炊豕店 (威靈頓街) (已結業)

好耐之前已經試過一次炊豕店（銅鑼灣分店），知道佢哋最近喺中環開咗新分店，上星期經過就去試咗。可能因為星期五lunch time比較多人，同埋鋪面唔算好大，所以都等咗30分鐘先有位。炊豕店最出名嘅就係秘製豬排，今次我就點咗秘製豬排飯配肉燥汁。等咗唔洗10分鐘就有得食，嚟到嘅時候仲係好熱嘅，睇得出豬扒真係啱啱炸起。佢哋啲豬扒真係炸得好好，外面炸得好脆，但入面唔會話好乾仲有好多肉汁我個人最鍾意個飯底係用日本珍珠米，好好味。唯一略嫌個飯嘅肉燥汁少咗啲，如果多返啲就好啦。我覺得銅鑼灣同中環分店嘅水準其實都一樣keep 到不過如果想食嘅話我都會建議預多少少時間排隊。

今日同朋友提開銅鑼灣果間炊豕店好食，知道中環開左分店，所以向佢提議不如去中環果間中環果間相對比較闊落，坐得舒服今次仍然係叫左招聘菜 滷水汁豬排飯仍然係一大塊，炸皮薄脆，不過有少少位唔熟，但見只有少部分所以冇叫佢重新整過豬排比較林身，唔會太韌，飯係珍珠米，好香唔濕，粒粒分明另外叫左豬軟骨滷水汁飯豬軟骨林身易入口，之前係另外分店食過比較韌有點擔心，不過今次冇失望。滷水汁係加$8要的，$8就已經有一大碗滷水汁，超抵涼拌大豆芽，必叫，食過番尋味！！酸酸地好開胃椒鹽魷魚鬚，少鹹，唔洗點汁都ok，點汁會再鹹d。雖然放左一陣先食，但都仲脆口滷水雞翼皮薄肉嫩，好易咬開，入晒味，一流！！炸魚蛋唔係炸到脆卜卜果隻，類似普通果隻魚蛋不過好彈牙呢！！

環境:餐廳位於中環威靈頓街, 裝修設計似日本餐廳小店, 坐位唔多, 因為中環呢間主要做外賣, 不過平日都好多人食, 午餐時間應該都要等一陣.食物: 作為炊豕店既招牌菜, 蔥油豬扒飯絕對是必點. 豬扒飯即叫即整, 所以上菜時豬扒仲出緊煙. 而豬扒亦都好大塊, 表皮炸得好脆口. 雖然豬扒已經好吸引, 但最吸引係豬扒上面果一堆蔥油, 佢絕對係呢個飯既精髓. 鹹鹹既蔥油, 加上香脆既豬扒, 係會令你好快食完碗飯. 雖然有人會覺得單調, 但簡單既味道先係最好. 唔夠味仲可以加佢秘製豉油.價錢:價錢唔算貴, $60一碗蔥油豬扒飯, 可以另加小食, 不過其實一碗豬扒飯已經好大碗. 所以以$60呢個價錢系中環黎講都算抵食, 呢間絕對推介大家試下.

今日屋企無飯開既關係，放左工就係中環食埋自己先返歸～ lunch hour已經search定有咩可以食，見到呢間炊豕店零喊而且價錢係中環唔算貴，決定一於去試下！😊餐廳外觀設計簡潔，白色牆身配上有個豬頭既logo，加埋藍綠色系窗框😌 餐廳入面唔係好大，幾張4人檯再加一排自閉位～ 我自己一個，而且又想影相唔好騷擾到人，當然揀自閉位🙊🙊落單紙前後中、英2頁，簡單清晰。主菜、小食選擇都唔少，而飯都係以豬為主。 最後我揀左 秘製豬扒飯（肉燥汁） + 煎蛋，野飲要熱蜂蜜柚子茶🥰野食到💁🏻‍♀️ 一上檯就聞到好香🤤然後一睇，嘩！豬扒真係好大塊！個煎蛋都好靚🍳 豬扒大塊得黎仲有一定厚度，而且個炸皮好薄，炸得好靚，仲無油味～ 肉燥汁都好香，味道係屬於甜甜地既，送飯食一流～ 之後再吉穿個蛋黃撈飯食，都係好好味🤗 飯量都好多呀，細食既朋友可以嗌少飯！至於野飲熱蜂蜜柚子茶都好夠味🥰 一路飲都見到好多柚子～最後埋單$69，中上環黎講都真係實惠，夠飽，味道又唔錯，可以翻兜👌🏻😌

這間人龍店享負盛名，每次經過銅鑼灣店也見到絡繹不絕的人龍。最近中環點開張終於有機會一嚐它的滋味~蔥油豬扒飯 $60豬扒炸皮粉醬又薄又脆，肉質鬆軟，蔥油份量很多，連同甜醬油我拌了好大的一碗飯！叉燒粒豆角蔥花炒滑蛋飯 $52炒蛋又嫩又滑，叉燒粒及豆角切丁炒香後也是非常美味的。飯香撲鼻，吃完這兩碗飯感到很滿足~

呢日番上環呢邊總公司上堂，晏晝同係駐上環區既同事食飯，猶地頭虫帶路，黎左呢間有d懷舊風既鋪頭食豬排，同事話好食，基本上每星期都有一日黎食晏。餐牌選擇唔算多，但就好專，我覺得咁樣做得集d中主打做某幾款精既主打，反而會功多藝熟，食物質素點都會靠譜。好入番正題，同事話唔可以唔食炸豬排，推薦我食經秒製豬排飯配肉澡汁好快上枱前後不過落單後3分鐘，但食物好熱上枱感受到熱力估唔都份量都幾足，豬扒好大塊，大過隻手掌，鋪到成個碗咁大呢到啲炸漿好薄，唔會好油同有浸油益味，非常香口睇相都見到乾身唔油膩, 豬排肉質鬆化唔會炸到過韌,肉質咬口適中，唔會話太硬咬唔開，整體真係好食我配幼麵，因為鐘情食麵多個飯，自我感覺仲麵無咁滯，肉澡汁同個麵都好夾， 滷好既肉燥質地軟嫩有少少肥肉但入口化開，食落唔覺食左肥肉，好食同事都係炸食豬，但就配咖哩汁 跟飯再加多塊厚午餐肉豬排一樣都好大塊，呢個價錢黎講份量算得上係出乎意料地多，飯量好足，係一定會好飽果種豬排炸得外層鬆脆，粉漿同我果塊一樣無過厚，夠酥脆，交換左一塊黎食，咬開肉質都係嫩口而且乾爽酥香，炸得乾身不油膩，無咩肉索到係塊豬排到米飯煮得粒粒分明，不會過乾或過黏, 咖哩有點

位於中環的炊豕店，是一間深受打公仔歡迎的台式豬扒店。「我們都是食豬大的!」大大張的口號張貼在店內，完完全全感受到老闆對豬的熱情，完完全全感受到老闆到豬的情意結哦。曾經去過餐廳在銅鑼灣的本店，吃過一次已經深深愛上，是日相約朋友去中環吃甜品，吃甜點前先到這裡吃頓正餐吧。餐廳的地方大小跟本店差不多，有點狹窄，坐得不算舒服，但價格相宜，當然不會要求太多啦。餐牌獨沽一味只賣豬，老闆想一心做好豬扒菜式，提供最美味的豬扒料理。蔥油豬扒飯 $60 + 滑蛋$10 + 肉燥 $8特製肉燥豬扒飯 $56 + 滑蛋$10賣相超吸引的蔥油豬扒飯，難怪會成為打工仔的長期飯堂啦! 滿滿的蔥油，香氣四溢，蔥香油香令人囗水直流。大掌般大的即炸豬扒，完全能滿足食肉獸的慾望呀。炸豬扒炸得非常好，炸漿厚薄剛好，豬肉入味又軟腍，外脆內嫩，啖啖肉的滋味，真的令人極度滿足!餐廳採用珍珠米，圓潤短小，較為甘甜，拌上蔥油，油香滿佈。但個人更愛拌上肉燥，肉燥有大量豬腩肉粒，醬汁醬郁惹味，配飯一流，吃吃吃個不停，難怪大量客人慕名而來!

個日放左工，就諗住係中環附近搵間平平地既餐廳食飯，估唔到呢間餐廳好有驚喜。個日八點幾到，人唔算多，位置都算幾舒服。個餐牌上面大部分都既items都幾係幾十蚊，中環黎講好抵食。我同另外一個女仔朋友唔算太肚餓，所以就嗌左個主食share. 佢個袐製豬扒飯真係好大份，兩個女仔share岩岩好。個豬扒脆得黎唔會太熱氣，仲大塊過隻手。飯既份量多過一碗飯，好飽。再加左$10加左塊厚午餐肉，好抵食呀！之後再加左三個小食， 我最推介既係鳯尾蝦。好入味，啲炸粉同個蝦好配合。呢個椒鹽魷魚鬚都好好食，脆得黎唔會太咸。唔中意蔥既朋友可以走蔥添。另外，都叫左個炸芝麻雞翼，唔會太炸，脆得岩岩好。最後，跟主食加左$5飲杯熱既柚子蜜。Conclusion: 兩個女仔食左咁多野，都係百幾蚊，真係好抵食，好飽。中環既朋友，可以一試呀！

作為香港foodie，最開心莫過於見到香港嘅地道飲食文化與其他地方特色融合，成為一款款變化多端的fusion菜式！朋友介紹呢間港台融合新派菜式，一進去就好像回到舊香港。叫咗幾碗面同飯，以及幾款小菜，首先來到的是芽菜，芽菜混入醋和麻油，酸酸甜甜，而且好爽脆，非常開胃。這間餐廳將港式魚蛋發揮得淋漓盡致，首先魚蛋外皮炸得香脆，金黃的外皮上灑上炸蒜粒，仲有香辣的沙嗲醬，魚蛋用真材實料製作，肉質彈牙。食完小食入正餐啦！本人最推介沖繩豬軟骨飯，豬軟骨上的醬油香味濃郁，經過長時間慢煮，肉質非常之軟熟，豬軟骨不是一般脆卜卜的質感，而是接近牛骨髓的軟硬程度，食到整個口膠著，難道這就是傳說中的骨膠原？在這裏也想讚賞一下餐廳的細心，除了餸菜做得出色之外，連麵條也一絲不苟，這種粗麵沒有鹼水的味道，反而有自然的蛋香，混入稠身的醬油，好惹味！話梅花雕豬手粗麵，同樣地豬手經過慢煮之後，質地軟熟，輕易咬開，而且滲出酒香，不過食唔出有話梅味lol朋友叫咗蔥油豬扒飯，冇估到豬扒長過一隻手掌，食完塊豬扒已經飽左😹

看見同事買來一客豬扒飯作為午餐，為食小人家即時垂涎三尺，拉著同事帶領前往是也。原來乃是小人曾經前往銅鑼灣店的炊豕店！本豬怪實在大喜！同事叫了跟外賣時一樣的蔥油豬扒飯，但見他讚不絕口，說著現場吃的比外賣的豬扒更香更脆，好吃上百倍！以一碗普通豬扒飯小人豈能滿足，因此小人要了一碗特製豬扒飯加厚切午餐肉。一吃之下，豬扒果然勁掂：外層脆而少油，豬扒仍然濕潤。厚切的午餐肉煎得甚香，肉燥汁亦極為提味！反而大豆芽小食太酸太硬，非小人所好，同事吃了大大大半。台之豬味，果然「豬（滋）味」！

經過中上環見到有間食炸豬扒嘅小店，裡面嘅裝修都要好復古，牆身掛左好多以前舊式嘅電影海報，即刻忍唔住要入去坐低食飯。坐低叫左一個佢地嘅招牌菜—蔥油豬排飯，碗飯黎到見到塊大大塊嘅豬扒，炸得好香，又鬆脆又可口，一啲都唔覺得有油膩感，冇平時嘅吉列豬扒咁肥，啲蔥油用黎送飯一流呀，大件夾抵食，行過中環絕對唔可以錯過😝

落咗幾日雨，今日下晝終於出返太陽，所以趁放假去咗行大館，行到有啲肚餓就睇吓附近有啲乜嘢食，見到呢一間炊豕店， 好似幾出名所以就試吓啦！呢度最出名好似係炸豬扒，同埋厚餐肉，所以就叫咗一個肉操豬扒撈麵，再加餐肉，另外加咗份滷水雞翼同埋鳳尾蝦同朋友share厚餐肉真係好厚，其實就唔會唔好食不過個炸豬扒真係名不虛傳，超級大塊而且好有肉汁！👍🏿撈麵配埋肉燥唔會太鹹，而且麵質幾爽口，另外原來鳳尾蝦好似蝦天婦羅咁樣，不過炸得好香脆好好食，而且滷水雞翼係熱辣辣，滷水汁好甜好好味

曾經有朋友介紹過我食呢一間炊豕店，不過銅鑼灣嗰間成日都好多人，我就唔鍾意排隊嘅😂今次去開中環睇醫生，睇完醫生時間尚早就去咗食個early dinner😎雖然呢度出名食炸豬扒，但係我反而俾佢個梅菜扣肉吸引左😍之後加咗一份海蜇同埋炸魷魚鬚。嘢飲方面仲可以揀花茶冇咁熱氣🤣炸魷魚鬚比較乾身，如果配啤酒就一流，海蜇都好夠味！梅菜扣肉賣相勁吸引，勁大盤，而且扣肉唔係太肥，至少肥肉唔係佔咗八成，係可以成舊食晒架，而且梅菜好甜超好送飯！👍🏿👍🏿👍🏿

港島區多隱世美食就係人都知，但保留着香港特色嘅懷舊美食就真係冇乜幾間做到。港島區想食餐飯都唔平，但今次就比我咁啱經過上環搵到間性價比極高嘅港式餐廳。位置唔算難搵，就係港鐵上環站附近，大概5分鐘嘅路程。鋪頭都有舊時香港嘅特色，亦都會播好多以前嘅廣東歌，實在令香港人非常有共鳴。諗住先叫個小食開下胃，點知淨係小食到咁足料酥炸鳳尾蝦$24/3隻呢碟蝦蝦落足料炸，每隻蝦都有一支筆咁長，一個銀咁粗。亦都唔係坊間咁落大量炸粉呃消費者。秘製豬扒飯(咖喱汁)+炒滑蛋 $60+ $10呢個價食一碗高質豬扒飯絕對係超值有餘。塊豬扒大到可以遮個碗，但係佢絕對唔係偷工減料，大部份都係骨 ，反而係啖啖肉，加上炸得又香又脆，令人十分滿意。加上咖喱簡直係絕配，撈飯食唔使食好多都夠皮。加埋抄得又滑又香嘅炒滑蛋，成碗飯就變咗咖喱豬扒滑蛋飯，簡直係完美配搭。蔥油豬扒麵$60同上面一樣，豬扒都係賣點，令人十分滿意。唯一唔同嘅係用咗蔥油同轉左唔使加錢嘅幼麵，份量相當多，蔥油嘅配搭都係啱啱好，撈麵食一流。五花茶 跟餐加$10

呢間小店銅鑼灣已經好有名，成日排長龍，今年來到中環插旗，俾我呢d打工仔有多個好選擇款式來講需然唔算太多，一眼睇晒，但或者咁先睇得出會保持食物質素同出品，不會一時大跌watt我是外賣帶回公司食，豬扒夠厚身，肉脆又多汁肉燥汁又不會太甜同太咸，又夠大件頭，飽肚滿足，五十幾蚊中環食個有質素既飯盒都差不多了，以後又多個好選擇