炎丸居酒屋 (已結業)

1月食生日飯，朋友揀左呢間特式野，可能係星期一，餐廳無乜人，坐位算寬敞。叫左好幾碟串燒，味道Ok但主角燒魚就令人失望，無乜魚味兼細條，3個人埋單大概$1400，應該有更好既選擇呢！

今日臨時約同同事食飯，唔知食咩好，又無訂位，有人提議不如去炎丸，咁就出發啦~去到唔使等，入面都有8成滿。有lunch menu, 如果你有times square office club咭仲有special menu或者套餐78折，好抵！我點左漁夫丼定食，好快就黎到。定食有湯，沙律，蒸蛋，漬物同魚生飯。個湯無咩特別，沙律啲菜幾新鮮，個蛋都算滑。魚生飯啲魚生幾鮮，佢唔係一片片但又大過粒狀，size啱啱好，飯量都算多，女仔可能食唔哂。如果無times square office club，炎丸嘅lunch都算貴，如果想食好啲嘅時候，都不妨去下嘅！

Bad service, long waiting time and the dish portion is so tiny. You can tell that operator wants to maximize margin by hiring inexperienced staff and cutting the cost on food. It won't last long!

蒲燒鰻魚卷98好大舊，塞到我飽曬，鰻魚唔多有細骨，芝士幾大也軟濃味，一個人一定食唔曬，你地唔係我呀，多d人先好叫啦。因為我點完都嫌飯多，呻笨太多飯。吞拿魚赤身68兩件正無筋，值得一試。而且壽司們飯不大舊，感覺不會好易飽，可以食更多的。中吞拿魚腩98兩件入口肥美，美味呀，有點感動。大吞拿魚腩128兩件咩叫入口即溶，食完呢舊你就明，乜叫一分錢一分貨。三文魚籽88兩件魚籽超新鮮，味佳。牡丹蝦118兩件賣相ok，細心已去尾，上桌時只假裝連尾，鮮，我唔識用其他字形容了。左口魚群邊118因為不是炙的，切得厚，無了想有的那種火炙肥美感，後悔點了。真鯛78厚切嫩，有魚味。免治雞肉球58不過不失，旦係靚既，但肉餅好大，用筷子都分唔開，好嗱實呀，雖旦醬旦味濃既，但完全俾賣相呃左感情，可能我一個食先感到咁難處理吧，要用到匙分開。抹茶雪糕58飯後甜品少不了，價錢平。唔收台就上甜品，個台七國咁亂，有點失望，令我歎綠茶既心情。食後感：對住爐邊燒，大起食欲，實在過癮。其實我好想今晚繼續食火炙壽司嫁，但原來呢度唔馨，所以係無得食既。P.S.人坐滿了半家餐廳，不過員工收碟上茶慢囉，人手不足，要嘗試大聲叫先有人應到我機，

是晚來到時代廣場的炎丸亨用晚餐。餐廳環境寬敞舒適，負責燒魚既叔叔親切有禮，服務員所穿的制服甚具特色，日本氣氛濃厚。我們點了三文魚籽三文魚薯仔沙律、牛油蕃薯條、炎丸壽司卷、蟹鍋和金目鯛。三文魚籽三文魚薯仔沙律-三文魚籽新鮮飽滿，没有醒味。煙三文魚鹹度適中，有口感而且不乾身，配上淡淡的薯仔沙律，出奇地配合，好吃！牛油蕃薯條-看到餐牌有牛油蕃薯條時興奮不已，以為會是鹹中帶甜，熱騰騰外脆内軟那一種。可惜蕃薯條没有甜味，內裏也不夠軟熟，有點失望。不過賣相真的很好很有心思，誠意撘夠。炎丸壽司卷-二百多的價錢能享用六款壽司實在合理，部份壽司還有海膽，三文魚籽。魚生新鮮，各具不同口感。讚！再來一定會再點這個。松葉蟹廣島蠔乾蒸鍋—賣點是不加入水或油把食物蒸熟，蒸好後鍋底的會有精華湯汁，原汁原味。蟹腳略鹹，蠔肥美，整體味道不俗。原始燒金目鯛-絕不能錯過的燒魚。第一次吃原始燒魚是在慕尼黑啤酒節，當時經已非常喜歡這種烹調方式，原汁原味，香氣四溢。不過燒魚需時，趕時間就勿點此餚了。當日叫的金目鯛比較大條，要額外加一百蚊。真係燒得好香好好味，肉滑有𡁻口，其實我應該可以一個人食哂，正除左金目鯛，仲有其他魚可供選擇

Been here in the past several times and the dining experience was great. Today's visit was a major disappointment and couldn't resist to leave my first ever openrice comment. Staff were unfriendly, food quality was sub par and portion size has decreased to a ridiculously amount. Definitely not worth the price ($450 for 2 - lunch) and will not return again.

星期五在時代揾食真係超難嘅一件事，但下午打到這裡還有枱可以book巳心存疑問。到步見到只坐滿8成左右，原來真係有原因架。食物味到一般般，真沒有太大驚喜，燒雞翼咁簡單都可以隻隻嗰面都唔同，有一隻仲好似冇燒過，似蒸咁。三文魚飯團得個大字，無味，嗰三文魚少到似隻手指甲咁細，超難食。最後用豉油餸佢先食得哂。叫天婦羅，想把一片胡蘿蔔換成其他蔬菜，個侍應不停話唔得架喎，公司唔比，bla bla bla，做生意咁唔靈活，遲啲應該係Times Square 見佢唔到。

Surprising to try a Frozen beer here, as it is new thing to me... although I will still prefer the normal beer, but it could be perfect for couple to share it like my case....  girl may like the sweet taste of the frozen part, while boy will like the strong taste of beer.   Lunch set offered here is of good value, but I will say it's not cheap in CWB, as there are just too many choices in the area... but the environment is cozy with good air conditioning.  

已經不是第一次在這午飯及點燒魚定食，但今日點的燒池魚非常非常咸，吃了第一啖後就喝了一杯茶。魚質不單咸還很乾，感覺就是燒咸魚一樣，最後那碗飯要用醃黃瓜配送！再加失望是那碗小配菜就好似湯渣般幾丁小方上枱。朋友點的手握壽司是正常的啊！

之前寫咗一篇關於服務混亂，好嬲嘅食評！都未寫番當日食物嘅食評！而家補番！肥髀考完試，同佢在時代廣場睇完戲，無乜心水食乜，商場行落去，見一間日式居酒屋,午市套餐選擇多,可惜剛剛滿座，要取票等10分鐘，吧枱先有兩個位！場內好大，中央一個正方形吧枱上有好多串燈籠！我哋坐壽司吧枱，對住啲師傅本壽司，不過我對正出菜位，所以好多時都有店員隻手在我面邊攞食品！午餐選擇多！肥髀一個壽司定食，我本來叫燒牛舌！可惜賣晒！轉了燒牛肉定食！定食都在中央吧枱備齊先一盤上！賣相好整齊！定食：麵豉湯：我嘅好夠熱，肥髀嘅只係微暖，唔太鹹，麵豉味蔬菜湯！飲完唔口渴！沙律：紅椰菜較苦，其他蔬菜正常，沙律醬似係千島醬，無咁酸！自己最喜歡紅腰豆，又大粒又淋！前菜：青瓜太淋唔爽口，醬汁好漿口，肉粒雖然唔韌但無乜味燉蛋：蛋唔夠滑及熱，應該已經咁一段時間！醃菜：醃蘿蔔鹹鹹地好爽脆，紫色泡菜雖然脆口但好鹹！手握壽司定食（$148）賣相幾靚，我哋坐壽司吧枱，見住師傅整，整好放在上菜位，配埋其他定食菜色一齊上，肥髀唔食嗰幾件比咗我，試咗熟蝦，熟嘅爽口唔腥，魷魚肉滑但頗韌！飯糰比平時迴轉壽司店嘅細同鬆，無咁實！用筷子要啲技巧夾！燒牛肉定食

在炎丸食午餐，食完碌卡離開，行出𨋢口大堂有個職員追出，問我埋單未，搵緊銀包期間仲不停質問我，到我展示我碌卡嘅單，佢知道自己攪錯咗，一句唔好意都無！自己誤會我令我咁尷尬！（大庭廣眾面前你問我比咗錢未！就咁行咗去！想點？到我好興好嬲咁入番店了解，有個女店長yuki同一個男店長（無睇佢名牌）先態度正常啲，不停講唔好意思！話當時好亂，店員以為走單所以追出來！但已經好嬲喇！好哋哋餐飯，比人屈食霸王餐，我仲要帶住個女！追出來嗰個男職員，佢一心已經認定我無比錢，而唔係了解事情，到我攞到信用卡收據出來，證明我有比錢，佢唔知點算！即死機！阿呆咁行番入去餐廳！無講唔好意思！對唔住！呢間食店就算裝修再靚，食物再好味！唔查清楚就衝出來捉人，咁亂籠嘅服務！我唔會再來！

今日豪豪地，食餐勁ge午飯!第一次光顧這間居酒屋，比想像中更出色!一黎就係個刺身拼盤三文魚十分十分鮮甜，而且魚鮨味香，十分推介!推羅當然是最出色! 十分肥厚，而且食落新鮮!燒雞翼，有別一般的燒法，蜜糖味好甜，再加上雞肉肉質鮮嫩，實在無得彈!匆匆忙忙地吃過這餐飯，又要重返工作崗位。

係附近某個百貨公司行完,買完一抽二袋,個肚超餓,因為架車泊左係時代廣場,所以就揀返係時代呢到食,老公話想食日本野,不如試下食呢間,睇下MENU,D SUSHI好似好吸引,甘就入去食下啦,入到去唔算多人,得幾檯客,叫左個墨汁魷魚飯,個飯無咩味,比較淡,D米係珍珠米,所以比較IN UN,魷魚都OK,無咩腥味,呢個SUSHI,唔記得左叫咩名,不過好有氣勢,隻碟超長,SUSHI既SIZE都唔算細,每一舊都有刺身係上面,有海膽,有三文魚,有吞拿魚,魷魚等,每一舊都好精緻,入面係平時D卷物有既野,牛油果,沙律果D,呢個SUSHI,我覺得幾好食, 值得推介,除起每件都係廿幾蚊,都算OK,三文魚對比SUSHI,我覺得佢比較一般

我一向很喜歡食日本菜，朋友午膳時在銅鑼灣找到一間日本餐廳，一進內就覺得很舒服，因為鬧市難得有一間空間偌大的日式餐廳，樓底難得又高又開揚！真的食得很開心！我們一行6人點了幾個丼及小食。最令人印象深刻的是燒蕃薯伴忌廉蜜糖醬和豆腐花！蕃薯外表平平無奇，但一入口薯蓉的黏膩感跟蜜糖的甜味混和得恰到好處，令人想食完再食！至於熱騰騰的木桶豆腐很滑，是推介食品之一。因為小食已經很出色，主菜的魚生丼就比下去了！其實三色魚生也很好食，油甘、魚子和海膽都十分新鮮，份量適中。另友人點了一夜干，魚身十分香醇，味道濃郁，魚肉實淨又滑，是不錯的選擇。

每個HAPPY FRIDAY都係同老公的拍拖日, 次次星期五去銅鑼灣想搵間坐得舒服少少既餐廳都要早成個星期book枱, 所以有時都是旦食碗粉面算, 但上星期經過TIMES見到唔洗排隊就即管入去試試, 鋪頭都好大, 位與位之間一D都唔會迫, 見到店中間有一大個爐好多師傳係度燒魚, 老公話想試下但我地一打開個MENU見到食呢D燒魚原來價錢一D都唔平, 最平一條約$2-300, 最貴個條成千蚊, 我唔係咁鐘意食魚, 所以........望下算啦唔食魚不如叫杯野飲先啦, 呢枝啤酒好特別, 有好多口味, 我叫左呢杯荔枝味, 啤酒D泡好似雪糕咁, 連D泡都有荔枝味, 好好飲啊 ^^ 叫左呢個吞拿魚容飯卷, 飯都幾好味, 可借太多沙津醬蓋晒吞拿魚味燒雞肉餅撈埋生蛋, 連埋D醬一齊食, 都幾有口感食落幾滑 燒銀雪魚OOKK啦, 唔差但又未去到好好味 牛肉烏東, 待應會即場將熱湯倒落生牛肉內 半生熟牛肉最好味, 湯底都算濃郁, 呢個下次要ENCORE同日見到餐廰仲有2間VIP房, 都係超大, 一D都唔迫, 約埋三五知己係VIP食飯勁嘈都唔怕啦~嘻