啲清香，雲吞蝦肉彈牙，皮薄無爛，河粉唔會太淋，飲埋杯正常味道既熱奶茶，簡直係一日既好開始

行街街經過 , 發現呢間一直好想幫襯 , 但又從未幫襯過的「潮龍園」粉麵舖, 於是就行入去食碗粉。魚皮餃 拼 魚蛋 (米線) : 魚皮餃 , 有三件，質感好厚實 , 餃的皮好食，食落有肉香有油香又有咬口感 , 都幾好吃。魚蛋 , 有三大件魚蛋，方方地形，質感爽口，滑嘟嘟又彈牙 , 重魚味又有胡椒味 , 真材實料，好味。 米線，好滑食落又爽口 , 個湯底好清唔會話好多油。為咗配合食呢碗 魚皮餃 拼 魚蛋米線，我就叫咗一罐可樂，冇諗過原來食米線配可樂會係咁好味。正！

潮龍園食品便宜又好吃去完內地旅行 在太子解散，總想吃點東西才回家。潮龍園的粉麵實在不錯，我們叫了魚片頭米粉及魚旦河粉，二碗只售五十大元。這兒的粉麵份量很多，魚旦 魚片也好好味，不會太爽太爽的，是有少少稔那款，我較喜歡這種感覺。潮式粉必定有香葱蒜頭増加整個麵食的味道，便宜又好吃。

咁岩經過太子好餓，沖左入黎點左碗牛筋河醫肚，牛筋又蚊得幾正，好有膠質而且河粉都好多，食到飽飽先出去。順帶一提，今次有加埋個油菜不過想講下佢個通菜個腐乳醬好好食。個時有啲想加多碟通菜😂推薦大家如果過黎食呢，可以加多碟通菜一齊食！

旺角太子區要食粉麵真係幾步路就有一間，要平有平，要名店有名店。而肚腩男就幾鍾情哩間潮龍園。入到去叫佢既名物崩沙腩，今次叫左米粉底。望落色水健康，湯清腩汁味香，而崩沙腩係牛的橫膈膜，筋膜連着少許的肉，肥瘦剛剛好，食落脂香味濃又腍滑，唯一少少可惜既係哩度將牛腩切得太薄，會影響到口感。不過潮龍苑既價錢真係超值，四十幾蚊就食到崩沙腩，閒時都可以過足口癮！其實除左牛腩馳名之外，哩度既自家牛丸同魚蛋都好食彈牙的，識玩既客人多數都會叫一個粉麵再加碗淨丸慢慢嘆

#小秘書 聽晚就出發去 #Kimchi國 喇🥰 不過臨放假公司先嚟單勁嘢，搞到 #小秘書 呢幾日忙到有氣無頂透😅 好在六點鬆啲就趕起份report 🙌🏻 比 #Boss 過目後終於完工，我仲可以偷啲時間出去 #太子 #花園街 買啲 #日用品 去 #旅行🤩成日無咩食嘢，遠遠聞到陣 #牛什味 就被吸引咗過去，本來仲想加碟 #炸鯪魚球 㗎🥴不過唔想咁fat fat就要忍吓口... 最終我只係要咗碗 #牛什米🐮湯底好咸，唔夠熱😅 不過 #牛肚 嘅質感唔差，其餘部位一般，但係都入味嘅😌 $29算係咁啦！