澳門茶餐廳

营业中

休息中

本人今天2025年4月29日下午4:55外賣自取三個咖喱飯，回到馬鞍山才發現俾錯了，立即致電澳門茶餐廳，網上電話是沒有登記，賬單上的電話根本打不通，打了一個小時仍然繁忙，現追溯無門，不知如何是好？😢

今時今日，仍然設有每人最低消費。價錢貴，食物難食程度係10級🤢🤮大家樂，大快活都好食過佢。服務態度差，未落克單，侍應已經轉頭走人，而且上菜時喺掉啲食物落枱。 仲限時45分鐘💩。餐廳環境又嘈又迫又唔乾淨😬講真如果唔係因為肚餓，其他食肆無位，朋友話唔想再等，先勉為其難去食😑以後就算餓死街頭，都唔會再去。但唔明點解仲有啲國內遊客慕名而來，簡直貼錢買難受!唔怪之得其他分店都做唔住，睇來哩一間只壽終正寢咖啦。冇心做，就唔好做，無謂難為啲食客。都希望國內客唔好再幫襯，真係超難食，服務態度差，同澳門美食/香港美食完全冇關係。

咖喱牛腩焗飯這道焗飯以炒飯為底，提供了豐富的層次感。咖喱味道適中，既不過於濃烈，又不過於單薄，能為整道菜增添一定的香氣。然而，牛腩的表現略顯不足，肉質偏韌，缺少必要的調味，使得牛肉原本的鮮味未能充分展現。若能延長炆煮時間並加入更多的調味料，相信能使牛腩更加嫩滑且風味提升。蠔油生菜生菜搭配蠔油帶來了一種經典的爽口感。生菜的清脆與蠔油的鹹香形成良好的平衡，使這道配菜起到了解膩的作用，為整餐增添了一絲清新。

掛住澳門美食🇲🇴就同朋友去咗「澳門茶餐廳」🤪.燒味雙拼(自家秘製燒鵝拼蜜汁叉燒)🥩燒鴨燒到皮脆肉嫩🤤味道甘香，帶鴨油👍🏻沾上酸梅醬更佳🍑叉燒蜜汁入味，肉質軟腍😛.豉椒炒蟶子皇(2隻)🐚蟶子皇非常大隻😍肉質彈牙😋用豉椒炒非常惹味🫑🌶️.澳門雲吞湯河粉🍜雲吞大粒飽滿🥟肉餡味道唔錯🐖附有少量生菜🥬.葡式蛋撻🥧酥皮鬆脆香口😆蛋漿滑溜，蛋味濃郁🥚.原味樽仔冰鎮奶茶🧋入口順滑☺️茶味香濃🥛🫖

細個嗰陣成日同屋企人去尖沙咀逛街，都會去澳門茶餐廳食蛋撻。佢哋嘅蛋撻真係好出名，酥皮好鬆脆，蛋撻心又好滑溜，真係食一件就停唔到口。今日終於有機會再嚟澳門茶餐廳食葡撻。當我經過餐廳既門口，就見到個餅櫃入面擺滿咗好多葡撻，金黃色嘅酥皮閃閃發亮，真係好吸引。我即刻買咗兩個葡撻，捧返去座位。葡撻仲係好熱嘅，跟住之後呢我迫不及待咁咬咗啖。啖啖酥皮，真係好鬆脆。蛋撻心好滑溜，蛋香味好濃郁，仲有一絲絲嘅焦糖香。

只要我人在尖沙咀又想食茶記，我就會嚟呢度食沙嗲牛餐，連埋腸仔、煎蛋、雞翼、西多士、熱飲埋單$60。沙嗲牛個名叫招牌金菇沙嗲牛，雖然食落唔多覺，但唔影響沙嗲牛公仔面超夠味，牛肉軟、「諗」、惹味。雞翼煎得香口乾身，配公仔面一流

唔洗去澳門，係香港都食到澳門美食。鮮油奶醬豬仔包豬仔包外層酥脆內裏鬆軟，配上厚厚嘅鮮奶油同奶醬十分滋味，係港澳茶餐廳嘅招牌，每次都一定會叫。焗葡國雞帶有澳門風味嘅地道菜，個汁椰味好香濃適合送飯，雞肉冇煮過火，依然嫩滑，仲有薯仔洋蔥青椒等配菜。咖喱牛腩湯河牛腩燉到好入味口感軟淋，咖喱唔配飯配河粉一樣得，河粉吸收了咖哩湯食落更加惹味。馬拉盞炒時蔬新鮮時蔬每日不同，今日嘅芥蘭脆嫩無渣，用咗香辣嘅馬拉盞炒可以中和芥蘭本身嘅澀味，鹹香味美。葡式蛋撻講起澳門就一定要食葡撻，每日限定時間新鮮出爐，撻皮酥脆香口，入面嘅蛋漿好似焦糖布甸咁幼滑。樽仔冰鎮絲襪奶茶用絲襪過濾後奶茶更加順滑，再用冰筒維持佢冰凍嘅溫度，令每一啖都品嚐到懷舊的滋味。

突然想吃葡撻、豬仔包、葡國雞等澳門特色美食 不用過大海！ 去尖沙咀吧 ！澳門茶餐廳有澳門美食同時帶港式茶餐廳的特色風格茶餐廳裝潢很有葡萄牙🇵🇹特別色彩鮮艷花磚 、 天花有琉璃吊燈牆上也擺滿陶瓷公仔 很有風格餐廳內有更設有魚缸 提供海鮮⋆_ᴛᴏᴛᴀʟ ᴏʀᴅᴇʀ__ ⋆🥧葡式蛋撻蛋撻很香蛋味 如燉蛋般嫩滑 不會過甜裏面有撻皮很酥脆的.🍝澳門炒米粉酸甜味 很開胃 內有雞肉、火腿、洋蔥、芽菜、雞蛋.🥪澳門豬扒豬仔包 豬仔包烘得外皮鬆脆豬扒肉嫩 洋蔥軟淋有不同層次😋.🪿自家秘製燒鴨（髀）自家燒鴨燒得很香口皮脆肉嫩 更帶一份油份好甘香～🫶🏻

最近冇時間去澳門但又好想食葡國菜上次經過買嘢已留意到呢間，門面充滿澳門特色，呢日決定過黎試下餐廳環境闊落，座位之間有適當距離。一入黎就見到個葡式蛋撻櫃，賣相唔錯，即時叫左個試下，葡撻皮好鬆化，夠滑又有蛋香。招牌軟骨皇子鴿熱辣辣，皮脆肉嫩而且幾夠味，一人半隻岩岩好。勁辣牛肉炒油麵估唔到幾大碟，辣度幾夠唔會太過油膩。澳門焗葡國雞配飯點都要叫個葡國雞飯，葡國雞葡汁好香有大大件雞，仲有唔少薯仔同洋蔥送飯一流。

餐廳位於尖沙咀樂道，喺尖沙咀行完街可以試！呢間茶記除咗有炒粉飯麵，仲有海鮮同多款澳門特色美食，好似豬仔包、葡撻、豬扒包嗰啲，唔洗去澳門都可以試到澳門美食！呢啲澳門小食類都係全日供應，去到可以試到茶記嘅風味，同時食吓葡撻過下口癮！------------------------------🐚◖豉椒炒蟶子◗ $88有兩大隻蟶子，蟶子肉好飽滿，肉質炒得爽脆清甜，有鑊氣！🐓◖葡式燒雞◗ $108有半隻燒雞，配粗切薯條。雞皮鹹香脆口，雞肉做得幾嫩滑，肉質有啲似海南雞，可以點上泰式辣醬食，酸酸甜甜惹味🍜◖澳門雲吞湯麵◗ $46有四大粒粒鮮蝦雲吞，雲吞皮好薄好滑，個麵鹼水味幾濃幾香，好爽脆，唔錯！🥘◖招牌咖喱牛腩配豬仔包◗ $80咖喱牛腩可以跟配飯、意粉或者豬仔包，揀咗豬仔包。個包搽咗牛油，烘焗過嚟，幾香脆，可以夾住咖喱牛腩一齊食，變咗一個咖喱包，另有一番風味！🤣🥧◖葡式蛋撻◗ $13葡撻外皮酥脆，一層層嘅酥皮做得幾好，但係有少少焦香，軟綿綿，推介！🧋◖樽仔奶茶◗ $26樽仔奶茶冰鎮住上枱，茶底香濃順滑，唔會太甜🍋◖凍檸茶◗ $23大大杯，味道正常🌟Encore指數：8/10

約咗朋友傾吓計，揀咗呢一間位於尖沙咀嘅澳門茶餐廳，店舖裝修好有葡式風格，以藍色為主調 , 行咗幾級樓梯落去地庫，空間非常大 亦有好多卡位 談天傾偈非常好🫰一場嚟到梗係要叫葡式蛋撻🥧蛋香味十足 ，熱辣辣 配上鬆脆批底，果然係必食！！焗葡國雞味道香濃 椰汁味道好香 ，再配上亂畫嘅雞肉 同埋焗得啱啱好既豬仔包，好好味招牌咖喱牛腩鍾意食辣嘢唔好錯過，呢個有啲辣 再加上牛肉味道濃郁嘅牛腩 超級容易送飯！油菜食咗太多肉叫番啲蔬菜 ，份量都夠大，清甜冇喳豉椒蟶子大大隻，肉質鮮美 配上豉椒 洋蔥等等 爽口又好吃招牌軟骨皇子鴿果然係招牌，新鮮熱辣 再加上啲檸檬🍋將鹹香味迫咗出嚟 ，鮮嫩多汁呢間茶餐廳質素都唔錯，得閒同朋友食嘢傾偈都幾好！

同朋友👧🏻一齊喺尖沙咀，要食嘢，喺呢條都幾多餐廳嘅橫街行吓，見到呢間，應該已經好多年未食過，於是就決定入去番尋味🤣$13「葡式蛋撻」：$13一個要咗兩個🤩；葡撻皮好鬆化，葡撻中間部份好滑，甜甜哋，食得好開心🤩$70「馬拉盞炒時菜」：時菜係通菜，新鮮幾爽脆，馬拉盞炒夠惹味😋$78「澳門🇲🇴炒米粉」：少少酸少少甜，食到有雞肉、火腿、洋蔥、芽菜、雞蛋，咁當然仲有米粉啦🤣$88「豉椒炒蟶子王」：蟶子新鮮，肉質爽滑🤩$108「葡式燒雞🐓半隻」：雞皮燒到脆脆哋，朋友👧🏻同我都忍唔住食咗2塊皮🤣；雞肉就幾軟熟🤩$21「熱奶茶☕️」：熱辣辣夠滑🤣

<澳門茶餐廳> 號外‼️香港都食到澳門口味😋📍 澳門茶餐廳 (尖沙咀)尖沙咀樂道40-46號華源大廈地庫味道: ⭐️⭐️⭐️⭐️價錢: 💰💰抵食指數: ⭐️⭐️⭐️⭐️今日同屋企人出左尖沙咀食飯 母親大人話掛住個日去澳門食好西 咁我就OpenRice 直接搵下有咩澳門口味啦 咁就比我搵到間係附近 😶😶 唔洗坐金巴去澳門就有機會食澳門野😆招牌軟骨皇子鴿 $54招牌果然係招牌野😆 燒鴿外皮燒到脆卜卜 肉質都仲保留住到啲肉汁 配少少鹽 帶返啲咸味已經超級好食👍🏻😋葡汁海鮮焗飯 $80葡汁焗飯基本上係澳門係必食 佢嘅葡汁超級濃郁 啖啖都係滿滿嘅葡汁 再者 啲海鮮都唔少 有好多唔同款海鮮 我感到誠意滿滿😉😉🩵馬拉盞炒時蔬 $70馬拉盞炒菜係非常惹味 今次時菜係通菜同馬拉盞都好夾 啲醬汁包圍住啲菜 將成枱菜口感昇華⭐️💙葡式蛋撻 $13食澳門野點可以唔叫葡撻呢 佢個葡撻酥皮做得非常酥脆再加上香香嘅蛋 每次食都唔會厭😉😉清蒸龍躉仔 時價～$250餐廳每日都有唔同新鮮海鮮 我今次就同屋企人揀左龍躉仔 話就話龍躉仔但成條魚都好大條 傳統酒樓蒸法 薑蔥蒸魚後加滾油同蒸魚豉油👍🏻👍🏻🤤🤤 雖然傳統但我係最中意

本來諗住去澳門，但係勁多人，突然間諗起，喺香港都可以食澳門嘅嘢，就去依間澳門茶餐廳去到餐廳發現原來除咗有葡撻之外，仲有海鮮供應添薑蔥炒大肉蟹，大大隻肉蟹，薑同蔥嘅香氣濃郁，帶有微辣同清新嘅味道，能夠提升蟹肉嘅鮮味。大肉蟹嘅肉質鮮嫩，豐富多汁，有濃厚嘅海鮮味。薑蔥同蟹肉嘅結合，帶出一種鮮香嘅滋味。葡式蛋撻，外層酥皮鬆脆，內裡嘅蛋漿滑嫩，味道香濃，帶有濃郁嘅蛋香。招牌軟骨乳鴿，鴿肉鮮嫩多汁，濃郁而不膩。雲吞麵，雲吞裡面包著鮮美嘅肉馅，湯底鮮甜，帶有淡淡嘅海鮮味道。馬拉盞炒時蔬，使用馬拉盞調味，時蔬保持脆嫩，帶有辣味和香料的香氣，口感鮮美，辣中帶香。葡式鴛鴦蝦炒飯：葡式鴛鴦蝦炒飯係一道結合了葡式和中式烹調風格嘅菜式。炒飯香氣四溢，米飯鬆散有咬勁

放工又約好友聚聚。之前行經尖沙咀已經見到呢間澳門茶餐廳，覺得幾有特色，我哋今晚就去試吓！最欣賞佢，唔單只係香港已經食到正宗澳門小食，而且仲係用平民價錢做出高質菜式！我哋知道呢到日日有新鮮海鮮提供，就試咗薑蔥炒蟹！一上菜係超大隻肉蟹，好夠鑊氣之餘仲好入味，我同朋友帶住手套，食到舔舔脷！雖然已經係夜晚，但是澳門菜，當然必食葡撻同奶油豬。高卡路里都抵，因為兩樣都好好食。特別係葡撻好蛋香又滑，好正。然後我哋都叫咗個XO醬乾炒牛河，份量好大，又足料。用尼做晚餐，非常爽。加埋一疊葡色燒雞配薯條。燒雞外皮香脆，薯條又炸得剛好。好滿意。食咁多當然都要嗌嘢飲，啤酒都好平，一支生力都係30幾蚊，爽啊！呢到店員都好友善，隔籬都坐咗一圍枱10幾人一家大細咁，加埋餐廳澳門特色嘅裝修，好有親切感！價錢相宜，質素又好，同朋友食吓傾吓偈，好地方推介！