炑八韓烤 (已結業)

和朋友仔慶祝生日，一早訂好位晚上7:30位於荃灣的炑八韓烤。去到時已經坐無虛席，如果不是訂了位，應該轉場了吃韓燒除了食物質素外，就是通風系統做得妥不妥當，令食場變得烏煙瘴氣，食完坐車回家，熏得全身都是烤肉味，全車都知道剛吃完韓燒就尷尬了。幸好這場的通風系是做得不錯，入店沒有太大的燒烤氣味，屬於可接的範圍。我們一行七人，點了一盤牛肉生蠔套餐及炑八韓牛海鮮餐，和一些白飯。 牛肉生蠔套餐，用料好豐富 炑八韓牛海鮮餐還有鮮鮑魚啊 如一般韓烤店一樣，生菜，泡菜等都是免費添食，在烤盤旁的烤蛋及烤芝士都是免費添食 生日有很多優惠，有一大盤芝士炸雞，和牛及兩煱湯送 烤肉除了配生菜，配白飯一樣是絕配，而且減少了進食過量肉食總結：炑八韓烤食物與環境質素都不錯，而且生日有很多優惠，中位價錢，只是某幾個員工工作時總是黑口黑面，好像過著些痛苦的生活，如果店能花多點功夫在陪訓員工招待方面，肯定會吸引更多返頭客。

午餐一行7人，下午不用等位，有一位朋友食素，見餐牌有大醬湯就試下，上菜時發現湯底有牛肉，很苦腦。男侍應見狀立即上前問需要甚麼幫忙。了解過後，立即拿回廚房，另外送上有豆腐及菜的湯，很貼心。好抵讚豬肉粉絲已經食過幾次，一樣咁好味，飲品亦都好吸引。

朋友生日話想食韓燒，於是就即揀左幾就腳嘅炑八叫左豬肉生蠔套餐，有四個芝士生蠔，兩盤肉，海帶湯,蔬菜盤, 沙律， 另外叫左碟薄切牛舌先講蔬菜，D蘆筍好好味！ 好岩用黎燒但蕃薯真係唔work! 乾晒水，又唔係脆菇類都ok任食泡菜蛋，我朋友話冇蛋味，但我覺得幾好食任食粟米芝士， 芝士底燒到燶左，但好好味！！！又係狂食。配菜唯一麻麻就係泡菜，偏甜，唔辣..豬肉其實都ok! 雖然我唔知邊款打邊款？淨係知排骨係排骨... 豬皮無花生粉配真係唔work...整餐飯$6xx ，好飽！！！ 但又覺得唔太值...不過服務一流！ 即叫即應！ 又好態度燒完同朋友坐左好耐，幾舒服

今日放假食lunch去左炑八韓烤。 呢間食韓國嘢嘅餐廳要上一層樓唔係喺地下嚟嘅 。 有揼本裝修嘅，再加埋輕快嘅韓曲進餐環境唔錯。呢度最出名咁當然係食燒烤啦，但係我哋唔想咁熱氣所以都係叫咗套餐定食就算。我哋叫咗一個韓式薯仔豬肉飯同埋 一個石頭鍋牛肉飯再加咗杯柑橘特飲。個韓式薯仔豬肉飯唔係好夠味，同埋煮法似中式唔覺係韓式。個石頭鍋飯就係韓式煮法。佢嗰碟辣醬係最好食嘅，辣得嚟帶甜味。但係啲牛肉就實在太少啦，喺度食食下都冇餸送飯柑橘特飲係用梳打水加啲攪爛咗嘅鮮橙肉係底 再加咗少少薄荷味。個味道混合一齋就好豐富，好好飲！要畀個意見佢哋就係 啲餸嘅份量要加多少少!!

之前想去好耐架啦，因為我會突然之間好想食韓國嘢嘅，但荃灣其實又冇乜好嘅選擇，上網發現到呢度有醬油蟹食啱晒我心意，今日冇特別心水，所以就一於來試吓啦！又係先上六小碟同路爐邊蛋先，不過呢度啲Kimchi就一般般啦，平時我鍾意食芝士爐邊蛋，但今次竟然泡菜爐邊蛋好味啲！韓牛韓牛，真係好好味呀我仲諗住炸雞好好食添，因為韓國嗰啲真係好好食，但呢度呢個就真係麻麻哋啦終於食到醬油蟹 喇，再加個醬油蝦添！其實幾抵食嘅，不過下次唔會再叫兩樣喇！

現在炑八韓烤在香港很多地方都可以吃到,這次我來了荃灣這間,環境不錯,卡位比較寬敞,如果是普通座位台面會比較擠迫。 一坐下就有一大堆前菜,除了胡麻沙律不能refill,其他如泡菜,蘿蔔片,海帶,芽菜等都可以隨便添加。 我喜愛這裏的其中一個原因也是因為它有無限添加的爐邊蛋和芝士,讓我可以吃個夠本。 燒肉方面點了厚切五花腩,黑毛豬五花腩及護心肉,另加一個芝士熔岩蛋漿飯。 護心肉厚切五花腩可以看見肥瘦比例很好, 燒起來很香,還可以燒到有點脆的效果,熱呼呼配以淮鹽一起吃,味道絕佳。其實它有個特製的醬料配吃,是辣的,試了一口還是覺得配淮鹽比較好吃。 黑毛豬那個五花肉是薄切的,吃下去是比普通那個較好吃,但由於是薄切,還是覺得咬下去口感欠逢,所以以後還是只會點厚切的。 熔岩飯賣相很多,先是把飯從廚房端出來,然後在客人面前加入蛋漿和芝士,視覺效果很好,也有店員幫忙攪拌。 吃下去味道豐富,飯本身有調味,芝士和蛋是畫龍點睛。 我到達的時候時間尚早,沒什麼人,店員都會主動添水添蛋添芝士,但到後來人有點多了,就叫很久都不願來,這個有點扣分。 4道菜也不到600元,以這個質素的韓燒價格來說是很相宜了。這晚吃得很滿

因為前排係HKTV團購度，見到呢個198二人餐喎，見又快就老公生日，就買咗一張，同佢係生日嗰日食，我3/3上網買完，15分鐘左右已send coupon嚟了，咁我就即刻打埋去荃灣嗰間book3/8晚食，唔難book喎！一book就book到！咁起初都有少少驚唔夠食，點知雖然$198咋喎，但食物都絶不欺場，食物一格都係，仲可以無限量加菜、泡菜旦及芝士粟米！店員亦冇因為我地係團購，而少比以上呢三樣嘢我哋呢，見我地一冇旦漿，就算動自覺幫我們加！值得加分呢！而肉類方面呢我們可以6揀2，咁我哋就揀咗厚五花腩同牛肋肉，肉類都唔欺場喎，嚿五花腩真係好厚！而牛肋肉亦唔少喎，肉類兩人嚟講，算滿足！菜都都新鮮喎！係略嫌泡菜甜咗dd，但唔係難食的！炒年糕都幾辣，但幾惹味！唔錯！其實整體以$198再加$20元加一，即$220唔駛，食到咁多嘢，仲想點呢？！如果下次再有，我都會，因為真係好抵食！

最近好多朋友帶我食好嘢今日嚟到食韓燒，出乎意料又好食又抵食，2月生日更有好多嘢送，有口福了！小食包括泡菜、大荳芽、粉絲、生菜、粟米芝士、泡菜蛋全部都可以免費refill，而且全部都好食新鮮燒牛舌，醃得好好味，燒幾下就食得，夠薄又唔會太漏，而且都好多塊叫咗隻八爪魚，估唔到原隻上！成隻燒太有氣勢了吧燒到咁上下先剪，夠晒彈牙又入味然後五花肉成條上，霸氣！因爲厚身，都要燒耐啲，再剪開燒，估唔到又唔鞋唔韌喎我地叫咗個人蔘雞湯，味道就較為失色，無乜蔘味，感覺唔太韓式。豬腸乾淨夠厚身不過略嫌酥咗啲，燒幾下就食得，快！生日送三塊韓牛，一啲都唔hea，好有質素生日仲送甜品，年糕多士，幾得意，麵包入面有年糕但味道就麻麻地其實仲影漏咗個牛肋骨煲，都好稔好入味，掛住食而生日優惠仲送咗個海帶湯，又係唔記得影總括而言，呢度韓燒一啲都唔貴，當然有生日優惠就更抵啦！不過樓面唔太夠人，真係做死果幾位啦，辛苦晒！

因為要同老友慶祝生日，所以一早打黎BOOK位並且詢問清楚會有生日優惠，大家就約好放工一齊黎燒旺佢。平時大家都係約埋打邊爐多，但壽星主角話太單調了，想轉下口味所以揀食呢間。本身約食1930，我地五人都準時到齊但都要等多半個鐘。上到去發現都有好多大枱啊？！入座安排是否有點兒哪個呢？坐低無耐，侍應馬上開爐，送上韓式伴菜包括有泡菜，腌蘿白，芽菜同埋大量生菜。其中以泡菜最好食，偏甜酸的同烤肉最夾味。因為對點菜無咩頭緒，所以就揀左個韓牛套餐。豬肉牛肉海鮮咩都有，仲有個海鮮煎餅，大家都唔使煩。肉類黎講係唔錯的，牛肉比平時食開嘅較重牛味，燒耐左都唔韌。豬肉連皮燒除左鎖住油脂之外仲帶出肉嘅甘甜。另外爐邊蛋走泡菜會好食好多。其中以呢兩塊牛肋條大家搶得最多，軟腍得黎有咬勁，肉汁最豐富。可惜係隻章魚，個醬太唔入味了，一路燒啲醬一路流失。最後只剩低海水嘅咸味。而呢兩個係生日優惠送的牛肉海帶湯同腌章魚腳，不過不失咁啦。味道唔是重點因爲係送嘅。仲有個玉桂煎餅都係送嘅，可惜搶唔切，食唔到。有餚點可以無酒？所以我地點左呢個啤酒塔暢飲一番。味道偏淡唔重苦味，係幾易入口嘅一款啤酒。五人分每人都有兩杯飲下嘅。最後再追加左兩盤

以家有好多間韓燒食店，但係講到最愛，我都係揀炑八🙈原因係佢可以不停咁加芝士同泡菜蛋😍食韓燒，最大問係三心兩意，樣樣都想食，但人少一定食唔曬😂最後我地叫左個拼盤，樣樣都有d，岩曬眼闊肚窄既我🙊好睇拼盤入面有我最愛既雪花牛同牛舌，肉質唔錯，大概每邊燒30秒就可以食得，不過牛舌就薄左d，唔睇住黎燒好易燒過頭，變左牛舌薯片😂另外再叫左知炒年糕，哩個就真係麻麻啦，上台已經唔熱，年糕仲未淋，又唔夠味，下次應該都唔會再叫年糕😭但燒肉既話，炑八都係我既心愛次選，價錢品質都成正比👍🏻

已經不是第一次食炑八，大大話話都食過6、7次，貪佢價錢不太貴，服務又唔差，又無限時間。食物水準由第一次食到而家都無乜下降，反而款式仲多咗，但亦見到有加過價，不過總算合理。前菜有3款包括泡菜、豆芽同韓式粉絲，三款味道都好好，亦可無限添加，爐邊的泡菜煎蛋同芝士粟米亦可食幾多加幾多。今次點了韓式紫菜包卷Gimbap, 裡面有蟹柳、黃蘿蔔、甘荀、青瓜、玉子、雞肉，好經典既饀料，另外仲有芝士生蠔，味道偏淡；炑八特製牛助骨，幾惹味；仲有薄切牛舌，燒10秒攪掂，自家再加點海鹽；護心肉係用積分兌換既，都幾好食架；加埋Somac tower,是日晚餐爽爆

天氣時冷時熱，早前，氣溫突然轉涼時，友人突然邀約到《炑八韓烤》去，還說已預訂了超正海鮮，絕對不可不去！ 今次到來的，是位於荃灣的《炑八韓烤》，鄰近港鐵站，雖然對 BeautySearch 而言相當就腳，但平日甚少與家人前往，印象中，只在剛開業時惠顧過一、兩次。 感覺上，環境沒大變動，而且，亦是數間曾惠顧的分店中，店子環境最理想的。 甫坐下，店員便在我們的鐵板上放上 BeautySearch 最愛的粟米芝士，再加上蛋漿，不一會便可品嚐。 緊接而上的，是新鮮的沙律，注入了香口的芝麻醬。不過，其他的都是傳統韓式前菜，太辣了，不是我杯茶，唯有留給愛吃泡菜的友人享用。 好快，主角陸續上桌。最先上桌的是大大隻的「珍珠貝」HK$160/10隻，相當吸睛！放上爐燒，不一會便張開口來，相當新鮮，食落還充滿海洋鮮味，相當不錯。 韓式飲品中，BeautySearch 最愛柚子，所以，另外點選了一杯「柚子檸檬梳打」HHK$32，口感非常清新喔！ 醬油蟹吃得多，「韓國醬油蝦」 HK$128 還是第一次，一碟有 6隻，口感有點像日本的甜蝦，不過，黏度更高，而且攜點爽脆。 不少人都會覺得醬油蟹偏咸，相比下，

冬至飯當然要食豐富d，我地揀左食韓烤。和牛食得多，韓牛都係第一次，十分之期待~中意食韓烤其中一個原因，一坐低店員就會放到枱面滿滿的，泡菜，沙律菜，醃青瓜，醃蘿蔔等等..更重要既係爐邊可以免費添加既烤芝士同雞蛋，呢d係食日式燒肉唔會見到，而又真係好好味1++韓牛貝身肉 $220色澤鮮紅，雪花紋理好靚~只需要輕輕一燒~牛味重，油份重，鮮嫩且十分juicy！真理牛肋排 $188口感不像貝身肉軟嫩，這個是爽口的，牛味亦重。甕醃1++韓牛五花肉 $148這個口感更爽，脂肪亦較少，十分之惹味~厚切上等鹽烤牛舌 $108非常大件已且厚切的，十分爽脆，只需以鹽調味已經很足夠。人參蜂蜜芥末五花肉 $98用上人參蜂蜜芥末調味，味道幾特別，亦中和了膩感，將腩肉打開，燒至兩邊微微脆身，夠哂香口。聖誕蛋糕冰沫 $68最後唔少得食反個冰解解油膩，冰沫入口綿綿，陣陣奶香，入面仲有香甜既草莓，雪糕同蛋糕，唔太甜，好味！

聖誕節點少得食聖誕大餐！邊個話一定要食火雞？不如試試新野，食韓燒！仲要係全牛宴😍厚切上等鹽烤牛舌 $108真理牛肋排 $188人參蜂蜜芥末五花腩 $981++韓牛貝身肉 $220甕醃1++五花腩 $148去牛舌成寸厚勁大塊😱😱 牛肋排有牛味👍🏻 牛五花腩一條成20cm長，勁誘張！不過五花腩都係食豬既正啲！肥美多汁！夾生菜一齊食好正😋😋小編是晚推介：貝身肉！肥瘦均勻，輕輕燒一燒就食得，入口即溶😭 又重牛味😋😋 好幸福呀💓雖然食完勁飽，但甜品係第二個胃！所以食埋個韓冰就完美了！唔同一般韓冰，佢個雪糕球係收藏係冰入面，方便連冰同雪糕一啖食，而佢個士多啤梨雪到好凍，好似食緊菠蘿冰既感覺，唔錯既配搭！

食海鮮餐唔一定要去西貢 鯉魚門 今晚豬先生豬小姐尼到炑八 嘆番個預祝聖誕節大餐兼韓式海鮮盛宴荃灣分店嘅炑八 無論環境 燈光 氣氛都貫徹統一韓味濃烈嘅風格前菜方面有傳統嘅泡菜 醃蘿蔔 芽菜等等 仲有一大兜胡麻醬沙律菜 而燒烤板旁嘅蛋漿及芝士粟米更是任refill唔嬲醬油蟹係韓國盛行左一段時間 總有一間在你左近可以試相反係香港地就比較少地方有得食而且價錢亦偏貴 炑八尼度竟然有而且只需要百多元 一於醬油蟹 醬油蝦打孖上醬油蝦及蟹都係跟set上嘅 會跟埋湯同紫菜白飯先講下蝦 有六隻 size亦唔細食過嘅朋友仔都知道醬油蝦口感與日本甜蝦相若 但黏度會更高 呈現半透明狀態嘅蝦黏而爽脆 配合帶微辣嘅咸醬油 岩哂豬小姐尼隻咸虫醬油蟹一分為五 食蟹重點不是食肉而是為膏係常識吧 蟹膏雖然未算爆膏 但味道鮮甜甘香 同樣令人大感滿足 醬油方面比起醬油蝦嘅較為濃烈而且帶甜味 無咁咸 所以豬小姐比較喜歡醬油蝦的汁大家一定要將白飯放入蟹蓋 微暖白飯加入醬油及蟹膏拌勻而食 滋味也到左燒海鮮嘅環節啦排排坐嘅珍珠貝殼就大啦 唔知肉又有幾大呢睇住珍珠貝係熱爐上加熱 慢慢開口 汁液係殼裏面翻滾 相當期待珍珠貝新鮮鮮美 彈牙爽