火車頭酸辣小窩

营业中

休息中

叫左兩碗面一碗係芫荽皮蛋米線，腐皮卷+牛丸一碗峴肉紫菜米線，豬頸肉芫荽皮蛋湯底唔錯但有埋魚味更好， 峴肉湯反而一般 淡味無咩鮮味腐皮卷係MVP, 豬頸肉，好食連鎖米線既腐皮卷。下次一定會再叫腐皮卷！隔離枱食既炸魚皮好似唔錯 下次可以試

📍火車頭小窩米線（長州）唔好聽到火車頭就以為係越南野！佢係賣幾款自家製湯底既麵食大推蜆肉紫菜湯底大家睇圖都可以見到有幾足料！有好多蜆肉同紫菜蜆肉可能都有十幾二十隻😂令到呢個海鮮湯底超級鮮甜配料方面叫豬扒，份量都唔少呢一碗米線係可以連湯底都清埋！仲有另外一款蕃茄濃湯底入面有少量蕃茄蓉唔算好重蕃茄味，仲覺得湯底有少少水配料方面叫糖心蛋同豬軟骨糖心蛋味道同質感都唔錯不過豬軟骨就煮得老左少少，有少少韌兩款比較，絕對係蜆肉紫菜湯勝出！

上網睇YouTube推介長洲有間米線好好食老遠入長洲一落船就衝咗火車頭食米線叫咗碗中辣米線不過我覺得可以再辣啲米線質感唔錯五十幾蚊仲送杯豆漿真心幾低👍🏼👍🏼

復活節長假開始啦，我哋留喺香港嘅決定去長洲一日遊！前一晚睇緊YouTube，見到有人介紹火車頭米線，佢地自家製湯底，無味精，好正架！我哋叫咗蜆肉紫菜湯米線，只係$62，好多蜆肉，新鮮又甜，紫菜口感豐富！整碗米線都好好味㗎🤗🌈 另外仲叫咗個下午茶套餐，有芝士湯面同炸蝦餃子，只係$42。原來係韓國不倒翁芝士面㗎😍好好味㗎！炸蝦餃子脆口新鮮♡♡配酸辣醬非常好味！不過芝士面嘅糖心蛋苦咗啲，有啲苦，不過佢地送嘅細豆漿好好飲！整體嚟講都好推薦💕

見到網上有人推介，突登入長洲試下。用QR code落單好方便，嗌咗兩碗米線，上菜速度都好快。但食落就出事，豬骨湯完全冇味，雖然網上面睇片個老細話冇落味精，但個湯都唔應該係咁掛，冇豬骨味都算，反而個湯飲到配料青菜嘅菜味。胡椒豬肚湯仲大獲，好似熱水加胡椒咁，得胡椒嘅辣味。原本以為我同男朋友食得太多譚仔，所以先覺得個湯淡，但臨走嗰陣見到隔離枱個婆婆都嗌咗胡椒豬肚湯，佢食食下都要落咗成包辣油，我諗婆婆都頂唔順碗熱水米線了。

《長洲覓食之旅2》在長洲講起特色食物，晌好多香港人或遊客心目中都係海鮮、魚蛋、芒果糯米糍，除左呢D究竟仲有冇其他好吃？《火車頭米線》主打無味味精的豬骨湯底，每天使用約70磅豬骨熬煮5小時多。再從豬骨湯底做底演化出八款湯口味（清湯、香辣、酸辣、麻辣、紫菜蜆肉、蕃茄、芫荽皮蛋、胡椒豬肚）的米線，仲有多款餸料選擇，備受長洲街坊歡迎，是一間開業11年的米線店。豬軟骨蟹柳麻辣米線：麻辣度略為不足，但湯底好飲潤喉，豬軟骨超級柔軟好食。

見啲食評唔錯，舖頭keep住有客就試下幫襯，點知有啲失望蜆肉紫菜湯底+豬頸肉($60)+墨魚春卷(+$12)湯底夠熱，蜆肉多、無沙、新鮮墨魚春卷正常發揮，炸過肉質有口感米線過淋，湯底只有咸味同紫菜味，無其他食評所講嘅鮮甜味炭燒豬頸肉又係只咸味，完全無炭燒味，切到細細塊無口感蝦仔雞翼(+$26四隻)蝦仔姐係蝦米仔，同雞翼都夾既，敗筆係加左芝麻醬，個人覺得同熱既雞翼十分唔夾搞到好咸整體黎講，雖然價錢唔算貴，但個人認為質素一般，見到比較多人叫蕃茄湯底，可能會好味啲

長洲有大魚蛋、長洲有糯米糍、長洲有日式卷蛋，如今長洲更有人氣米線！如果你跟我也是一名米線狂迷，為一碗米線走一趟離島，絕對是一件正常不過的事情！一聽到火車頭，馬上聯想到越南菜，不過此「火車頭」乃一家以酸辣湯底作為招牌的米線店。抵達現場時，已有約十位食客在門外等候，我們之前大約有六個未叫的號碼在登記牌上。幸好，不到二十五分鐘，便分配得到門外的桌子，如果堅持要享受冷氣的話，相信要多等一會！初次體驗後，覺得「火車頭」是一間有質素的米線店，最令我欣賞是他的湯底！每一口足料湯底均蘊藏著經歷時間炮製的單純味兒，從中感受到非一般米線店能及的認真和誠意，大抵可用罕有來形容吧！至於餸料，個人覺得未算有驚喜，但也能展示出注重細節的優點，屬於中上的水平，值得走一趟！炭燒豬頸肉 墨魚春卷 甜腐皮酸辣米線 HK$69愛湯之人，必然第一時候呷一口湯頭！酸辣湯底帶有明顯的辣香， 跟一般酸辣湯底不太一樣之處，是最深深處自然的甜厚底韻。原來那甜厚的味兒是來自自家熬製的豬骨湯，配合調較得非常平衡的酸度和辣度，甚有自成一派的往家風味。 總得來說，酸辣湯底擁有一股誘人、卻來得溫醇的吸引力，真的會追著一口一口地喝，酸辣湯能成為招

由於屋企人要趕船，特登早半個鐘係門外等，員工表示唔可以提早落單或者入去排隊，只可以係門外等，我地都體諒員工時間準備同休息，於是等到11：30。我地係第一台人到，但員工竟然先安排其他人入座同電子落單。電子落單系統之後故障，員工竟然唔係先幫最早排隊嘅我地人手落單，仲要係我三吹四請先過黎處理。之後食物遲遲未上台，實情係因為不斷有人walk in買外賣，表明自己趕船，就可以打尖準備佢地份食物先。當我都表明其實我地都趕船，請樓面問一下廚房，樓面員工竟然反問“趕船？”，並露出不耐煩且難以置信嘅表情。最後，由於電子系統故障，改用人手落單，最後收錢竟收double，員工應該知道一碗面不過60，四個人竟然收400而唔自覺收錯錢。面又記得比少一份，錢又要收多。大家去之前請自行衡量，要唔要冒住無野食，錢又要收多，船又上唔倒嘅風險去食。我屋企人最後係三分鐘內食完碗面，兩分鐘跑去碼頭，實情係我地預左一個鐘，即使員工要準時先落單，我地都有至少半個鐘。

真係好一般 嗌咗蜆肉紫菜湯米線 個湯真係冇味 蜆肉好細粒唔新鮮 $60一碗真係一啲都唔值 另外帶咗個蕃茄湯豬軟骨米線 豬軟骨勁多肥肉 個蕃茄湯底好似罐頭湯加唔夠水咁 最後加咗少少辣醬同埋加咗個蜆肉湯落啲蕃茄湯度先食得落 (反正個蜆肉湯同水冇分別)個雞翼真係好普通 哎呀，No No 真係一定唔會再食 亦都唔會推介比身邊嘅人，除非我好憎佢

#搞串個pantry今次同大家介紹一間望落無乜特別嘅小店🏠，而佢最出名嘅就係蜆肉紫菜湯底🍜！！呢間小店位於#長洲 🏝️，專做#小窩米線 ，有多款湯底、麵底、配料可以揀😎！我哋就叫咗蜆肉紫菜湯米粉，另外各自嗌咗豬軟骨🐷同埋蘿蔔，仲額外叫咗兩隻蝦仔雞翼🍗。蜆肉紫菜湯米粉一上就見到好多紫菜浮係面🤩，仲有少量嘅蝦米🦐，而蜆肉嘅份量亦都非常多！！湯嘅味道剛剛好😜，非常鮮味，唔會太鹹。蜆肉嘅肉質就有啲唔穩定🤨，有啲蜆肉好豐滿，有啲就比較細隻，同埋大約有兩三隻蜆入面有沙。不過整體嚟講都算ok，而且蜆嘅數目非常多，配合埋紫菜、蝦米嘅味道，非常鮮甜好味😋！而蝦仔雞翼🍗，雞翼上面鋪滿咗大量嘅櫻花蝦米，連埋雞翼食落口，令雞翼嘅香氣提升咗，亦多咗唔同嘅口感🤯。但係，雞翼下面浸住一啲芝麻醬，我哋就覺得唔係咁夾啦，如果變成煮過嘅腐乳醬，可能會好食啲🤤❤️！

👱🏻‍♀️適逢呢2日黎長洲工作☁️☀️同事推介左我黎呢度食米線～🍲我叫左🍲蜆肉湯米線+🦑墨魚春卷+豬頸肉🐽個湯有大量既紫菜蜆肉（勁多鐵質😂👍🏻)，米線爽滑、湯底清清地，墨魚春卷彈牙好味😋👍🏻，而呢度既豬頸肉較薄片，個人較喜歡厚切😋貪口感富嘛！另外不得不提呢杯特飲-荔枝果茶🍹超好飲👍🏻有荔枝果香，又唔會太甜，like呀👍🏻🤤😆其間聞到隔離枱既🍅🍅🍅蕃茄湯底勁香！下次黎我一定要試吓😎

星期六同朋友長洲一日遊，經過這間米線門口，很多人排隊，因為天氣太熱，所以我們決定再走一圈，再回去看看，幸運地回程時有位，可以進入，我和朋友，order了 ：-- 芫荽皮蛋湯底 + 豬扒金菇🍄- 胡椒豬肚湯底 + 豬扒魚蛋- 炸雞食物到時非常驚喜，炸雞 又熱又香脆，加上蜜糖芥茉醬非常惹味😍芫荽皮蛋湯 及 胡椒豬肚湯，真材實料冇味精，感受到店主嘅用心👍🏻👍🏻非常值得去食嘅小店

又到週末了，大家可以趁着天氣還不錯入長洲逛逛食食。長洲出名的粉麵除了沙嗲牛通，在筆者心目中還有這家蕃茄湯，可能都有不少人認識。✿ 超濃蕃茄湯米線 $54雖然每間餐廳都話自家的是超濃蕃茄湯，但真正超濃蕃茄湯又有幾多間？火車頭的蕃茄濃湯無添加，味道天然帶點酸甜，還有蕃茄肉，稀遏度剛好又掛到汁。米線不會過份索湯，可以大啖大啖的喝番茄湯，超正！配料選了墨魚春卷和魚腐，墨魚春卷一定要一試，會吃到一粒粒的鮮墨魚，很有口感，其他配料還好。.✿ 蜆肉紫菜湯 $60筆者有選擇困難，上次試過蕃茄湯，雖然是非常好味，令我有心癮，不過都想試試其他湯底。選擇了味道相對較清的湯底，蜆仔量十分多，味道鮮甜，帶點紫菜鹹香，筆者都幾乎喝畢整碗湯。記得當日胃口有點弱🥹 但十分好地餐廳有菜底選擇，相信亦為不少人喜愛，畢竟長洲這麼多美食，胃口都要留一點。.✿ 紫薯網卷 $30最後還加了個小食。 紫薯網卷非常鬆脆，毫不油膩，甜度適中，飯後小小甜一流 😋

【離島區】【火車頭酸辣小窩】我又入長洲玩蒸身，咁入得去就梗係食埋嘢。之但係我自己一個去食嘅，食到嘅嘢始終有限。又咁講，自己一個去嘅話自由度又大好多，我可以自己選擇幾時食同埋自己揀食啲乜。不過蒸身前唔可以太飽，快啲食。行極都搵唔到啱心水嘅嘢食，我又唔會好似「Philip Wong」呢個角色咁周圍扣人五十分，不過呢個時候，我就見到啲嘢。講緊嘅係之前閒逛長洲嗰幾次成日見到嘅呢間火車頭米線，好似幾受島上居民歡迎，好，就用你啦。首先見到佢個經典自選湯底有酸辣、麻辣、香辣、豬骨、芫茜皮蛋、胡椒豬肚，仲有超濃蕃茄湯，都幾多選擇喎，估佢唔到。不過最後我揀咗「蜆肉紫菜湯」配「米通」，啲蜆肉勁多，有成廿幾卅隻仲要冇沙，連埋紫菜勁正。配料方面我揀咗長洲魚蛋、腩肉、芝士竹輪同埋墨魚春卷，一場嚟到食多幾款餸嘛，個芝士竹輪係芝心獅子狗，好正，反而長洲魚蛋係普通 size 而非大魚蛋，大家要留意吓。嘢飲我要「菠蘿果茶」少甜少冰，幾重果味，正。咁就玩咗 $93，不過作為遊客，加多 $16 要多兩件「蝦仔雞翼」唔係好過份啫，而日式芝麻醬加脆蝦米配落雞翼度係非常邪惡嘅。最後餐飯 $109，一次半次冇乜所謂，而且質素都唔錯