影片
开饭介绍
烧肉质素高，套餐更无限提供前菜。并提供炉边蛋、大酱汤等韩食。除了烧肉，午市还提供熟食套餐，例如人蔘鸡汤配饭、和炖牛肋骨配饭等等。
继续阅读
营业时间
今日营业
11:30 - 22:00
星期一至日
11:30 - 22:00
公众假期
11:30 - 22:00
以上资料只供参考，请与餐厅确认详情
有关奖赏计划
相关文章
好耐無食韓燒，除了食靚豬肉靚牛肉之外，最掛住那個可無限添加的爐邊蛋。今次這間位於北角匯的韓燒餐廳，坐近窗邊座位的話仲可以望到海旁夜景，加分。我們點了一級五花肉套餐$688，店員先送上前菜小食，有泡菜、芽菜、菠菜、海帶及番薯蓉等好多種類，食完仲可以添加，而放滿芝士粟米及泡菜的爐邊蛋亦是可無限refill。套餐主角一級五花肉的油花勁靚，肥瘦相間，輕輕一燒已逼出油脂，肉香味十足，燒到邊位有少少脆口就最正，加上泡菜和生菜包裹一齊食，每口都好滿足。除有高質的五花肉外，還包括三款不同部位的牛肉，有入口嫩滑很快就溶化的和牛牛五花；有肉味較濃亦多肉汁的安格斯牛外群肉；有色澤紅潤口感有嚼勁的牛小排。套餐食材真係勁豐富，不但有豬有牛，仲有雞及魚。蘋果梨汁雞肉非常嫩滑，醃得好入味，食落甜甜地帶有清新果香；因為無鱈魚肉所有改我最鍾意的新鮮鰻魚，肉質厚實，燒至微焦後魚香味更濃，蘸上鰻魚汁食更好味。還有薯仔排骨湯有好多薯仔及好大件的排骨，湯頭帶點韓式的辛辣味，都幾好飲。最後飲埋好大杯的濟州特飲$32及柑橘梳打$32，兩杯都甜甜微酸的，口感清爽。
继续阅读
同朋友去食韓式燒肉店🔥，佢話呢間又經濟又好食! 店舖近於戲院旁，很方便就搵到!! 內裏空間寬敞開揚光亮，坐得舒服，裝潢充滿韓國風情，格調極高! 餐牌種類多：炸雞，鍋物、韓式料理，醬油蟹，醬油蝦都有供應! 今次點了一級五花肉套餐，裏面豬、牛，雞及魚都有，都真係幾抵食!一坐底，店員就主動添上爐邊燒既泡菜蛋及芝士粟米，仲話可無限加配!! 我鐘意後者，芝士味🧀濃配上超甜粟米粒🌽，仲可以拉絲添!! 前菜己經有五款，我地再叫盤生菜黎配肉，每款食幾啖，都夠食飽半個肚皮....🌟套餐有以下幾款：💥五花肉(豬)五花肉肥瘦相間，油脂豐膄，肉嫩甘香之餘不油膩，煎至微微焦脆更香口。附一個唔刺鼻的芥末醬，有助提味同解油膩💥和牛牛五花油花相對偏紮實，脂肪含量比以上低，牛肉味比較濃，適合慢烤，烤至微焦，別有一番風味💥安格斯牛外裙肉油花勁靚，紋理細緻，肉質較結實，帶少許嚼勁💥牛小排色澤紅潤，大理石油脂花紋分布綿密，沒有筋膜，肉質細嫩多汁，牛脂味濃!💥一口燒鰻魚雪魚無貨，改上鰻魚取代! 魚身非常厚肉，一放入燒中燒，魚肉即時收縮! 外層燒得香脆，散發出令人垂涎欲滴的香氣! 燒後肉質保持軟滑彈牙，鮮嫩多汁，每一口鰻魚都融化在口中，令人回味無窮💥蘋果梨汁雞肉用蘋果和梨汁醃製，令雞肉帶甜，燒出黎好嫩滑，比我想像中更加Juicy💥韓式薯仔排骨湯湯底味道濃郁，後勁辛辣! 排骨肉質不只軟淋，味道亦非常入味! 薯仔鬆鬆軟軟，入口帶有微辣，好鐘意這個湯既味道!💥荔枝梳打及青檸梳打🌟前者：感覺帶有淡淡嘅黑加倫子果香味，加上大大粒荔枝果肉，飲落清新涼快🌟後者：新鮮既青檸加上梳打，好Fresh，燒住肉飲一流，帶走埋熱氣又能解油膩!套餐每款肉都有4-5片，份量不算多，但食完都好飽。服務員招呼殷勤，態度親切，贊!🥰
继续阅读
今日過開嚟北角開會，又想食下韓燒，諗起有間濟州燒肉食堂都幾好食，就同同事再次encore。 店員先送上前菜，有酸蘿蔔、泡菜、芽菜、菠菜。 最欣賞可以無限量添加泡菜蛋同埋芝士🧀。 而且呢度個抽風系統都好好，唔會食完成身一陣味。 我哋揀咗個一級五花肉套餐。 一級五花肉：五花肉肉質柔軟，肉味香濃，五花肉肥瘦適中，燒一燒油香更加突出！ 和牛牛五花：和牛牛五花肉質都好稔，油脂均勻，牛味濃郁。 牛胸肉：牛胸肉較少脂肪，肉味濃郁。 安格斯牛外裙肉：外裙肉多脂肪，肉質軟嫩多汁，並且呈現出美妙的口感和風味。肉質非常嫩滑，睇見啲油花已經知一定好好味，油脂入口有溶化嘅感覺，真係好正🤤🤤，唔需要加任何調味料已經好好味。 牛小排：脂肪比例恰到好處，肉質鮮嫩可口。 鰻魚：原本係鱈魚，不過鱈魚無貨就改為鰻魚，仲啱我口味。鰻魚香味濃郁，而鰻魚肉質亦好嫩滑，而微微嘅焦香味加晒分，加埋啲鰻魚汁，味道啱啱好，好滿足呀。 蘋果梨汁雞肉：雞肉有淡淡嘅蘋果梨汁果香味，雞肉吸收晒啲果香味，而且雞肉亦非常嫩滑。 黑米冷麵：冷麵夠晒冰凍，簡簡單單配青瓜絲、蘿蔔絲同雞蛋已經好好味，食完燒肉比較重口味，食個冷麵感覺更加清新。 薯仔排骨湯：薯仔排骨湯同我哋港式嘅薯仔排骨湯好唔同，薯仔整到好稔，做到融化嘅感覺，吸收晒湯汁，帶點韓式嘅辛辣味，非常滋味。豬骨好入味，如果加多碗飯送埋就一流！🤤 荔枝梳打＆濟州特飲：梳打好大杯，啱晒一邊食韓燒一邊解渴。濟州特飲係芒果紅茶，味道唔會好甜，芒果味同紅茶嘅比例恰到好處。
继续阅读
濟州燒肉食堂性價比幾高 😆😆 所以間唔中都會黎食 一坐低 , 店員就會送上 4 款前菜 , 可以任食 ~ 好食又唔太辣 ~ 另外仲有一碟前菜拼盤 , 有芝麻菠菜 , 南瓜蓉同醃菜 , 呢份係定量 , 南瓜蓉好甜 , 口感好細滑😌😌 好似食緊雪糕咁 ! 店員仲會加倒爐邊蛋同芝士粟米 , 爐邊蛋加左泡菜粒 , 食落去蛋好軟滑👍👍泡菜就好脆口 , 暖笠笠 , 擺入口 , 口感夠曬豐富一級五花肉套餐 ($688)呢個套餐好豐富 , 有一級五花肉 , 和牛牛五花 , 安格斯牛外群肉 , 牛小排 , 蘋果梨汁雞肉 , 由於今日冇鱈魚肉 , 轉左做海鰻 (我至愛) , 另外仲有個熱食係薯仔排骨湯 ! 1 個套餐有齊曬牛 , 豬 , 雞 , 海鮮同熱食 🤗大滿足 !我最鍾意係牛小排 , 油脂好平均 , 食落好軟滑 , 另外五花肉當然係另一重點喇 ! 配埋黃豆醬同 kimchi , 整番個生菜包 , 超正 ! 海鰻都好厚身彈牙🤤🤤記住燒個陣要燒皮先 ~濟州特飲 (左) ($32)柑橘梳打 (右) ($32)柑橘梳打有 2 片柑橘肉 , 2 杯都係甜甜酸酸 , 好開胃 , 而且好夠氣 😎😎 食燒肉飲梳打係必須的 !生菜籃 $38薯仔排骨湯飲湯最緊要夠熱 ! 上菜時熱辣辣 , 有 2 大件好多肉嘅排骨同好多薯仔 , 粒飲落去辣辣地 , 越飲越過癮 !!整體黎講 , 呢個套餐包羅萬有 , 份量又啱啱好 , 唔會食得太飽太濟 , 抽氣都做得唔錯 , 唔會好大陣油煙味 , 所以點解我間唔中都會過嚟呢度食 😆😆
继续阅读
濟州燒肉食堂食韓烤，不只有美食，更能有夕陽下維港美景。我和朋友選擇了一級五花肉套餐，價格為$688，套餐內容豐富，包含一級五花肉、和牛牛五花、安格斯牛外裙肉、小牛排、燒白鱔、蘋果梨汁雞肉和薯仔排骨湯。❣️一級五花肉兩條五層肥瘦分明的五花腩，油花分布均勻，肥瘦相間，烤制後外焦內嫩，讓人一口咬下去即感受到肉質的鮮美。這種五花肉的油脂香氣四溢，搭配店裡提供的泡菜和生菜包裹在一起吃，更是讓味道層次分明，令人欲罷不能。💕和牛牛五花和牛牛五花是套餐中的另一大亮點。它的肉質軟嫩，色澤紅白分明，烤完後油脂香氣濃郁，肉汁飽滿。每一口都讓人感受到和牛肉的鮮美，特別是搭配特製的醬料，味道更是出奇的好，讓人回味無窮。❣️安格斯牛外裙肉安格斯牛外裙肉的肉質十分柔嫩，油脂分布均勻，烤制後的肉色誘人。它的口感非常滑順，搭配一些蔬菜和佐料，讓整體味道更加豐富。這道菜是肉食愛好者的必點，絕對不會讓人失望。💕小牛排小牛排肉質細膩，彈性十足，入口有咬口。烤制後的牛排外層略微焦香，而內部卻保持著豐富的肉汁，讓每一口都充滿滿足感。❣️燒白鱔白鱔的肉質厚實彈牙，搭配微辣的醬料，讓味蕾感受到不同的層次。💕蘋果梨汁雞肉蘋果梨汁雞肉帶來了一絲清新的果香，讓人耳目一新。雞肉質地鮮嫩，汁液充盈，果汁的香氣與肉質的鮮美結合，形成了一種獨特的風味。這道菜在整個套餐中提供了一種不同的味覺體驗，非常值得一試。❣️薯仔排骨湯薯仔排骨湯，湯底濃郁，薯仔軟爛，排骨的鮮香讓整碗湯變得十分美味。這道湯不僅能夠暖胃，更是為整體用餐增添了風味的深度，讓人感到十分滿足。這次的韓國燒烤體驗讓我和朋友都非常滿意。每道菜都在質量和口味上表現出色，餐廳的環境和服務也非常到位。期待下次再來享受這裡的美味佳肴！
继续阅读
您可能会有兴趣的...