濃姐茶餐廳

营业中

休息中

今日朝早去了新蒲崗處理一些事務，處理完剛好到了飯點，我自己一人便到處逛一下，看看有什麼好吃的，走著走著，看到一間名叫濃姐茶餐廳，我被她的蒸魚飯吸引了進去。進去以後，午市套餐亦有非常多的選擇，我還是選了抵食鮮魚套餐，店員告訴我，由於是即叫即蒸，所以需要等候大概15分鐘。.🍚豉汁蒸原條黃花魚午市套餐奉送白飯及老火湯，熱飲亦只是加$3，非常划算。黃花魚蒸得剛剛好，時間拿捏得非常好，並沒有過火，也沒有不熟，廚師果然厲害。配上美味鮮甜的蒸魚豉油，白飯瞬間被消滅。.總括然而，蒸魚的功夫非常好，價錢亦可接受，值得支持的小店。

去開新蒲崗，最常返兜嘅茶記肯定係濃姐茶餐廳，無他，因為價錢夠平，選擇夠多，姨姨仲非常 nice。我最鍾意啲茶記提供 All Day Breakfast（即下午茶時間都可以叫早餐），去親多數都會叫。記錄下最近三次幫襯：第一次食沙嗲牛肉麵拼雙腸奄列方包，第二次食原條炸魚柳 + 火腿炒蛋 + 茄汁焗豆 + 牛油方包 + 公仔麵，全部簡簡單單，大件夾抵食。呢度嘅奶茶奶滑茶濃，冷熱都好飲。第三次夜晚嚟到，食沙嗲牛河，雖然沙嗲味唔算濃，但係配料（牛肉，紅椒，青椒，洋蔥等）非常多，加上足料中湯，呢餐又係好滿意。

記得有一年農曆新年終於嚟到呢間茶餐廳食嘢！食完我哋一家大細都覺得超抵，唔使講食個茶餐先裏面有咩啊！ ？有碗沙嗲牛肉麵係出前一丁喎到你仲可以改辛辣麵添，跟住有兩篇厚多士，有一件好重手嘅奄列仲有一條香腸同埋一塊餐肉，仲有一杯餐茶都係買$38係咪好抵食呢？另外叫左魚香茄子飯，又送例湯送餐茶，都係$47外賣仲會平D，街坊價錢，質素都唔錯嫁。呢間小店由幾女士主打，都好打得！依家生意唔易做，大家都快去支持小店！

放工約左朋友黎到新蒲崗簡單填肚 就黎左呢間 濃姐茶餐廳店內裝修比較簡陋店面亦都比較細 坐得唔多人是日茶餐menu茶記menu佢嘅menu設計散發住一陣懷舊嘅感覺都知佢係一間比較老派嘅茶記所以食物都唔抱咩期望1. 是日餐湯中式老火湯 大大碗材料多正正常常 唔難飲2. 蒜蓉汁吉列豬扒帶子飯唯一好處 份量多 填飽肚一流其實睇賣相就知 呢個飯唔會好食味道好一般 吉列豬扒同帶子都好波仔feel3. 熱檸水成餐最欣慰嘅就係個餐飲有檸檬味 水夠熱

叫左焗飯外賣，由於無號碼，員工會叫外賣內容比客人認領。等左好耐，然後就有員工叫蒸魚，咁唔關我事啦。我再等多20分鐘追問先知原來「蒸魚」係焗雞飯，即係我既。。。 浪費時間，仲要比員工話「叫左好耐(你做咩唔攞)」，心諗，無下次！

如果大家經過新蒲崗可以來試一試哩間茶餐廳 我都唔係第一次來哩間茶餐廳食早餐 點解會回頭食？因為啲野食好食 抵食 價錢公道 仲有茶餐廳嘅人情味 就等於都成十二點 都仲可以叫到早餐 你話去邊度搵 今次叫咗個叉燒意粉跟雙蛋雙腸多士 跟凍飲 茶記都係啦 跟野個度可以自由換啦 仲可以加錢轉福面tim 大家睇相都見到係有幾豐富 叉燒意 好過好多比隔夜或者柴皮叉燒個啲x街茶餐廳 未食賣相已經好吸引 個人覺得早餐係食完醒神之餘仲可以頂埋個晏晝嘅（打工仔慳錢心理）環境個都係一般茶餐廳咁 緊係冇軟坐個啲坐得咁舒服 不過都明白嘅 哩個工廠區 好似我哩啲打工仔食完就行 點會仲坐o係度嘆茶 有機會再試試佢其他再同大家分享

【#肥波茶記系列】#肥波掃黃行動💛肥成最近有個新office係新蒲崗，所以我地多左去SPK搵野食。我下一間想試友利坊 同肥仔銘呀～～～🎈好，講返正題。之前第一次去食濃姐，嘩！點解可以咁平！呢碗雙拼米粉竟然係$31連飲品！🍜真係好抵食！！！🎈一坐低，店員就主動比碗湯我地，好飲，應該就無咩味精😛因為飲完無狂飲水。🎈晚餐（盡量）輕食嘅關係，所以我揀左米粉，叉燒係瘦叉，雪菜肉絲同湯底唔會過咸；肥成就叫左個豬軟骨飯，豬軟骨好淋好入味，（店員話豬軟骨唔係成日有架，lucky us）正！呢間可以無限翻叮！🐷📍濃姐茶餐廳📍新蒲崗崇齡街91-93號安強大樓地舖

一直都聽講新蒲崗嘅濃姐茶餐廳好好食，但成日lunch time經過都多人到唔敢入去😆 之前有日早少少放lunch，終於去咗食😚 佢哋午市有部分小菜有$100兩樣（包飯包飲品）嘅優惠，好抵！我哋三個人叫咗一魚一菜一肉，perfect💛🐷🥬 小菜孖寶（$100/2樣小菜）我哋揀咗生炒骨同欖菜肉碎炒四季豆😚 兩樣都係冇得輸嘅茶記小菜👍🏻 生炒骨嘅比例超級多，亦都有哦菠蘿、三色椒襯托，甜甜酸酸好滋味😋 我第一次食欖菜肉碎炒四季豆，因為自己唔鍾意檻欖，但原來完全唔係同一樣嘢嚟唔洗擔心😆😆 呢個菜仲炒得好香添☺️🐠 薑蔥豆腐魚腩煲 （$60）呢個係朋友推介嘅小菜！果然超級好食😚 我本身都好鍾意食魚，煲仔整睇落仲更加健康同豐富👍🏻 有薑蔥除咗一啲都唔鯹之外仲好香添。啲魚仲好厚肉好正😋

本人經常嚟新蒲崗區，因為有好多良心小店❤️，濃姐呢間茶記係我經常幫襯嘅其中一間，好幾次我都係食雙拼麵餐，今次叫咗午餐肉煙肉辛拉麵同熱奶茶奶茶☕️正午餐肉同煙肉煎到卜卜脆麵唔會太淋身只係$35認真抵食

幾個麻甩打完波去左茶記搵野填肚都唔駛點揀就入左濃姐茶餐廳 一人揀左一個樣阿姐又真係幾好service, 一坐低已經上左湯比我地例湯仲要多料黑椒牛柳煲 牛柳大大舊, 份量亦都唔少有少少汁送飯飽肚一流!豉汁蒸黃立倉自住之後好耐無食過蒸魚, 起呢d街坊茶記真係可以解解想食魚既念頭叉燒雞翼辛辣麵叉燒同炸雞翼都好食麵叫都真係煮得爽口食完之後都冇話特別口渴三個人埋單亦只係$160呢個價錢其實已經好抵食因為小菜已經有包埋大大碗飯同埋湯

聖誕節當然要食個大早餐慶祝吓！早餐價錢非常優惠！沙嗲牛肉意粉加火腿加煎熟蛋，連多士同飲品都係$34份量好足夠，沙嗲牛肉湯意粉大大碗，多士烘得啱啱好！ 另外一份牛扒配茄汁豆，牛扒就鬆肉味過重，配上嘅汁都好甜，個人麻麻地！ 熱檸茶同奶茶都算係不錯！

是日決定當一小時步兵，買午餐帶回公司跟我女朋友撐枱腳。濃姐在我公司附近，決定來光顧一下。午餐的餐牌選擇頗多，而且外賣的價錢比堂食便宜。每份午餐皆會奉送一個飲品，外賣的話可樂還會免費呢。今天我選擇了咖喱吉列豬排拼帶子。一返到公司，清潔完雙手，便立刻開餐。打開盒子，豬扒有3塊，帶子有兩粒，咖喱醬鋪滿了各種食材，材料十分足夠，的確性價比十分高。唯一美中不足的是由於食材過多而咖喱醬太小，令吃到最後只能吃齋飯。🤣讀者需要多多支持小店。日期：2020.12.28

新蒲崗呢間街坊小店好少人留意有個別連登網民推介現場見到嘅就係夠大膽同大件夾抵食$30幾都有飯有湯，快餐都係$40幾同一般茶記有分別，並非求其嘢菜式偏向大眾化，同時係街坊價錢有小菜、招牌滾湯、又有炒飯、碟頭飯、中式扒餐先叫一碟典型碟頭飯﹕韭黃叉燒炒蛋飯 $43叉燒軟身，炒蛋滑溜淋上豉油後更有港式風格白飯份量足，炒蛋包裹白飯，叉燒唔少特別推介係﹕新鮮蒸鯇魚飯 $43真係會大大舊鯇魚腩上枱成大舊鯇魚腩配大碗白飯，蒸魚配白飯，十足十套餐鯇魚唯一不足就係有1、2塊魚鱗魚皮、魚肉都好軟滑，嫩滑有魚味蔥花、菜圃等再點綴下，略帶鹹香味淋上豉油滾油後，鮮甜魚汁同豉油撈白飯一流

其實我本來是想在「新蒲崗」「崇齡街」旁邊的食店「濃姐茶餐廳」裡面，食個「牛腩飯」當晚餐，然後就直接徒步返回「采頤花園」，坐專綫小巴返回「西貢」，可惜「濃姐茶餐廳」店員告訴我所有「牛腩飯」售罄。「牛腩」當時在「新蒲崗」的食店裡面，忽然又變成了搶手貨，我在包括「濃姐茶餐廳」在內附近範圍裡面的港式食店裡面反覆搜尋和詢問過，結果還是買不到我最想食的「牛腩飯」。所謂「黑開有條路」，但是我又擔心自己運氣欠佳，在坐小巴返回「西貢」之後，會遇上無論購買到「牛肉」飯的困境，所以我在「濃姐茶餐廳」裡面看看還有沒有其他「牛肉」可以食。結果我發現「濃姐茶餐廳」裡面的「牛腩」雖然已經全部售罄，但是其他跟牛肉的「飯類」食品，包括「牛扒」、「牛肉」、「肥牛」還可以選擇，只是三者的實際口感，始終沒有「牛腩」那麼豐富而已。於我在「濃姐茶餐廳」餐牌裡面剩下的「牛肉」飯食品裡面，揀選了可以在牛、雞、豬扒三種肉類裡面揀兩種的「鴛鴦扒飯」，然後再在「鴛鴦扒飯」裡面四款醬汁裡面，選擇其中一款醬汁。「濃姐茶餐廳」「鴛鴦扒飯」四款不同味道的醬汁裡面，包括有「黑椒汁」、「咖喱汁」、「豉油」，以及平日我在港式茶餐廳裡面比較少見到的甜味日

近排係新蒲崗返工，約埋朋友一齊食宵夜，多多意見最後求其搵間茶記，點知又幾出色，有小菜，有滾湯，快餐，估唔到連早餐出前一丁都有得食，7個人食300蚊有找 ，啱我呢d窮人😂 好抵食，值得一提牛柳煲超好食。是頭婆口水多過茶，個個客都鍾意搵佢傾計，，入得黎大部分都係熟客，有幾個坐低都話：「照舊」諗唔到食咩可以問佢意見 啱曬選擇困難症嘅人士不過地方就有點細 無圓檯 最後我地要分開兩張檯坐 人多要有心理準備分檯坐。要多d懲罰呢人情味小店