炑八韓烤 (彩明商場) (已結業)

同媽咪提早慶祝母親節，我地一家三口係將軍澳一帶想搵間好少少既餐廳慶祝，諗起彩明有間燒肉店，平時媽咪都成日好想食（因為屋企無得燒🤣），呢2個禮拜咁岩有個媽媽餐「$785 給媽媽的一份燒肉套餐 」.媽媽餐包左特級牛助骨、和牛牛舌、醬油五花肉、護心肉、蔥蒜牛五花、梨汁雞肉、大啡菇、大蝦、韓式辣炒年糕、飲品x2 。如果5月9日晚市惠照顧母親節套餐，仲送康乃馨一枝。不過我地呢日就無得送。.3個人叫呢個套餐都好夠食，因為前菜、爐邊蛋同粟米芝士係任加既，任加唔嬲，岩晒呀媽呢啲咁慳家既性格🤣睇著佢食極多蛋同芝士都幾搞笑🤣講返個餐先，個餐包既食材都算係咁，尤其最正係個特級牛助骨，勁大條得黎個醃肉味好香，蔥蒜牛五花加上蔥蒜惹味得黎又滑身，要黎做韓燒岩岩好，其他食材份量同味道都ok. .本來以為唔夠飽，想再加點，但食食下再加埋個年糕原來都好飽肚下，最後都只係叫左一個餐就餵飽媽媽🤣

母親節指定動作當然是帶阿媽去食好嘢， 給媽媽來一份燒肉套餐($785)食燒肉之前，指定動作先嚟任食韓式潮菜， 大豆芽菜、海帶、泡菜，還有麻醬沙律，前菜好吃 這個菜套餐還連飲品兩杯，我們分別點了兩款推介，菠蘿梳打和薄荷荔枝梳打， 食燒肉降溫必備特級牛肋骨很長， 小鮮肉店員主動提出幫我們燒， 很細心的反一反，然後切小件， 還有海蝦，不得不讚這裏的服務細心又殷勤， 有小鮮肉服務，母親當然高興。 牛肋骨本身已調味，微甜，肉質柔軟而且多汁， 很不錯然後來一大盤肉， 由左至右分別是：和牛牛舌、豬護心肉、蔥蒜牛五花、梨汁雞肉、大啡菇和醬油五花肉。覺得護心肉和五花肉最好吃， 唔太肥， 特別用生菜配生蒜頭和青椒包著吃更好味， 大大減低油膩感， 反而牛五花有一點韌跟餐還配韓式辣炒年糕，沒有太辣， 年糕炒得堅韌，很大一盤，非常適合阿媽的胃口， 如果母親節正日5月9日晚市惠顧母親節套餐， 更加送康乃馨一枝， 阿媽定好開心

訂位後，晚上六點半到了店 ，一家三口點了每位$218的燒烤餐(另週六，每人加$30)， 前菜還可以的， 但正餐食物則不敢恭維了， 冰封得硬掘掘的牛肉捲， 豬頸肉和雞翼，還敢放在桌上迎賓， 唯等待解凍後才烤，便吃得沒味兒了！至於店員服務態度就一般了。 不過，要命的是侍應連對食品都不認識，詢問一下取來的是哪一種肉類，他竟然説不懂得，叫我咬落口就知( 嬲嬲豬得我！)我對這店最不滿意的， 全長個半小時用餐時間，就規定在離場前半小時要點最後的菜。 這個燒烤晚餐， 一家人就吃得囫圇吞棗 ，食之無味！

有冇人知部隊拉麵係米公仔面，我話要加2蚊轉部隊拉麵，然後俾左呢個面，佢話加2蚊一樣係公仔麵只係加左部隊料，有冇人知係米真係咁。。。我問佢則係部隊拉麵係公仔麵，佢話係，仲話咁既價錢點會有拉麵。。。。

早上經過黎食個早餐，點左烤牛肉公仔麵，腸仔火腿 加 烤牛肉迷你紫菜卷，有埋杯熱檸茶，一共$46，都算唔錯。不過烤牛肉比較濃味，可以我食開淡口味，要用湯沖一沖。而家店鋪轉用qr code落單，方便，唔洗等店員埋黎。不過呢間店入面位置信號收得麻麻地，好彩坐係近門口位置，否則想落單都難，可能要走出去門口位落單。

咁嘅價錢一D都唔差!👍🏻好食過某啲有貴有難食韓國餐廳好好多！本人唔大食3個人食叫咗兩份歺➕一份小食岩岩好！推薦比大家一定要食😋牛助骨煲配紫菜飯！（一定要轉迷你蟹膏拌飯都係加$15蚊）

之前嚟過炑八食過晚飯韓國燒，無見過有早餐食！今日經過原先想去麥當勞，見門口放咗個早餐宣傳板，加上不用等位就入去食早餐 😋目測店內食客都差不多坐滿一半。所有枱同樣預備凍水樽可自助。1. 蕃茄香煎豬扒公仔麵配炒滑蛋腸仔連熱飲($35)，豬扒煎得香口，肉質夠腍。腸仔同樣煎得美味，但炒蛋略為炒得過火少少，唔夠滑。2. 燒雞扒多士配餐肉煎蛋連熱飲($35)，雞扒煎得剛好，多士夠脆，配埋餐肉同蛋一齊食，變成餐蛋多士，好味奶茶同咖啡都可接受，無特別。整體來講，炑八早餐價錢夠優惠，煎豬扒夠美味，可以再次幫襯

睇人推介炑八下午茶好抵食，就嚟咗一試下午茶時段2:30開始，我大概2:40到，唔需要排隊，好多空位。坐低之後自己scan QR code落order. 我發現每間炑八嘅下午茶餐牌都好似有啲唔同。我叫咗$48嘅牛肉流心蛋飯，冇加嘢飲，亦都冇加小食。都算快上菜，個牛肉飯超級大份，我冇食lunch，都食唔晒 😂 好彩冇叫小食食物質素OK，性價比高，服務正常，適合閑日下午茶肚餓自己去食下👍

叫左268果個餐 啲肉得頭盤好食d 其他肉燒得幾好都覺得麻麻 食唔出嫩滑既感覺 🤦🏼‍♀️店員服務態度差 已經係平日食無咩客人 問多兩句就擺晒態度 有得簡唔會再幫襯🙎🏻‍♀️🙅🏼‍♀️

慕名来食，用餐体验不太好：1是网上订座85折优惠不能用（买单时才被告知85折仅针对放题，而且我进来和前台出示了openrice订座邮件通知也没登记），2是点餐和买到的时候找不到人，服务员太忙了……除去这些，主食也不好吃，试了辣炒芝士年糕，味道一般（可能个人口味不符）实在是接受无能。不过追加的小食但是让我很喜欢：单骨鸡翼配薯条🍟，鸡翼炸得很酥脆，薯条也很酥口，主食年糕没吃多少反倒是把小食吃完了😋整体上这家午市定食选择很多，炸鸡好吃，适合1人食，但是吃烤肉价格有点高，可以组队订座享优惠～

餐廳服務生人數足夠，只是大部分人欠缺工作熱誠和對顧客開心的笑容。門口陳列了午餐20% off 的告示，但是埋單時卻不打折，在據理力爭下才給八折，令人不快。餐廳的食物份量、擺設、味道，樣樣都好，卻因為服務人員的表現而令顧客卻步，令人可惜。希望餐廳管理階層注意一下。

朋友話佢最近食咗間韓國燒烤好好食，介紹左我去，所以我就去咗試吓啦。真係冇介紹錯，所有嘢食嘅質素都非常之高，食到我好開心。我嗌左個泡菜豬肉拌飯，本來以為好似出邊餐廳咁，就咁豬肉碎撈落啲飯到，點知呢度好高級，係分開上嘅。佢仲要有隻溫泉蛋係中間，吉開佢之後撈埋一齊食超級好食。另外我都嗌左個燒肉，係黑毛豬，佢博博地，所以好意笑得熟，唔使等好耐。而且佢帶有少少海鹽味，同埋啱啱燒完嘅香味，唔使點汁都已經好好食。佢個大象湯都好唔錯架，材料十足，淨係蜆肉都有好幾隻。佢仲有少少豬肉喺裏面，啲豬肉都好軟，食到我好飽。

揀餐廳一定用openrice，但book位就唔一定啦，今次用e字頭個apps book5:30，有半價，未食過，唔知咩質素呢？五點半到，冇人行出黎招呼，大佬你限時離座，我驚唔夠時間喎等陣好一陣先安排入座...外面職員無黎禮貌，估唔到入面服務好好喎！因為半價一定有限制，服務員耐心解釋，我地提問都繼續好禮貌半價唔包飲品，通常限散叫，最少要叫三份，而半份半份咁叫儲齊三份係可以嘅！前菜唔洗錢嘅，份量好多，質素都ok ga,但係今次因為同老公慶祝諗住大吃一頓，唔敢食太多前菜，驚飽。盤邊有芝士粟米同泡菜蛋，其實呢種食法已經流行左好耐，但我未食過超好味，明白流行的原因。芝士蛋個人喜歡煎耐d變芝士脆脆，只要撩下個底可以成塊剷上黎就係剛好熟度，我唔會用個芝士送肉，因為芝士太香蓋過肉味，而就咁食個肉原汁原味仲正！泡菜蛋好神奇，點解煎極都唔老仍然咁好味嘅呢？最正係免費無限添加，職員主動行黎同我地加，好好叫左份菇，燒烤菇真係好食，不過發現好多肉都有菇伴碟，叫唔叫睇你夠唔預喉啦？！不過伴碟嘅南瓜點整都唔好食，定係我唔識燒呢？比多條菇我好過啦！叫左兩款雞肉，好似有四隻味，有個齊味併盤揀，但犏唔係隻隻味想試。結果黑

今日去了調景嶺探BB，訂了這間韓國餐廳一齊食晏先！本來係訂座說有9折的，仕應不停問我係一定用，因為9折只是韓烤先有，我們冇打算叫韓烤，原來仕應冇幫我確認訂座，其實可以告訴我，等我取消訂座。。。講番食物，環境0K的！午餐跟海帶湯，好足料，好多海帶，豆腐粒，甜呀泡菜唔算好辣，芽菜好爽甜呀熱柚子蜜正常這杯飲品賣相特別，原來係桃的啫喱。海鮮煎餅，賣相好靚喎，足料，好多海鮮，葱，煎得香口，正！雞好脆又甜甜地大醬湯也是好味，濃味，好多薯仔粒，有d蜆，送飯一流雞扒蛋包飯，賣相好吸引，味道也不錯，雞扒煎得金黃，有d沙律！仲有炸餃子，好脆好味！

年頭開嘅食肆年尾先嚟食皆因覺得烤肉份量少，係咁追加肉類會好貴次次都話食晏去最後都係講完就算，今次終於都嚟到喇。餐廳幾大，座位舒適，卡座多，無咩油煙味，不過午巿多數食客都係揀定食多，附近枱烤肉都會聞到香味。我哋叫咗兩個定食一份自選燒烤餐，覺得烤肉比定食味道好，雖然肉嘅質素唔係話驚喜但都可以，而服務方面都唔錯，整體幾好。午巿定食或燒烤餐都會有韓式清湯，芽菜，泡菜各一份，湯清得嚟都唔錯，芽菜亦好夾口，泡菜可以配定食，兩款定食味道都比連清淡。石頭蟹膏飯，睇落好足料但無咩蟹鮮味，有啲似炒飯，有少少飯焦。牛骨清湯粉絲，都係好清淡，職員都有話味道較淡，加少少泡菜提味，牛骨連肉都鬆軟，清清哋都唔錯。自選燒烤餐：炑八A骨牛扒+黑毛豬五花肉+特製護心肉，另外配有三款前菜，其中一款前菜海帶幾好味。牛扒有啲似牛仔骨，五花肉同護心肉都可以，無特別。配醬料加菜好味好多，另外爐邊蛋無限添加，蛋好滑。+$25追加迷你烤牛肉流心蛋飯，都係唔重味，不過流心蛋加少少味已經好味，牛肉嘅量都幾多。飲品+$8:凍奶茶。藍天使梳打。柚子冷泡烏龍茶，呢杯幾好，有烏龍香味又有柚子茶甜味。