火鍋本色 (已結業)

。O小姐。打邊邊。日常。朋友返嚟香港，咁梗係要同佢洗吓塵啦！ 今次我哋嚟到呢間火鍋本色，見佢上網評價唔錯，所以就試吓啦！我哋叫咗個清潤椰子螺頭雞湯做湯底、順便叫咗個本地手切牛、仲有牛柳粒，牛味都重嘅，唔錯唔錯！瞓量正常啦，最緊要係夠味。我哋仲試咗個日本黑豚肉，肥瘦均勻，起碼入口唔係全部肥膏。另外，我哋仲叫咗麻辣三寶（雖然我哋唔係食麻辣）、有海帶、鴨血、同午餐肉🤣。不過份量就少咗少少好似….除咗以上，我哋仲叫咗豆腐、老友鬼鬼、黃金豆腐粒、蔬菜籃（如果金菇多啲就最好啦）、響鈴、仲有必食嘅韭菜餃…. So far 個餃子最好食🫶🏻*打邊最緊要係個汁！ 蒜、麻油是必備的*成日聽人哋講話要咩清油碟..但成日我都要加蒜蓉蔥麻油🙃整體嚟講，唔錯嘅、服務都幾好。

琴晚世界盃決賽 緊係唔少得約埋一班朋友一齊去睇場波先啦😎食物當然唔洗講 佢啲海鮮好新鮮🤤一啲到個海鮮拼盤 個鮑魚仲郁緊🤭最緊要抵食🤤我地早幾日就訂左位 佢仲有獨立間房仔🤭

近排番工超忙，大家都覺得要慰勞自己所以約左去打邊爐✌🏻✌🏻揀左個六人餐！有好多野食😍湯底揀咗鴛鴦鍋，影帝雞煲同蕃茄薯仔豬骨湯，雞煲好惹味😋雞件都好滑。蕃茄薯仔豬骨湯好有住家湯嘅味道，蕃茄味好濃，仲好多湯料😍原條象拔蚌刺身，爽口同好鮮甜🤤海鮮拼盤有龍躉仔、鮑魚同海蝦。鮑魚好新鮮，放入鍋個下都仲郁緊😂海蝦好彈牙，龍躉片好嫩滑🥰極品牛頸脊超正，牛味濃郁，肉質軟嫩😋鵝腸都係必食⭐️好爽同好肥美！！金牌四寶丸大大粒，好爽彈，咬開仲好juicy🤩每款配料都食得出好新鮮，打完邊爐仲有芋圓仙草，大滿足❤️

天氣突然點涼，雖然人少少，都想打個邊爐，暖下身，剛好火鍋本色有位，好開心可以烚吓烚吓！清清地叫個海底椰雪耳排骨湯底，加手切本地牛頸脊、牛骨髓、手打丸拼盤、西洋菜，除左牛骨髓麻麻地，其他都高質。最後仲有雪米糍做甜品，好滿足！地方不大，適合人少打邊爐，比較安靜，而且服務唔錯，可以再嚟！

如果你問我最近想再去嘅火鍋店我一定推介呢間因為我從來無諗過啲野新鮮到咁。本身我地一行7個人，點知有條友甩咗底，但侍應仍然好好服務，逐一介紹有啲乜推介。我地最後點咗個6人餐，因為點計都好似底啲。  影一影個配料盤係因為都幾足料，成12樣野可以俾你加。我地點咗個沙嗲同埋芫茜皮蛋呢啲大路野，有時套餐啲湯底難免稀啲，但呢間真係俾足你，所以我地食到底都係好濃郁。3秒響鈴好多餐廳都係交貨嚟，呢度真係自己炸，老實講，唔使食嗰陣防腐制嘅味，已經唔扣分。而且上嚟嗰時仲係脆。呢度啲餃又係有誠意，唔係嗰啲套餐細細粒，求其交咗貨俾你當有，佢真係大大粒，最鬼鍾意係佢啲雲吞皮唔厚，如果唔係同班化骨龍嚟，我自己會食多幾粒。啲本地手切肥牛，油花紋路真係好靚，你見到啲油花分佈咁平均，每一啖入口都有油香肉香，我地最後係成班忍住有尿酸嘅風險，叫咗啤酒送肉。登登登!!!!  我最suprise係，係餐廳打邊爐，我真係無見過咁雪白嘅鮑魚，所有海鮮都係洗得乾乾淨淨，同屋企食會洗得乾淨一樣，我地成班見到已經嘩嘩聲。 最後埋單........... 每人只係$248，呢個數已經係包埋野飲、加一，大佬，仲想點?  你問下次同班fd出嚟

人多食飯，打邊爐係一個唔錯既選擇，自己鍾意食咩就滾咩。平時散叫邊爐，每人最少冇$500都落唔到樓，朋友今次去火鍋本色，真心有驚喜。一行6人叫左6人套餐，有靚牛、豚肉、醉雞、又有海鮮，仲有勁多丸類配料，每人唔使$300埋單，同任食火鍋差唔多，但食材用料靚好多，價錢真心抵食。仲要環境坐得舒舒服服，唔使同人迫，可以再Encore。6人套餐好多野食，影左幾樣特別有記憶本色極品手切牛 - 唔使講，淨係見到碟牛既脂肪同肉紋，靚成咁，未食都知好正。入口有咬口，重牛味。花雕雞 - 勁香酒味黃油雞，入口雞肉嫩滑，重雞味大堆頭海鮮拼盤，樣樣都新鮮生猛，有蟶子、海蝦、鮑魚、蟹同蜆。蟶子大條肉爽彈牙，灼一灼就食得，無沙勁鮮甜。金牌四寶丸(芝士爽蝦丸、黑松露丸、象拔蚌丸、日本豚肉丸)，每款得2粒。隨機抽到黑松露丸，黑松露味好特出，手打丸入面，食到粒粒原材料，好彈牙。樹記紫菜響鈴卷脆皮響鈴包紫菜，入口酥化，吸滿湯汁

雖然係大熱天時，但有冷氣又點會阻住我哋6位女士去打邊爐兼吹水吖！😙😙$1488/六人套餐價錢已包括茶位、醬料及加一服務費！今晚湯底我哋就要咗蕃茄薯仔豬骨湯 ➕大魚頭豆腐湯！未開始打邊爐就先飲啖湯先！ 一試之下我們都愛上大魚頭豆腐湯！😍😍飲品就有2榨甘筍汁竹蔗水，比起平日的竹蔗水較為深色，後來先知因為➕咗好多甘筍！特上海鮮拼盤有1️⃣鮑魚2️⃣蟶子3️⃣馬刀貝4️⃣蝦5️⃣蟹！全部都好新鮮，由其係蝦，仲好生猛係咁郁添!肉類就有1️⃣本色極品手切牛2️⃣西班牙黑毛豬3️⃣花雕雞半隻🐂 - 油花平均，牛肉味濃！🐷 - 肉質鮮嫩，不會「嚡」！🐔 - 好香花雕酒味，鷄肉好滑！金牌四寶丸1️⃣芝士蝦丸2️⃣黑松露丸3️⃣象拔蚌丸4️⃣豚肉丸 - 每款都很爽口1️⃣樹記紫菜響鈴卷2️⃣炸魚皮3️⃣ 炸釀油炸鬼 - 好香脆，由其鍾意炸釀油炸鬼，因為有蝦膠，更加好味！1️⃣魚皮餃2️⃣雲吞 - 真材實料田園雜菜籃🧺 - 多種蔬菜，非常豐富！最後仲有1️⃣冰豆腐2️⃣粉絲3️⃣稻庭烏冬，但係已經脹飽肚了，沒法完全”KO”這些食物了！😅😅埋單每位$250，真❤️覺得超值！

現在通貨膨脹得厲害，尤其是食物及日用品，想不到在銅鑼灣二百幾蚊一個人都可以食到豐富的火鍋餐，仲要好有質素，物超所值，火鍋本色真出色！我哋食六人餐，$1488 已經包括茶位、醬料及加一，即是每人$248，同班舊同事因為疫情多年冇見，終於有藉口會一會。八款湯底選擇，有幾款都好清潤，適合女士口味，我哋揀了，認為一款配肉一款配海鮮最好。蕃茄薯仔豬骨湯大魚頭豆腐湯八人餐包括以下：特上海鮮拼盤本色極品手切牛西班牙黑毛豬花雕雞半隻炸釀油炸鬼金牌四寶丸樹記紫菜響鈴卷魚皮餃雲吞炸魚皮冰豆腐粉絲稻庭烏冬田園雜菜籃甘筍汁竹蔗水材料非常新鮮，份量十足好夠食。絕對值得再來及推薦給朋友。

已經有一段時間無食過港式火鍋，見都幾多人推薦呢間火鍋店就即刻黎試下啦.本色極品手切牛打邊爐當然要食牛肉啦，呢度嘅手切肥牛都好高質，肥瘦分佈好平均，雪花紋好靚，而且仲好有牛味，牛肉水準相當出色.魚皮餃魚皮餃嘅皮唔會太厚，而且餡料都好香.樹記紫菜響鈴卷我都係第一次食有紫菜係入面嘅響鈴卷，味道上都更加特別，響鈴卷浸一浸即刻食，外面吸曬湯汁而裡面仲脆脆地口感好正.甘荀汁竹蔗水食火鍋咁熱氣都叫翻個竹蔗水降火啦，有甘荀嘅鮮甜味都好好飲

同朋友食飯，最開心就係打邊爐，一齊烚吓烚吓。今次揀左最方便既銅鑼灣，之前都有去過火鍋本色舊鋪，今次第一次去新鋪，同樣有驚喜。叫左個好抵食既6人餐，一個價錢全包宴，已經包左湯底、飲品、食材、同加一，每人除開$300有找。黎到都係先黎個靚靚調味盤，自己混醬有齊海鮮拼盤、牛、豬、雞等，仲有其他丸、雲吞/水餃、蔬菜籃。最驚喜係海鮮拼盤，大堆頭製作，一大盤有齊蟶子、海蝦、鮑魚、蟹同蜆，全部都好新鮮生猛，上枱仲會郁。蜆肉好正，大大粒又冇沙，勁鮮甜肉類黎講，牛肉有驚喜，肉紋同油脂分布好靚，入口牛味濃，有咬口。而其他雜項，最鍾意係雲吞/水餃同樣大大粒，包滿脹卜卜餡料，好飽肚。炸釀油炸鬼係第2樣最愛，油炸鬼釀入彈牙蝦膠，放湯後索滿湯汁，口感好豐富。6人餐真心堅平+抵食，個個都食飽飽，每人除開$300有找

跟住姐姐們又有好嘢食，今次我哋去咗銅鑼灣食火鍋，超值六人餐，$1488 套餐價錢包括茶位、醬料及加一服務費，最怕好多食肆加加下要俾多近$100，全包宴最貨真價實，先讚！睇個餐牌真係好多嘢食，完全唔使擔心唔夠飽，食完之後覺得又新鮮又足料，今晚大家盡興，食到抱住個肚走，哈哈，又要減肥囉！咁即係有咩食，點咗蕃茄薯仔豬骨湯及大魚頭豆腐湯底，兩款都可以先飲碗湯，真材實料煲，飲完唔會口乾，冇乜油唔怕飲。肚餓了，樹記紫菜響鈴卷、炸魚皮、炸釀油炸鬼先吃。之後大擦本色極品手切牛及西班牙黑毛豬，兩個都機設，非常齊整，灼一會食得，非常嫩。另一重點在特上海鮮拼盤，有鮑魚、蝦、蜆蟹，鮮味十足。肉仲有花雕雞半隻，幾香，金牌四寶丸、雲吞、魚皮餃新鮮做，餡足。冰豆腐、粉絲、稻庭烏冬吸湯汁之後極好吃。田園雜菜籃有生菜、小棠菜、金菇、冬菇。兩壼甘筍汁竹蔗水夠飲。

大家都知出去食火鍋都唔平，特別係尖沙咀銅鑼灣，食得好少少無五六百都唔駛走，朋友前排問有邊間平又好，就推薦左呢間，我去試完之後，又真係好平。當然你唔好食完同我講我介紹點解無以前高流灣啲海鮮咁靚，牛肉又無方榮記好，又無和牛又無黑毛豬，丸又唔夠平時介紹個啲好，湯底又唔夠特色，以下呢間火鍋本色，你講得出火鍋底牛肉海鮮丸餃類菜炸物飲品乜都有都只係三百蚊位，你仲想點。呢個叫聚一聚套餐，四人同六人都各有唔同，睇你幾多人，但都係一句値。湯底選擇有番茄薯仔豬骨湯 ，四川麻辣湯，瑤柱火腿冬瓜湯，馬來沙嗲湯，海底椰雪梨湯，大魚頭豆腐湯，芫茜皮蛋湯，火鍋清湯，以呢個價錢，一啲都唔求其，我點了海底椰雪梨湯，同芫茜皮蛋，幾足料，又唔俾淡而無味的食材。本身四個人甘筍汁竹蔗水 / 酸梅湯任選一支，六人就各一支，而主菜本色極品手切牛同西班牙黑毛豬，二選一還是我全都要。極品手切牛唔係好大件，但都幾夠牛味，平時你街市買都未必有咁靚，西班牙黑毛豬阿媽好鐘意，食唔停。6人餐有特上海鮮拼盤，有鮑魚，蟶子，馬刀貝，羔蟹，蝦，全部海鮮都新鮮同靚，特別係鮑魚同蝦。六人有花雕雞半隻，加落個湯度就最好，而且焗雞都幾大隻，雖然唔係新鮮雞，但

家姐行完書展，知道我今日係香港區做嘢，約我一齊晚餐，之前我同佢提過銅鑼灣有一間上樓的火鍋店，佢話想試試，所以就上來了。今天點了4人餐，十分豐富，有海鮮丶肥牛丶餃類丶蔬菜丶飲品等等，性價比！最喜歡是它的調味料，新鮮乾淨衛生，款式又夠多！我打邊爐必定食魚皮餃和雲吞，兩款感覺是自家製，餡料十足，新鮮蝦肉夠彈牙，尺寸大大粒！還有比較特別的是有冰豆腐，豆腐吸收了湯的鮮味，好味又唔怕肥，健康之選！上次已經愛上的炸釀鬼油炸，蝦膠加油炸鬼，簡直是一拍即合的配搭， 十分鮮味又口感十足！最喜歡響鈴配上紫菜，一般的火鍋店就只有響鈴，要知道紫菜響鈴比起普通響鈴貴一倍，這火鍋誠意十足！魚皮夠脆口, 分量又多。我最欣賞這海鮮拼盤，新鮮到不得了！姐姐看到會動的大蝦有點驚呢！鮑魚丶大蜆丶聖子，尺寸十足，海鮮新鮮又大份，味道十分鮮味，而且還有大大隻蟹呢！我們四人也是牛魔王，這個手切極品牛肉份量夠多，厚切口感好正，牛味夠濃！今次家姐都話我無介紹錯！這店是銅鑼灣打邊爐首選！

熱咗咁耐，好想打邊爐，今日終於忍唔來到性價比極高嘅《火鍋本色》😊餐廳不算很大，但坐得非常闊落，店員非常專業有禮👏我們叫了一個四人套餐，鴛鴦鍋蕃茄薯仔拼麻辣火鍋，兩個湯底都不錯🍅🌶先來一個海鮮拼盤，有海蝦，鮑魚，大蜆，蟹和聖子，全部都很鮮甜🦐🦀😋喜歡食辣的朋友，一定要食凍豆腐，索晒麻辣汁來吃很刺激🥵，加埋杯生啤來解辣，爽呀😅韭菜餃，大大隻餡料十足😌墨魚滑釀油炸鬼，第一次食，外脆內軟，感覺幾特別，一定要試吓👍加埋其他配菜和烏冬，呢一餐好滿足🤪最後店員還送上每人一碗糖水，真係好貼心❤️

= = = = = = = = = = = = = = = 總括💬：總括: CP值高，銅鑼灣親民價錢邊爐，食材新鮮豐富，高質素 環境：★★★★★ | 味道：★★★★★ 服務：★★★★★ | 抵食：★★★★★————————————————限聚令放寬最開心就係可以成班朋友聚聚 一齊打邊爐烚吓烚吓最開心 . 星期日去咗銅鑼灣‧火鍋本色 一行6人被安排坐VIP房 位置寬闊 唔怕嘈親其他人 . 火鍋料可以散叫或者叫套餐 叫套餐最方便又抵食 套餐係全包宴有肉、有菜、有海鮮、2 jer 飲品連埋加一 除開每位唔使$300埋單 . 飲品可以選擇: 竹蔗水同酸梅湯 . 湯底有8款可以揀 點了鴛鴦鍋 大魚頭豆腐湯 + 四川麻辣湯 . 先黎大堆頭生猛海鮮 特上海鮮拼盤 有齊唔同嘅海鮮 按餐廳日日海鮮提供 有蟶子、海蝦、鮑魚、蟹同蜆 . 肉肉方面: 有牛有豬仲有雞 °. 本色極品手切牛 .° 雪花多而均勻 口感爽嫩軟滑有咬口 .°. 花雕雞半隻 .° 雞肉浸酒吸盡味道 吃起來味道酒香味濃 雞肉嫩滑 .﹝上至下﹞ °. 西班牙黑毛豬 .° 豐富大理石油花 焯熟之後，肉嫩彈牙 咬落食到好香嘅肉香同油花甘香 濃郁