炊豕店 (威靈頓街) (已結業)

有日lunch time同同事行過見到呢間店幾得意，上openrice見到零負評就即刻約happy friday兼長假前夕就約埋黎試一試有幾正~呢間店舖裝修好懷舊，好似去左六七大年代既食肆咁!牆上面貼左d懷舊海報，仲有古老要用手撥號既電話~點餐係剔紙仔既~樣樣都好似好吸引，最後我同同事分別叫左肉燥豬扒飯同蔥油豬扒飯~仲加多左個芝麻雞翼同椒盬魷魚鬚。野飲同事叫左cc lemon~我就叫左個熱蜂蜜生薑茶。cc lemon係咩名大家都知道就唔多講，想講既係唔係好多餐廳提供既蜂蜜生薑茶~因為今餐都係炸野比較熱氣~諗住有杯蜂蜜生薑茶可以清一清熱~果然叫得好~呢杯茶入口順喉唔過甜，薑味都夠重~岩哂女士飲!跟住我地既豬扒飯上檯~兩碗既豬扒都好大塊!炸到金黃色勁吸引!肉燥分佈係豬扒既下方，食落唔會過咸，撈埋飯食好好食!好有台灣既風味!而主角豬扒炸得非常脆口，但入面仍保留肉汁唔會炸得太乾，非常juicy惹味!同事既蔥油豬扒飯本身我諗到係會好油偏咸d，點知完全唔油，仲好香蔥油味，佢話比我既肉燥飯更香更好送飯，見佢三扒兩撥已經食哂，都知道一定好岩口味!另外叫既小食椒盬魷魚鬚亦唔錯~以前細個興過一排街邊買$1

人龍炸豬扒專門店中環開左分店！雖然午飯時間好多人排隊但坐低左亦唔會限時趕你走 算係好難得秘製炸豬扒配肉燥汁加煎蛋 | $56+8炸豬扒好大塊 外面超鬆脆得來一點都唔油裡面豬扒不會過乾 仍然juicy 係幾高質但塊豬扒比想像中薄 炸粉略嫌偏厚但整體來說真係幾正普通一隻煎蛋但都要讚一下煎得邊位好脆蛋黃依然生再加點豉油真係一流肉燥汁味道不錯 裡面有頗多腩肉(走飯依然成碗肉燥汁俾我實在抵讚👍🏻)另加了涼伴大豆芽有碟菜食下清清地減膩

一入餐廳，係播住懷舊嘅香港歌曲，有林子祥嘅歌etc. 牆上面掛上舊式poster ，舊式嘅畫同以前嘅報紙  每次經過都見到好多人排隊等位入去食 今日竟然唔洗排隊等位，就入到去啦當時其實都晏，大約2點令叫咗 秘製豬扒飯 同 沖繩豬軟骨飯 秘製豬扒飯佢嘅豬扒好大塊，舖滿咗成個碗面 豬扒好鬆脆，食完唔會有一種油油嘅感覺肉燥汁都好好味沖繩豬軟骨飯豬軟骨幾軟"林林"同幾濃味 配菜有蓮藕同蘿白而個飯都配咗少許肉燥 

雖然我朋友係係上環返工，但都唔知道上環有呢間鋪頭，一間食台灣小菜嘅鋪頭。出面大大隻字寫住，好容易就會揾到。鋪頭出面有張大大張嘅menu，睇到炊豕店嘅有咩食同埋相，睇到都流哂口水。炊豕店嘅製湟好靚，好似去左台灣咁，成間餐廳嘅風格都係走老台灣feel，見到店主好有心機，揾左好多舊台灣電影poster，令到成間鋪頭好有feel。餐廳係用填紙落單嘅方式，好方便！蔥油豬排飯呢個蔥油豬排飯好推介、好好食，炸得好香脆，咬落去時卡卡聲，好正！入面嘅肉汁亦可以保存到，肉汁係口入面流出黎，蔥油好有鹹香味，用黎撈飯一流！滷蛋肉燥撈面港台fusion菜，好少見到會肉燥撈粗面，意想唔到係夾，油光係d面條上面閃閃發光，睇到都令人食指大動，肉燥嘅份量比得好大方，食哂成碗面都仲有好多，肉燥調味調得好好，帶有少少甜味，令好容易一口接一口咁食！炸芝麻雞翼炊豕店嘅炸物做得非常唔錯，炸雞翼炸得好香脆，肉亦可以保留嫩，好值得叫！熱蜂蜜薑茶薑茶好有有薑味，如果冬天飲，一定好保暖，更正！

今日難得放假，去咗中環等朋友放工食飯，係冇咩目標底下見到依家炊豕店，裝修幾靚又唔係好多人，所以就決定食呢間野啦。😎😎之前好似食過銅鑼灣分店，唔知原來中環都有呢一間，咁我就叫咗個肉操秘製豬扒飯，而我朋友就叫咗沖繩豬軟骨飯，另外因為天氣都有啲熱，我哋就叫咗兩杯果汁，好似話係葡萄牙ge，個包裝都幾靚，同埋幾好飲好似鮮果汁。🤪另外，我哋叫咗兩款小食，包括鹽燒炸魷魚同埋海蜇，咁我自己就比較鍾意海蜇😍😍魷魚有少少太細有啲失望我自己好鍾意佢個豬扒飯，因為係非常新鮮炸🤩好大非常之夠食另外我同朋友都坐咗一陣，因為環境幾舒服🤪佢嘅風格係好似老香港嘅屋企，有傢俬，一啲舊海報日曆，同埋收音機📻最後如果佢有五花茶就好啦，因為咁啱嗰日冇貨😭

酥炸鳳尾蝦 $24 （3隻）推薦！！原條蝦即叫即炸 熱辣辣所以要小心d 放一陣先好食個炸漿好正 咬落去外面鬆脆 入面鮮蝦彈牙就咁食蝦嘅鮮味好出 點左佢個蛋黃醬 咸咸地 味道層次會多d 三隻唔夠喉😝蔥油豬扒飯加左配料 滑蛋 係豬扒下面豬扒炸粉唔太厚 咬落去啖啖肉配以少許嘅油脂 👍👍個飯本身有豉油 再加蔥油拌飯 雖然有d heavy 但係香到 魅力沒法擋💗 朋友食咖哩汁都拎左d蔥油嚟拌飯😂隻蛋夠厚，滑 可以中和返油膩感 最後係招牌豬扒飯配咖哩汁咖哩汁少少辣 本身睇個樣以為再配埋炸豬扒會太油膩 但唔會 咖哩汁可以cover左炸豬嘅油膩感 同埋辣辣地 可以拌飯 又係食唔停😛呢間野銅鑼灣好多人 難得開左分店又唔多人 終於可以一試 港式風味豬扒飯唔錯 炸蝦有驚喜!

最近一直努力發掘近中環區平價餐廳，今日喺OpenRice 見到呢間炊豕店喺我公司附近，價錢又唔貴，決定去食個晚餐。炊豕店外面望落幾似文青店，白色牆配綠色窗櫃，簡潔得嚟幾靚。而入面嘅裝修就行懷舊風，似香港5,60年代嘅士多風格。有舊式熱水壺同風扇做襯托，幾有舊年代風味。牆上就掛左好幾張海報，有30年前舊報紙，又有舊公仔書裡面嘅圖畫，幾有氣氛。今次就叫左呢道嘅招牌豬扒飯，我同朋友兩個人一樣叫左秘製豬扒飯，不過一個叫肉燥汁，一個叫咖哩汁。個飯都幾大個，份量十足。豬扒炸得香又脆，送飯一流。加上啱啱煮起就食，熱辣辣又脆。另外仲叫左個辣味海蜇同滷水蛋兩個人分嚟食，平時食餐廳海蜇都會莫明有啲膠味，但係今次嘅凍食海蜇咬落彈牙冇膠味，辣椒唔算辣，都幾入味，值得一讚。飲品就叫左個熱蜂蜜柚子同同熱蜂蜜生薑茶，跟餐先加5蚊，值得加錢飲。餐廳嘅另一重點係店員嘅製服，上面寫住 我們都是食豬大的，可能食豬食得多，所以煮豕料理先咁出色。最後兩個人今埋單$154，唔洗加一。計落每個人都係77蚊，食到好飽。想嚟食嘅最好早啲到，因為唔係做宵夜食市，所以餐廳8點後就唔接食客，我走嘅時候830已經所有枱啲人走哂。不過好食嘅係值

中環接愛人放工，知道炊豕店開左間分店響左近，深信午市好爆，放工去原來都唔錯喎，間舖零零舍舍凹左入威靈頓街少少，做左又高又大嘅窗，可望出街道又唔會同車太近，有懷舊中環嘅空間感，同銅鑼灣舖一樣裝修用上世紀feel，及自助落單，單嘅設計好全面，一個人一張單。話梅花雕豬手飯$52，免費改粗麵，加左$10多半塊餐肉，花雕豬手無乜花雕味，豬手唔硬唔淋好適中，D汁用嚟伴粗麵真係超推介，加上廚師落左好多炸香蒜，好野味🤤餐肉亦係必食之選，厚切外脆內軟，有豪食嘅感覺，坦白講自己響屋企，就唔會食得咁邪惡🤣蔥油豬扒飯$60，嚟炊豕店點會唔叫招牌菜，厚切炸豬排好似好食過老店添😝單係蔥油伴白飯我都可以食兩碗🍚🍚椒鹽魷魚鬚$38，出邊能夠用呢個價食到嗎？！即叫即炸，又熱又脆𠺢💥

星期六同男朋友行完PMQ，去咗最近喺中環新嘅炊豕店到食飯，之前曾經去過銅鑼灣店，但見好多人等位就冇排到。今次我地七點未夠就到咗中環店，店入面都已經唔少人，好彩都仲有位可以馬上入座。餐廳內嘅裝修以港式地道懷舊做主題，有舊式嘅家具小擺設，用上木枱木櫈，仲有牆上呢啲昔日課本入面嘅畫作。Menu簡單清晰易明，一人剔一張。價錢易得唔貴，喺中環嚟講，直頭係抵食！⭐️秘製豬扒飯撈粗<肉燥汁> HKD$56 +厚午餐肉HKD$10好大碗呀🙀豬扒好大塊，遮哂我成碗麵，厚午餐肉真係名副其實嘅厚！厚午餐肉煎得外脆內軟好好味，厚切食落啖啖肉好滿足😌豬扒大大塊仲好好味！外皮炸得乾身而且金黃酥脆，炸漿夠薄，索好油先上碟，唔會油冧冧，食落脆卜卜，肉質嫩滑juicy，正👍🏻👍🏻肉燥汁濃郁又唔會過咸😋⭐️叉粒豆角葱花炒滑蛋撈粗 HKD$52滑蛋炒得好嫩，叉粒同豆角鋪滿蛋面，好足料！撈粗已撈好上哂醬汁，仲有炸蒜伴碟。⭐️炸芝麻雞翼(2隻) HKD$28呢到嘅炸物的確做得好，火喉掌握得準確。外皮香脆，內裡肉質保持滑溜👍🏻仲有七味粉同芝麻，食落夠哂香口。⭐️汽水跟餐+HKD$5

平日黃昏後，踏上中環的路上，唔係蘇豪就蘭桂的pub bar restaurant....我就反樸去威靈頓街的小店搵（豕）食之前幾次午飯時間經過，都人生人海排龍隊。時間尚早，未有人潮，就試試先餐單全都是用豬肉製成的不同食材（豬扒、豬軟骨、扣肉、餐肉、叉燒）多款選擇，仲有追加那些年的味道（同班同學）😊😊小食：麻辣炸魚旦（$20）未食...聞到果種麻味已經觸動了食神經味道唔錯，辣度適中，辣味初哥啱哂（如食得辣的朋友，就未必夠喉）主角出埸豬扒肉躁飯份量足夠，好大塊豬扒（幾乎蓋過隻碗）肉質juicy...香脆，可以推介（如肉躁再多點，更加🈵️分）*值得一提係碗飯（我喜歡吃的米）套餐可選蘋果汁 (加$8）（我喜歡佢地不是用果x先x 或自製溝果d)注意：用餐時間45分鐘上菜時間都算OK，足夠可以食飽飽閃人

晚上係中環威靈頓街行下行下，見到一間幾有格調既鋪頭，望一望，原來係係銅鑼灣都有分店嘅炊豕店，再睇一睇餐牌，發現價錢同銅鑼灣分店差唔多，係中環黎講都係算抵食。入到去坐低，發現座位安排得幾闊落，坐得幾舒服，仲有幾張幾得意嘅裝飾。坐定定就睇下食乜啦，記憶中佢既豬扒係幾好食既，所以就叫咗秘製豬扒飯，另外叫咗個叉燒豆角炒蛋飯再加個小食。辣味海蜇 呢個辣得來好惹味，佢嘅辣到我相信大部份香港人都會接受到，海蜇亦處理得好好，好爽，呢個小食十分開胃。叉燒豆角炒蛋飯，呢個有驚喜，雖然呢個組合唔係好新鮮，但佢用嘅叉燒肥瘦啱啱好，豆角份量亦都唔會過多/少，蛋亦都吵得幾滑，所以呢個飯整體來講10分好味。最後嚟到今晚嘅重頭戲，做係秘製豬扒飯。佢塊豬扒炸得好脆，食落去係會索索聲，但係豬肉亦都保持到濕潤唔會乾，分量亦好充足，我相信仲大過我塊面，所以呢個好好食👍

同事提議試呢間新野, 話之前響銅鑼灣已好好評, 就趁blue monday去開心下！去到見到人龍有d 驚驚地, 不過既然行到黎就即管試下排。點知排左唔夠十分鐘已經有位。我點左秘製豬扒飯 (肉燥汁), 同事叫左蔥油豬扒粗麵。上枱見到大大塊厚切豬扒已經流哂口水！一咬真係勁好味呀！豬扒帶肥好香、仲要肉質鮮嫩, 加上個皮脆卜卜, 正到暈呀！同事個蔥油豬扒粗麵都好正, 蔥油份量充足, 仲好香添喎！以呢個價錢, 呢個品質同份量, 響中環黎講, 真係好good呀！以後又多一個飯堂選擇了 

之前行過見到銅鑼灣分店已經好想試，但每次都排長龍就放棄，呢排見到中環竟然開分店就趁星期五放工約朋友去試下放工即刻過去見到未滿坐，今次終於唔使等啦餐廳無浮誇門面裝飾，但好實在餐廳餐牌放係門口，全部都係以豬肉為主菜，選擇唔算話千變萬化，但勝在夠實在，好有住家飯既感覺，而且價錢真係好吸引，份量仲唔少，中環都可以做到呢個價錢呢個質素，絕對揾唔到幾多間我地兩個人坐底好快就決定左食咩，原來點餐紙好貼心，俾大家選擇少飯、走蔥、走辣呢d個人口味，唔似口講落單會一時講漏背後仲有英文版我地點左一個沖繩豬軟骨飯同一個叉燒豆角蔥花炒蛋飯，仲加左一個涼拌大豆芽好彩叫左少飯，唔係真係食唔晒，因為豬軟骨既份量有三大件再加一大堆肉絲，每件豬軟骨都大到用匙羹都拎唔起，又厚肉重點係咬落去好腍好入味，連軟骨入口唔使咬已經呑得落，個豬肉既油脂剛好，食落好香又唔肥膩，真係難怪咁多人排隊都要食朋友叫既叉燒豆角蔥花炒滑蛋飯都好大份，蛋即叫即炒，好香又夠厚小食涼拌大豆芽都幾惹味又爽口，酸酸地好開胃，好質賞佢用呢d懷舊既餐具，好有香港舊式風味最後跟餐加$5就有飲品，我點左蜂蜜生薑茶，雖然無豪華高級既杯，但飲落就知真材實料，薑片真係人手

對豬扒飯情有獨鍾，好中意去食主打豬扒既餐廳，係我既豬扒餐廳list內久久有一間都未去完成，就係「炊豕店」。係銅鑼灣一直人氣高企，經常大排長龍，原來係中環都開左分店！餐廳內外店舖唔算太大，座位二十個左右，幸好早過晚飯時間前來唔洗等位，食緊果陣岀面已經排緊隊等位！設計有點舊香港餐廳既風格，但用色以木色為主，又有點日式/台式風格，配色令人覺得放鬆舒服。食物選擇主打係炸豬扒飯，有肉燥汁、咖哩汁及蒽油可選，仲有豬軟骨、梅菜扣肉、叉燒蛋角等等，一間港式台式混合既餐廳。麻辣炸魚蛋 $20(5粒)一上枱已經好看麻辣味，屬於生炸冇沾炸粉，麻辣醬好香但唔算好辣，相信食唔到辣既朋友都食到，味道正常唔算有驚喜。秘製豬扒飯(肉燥汁) $56加左厚午餐肉(+$10)，少飯仲可以減$1，豬扒會斬埋件上，總共有四塊。上枱時仲見到有少少炸油係炸皮上微微顫抖，炸皮十分酥脆，唔油溢，而豬扒食落無豬腥味，帶少少肥膏，肉質不嚡不韌，先係鹹香，後勁有少少甜，肉燥汁份量唔算多，但勝在唔會過膩同冇搶主角豬扒風頭，可惜一點係炸粉略嫌厚左少少。至於加配既厚午餐肉果然十分厚切，同樣有炸過，質素正常。蒽油豬扒飯 $60加左太陽蛋($8)，呢

我之前已去過中環既分店架喇, 但我鍾意呢間多D, 因為地方闊落D, 環境更乾淨, 坐得舒服, 廚房都係入面, 唔洗吸油煙.間餐廳既佈置同裝飾都有好台式既感覺, 牆上貼左一啲台灣既懷舊海報, 而且佢播既英文情歌好有feel好正🤪個環境都幾chill幾悠閒 係鬧市中既一點寧靜☕🍜我地夜晚7點左右去到,咁岩有得坐window seat, 而且我地張枱係用以前中學課室既嗰種書枱,有種懷舊既感覺啊😆嗌左個招牌豬排飯, 豬排勁大塊, 又厚, 又好juicy, 我本身唔食炸豬排既, 因為最怕D炸豬排既炸粉,  但呢間既炸豬排真係唔會有好肥膩既感覺, 食完都唔會有好大罪惡感.嗌左個小食, 麻辣魚蛋, 我認為呢個係必嗌呀! 一上菜已聞到麻醬好香, D魚蛋又係好juicy, D炸蒜可以用黎撈飯, 勁正.食完8點幾已經見到門口有唔少人排緊隊, 果然係熱門餐廳呀...