炑八韓烤 (+WOO嘉湖) (已結業)

炑八韓烤環境：下午茶時段，一個人坐四人枱，有得坐卡位，冷氣足夠，燈光柔和，第一次喺餐廳食飯可以有社交距離🤣食物：特級芝士泡菜五花肉韓式拌飯($28)，跟餐送凍飲。拌飯份量同午餐一樣，鐵板夠熱，泡菜分量非常多，可以啖啖都泡菜送飯，五花肉就真係得兩三片，但係芝士泡菜加半熟蛋撈飯真係一流，絕對係$5/60個飯嘅質素。凍檸茶又大杯，食到一半我真係懷疑係唔係$28可以埋單😳服務：本身侍應哥哥帶我坐圓枱，之後佢見到有卡位即刻叫我去嗰邊坐，送餐速度非常快，落單到食5分鐘到👍價錢：真係$28免加一，真係集體回憶價，我諗十幾年前讀小學先至見過咁嘅價錢，咁嘅質素嘅下午茶。總評：未見過性價比咁高嘅下午茶，坐得舒服，嘢食份量有足夠，味道又唔錯。聽日再試埋雞扒蛋包飯，我諗我會日日都等到2:30先食晏晝飯😌

平價水準高的韓國餐，進門時有員工幫你量體溫，確保進場用餐的人都沒有發燒，又有酒精潔手液提供，很好的服務！湯味濃，用料多，前菜開胃，無限添加，環境又大又寬躺，有格調！食品高質，不多說看圖片吧！10分推介的餐廳！

開咗咁耐都未幫襯過，難得呀媽想食唯有幫襯下店員推介：新年套餐優惠588保證食到飽🤩（特級牛肋骨🐂韓式大蝦🍤大八爪魚🐙極上厚切梅花肉🐷厚切尚等鹽烤牛舌，串燒（豬.牛.雞）安格斯牛小排）全部都好新鮮.食到盤滿缽滿👍🏻安格斯牛小排:煮3秒都嫌多,多汁又好味串燒:一次過滿足你三個願望大八爪魚🐙：見到大大隻仲以為好吸引，點之食落到就失望比較大，唔夠新鮮韓式大蝦🍤：反而最大驚喜，鮮甜到你唔想剝蝦殼都會想食極上厚切梅花肉🐷：大大舊，又多汁低食加生菜🥬簡直係絕配不過張枱癡粒粒😭又冇咩服務但要收+1😅

帶爸爸去吃好的，因為爸爸不愛自己動手燒，所以我們點了兩份一人午餐：咖哩厚切豬扒飯、蟹膏石頭鍋飯。午餐都是現點現在，熱騰騰的上桌，就要先加分！豬扒跟粉漿的比例剛剛好，口感不錯！咖哩方面帶有一點點的辣味，如果完全不能吃辣的就要注意啊！用來配飯很開胃，看著爸爸吃得滿足，心情很愉悅！蟹膏滿滿的舖滿整個石鍋飯，起初擔心會不會有腥味，完全是自己想太多！蟹膏很鮮味，把飯攪拌均勻後，每一口飯都有蟹香。因為石鍋夠熱，所以慢慢形成鬆脆的飯焦，吃得很滿足😋

今日去左炑八燒烤到食lunch，lunch set都算多選擇，而且佢份量大，所以都算抵既。不過唔包飲品，要加8蚊先有凍野飲。朋友揀左名品大醬湯配鰻魚飯，我就揀左特級芝士泡菜五花肉韓式拌飯。本身我諗住搭佢既餐加個小食算，但係又好似唔係好抵咁，所以都係另外叫一個好啲。前菜有芽菜同泡菜。印象中好似芽菜有時會轉做其他野，泡菜就一直都係到既！佢既前菜不嬲都好好食。另有仲有跟一個湯，湯都係正正常常啦，唔會太咸咁。大醬湯配鰻魚飯，賣相麻麻地，但係材料都幾多，有有牛肉，瓜，豆腐等等。但係佢好似忘記左落貝類。。。鰻魚飯本身有紫菜，朋友叫左走紫菜姐。我既泡菜五花肉拌飯，賣相靚，不過肉唔多，芝士都唔夠多。泡菜同前菜一樣，所以好食。同埋佢粟米下面有啲牛油，成個飯馬上好食左！基本上蛋，芝士，牛油撈埋一齊已經好食。

見午市人少少唔洗等位就入咗黎大部分都係學生哥 咁佢價錢都幾合理又有韓流歌聽吓👍🏻試咗個韓式芝士雞扒湯面$54芝士味唔係幾夠重但勝在料夠多 滿到根本見唔到啲面🤣🤣塊雞扒燶咗小小 可能係特別整成咁不過我唔識欣賞🤣加咗$8青檸檬梳打超級青檸 真材實料🍋最鍾意佢既配菜可以無限refill芽菜同青瓜超正👍🏻👍🏻👍🏻👍🏻👍🏻

之前食過天一分店&呢間 覺得呢間好似好食D 、環境大D ！同樣有大量前菜芝士栗米&泡菜蛋同二位FD子一齊食 點咗幾件野食：牛肋條：好大條 一野成條擺咗上爐燒 跟住幾秒後侍應哥哥就過黎話幫我地燒！再剪開都有成10幾舊～好夠味 唔使點醬汁（不過有D咸）⋯但配白飯一流護心肉： 正常 幾好 肉質幾好霜降牛肉（$98半份、4片）：食咗三片先記得影 覺得normal 又唔係難食 但又無咩特別 無咩牛味～可以不叫 我地只係試下五花肉：嘩..................平時食開韓國燒肉都鐘意食五花肉既～但呢個實在太多肥膏 個人無法接受冷泡蜜桃烏龍茶 ：現場好多人點呢個 我們仨都點咗呢個 但FD子覺得唔夠濃⋯但我覺得幾好飲 仲有小小回甘（即係無咁假feel) 仲好解渴 不過好快飲完 建議可叫少冰紅豆冰：普通

中午時間嚟到嘉湖銀座商場搵嘢食😋嘉湖銀座商場都算係多餐廳，食飯時間有唔少好選擇。呢間炑八分店就1130開始做午餐，午餐部分選擇都非常多，可以叫一個正常嘅韓式套餐，又或者可以選擇一人燒肉😋今日我就揀咗一碟雞扒蛋包飯食，然後+$8配咗一杯柚子冰茶。炑八其中一樣最吸引人嘅就係叫佢套餐必送嘅免費小菜，同韓國餐廳嘅做法一樣，碟飯未到已經先上咗一碟芽菜、一碟泡菜同埋一碗湯，全部味道都唔錯😋雞扒蛋包飯嘅雞扒燒到皮脆肉嫩，蛋包飯入面嘅飯係用咗茄汁飯，整體嚟講味道唔錯，如果飯量可以再多少少就完美啦😋另外柚子冰茶味道就還好，柚子味比較淡，然後用咗碎冰，個人嚟講唔太鐘意飲凍嘢嘅時候會吸到冰碎🤣

有時想在天水圍搵間坐得舒服， 可以慢慢食， 傾下計既餐廳其實並不多， 炑八絕對係當中一個好選擇。雖然我本身不是燒肉愛好者， 但這餐廳的豬牛選擇都很多， 而且價錢合理， 今次我叫了燒腩和豬背肉， 肉都很有肉味和口感亦好好。 在烤爐兩旁的蛋和芝士亦好出色， 令暫時放下減肥大計。 隨了燒肉外， 這裡的芝士飯， 炒粉和海鮮燒餅都各有特色， 味道亦有水準。 在這裡食飯不用擔心只得一口韓式辣醬味。 順帶要一讚是店員都很細心解釋菜單和優惠， 亦會提醒叫的份量會否太多。 值得表揚！

當日去到呢間餐廳，見到餐牌$88半隻新$158一隻韓式甜辣炸雞覺得幾抵食所以叫咗一隻試吓，到食物上枱時都唔為意份量但係越食越唔對路，點解一隻雞得一隻雞翼同一隻雞下脾？於是就叫侍應埋黎問吓佢係咪落錯單落咗半隻。但係個侍應竟然同我講冇落錯單，因為佢哋公司係用雞件，所以一隻雞嘅意思係大約七至八件😱而唔係真係一隻原隻雞嘅意思😡雖然食物質素唔係差嘅但係個份量點計都冇一隻！仲打破咗我對於一隻雞係有隻雞翼同雞髀嘅應有概念😂各位有興趣嘅朋友可以去試吓會唔會咁好彩會遇到兩隻雞翼兩隻雞脾完

牛肉拌麵 $54午餐有伴菜和湯泡菜和芽菜都嚴重偏鹹伴麵的牛肉只有零碎幾片麵道是即食麵撈了韓式醬汁的味道味道十分一般午餐竟然不包飲品想要飲品 要起碼另加$8十分不抵吃.另外員工的表現亦有待改善進餐廳時員工不知安排哪個坐位好跟著她在餐廳走了大半個圈然後叫我一個人坐到一張6人枱才剛坐下又被叫去坐另一位置

豬大哥今晚興致勃勃約我地去食飯，本來想食返上次泰國菜，但太多人等，轉食韓燒。店內裝修其實幾靚，不過太暗，唔知係咪黑得濟，店員都好似唔多睇到我地叫，次次舉好耐手先有人望到，人手其實幾充足，但大家都聚集喺門口😑除左服務，整體黎講炑八韓烤都幾好食。同其他韓國餐廳一樣，一黎就即刻拎左柚子沙律，柚子味香濃, 沙律菜幾新鮮。仲有泡菜、芽菜、酸蘿蔔、涼拌黃瓜等等嘅前菜。另外有爐邊烤蛋同芝士粟米燒，2樣都好食，前者好香滑，後者d芝士軟綿綿，以上都可以添加。由於豬大哥係一個肚闊眼窄嘅人，佢瘋狂咁叫左傳說中的燒烤套餐，又追加左和牛胸腹，王者肋骨，雞背肉配豬拼背肉，泡菜豬肉煎餅，炑八紫菜包飯，原味無骨雞翼，最後當然食唔晒啦😱呢個傳說中的燒烤套餐有牛前胸、梨汁豬梅肉、原切五花腩、春川雞脾、特大魷魚、大蝦、雞脾菇、秋葵、粟米。雞脾肉質很嫩滑，醃得入味。魷魚超級大條, 真係幾抵食，爽口有鮮味。 追加1號:嚴選和牛胸腹，牛香味濃，唔太肥，肉質鮮嫰有口感。追加2號:王者肋骨，果然好王者，真係超級大份😍仲大過個爐呀。豬諗住用剪刀剪開方便燒，有個店員主動話幫手，係唯一覺得呢位店員最好。味道方面，重肉味，醃得剛好唔會鹹。追

標題就係我地最無奈既事放假同媽媽落樓下食d好野 揀左炑八.打開menu款款上百 都唔明點解會有人話抵食menu d指示又唔清晰 問都問左一輪先知點叫最後叫左ABC套餐 黎到d份量嚇死你咁小🤫燒肉有quality既 叫左兩款牛一款豬 係好食既但係等極都未有泡菜等配菜、湯同生菜烤肉飯都上埋 烤肉飯係隨套餐配上 一般發揮加10蚊轉甜米水 甜米水係我既最愛 飲完清甜炑八自家製都真係唔錯最後生菜🥬配菜同湯 去到我地催先上生菜完全浪費晒 唔包肉根本唔會齋食配菜就食飽飽都對佢地無興趣湯就一般發揮都幾好飲 海帶湯💕我地催完單聽到部長鬧d下屬都幾狠 希望部長自己都留意下身邊既檯發生咩事 企左係到咁耐都唔知未上前菜.下次 無期望就無失望 食物質素好 服務得唔到都無用喔

炑八韓烤係我enore 了很多次的韓烤店。因為食物好味，坐得舒服，抽氣系統良好，吾會食完成身都係煙味。.今次叫左下午的燒烤餐-黑毛豬燒烤拼盤（$98)，拼盤使用豬型砧板裝上食材😍，造型特別又夠心思，拼盤內含炑八特製護心肉， 五花腩肉，豬頸肉，梅花肉，南瓜及豬型的薯仔片，非常豐富。尼個拼盤調味較簡單，只用鹽同香料帶出鮮味，對於喜歡食到食物本來鮮味的我，尼個拼盤深得我心。 .

星期六放假，阿媽又唔煮飯，只好一家人落街搵食。雖然撞正午飯時間，但炑八唔多人等位，可能少人食燒肉當午餐🙃。叫左個「下午白燒烤餐」（蔥蒜牛五花），包一碟牛，一碗白飯，前菜，海帶湯，生菜籃及無限添加爐邊蛋。另外再叫左個「一個人吃烤肉」，包括前菜，迷你沙律🥗，肉類五選二（雞肉，牛五花肉，護心肉，黑毛豬五花肉，牛LA骨），同四選一流心蛋飯😍。我地一家都係牛魔王😈😈，所有菜式全部都係牛肉。個蔥蒜牛五花要一贊好香蒜味，我地仲突登將其他牛肉沾滿蒜汁先攞去燒，味道一流👍🏻。識食嘅梗係食泡菜同爐邊蛋啦，呢度有無限添加，食極都有啊，質素都唔錯。飲品就要加$8升級做 特飲，我地揀左荔枝梳打同青檸梳打。我鍾意荔枝多d,清甜解渴。總括而言，啲嘢食都唔錯，會再嚟😏。