潮龍園

营业中

休息中

今日喺荃灣， 見下午茶時段， 店舖內冇咩客人， 就入去食碗麵。 之前黎過一次， 服務體驗都係一般。但普通粉麵舖， 如果唔太過份，都冇咩所謂啦。但係今日食物非常一般，唔可以話好味，崩沙腩唔掂，麵好淋，但求其啦。 重點係服務及衛生超惡劣，有位高高瘦瘦， 紮起頭髮嘅亞姐，用客人的筷子夾枱上的纸巾和垃圾，很恐怖。另外，餔頭其實冇乜人，但佢係特登執晒其他枱食完果啲碗和杯，係正我張枱倒來倒去，啲水彈黎彈去，相當噁心。我望一望佢，佢個樣好囂張， 我諗應該係特登嘅。 見咁嘅情況，我都唔想繼續食。 用餐時間連坐低，少於20分鐘。 我終於明白， 點解間舖頭而家咁少人

平時係到買開宵夜俾娘親食😂今日到自己試下堂食 去到見到已經無咩位 不過一個人搭下枱無咩所謂啦叫咗個肥腩麵走青 😅但啲蔥多到遮咗半碗面積咁制🙃但牛腩就真係有肥到嘅不過我覺得個湯加咗辣椒油之後好香其他嘢就不過不失啦另外叫咗碟腐乳通菜 🥗🥗🥗都係正常發揮 不過唔知係咪通菜而家唔當造…….我覺得啲菜有啲老 食落有渣食飽走人 但最令得百思不得其解我明明見到上一個人埋單係用八達通點解到我埋單就無😒😒😒😒我真係搲哂頭🙃

在荃灣的潮龍園，我品嚐了一碗魚蛋河，這樣的輕食最適合在下午茶時段享用。這碗魚蛋河的份量剛好，不會讓人過於飽脹，恰好能撐到晚飯時間。魚蛋和魚片的鮮味非常突出，魚蛋彈牙的口感讓人印象深刻，魚片則嫩滑可口，讓整碗河粉增添了不少風味。特別是我加了多匙的芫茜和蔥，這樣的搭配不僅提升了香氣，還增添了清新的口感，使整體味道更加層次分明。總的來說，潮龍園的魚蛋河是一道非常適合下午茶的輕食，既美味又不會讓人感到過於飽滿，非常推薦給喜歡輕便小吃的朋友們！下次來荃灣時，我一定會再次光顧。

崩沙腩下午時段機本上永遠無得賣，多次去食都係咁，入去食就叫你轉坑腩，店員就咁用手喺個箱度攞魚皮比客人食，最恐怖的是店員用同一對手唻執啲客食完嗰啲碗，跟住又攞啲食物比啲客，全程無帶手套，極不衛生應該唔會再幫襯

🍜潮龍園📌荃灣街市街47號地舖·天氣實在太熱，今日有點不適口淡淡，去了潮龍園吃個清淡些的魚蛋粉。全舖坐滿顧客，流轉亦快，服務員工作非常勤快。叫了一個「魚蛋米粉」，份量足夠，魚蛋爽口惹味，魚片有厚度口感不錯，好推介他們的潮州辣椒油，好香的辣椒🌶️香增風味。

有時夜收工就鍾意黎呢間食夜晚，門口有得泊標位，同埋都開到好夜 。我黎食過幾次，呢到個花椒鮮魚皮都好正，又爽又有花椒香味 。今次叫左碗雙併—崩沙坑腩拼潮州扎肉河粉，同埋腐乳通菜 。我想講呢到嘅扎肉真係好好食，有肉味同口感，扎肉邊似魚片頭個種texture，出面通常都無呢種皮 。崩沙腩就上次肥啲好食啲，今日就偏瘦，肉味重，有嚼口，都唔差嘅 。腐乳通菜正正常常，份量都幾多，好夠飽 。佢嘅牛丸同牛肚之前食過都唔差，所以整體都好味😋

今日去咗間同事介紹食粉麵嘅餐廳，同🤴🏻試試先！😙😙～～～牛丸+墨丸幼麵～～～牛丸同墨丸各三粒，牛丸好有彈性咬開亦好多汁水，好耐未試過咁有牛味嘅牛丸啊😁😁，而墨丸要咬多幾口個墨魚味先至出嚟，味道都唔錯！～～～牛筋牛腩米粉～～～🤴🏻覺得米粉唔夠爽，湯味淡，不過牛腩好食，牛筋就一般！🤨🤨～～～香脆炸帶骨魚皮～～～店員極力推薦，上枱係已經用袋包好，第一口會覺得非常之硬，新鮮冇餿味，會另外上碗湯俾我哋浸淋先嚟食，我同🤴🏻都鍾意浸腍咗先食！😙😙～～～腐乳通菜～～～通菜新鮮，可惜腐乳唔夠味！😐😐🤴🏻話第日再帶我去第二間仲好食嘅！😆😆

潮龍園上次喺元朗食完潮龍園，經開荃灣突然牛腩引發作，知道荃灣都有一間分店，就一於入去食！呢間荃灣分店都一樣門口有一級，輪椅人士如果想入去食就要自備斜板，店員阿姐好好人，幫我勸其他食呀調去其他座位，騰空方便位置畀我坐，阿姐好掂！1.崩沙牛腩幼麵$50+凍咖啡$6（9/10）上次去元朗分店食唔到崩沙牛腩，今次誓死要食返，崩沙腩非常入味，牛味香濃，肉質又軟淋，食牛當然要食崩沙腩，今次成碗入面都有成六舊崩沙腩，幼麵好食，腩汁湯底唔鹹，真係好正！凍咖啡：奶味偏多，咖啡偏酸少少！2.爽滑牛丸幼麵$34+凍檸茶$6（9.5/10）呢個爽滑牛丸幼麵入面有四粒好彈牙好有牛味嘅牛丸，，幼麵好食，腩汁湯底唔鹹，真係好正！凍檸茶：呢杯凍檸茶入面有4片檸檬，唔會好甜，好飲！3.炸魚皮$15（7/10）唔知係唔係影相影得耐，炸魚皮無咁脆，淋咗少少，無咁好食！2人總共價錢$111個人口味總評分：8.5/10地址：荃灣荃灣街市街47號地舖Please follow me🙆‍♂️ @wheelchaireatinhongkong 如果鍾意我嘅分享，麻煩請follow我，仲有記得Like同Share！🙏🏻🙇🏻‍♂️#潮龍園

我今日去荃灣辦事，順道約同好友一同去位於荃灣街市街47號地舖的潮龍園食馳名的潮汕粉麵。潮龍園是用傳統茶餐廳的裝修佈局，有卡座和方檯的設備，可算坐得舒服。我點左個五香牛雜河粉$34，好友點左個崩沙牛腩幼麵$50，餐飲係熱咖啡$14。五香牛雜有牛肚、牛蒡、牛腸等，牛雜炆得軟腍入味，好味又好食，河粉軟糯好食。崩沙牛腩煮得好入味，牛味香濃及有咬囗，幼麵爽口好食。熱咖啡香濃好飲。整體黎講係有水準的牛腩美食。

又到糧尾，唔想頹食兩餸飯，我一定嚟呢間～粉麵都係30令蚊，我哋仲點多碟菜、小食同埋嘢飲，承惠唔使100蚊！！！五香牛雜湯粉 $34牛雜每樣兩件，好有牛味，湯都濃郁，河粉好大兜，淨食呢碗我都夠晒飽！鮮蝦餃麵 $30餃好大隻，皮好薄，除左有鮮蝦，仲有木耳，都幾爽脆，都係30蚊，抵食！酥炸魚皮 $15估唔到炸魚皮成座山咁多，炸得酥脆之餘，又唔油膩腐魚通菜 隨餐+$12通菜都幾新鮮爽口，仲要腐乳畀得幾足，平時冇乜食菜，呢餐有菜真係加分最後，嚟返杯凍檸菜少甜（隨餐+$8），野食咁豐富，都唔使一舊水，真係糧尾恩物呀！

服務員態度真的是超級惡劣, 慢了點餐就會催促你, 還沒吃完剛放下筷子聊天, 回頭食物已經被收了, 問一聲吃完未也不行嗎？想翻枱多賺點錢是很正常, 但是客人來吃東西不是要包括受氣的吧

因為屋企仲有啲野細執…所以同爸爸黎食個快早餐再去五金街買料🤡食物崩沙腩河呢個真係必食推介！佢炆到啲牛腩好冧🥳好香嘅牛肉味！啲腩汁勁入味🎊河粉好滑～又軟熟！牛筋米原本諗住嗌牛坑腩試，落單個姨姨話其實一樣位，不如試吓其他，我哋就嗌咗牛筋試～條條牛筋都好大碌！🤡好冧好似啫喱咁辣椒油呢個一定係靈魂黎🤫因為我加咗2滴，唔會好辣，但香勁多！熱朱古力今日得10度，食牛加熱朱古力即刻暖咗好多佢呢個嘅熱朱古力好濃，好香朱古力味🤩完全唔使加糖其他呢度好多人等位，所以上餐都好快！呢度好多都應該係街坊食開，佢哋點餐、傾偈、講笑個種感覺，同茶樓好似，好舊式人情味嘅感覺

自從有一次經過荃灣亂入食過魚蛋河，之後要食粉面就諗起呢間啦！最鍾意呢度嘅魚蛋河加腩汁，係又大粒又有魚味嘅魚蛋🤫😂，就算清湯都OK架。呢度嘅牛腩（特別想講吓，好林好嫩，係一啲牛腩麻麻哋好食嘅部位佢哋都整得幾好，唔會實的的），鮮牛肉，豬肉丸，雲吞都係重料，性價比幾高的。

來香港食港式地道粉麵，一定要來潮龍園，抵食好味又夠飽肚，絕對係香港人飯堂首選。潮龍園係香港地道粉麵店，分店都有好多間，今次咁岩係荃灣簡單食一餐，水準保證一定要來潮龍園。鍾意食牛肉既，一定要食佢既柱侯牛腩麵🍜，一碗幼麵，麵的口感煙韌，柱侯牛腩色澤夠飽滿，肉質肥瘦均勻，見到都流曬口水。湯同麵係分開上，唔洗怕索水，牛腩真係好夠味，滿足到口感及味蕾，真心好好食，另外跟餐點左杯凍飲，埋單都唔洗$50， 超抵晚餐。

喺荃灣街市附近🛒，有好多唔同嘅嘢食，今次我哋就揀咗嚟食粉麵🍜。呢度價錢真係好抵食💰，一人一碗已經食得夠飽💕，都只係三四十蚊。.🌱靚韭菜餃河($30)呢個價錢真係超級親民💰，而且佢啲韭菜餃都好足料、脹卜卜😍。一咬落去滿滿嘅韭菜香味👅，裏面韭菜嘅比例好多，好滿足。而且河粉湯底仲有蔥同埋炸蒜🧄，唔使落辣椒油已經好香口💕。.🐮五香牛雜河($34)腩汁湯底好濃郁🥘，仲食到有啲花生嘅香味🥜。牛雜嘅口感都好好，有啲軟香有咬口🤤，有啲爽口入味🤩，呢個價錢都試勻晒唔同嘅牛腩部位✌🏻，住附近嘅朋友值得試下。