潮龍園

营业中

休息中

街坊價價錢，有人情味，去咗幾次姐姐都認得就會問（照舊？）呢啲係啲超大集團唔會俾到嘅人情味今次我食豬肉丸河 ，湯底夠熱（好重要），份量夠大，唔會2啖就冇晒，非常夠飽環境喺呢啲舊式街坊餐廳嚟講，算係好整齊同乾淨同埋開到12點，夜咗收工返到屋企唔使諗食物直接衝去食碗牛腩河

很明白現時香港餐飲業不理想，很多香港人假期寧願選擇不在港消費。除了想離開一下這個壓力大的都市外，有時客戶服務的態度和靈活變通都很緊要，如果一間店舖要買人情味，亦即是說很多事情可以靈活變通而非死板或與客人鬥氣。即使是做街坊生意，即使只是一個侍應亦應該保留一種打工應有的態度，我不是第一次惠顧這間雲吞麵，但很坦言有某些阿姐的態度真的十分惡劣，我認為不是真性情，在今時今日的社會早已被淘汰。難怪啲人都不想消費啦，今時今日嘅服務態度咁死板🥲

潮龍園藍田啟田道50號啟田商場地下1081號舖經開藍田，老友推介地道潮式粉麵，入去嘆下先。😽崩沙牛腩河粉崩沙腩肉汁豐富，口感煙韌，醃得入味，份量十足，湯底鮮甜，加埋腩汁好惹味，河粉夠滑，香蔥提升層次，湯底畀我飲哂，好味道！😻香脆帶骨魚皮炸得恰到好處，又香又脆，比傳統的炸魚皮出色，鹹度適中，就咁食又得，浸湯食又得，食到停唔到，邪惡推薦！😈熱檸茶檸檬新鮮，茶膽香濃，醒神。😸潮龍園 食材新鮮，平靚正之選，帶骨魚皮正，侍應服務態度好，還會再來。😎🤘🏻

有時放假都會陪媽媽去買餸，喺買餸之前都會喺街市門口呢間粉麵檔食嘢，平時返工都有食開荃灣嗰間，所以都知道呢間潮式粉麵檔無論係牛腩定係去到墨魚丸都好好食🥢 牛三寶撈麵呢個係我必點之一，因為可以一次過試哂牛腩、牛肚、牛筋，而且價錢唔貴，相當街坊價，除咗啲餸比得慷慨，麵底份量亦唔少，有兩個麵咁多，女士們真係會食唔哂🙈🐮 崩沙牛腩雲吞河識揀一定係揀崩沙腩，唔肥唔太瘦，加上炆得剛剛好嘅火候，入味得嚟又唔會好淋冇咗質感咁，雲吞每粒都係人手包大大粒，每粒都有鮮蝦、豬肉，好足料🐟 帶骨炸魚皮呢款炸魚皮已經好少地方有，係連魚骨一齊炸比脆卜卜，平時喺屋企打邊爐都會特登買返包返去食，真係好正

去到藍田呢種咁有人情味嘅地方，係係時侯幫襯返唔同嘅小店啦。依度嘅小店食物嘅價錢都好好抵，例如依間潮龍記，食一碗粉麵，淨係需要$30或以上，性價比好高，而且味道都唔錯，仲要份量好大，我一碗都食唔晒。就好似我叫嘅牛腩河粉，只需要$34，然後佢嘅牛腩好軟腍，30幾蚊可以食到呢種質素真係好抵食，個人建議加少少佢嘅辣油，就更加香。然後加$6仲可以有一大支嘅豆漿。而且我早餐去嘅時候，都已經有好多街坊幫襯 ，睇嚟呢間餐廳深受街坊歡迎

午餐，點了雲吞和鳳城水餃，几乎間間粉麵店也是點這個類別。 主打街坊生意，踏入中午已經坐滿，接近12點半 已經要等位雖然鋪面較小，位置不多。但雲吞、 牛根、水餃等十分入味，而且鋪頭員工雖然多工作 但是很會跟街坊打交道 很熱情。價錢十分抵38蚊2餸

原來藍田都有我食開嘅潮龍園，我平時食開荃灣嗰間，啲牛腩麵啊飯啊都好抵食，$48已經有個牛腩飯仲包埋嘢飲。今次食呢個牛腩雲吞麵都係$48包埋嘢飲，份量仲要唔少。佢哋標榜自己嘅食物係本地工場自製，用料新鮮，佢哋啲牛腩質素都唔會好差，每件都隔肥隔瘦，而且炆到好腍好入味。雲吞又大大粒，啲蝦唔會有雪味。麵無鹼水味已經合格。茶水都達到中上嘅水準。今日就算我晏晝三點幾去到食都坐滿人證明佢係幾受歡迎。唔知邊度仲有分店呢？

我今日約同好友去位於藍田啟田道50號啟田商場地下1081號舖的潮龍園食粉麵。傳統茶餐廳裝修，坐得舒服。我點左個 五香牛雜河粉 $34，拼鳳城水餃（2隻）＋$8，餐飲係熱奶茶＋$4（跟餐）；好友點左個 崩沙牛腩幼麵$48，拼鮮蝦雲吞（2隻）＋$8；餐飲係熱咖啡＋$4（跟餐）。五香牛雜的材料豐富，有牛肚、牛膀、牛肺、牛腸.... 等等，加左2隻大大鳳城水餃，口感豐富及美味，河粉份量不少，好飽！崩沙牛腩好軟腍入味，有咬囗👍👍，鮮蝦雲吞好味道；熱咖啡香濃，熱奶茶幼滑好飲。

收工唔知食咩好~去左藍田潮龍園食返碗粉麵叫左雲吞麵同魚蛋河！雲吞真係大大粒，餡料又實在。魚蛋彈牙得嚟唔會太硬。仲叫左兩碟油菜😄菜芯同生菜好新鮮～配埋蠔油更能提鮮👏🏻👏🏻叫埋飲品凍檸茶同凍奶茶兩兄弟～夏天夠哂解渴凍檸茶清新提神，凍奶茶入口夠香濃順滑飲落去冰凍過癮，喺炎炎夏日裏面簡直係救星！街坊粉麵小店，食物美價廉～港式地道粉麵鋪見到有丸類可以零售～下次打邊爐都來買先潮龍園 📍藍田啟田道50號啟田商場地下1081號舖

每次喺藍田都營業到十二點幾左右，所以我有時收工或者打完波返嚟都一定會去食呢間，最好食嘅一定係佢嘅崩沙腩河，其他都有好多潮式粉麵例如扎肉河炸醬麵等等。佢個崩沙腩河就係48蚊一碗，份量一般，但勝在好食，真材實料絕不馬虎。配埋佢嘅特製辣椒油同炸蒜食，口感一流。佢個湯唔係清湯而係加咗腩汁嘅湯，而崩沙腩本身就有少少半肥瘦食落非常之煙韌，好重牛味，而且食唔到冰鮮味。不過佢嘅河粉就係偏淋，對於鍾意食煙韌嘢嘅我嚟講，河粉係唯一失色嘅。

小店位於屋村附近，主打街坊生意，間格好有香港味道，都有唔少街坊幫襯。喺門口已經聞到好香牛腩味，價錢非常吸引。坐低之後效率超快，唔洗一陣已經上菜。🥢墨魚丸河粉，自家製魚丸，入口彈牙，性價比高！🥢牛坑腩河粉，份量十足！牛腩爽淋好食，必叫！🥢蠔油生菜 (跟餐加$10) 見到小店仲有唔少小食，下次去可以再試！ 簡簡單單一餐，但好滿足～𓆝𓆟𓆜𓆞𓆝𓆟𓆜🍴 潮龍園📍藍田啟田道50號啟田商場地下1081號舖——————————————————👀 Follow @ahmoon.tt👍 comment｜share ｜like ｜save💬 DM for collaborations#hkfoodie #hkfood #旅行 #restaurant #香港一日遊 #香港好去處#香港好去處 #打卡餐廳 #旅行 #foodholic #週末好去處#ahmoontt_food #FoodieParadise #Foodie #HongKongFoodie #HKFoodieFinds#TasteofHongKong #FoodieAdventures

想食一個正宗牛雜河？不妨來試試這間潮龍園，小店食材新鮮有質量。同呀媽買完餸想快食午餐，食粉麵就岩晒，就揀左呢間。上次試左牛雜幾好，今次都揀返牛雜河，仲加左雲吞同埋蝦棗。果然係受街坊喜愛，樣樣都好考功夫，每一樣都是經過精心烹調的，牛雜炆得好入味，五香味夠亦都好淋，最鍾意牛肚同牛腸👍🏻除左牛雜，雲吞都推介，大大粒啖啖肉，大大隻蝦，口感十分豐富。仲有潮州蝦棗，夠晒彈牙，好足料好正👍🏻如果你都經過又想品嚐地道街坊小店，呢個絕對係一個不錯既選擇！

1. 牛腩河粉湯底帶牛肉腩汁香味，粉麵量不多，河粉滑口。牛腩肥瘦均勻，牛肉入味，肉質軟腍，不過帶點筋位，較難咀嚼。🌟 評分: 7/102. 墨魚丸 魚蛋麵自家製魚蛋，入口彈牙，有魚味；概有兩粒墨魚丸左右，每一粒嘅份量都幾大粒㗎，而且幾彈牙幾有咬口，好香墨魚味。麵質好爽口。🌟 評分: 7/103. 豆漿好有豆香味，甜度又啱啱好，又唔話太甜。🌟 評分: 8/104. 凍奶茶🌟 評分: 8/10🎖️整體評分🎖️❤️ 味道: 7.5/10🧡 環境: 8/10💛 服務: 8/10💙 性價比: 8/10 📍 潮龍園 (藍田)藍田啟田道50號啟田商場地下1081號舖#hkoverfood_藍田

同屋企人買完餸就黎左呢度食碗粉先歸家～呢度主要做街坊生意，所以價錢都好實惠！！又想食牛腩、牛筋同牛肚既我就嗌咗碗牛三寶河粉🤗🤗效率超快，落完order唔洗5分鐘已經食得！！無論係河粉定餸既份量都唔少～啲牛筋同牛肚都好入味，可以一次食均三款餸，好滿足！！屋企人既雲吞都唔錯，有鮮肉同蝦仁做餡，食落都幾鮮味～我地去既時段係下午茶，所以普通既凍熱餐飲只係需要加六蚊就有～我哋要左兩杯凍奶茶，茶底夠濃，入口順滑，正！！！

今日去開藍田做野，順便去食午飯藍田啟田商場都好多餐廳選擇。經過潮龍園潮州粉麵店。見到出面Poster寫住粉麵$28起店外已經聞到好香牛腩味，加上價錢非常吸引，又好耐冇食過粉麵，一於試吓餐廳雖小，但都算乾淨企理，坐滿食客，都好多人幫襯。我就叫咗牛肚河，味道確實不錯，呢個價錢，屬性價比高的粉麵店牛肚河 蠔油生菜 凍奶茶 $50牛肚好夠林又入味河粉口感順滑，味道很不錯跟餐加$10 叫左碟蠔油生菜 好夠飽。餐飲叫左凍奶茶 正宗港式奶茶 好啱飲