影片
【南区】【瀛火日式放题】好耐冇去南区，咁耐冇写南区饮食我自己都觉得唔好意思。今次难得同美女朋友喺香港仔揾嘢食，点都要写埋佢。不过呢头周围都系啲大集团嘢食，又冇乜动力去揾小店，之前我自己都系食牛一就算。喺香港仔中心见到呢间「瀛火日式放题」，就入咗去喇。我哋系连餐牌都冇睇过就贡咗入去，都算系勇者嘅表现。不过食放题呢啲，间间都差唔多咁食㗎啦。我哋叫咗一阵都冇嘢嚟，老细劲醒目即刻问我哋系咪已经落咗单，主动帮我哋跟，劲抵赞，一定要写。之后好快就上菜，同埋上放题必食嘅日式刺身喇。水准就正常啦，都只能够讲系一般，而且佢啲嘢有机会唔系一齐上，会梅花间竹咁上，唔好叫多咗。间嘢会播埋生日歌帮客庆生，难怪好受街坊欢迎。老细仲好识讲笑同好细心，会记得啲熟客中意食乜。价钱每位 $308，公众假期或前夕加 $10，埋单 $700，可以啦。。。（地址：香港仔南宁街14号香港仔中心五期地下4B号舖）#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #foodies #tasty #globaleats #tastyfood #foodpics #followforfollowback #love #eat #1am南区 #香港仔 #瀛火日式放题 #瀛火 #日式放题 #日式刺身 #炸物 #天妇罗 #甜品 #1am1741 #1ambackup
继续阅读
从门口睇个价钱牌好似相对贵少少，香港仔但系铜锣湾嘅价钱，但系入到去，食过一次后，觉得绝对物有所值，首先店员好亲切，当时已经系夜晚我揸车去，就拍喺门口，店员经常帮我睇住有冇抄牌，每十至十五分钟就同我报一次平安，真系食得好放心，亦好窝心，食物质素更好，绝对媲美铜锣湾，尖沙咀黄金地段嘅优质放题，刺身款式多，上得快，全部都好新鲜，烧物，全部好畀心机同你慢慢烧，烧鸡翼全部烧到好脆口，咁样烧嘅好处可以保留好多肉汁，每只鸡翼都好好食，佢嘅寿司亦都特别多种类，炙烧嘅三文鱼肥牛寿司非常好食，饮品选择亦都非常多，几个雪柜任你攞，逢星期六日都好多人一定要订位，我闲日去都接近坐爆咁济，虽然人好多，但系所有食物上菜速度都好快，值得一赞，大时大节提早订位，一家人，欢乐嘅一餐
继续阅读
是日父亲节食饭,很久没有食日式放题了,决定试一试这间,我们订了7点食但早到了10分钟到,所以很快就有位了. 讲到食物方面,刺身好新鲜,热盘食物款式都有好多,味道亦都好味,员工服务100分满分,由其是靓仔版白只的服务.推介
继续阅读
趁母亲节前夕一家人嚟食个放题，喜出望外，刺身非常新鲜，唔会就住就住，热食亦都系大大份，味道唔错，对得住个价钱，尤其是而家香港地非常之少有嘅服务态度，做得非常之好，啲员工做嘢非常之勤快，合作性高，亦都好helpful，唔会介意问长问短，仲好好礼貌，香港地已经难得一件，今日开心得滞，食食吓跌咗张500蚊纸落地下自己唔知，一位戴眼镜员工帮我执返俾返我先知，非常感恩，今晚一家人食得非常之开心👍🏻👍🏻
继续阅读
首先嚟个重点概括：食物好、服务好、卫生好🫶🏻之前食开旺角本店，好开心竟然喺香港仔开咗分店！🥹 在下一直系忠实粉丝，大本瀛同瀛火系我食过性价比最高嘅放题👍🏻 从来都冇OpenRice Account，但为咗佢哋可以喺香港仔长做长有，等作为街坊嘅我都可以长食长有，决定要写食评帮手宣传吓🤣！食物质素：食物口味呢啲嘢好主观，但如果你都钟意食饭粒软糯嘅寿司，绝对唔可以错过瀛火！出面好多时食嘅寿司饭冻、硬、干、散，但呢度嘅寿司饭暖、糯、润，刺身食材好新鲜，熟嘅食材调味浓而不腻🤤 我最钟意胡椒岩盐烧左口鱼边同蒜香酱油烧三文鱼火炙寿司，鱼嘅油香同软糯嘅寿司饭系绝配🫶🏻 呢个价位系无得输🙂↔️仲有其他菜式，质素都好高水准，好多时候放题可能只系刺身同寿司好食，但系熟食唔得，或者调返转；但呢度无论刺身定熟食都系中上级水准。都系𠮶句，呢个价钱冇得输🙂↔️服务质素：101分！出餐快、准，老细同几位后生仔服务速度同态度都非常好，能够感觉到佢哋每一个人都想做好件事，赞。餐厅环境：干净企理，餐具都清洁得好好👍🏻 点解要特登提餐具呢？就系因为好多放题啲餐具都洗得唔太干净，即使连锁式嘅放题餐具成日都油淋淋⋯(可能我洁癖😂？)最后，重点推介🔥！中意食甜品嘅一定一定一定要试佢个焦糖炖蛋🍮 ！香甜可口🤤仲有Häagen-Dazs 食，完全满足我嘅甜品胃。所以总结，呢个价钱，呢个食物质素，呢个服务质素，冇！得！输！🤪
继续阅读