炑八韓烤 (已結業)

這是最新午餐的整個餐牌有十一款選擇而且價錢定位出奇的十分便宜加$8就有餐飲午餐還不用加一小帳奇怪的是晚餐燒烤的價錢真的十分貴荃灣店內非常廣闊午市絕對不難找位置裝修新、座位乾淨樓面有些不夠人手每枱客人也有前菜(韓式泡菜)跟餐湯(胡椒紫菜湯)人愈多好像前菜的數量會增加看到別人可以提出更換另一款前菜餐飲 – 水蜜桃冷泡烏龍茶很多冰塊，早知道叫微冰上面有兩塊水蜜桃粒，很酸的烏龍茶味不夠濃，反而整杯感覺有點甜雞扒蛋包飯 - $42炑八午餐我一向只吃這個三年前也是這個午餐，價錢好像沒有大分別四塊雞扒、蛋包飯、沙津菜，出面絕無僅有有看過我之前的文章，榮式雞扒也是用坑紋雞扒的原來我錯了，不只是榮式獨有，我忘了炑八坑紋的作用可流走油份，使入口不油膩，令雞肉皮脆肉嫩雖則兩者的菜式不同，亦同樣美味，但價錢來說，絕對是炑八贏

週末同家人到荃灣食午飯，來來去去唔係日式餐廳，就係港式米線或者茶餐廳，呢個星期打算試啲新鮮嘢，到炑八嚟一個慢活嘅休閒午餐！😉餐牌上有一個A＋B＋C餐非常吸引，大概就係A、B、C三部分各選一種肉，感覺選擇豐富，但價錢當然亦較貴。另外有幾款比較簡單平價嘅套餐，例如雞肉套餐、黑毛豬餐和梨汁牛肋骨餐，除了牛肋骨餐有包鮮蝦之外，其他套餐都只有單一肉類。人多好辦事，我哋一行三人，正好每樣都試試！😋首先上枱嘅係青檸梳打同凍柚子茶，前者清爽，後者開胃，兩杯我都同樣喜愛。牛肋骨全條上，食得出有微微果香，肉質軟嫩😋 伴有一隻大蝦，可惜蝦唔係好新鮮，顯得較為失色。豬肉拼盤選擇多，個人最喜歡豬頸肉，油脂分佈平均，感覺唔會油膩，而且肉質結實，伴上泡菜同大醬，用生菜捲起嚟食，一流😋雞肉亦唔遜色，肉嫩多汁，而且份量多，啱哂大食一族。套餐跟爐邊粟米芝士同泡菜蛋，芝士冇得追加，爐邊蛋就可以無限追加，加上同樣係可以無限追加嘅泡菜小食，基本上冇可能食唔飽😉一個休閒嘅下午，同屋企人一邊傾計，一邊慢慢享受燒烤，一眨眼就過咗兩個鐘，咁先係假期🙃

周末在荃灣行完街，三個人爭論吃甚麼，最終決定去眾安街的炑八燒肉。這店有套餐，有單點，我們點了驕傲自滿韓牛餐。有幾款牛肉和蝦，肉類肉質鮮嫩，果然是韓牛。燒盤外的烤蛋和芝士，無限續加，自然也是吃的飽飽。還送了一份炸雞，蜜糖甜。埋單盛惠688加一，偶爾都要食好野。

平時去炑八都係夜晚黎食韓燒，今日第一次中午黎食佢地嘅定食套餐。平日中午真係冇咩人，我地兩個人坐左係窗邊卡位到。我叫嘅餐係蟹膏石頭鍋飯。套餐除左主食之外仲有一份前菜同一碗海帶湯。海帶湯都係一般嘅味精湯，飲完會好口渴。蟹膏石頭鍋飯熱辣辣，有飯焦。醬油會分外上，所以自己可以控制咸度。上面嘅蟹膏分量都比得幾多，但冇咩鮮味。撈完飯之後蟹膏就消失左，睇吾到又食吾出。朋友叫左個名品大醬湯配紫菜飯。所謂紫菜飯就係白飯上面加幾條紫菜絲。大醬湯雖然睇落好辣，但只係少辣嘅程度，裡面嘅材料都幾豐富。另外叫左杯柚子梳打水，幾大杯同幾令。

朋友生日最後決定嚟到呢間位於荃灣嘅炑八燒烤地方比較大又唔使限時但可能因為係燒肉鋪頭嘅關係油煙會比較多，而地下都相對比較油膩感覺上就唔太乾淨最後我哋四個人叫做恒生信用卡套餐其中包括左一個燒肉拼盤值得一讚就係呢個沙律上面個蘿蔔笑哈哈覺得廚房嘅同事好俾心機😂😂呢個燒肉拼盤肉質整體上都叫做唔錯但由於我哋四個人嘅關係都唔係太夠食所以最後就叫多咗一個護心肉豬頸肉同埋一個泡菜煎餅除咗佢嘅燒肉之外佢嘅爐邊泡菜蛋同埋芝士亦都係佢哋一班嘅賣點由於係免費嘅關係我哋最少都加左四轉以上所以基本上都幾平得黎又好食但應該就員工唔係幾夠人數所以每次叫野都要等好一陣

中午吃飯最頭痛，日日都唔知食什麼好，真的有選擇恐懼症。難得今天可以早些落樓吃午餐，特意叫家人出來吃飯。順便見見面，聚下舊。可以坐耐些，傾下計，家人帶我去食~炑八燒烤。裝潢設計，都系一貫韓式風格，哈哈，只是欠缺些歐巴靚仔招呼。點了特級蔥蒜牛五花套餐，配上烤粟米芝士和蘿蔔乾雞蛋，這也是我的至愛，看著它們烤熟，好有治療心情的感覺，有得食又有得玩，真過癮。牛五花，肉質超淋滑，味道不會太咸，好香蔥蒜味。配上生菜吃，正宗韓國口味。大醬湯配紫菜飯套餐，也是例點的，烹調得香濃美味，夏天清清地飲啖湯也不錯。

今早工作順利，有3個鐘午餐時間，先去炑八嘆個烤肉午餐先。這店有點不起眼，在眾安街頭渣打樓上，由於是全層，挺大的，12點還沒到午餐時間，很順利找了個靠窗的位置。本想叫2人烤肉餐，但又想吃大醬湯，最後決定叫一個牛五花烤肉餐，加一個大醬湯配紫菜飯午餐。總計才140元，掋食。一坐下店員已送上泡菜，芽菜，和2碗海帶湯。泡菜辣度適中，正好開開胃。海帶湯又可以解暑，湯又不鹹。牛五花上枱賣相好豐富，因為厚厚的，份量剛好一次全放在烤盤上。烤盤邊有蛋和芝士，這都是任加的。烤肉餐原來都跟紫菜飯，好豐富。五花這麼厚怕裏面不熟，還剪開了。烤好的口感綿綿的，包著生菜吃，感覺不到油膩。大醬湯反而不辣，鹹鹹的，拌飯剛好。烤盤上的蛋加了蘿蔔，比軟鹹，要拌飯吃。芝士口感粘粘的，充滿的感覺，本想再加蛋，實在太飽了，想收工回家。

炑八韓國燒烤真心正 有唔同肉類、海鮮同蔬菜揀 啱哂唔同人嘅需要😍肉類大大份，而且海鮮又新鮮😆我最喜歡嘅就系芝士粟米同泡菜蛋 好香濃 😍而且仲無限添加 啱唒我伊啲芝士 泡菜迷 下次一定要再食😆

同屋企人生日想食韓燒，咁食好少少，訂位食韓牛！呢間有少少難搵，係眾安街要搵番岩大廈搭lift上。本來我喉嚨痛，所以專登叫左碟粉絲，打算食少d熱氣野，點知都係忍唔到口，無戒口。碟粉絲我都食過兩次，so far都幾滿足。同Hungry Korean有d相似，無話好惹味好香，不過夠大碟，呢度又多肉d。然後望著大家燒野食。蔬菜麻麻地，大魷魚唔錯，牛肉出色！我最欣賞呢碟牛，有電視節目中講的韓牛症書，睇相中的認定証，唔睇唔覺，原來自己食緊的係2004年係濟洲島出世的牛。每啖都好正，得閒一定會再食！

家住葵涌, 每次同中學朋友聚會, 由於大家住得比較近, 最就近嘅燒肉店就當然係荃灣啦, 通常我哋都會揀係炑八度用餐😋燒肉店面積好大, 有好多大枱, 好適合朋友聚會, 因為地方寬敞, 所以坐起上嚟都比較舒適同大部份韓燒店一樣, 一埋枱店員會送上好多韓式配菜, 店員都好主動服務, 一見到你啲配菜唔夠, 會主動過嚟問你需唔需要加👍🏻最欣賞佢哋嘅五花肉同護心肉, 五花肉最好嘅燒法係原塊放上爐到燒, 燒完剪成薄薄一塊塊用生菜加泡菜包嚟食, 超夾! 😍係一啲都唔油膩👍🏻👍🏻除咗肉類之外都好推薦佢嘅泡菜豆腐鍋, 湯底非常香濃, 而且豆腐好嫩滑, 非常開胃😋

以下午茶黎講，炑八真係世界級。下午茶價錢，正餐份量，多款式。前菜 湯 飲品 主食 包哂都係$48以A+B作組合。A:飯麵或者沙律🥗B: 小食類個人來講認為，A牛肉流心蛋飯配B炸雞薯條 🍟最好食份量最多最抵！#牛肉 雖然有D D靭但味道好，趙下趙下都幾好食。飯加肉肉加流心蛋，唔洗講都知無得輸，好味。#炸雞🍗 熱辣辣脆卜卜有肉汁，同韓國🇰🇷食相差無幾。#薯🍠條 炸條脆脆又長又大條，內有點粉粉地的感覺，推薦指數：8.5/10

星期六收工3點吾知食乜好。又準備荃灣買野。於是去左眾安街的炑八食野。呢間炑八都幾大。沒哂2人位。肥嘟嘟侍應阿姨話：吾好意思無哂卡位。要您坐4人枱。我：點會。我驚1人霸您4位啫。3點有tea又有lunch 吾想1人食燒烤餐甘多肉。但其實他lunch燒肉餐非常抵。有段時間我神經病成日去食最後我點左個48蚊 tea set。我要左韓式炒粉絲+柑橘炸雞一於一陣加36蚊食埋冰沫因為我吾食牛所以叫阿姨不用上牛骨湯。她立即講：今日係海帶湯無牛呀。您可以飲喎。仲主動話幫我叫廚房炒粉絲吾好加牛。。真係太好:其實我最喜歡係免費泡菜食燒肉時我通常狂refilltea set的柑橘炸雞伴薯條 。上枱係熱辣辣的。大約有5。6件細塊雞。味道差過Goobne chicken. 跟餐送。草莓菠蘿冰]]韓式炒粉絲。呢個係好細份但好味道]]48蚊的set 樣樣食哂已飽:]]食飽飽想加錢叫冰:。點知阿姨話今日部機壞左。:慘。沒法喇!埋單48蚊下午茶仲要無加一。我覺得抵過茶記喇我家少爺成日恥笑我寫下午茶食:甘無法喇。我甘啱成日食到tea:。吾抵得我

郊遊由梧桐寨到大帽山後喺川龍搭車到荃灣，見到哩度有韓國燒烤就去試吓，環境不錯服務都相當好，而且一坐低就有大量前菜任食唔嬲，我就對個沙律汁非常喜歡，重有芽菜泡菜都相當好味，再加上開爐時會有菜甫蛋同芝士粟米伴邊，哩個都相當好食，而且食完仲可以不斷咁再加（應該係，我只係加左一次咁大把）肉類由友人飛板，食左唔小部位既牛肉，質素都相當唔錯，仲可以無限咁添加菜包住啲烤肉黎食，即刻無咁熱氣，而我最鐘意就係嗰一大枝既燒酒溝啤酒，好飲到呢。

炑八嘅韓燒都比較貴，唔捨得食唯有食佢嘅Lunch頂下癮可能因為Lunch幾抵食，所以都見到唔少學生一坐低，服務員就即刻送上啲小食，泡菜、芽菜等等叫咗個牛肉拌麵加杯荔枝梳打因為個陣做緊午市免費送一杯飲品，所以其實都幾抵個餐仲包一碗湯，係海帶湯味道清清地，又幾好飲拌麵係石鍋咁上，份量都唔算少牛肉就麻麻地，好韌麵都幾好，口感唔錯，食落唔會太淋但佢有啲辣，食唔到辣嘅朋友仔要注意整體嚟講碗嘢都偏重口味，食完幾口渴好在包一杯飲品可以解渴本來都幾驚杯嘢伏，怕會太甜點知又幾好，唔會好甜，同埋夠晒大杯總括嚟講，午市嘅質素都OK，唔會話太貴如果想過下韓式料理癮，都係一個可以考慮嘅地方

星期六下午五時多到炑八韓燒，由於還未到晚餐時間，到達時只有一枱客人。 剛到達，店員便耐心講解餐牌、準備前菜、沙拉。 爐邊的芝士粟米、蛋和泡菜、菜可以無限添加。 (而當我們吃光了芝士粟米和蛋時，店員亦主動添加, 值得一讚)我們二人一共點了全份牛小排、半份角切牛舌、五花腩和一個芝士溶岩飯。三款肉也十分新鮮美味。豬五花腩非常抵食，因為真的很多😂芝士溶岩飯要熱辣辣食，不要放涼才吃！而且2個人分享一個飯，非常滿足！用餐時間為90分鐘，上菜速度快，而且食物新鮮。 我們燒耐了少少，但職員沒有馬上趕我們走（那時已經晚上7點，愈來愈客人），只問我們需不需要加單，和於90分鐘時需要我們先結賬。總括而言，這餐廳不錯，服務很好，值得再食。