影片
开饭介绍
主打韩牛，提供多个部位如牛肋骨、牛脸肉及牛小排等。甜品如草莓塔卖相亦相当吸引。
继续阅读
营业时间
今日营业
11:30 - 22:30
星期一至日
11:30 - 22:30
公众假期
11:30 - 22:30
公众假期前夕
11:30 - 22:30
以上资料只供参考，请与餐厅确认详情
有关奖赏计划
优惠
地址－炑八韓烤(黃大仙中心南館)黃大仙 正德街103號黃大仙中心南館地下低層LG01號舖近排睇完黑白大廚後就好想食下韓國野，但又唔想自己動手煮公仔麵，只好食下烤肉以解思韓之苦啦，一入到去，侍應已經好快咁上左芝士粟米粒同泡菜蛋，之後就開爐，係等待期間仲上埋D前菜同沙律，表示除左沙律外，所有都可以任加，首先講下沙律先，雖然佢係贈送的，但都絕不馬虎，都選用左沙律菜，高成本咁喎，而佢D前菜味道好唔錯，值得推介係醃白蘿蔔，完全做到清爽之餘又唔會太酸，我地都叫左3碟，後期D侍應見到食完都即刻REFILL，勁識做，食左幾輪前菜後D爐邊芝士同蛋都已經READY，D粟米沾滿左D芝士，味道勁香濃，又能做到拉絲效果，而泡菜蛋則令到本身橙紅色的蛋增添韓式味道，鹹度適中，我地都叫左2輪黎食XD。💋炑八厚切五花腩，呢舊肉真係不得了，原條咁上桌，方便我地因應自己喜好剪成適當的厚度，食落肥瘦均勻適中，唔會話過肥令到成口油，而佢層皮仲有陣煙韌的口感，好特別。💋外裙肉，佢呢D牛肉經過韓式醬料醃製過，食落已經好夠味，但亦都因為醃製過的關係，記得要控制好時間，唔係的話會好易燶，千萬唔好問我點解知，嗚。💋大八爪魚(1隻)，呢隻八爪魚真係打咭作用非常一流，原隻咁上桌，都令到我地有點不知所措，但好彩侍應見狀都會出手相助，細心地剪成一小口，方便我地燒同埋進食，由於佢又有醃製過關係，我地有左經驗，已經知道要小心控制時間，所以燒完都係完美的狀態，食落口感仲保持到彈牙，又唔會好淡口，唔錯。💋韓式紅蝦(3隻)，呢3隻紅蝦勁大隻，侍應都非常好人地幫手開邊，令到裡面的蝦肉都好快熟晒，食落都FEEL到佢幾新鮮，唔覺有”霉”左的口感。💋海鮮煎蔥餅，呢塊煎蔥餅真係好大塊，大塊到都令人擔心會唔會食唔晒，好彩我地最終都完成任務，而佢塊蔥餅個邊煎都幾脆身，而餅底又唔會太濕，佢D餡勁足料，勁多魷魚仔，口感好豐富，蘸埋佢個醬汁帶點鹹鹹地咁，幾得意。💋韓國水冷麵，係呢個咁熱的日子，食個水冷麵真係最好的消暑方法，雖然佢個”湯底”好似好清咁，但味道都有點鹹味，加埋佢附送的醋同芥末，酸酸地同辣辣地咁，層次豐富，而最估唔到係面層居然有雪梨，令到口感更為清爽，正。💋藍天使梳打及朝日有氣果酒(清爽鮮檸)，食左咁多野後，叫杯梳打打下咭都係一個唔錯的選擇，而佢杯有氣果酒飲落唔算太重酒精味，飲落有少少檸檬味，我呢D易醉的孩子飲完都冇事，臉都唔紅一下，想呃下呵護都唔成功添。
继续阅读
朋友由外國番嚟，話好耐無食韓燒，就揀咗炑八韓燒。 職員先送上前菜，前菜都有好幾款（芽菜、泡菜、海帶、酸蘿蔔、薯蓉），另外仲有沙律，酸酸甜甜，開胃醒神！ 當然唔少得無限添加爐邊泡菜蛋同埋芝士🧀 。 炑八厚切五花腩：職員會加上一塊鐵板幫手燒，五花肉擁有豐富嘅脂肪，燒烤時，肉中冒出大量豬油香，令五花肉外皮酥脆，又帶著火燒的嘅香味，超美味！如果加埋生菜同大醬包住一齊食，就會無咁膩。 外群肉：肉味濃郁，油花分佈平均，肉質好柔軟。 韓式紅蝦🦐：新鮮爽口，十分彈牙；大八爪魚亦新鮮軟嫩。 韓國水冷麵：水冷麵麵身煙韌彈牙，極有嚼勁。梨片和青瓜清新爽口🍐🥒，大熱天時食，絕對透心涼😌。 泡菜煎餅：煎餅份量都好多，2個人一份都已經好夠飽。煎餅以半煎炸型式烹調，非常乾身又香脆，而且食落唔會一口油。煎餅餡料充足，有大量泡菜，口感好豐富。 另外叫咗杯最近做緊推廣嘅Asahi Sour，日本直送，有3款味道，紅桑莓、鮮檸同藍橙，今次揀咗個藍橙，味道酸酸甜甜，帶輕微酒精，相當易入口。叫咗1杯荔枝梳打，$38大大杯，又冰凍，又解渴，啱晒食韓燒嘅時飲。適逢餐廳慶祝10週年，現凡消費滿$600，可以以$10加購價換購1罐炑八韓式泡菜，鍾意食泡菜嘅你絕對啱晒😍呢度仲有個賣韓式食品嘅小型超市，食完不妨逛一逛～
继续阅读
近來的投資得心應手， 心情靚靚週圍搵嘢食， 朋友在黃大仙放工， 推薦去炑八韓烤， 地點方便之餘，店非常寬敞， 而且食物款式很多， 肉類、海鮮、韓國美食、 飲品啤酒一應俱全。店員很好，推薦了些熱門菜式， 心情大靚推薦什麼就點什麼吧😃😃。 先來兩杯清爽飲品 ，士多啤梨乳酸梳打＋荔枝梳打， 大大杯賣相吸引。炑八厚切五花腩， 顏色鮮豔很新鮮， 烤至兩面金黃， 再把香噴噴嘅五花腩 ，剪成細細件， 配搭生菜 泡菜 韓式醬料，真的 非常美味。外群肉其實牛肉， 切到後薄適牛加入醬料同埋蔥花， 每邊烤一陣至金黃， 唔使加任何額外調味已經好好食， 牛味很濃而且多汁軟滑。海鮮類，店員推薦大八爪魚 和 韓式紅蝦， 八爪魚已經調味， 少少辣質地煙煙韌韌。 韓式紅蝦嘅質素真係唔錯，好大隻又夠厚肉。 肉質爽甜 多汁。炑八嘅煎餅向來都不錯，今天點了鮮煎蔥餅，味道特佳😃， 大量嘅香蔥 而且有好多海鮮粒， 好有心機 煎到葱餅兩面香脆。韓國水冷麵， 第一次食水冷麵， 見到兩兜醬汁有點疑惑。 店員細心講解， 原來正宗嘅水冷麵要加入醋同埋黃芥末， 味道真係唔錯而且好特別， 而且冰冰涼涼好清爽。
继续阅读
上次去完炑八韓烤親子店，今次同朋友去位於黃大仙地鐵站上蓋黃大仙中心南館嘅炑八韓烤。呢間舖地方闊落可以容納多人。今次我同朋友點咗鹽蔥牛舌味套餐同石頭鍋飯鹽蔥牛舌味套餐包括鹽蔥牛舌，牛胸腹肉，蔥蒜牛五花，秘製醬油豬五花，梨汁雞腿肉，芝士生蠔主餐：薯仔牛骨湯另加飲品薑橙熱飲，玫瑰佛手柑熱飲。本身已經很喜歡食韓燒，因為很喜歡吃韓式的小碟加上韓燒時烤爐上邊的泡菜蛋和芝士粟米😋。鹽蔥牛舌，肉質Q彈、富有嚼勁，燒烤後灑上鹽即時變得更美味。 秘製醬汁五花腩，醬汁入味令五花腩味道精華。 梨汁雞腿肉令到肉質更嫩滑。 薯仔牛骨湯，味道香濃。飲完想飲多幾碗🤣🤣 ，因為真係好好飲😋另外石頭鍋飯有一種新年撈起的感覺。帶給新一年好意頭。最後韓燒後飲埋杯薑橙熱飲同玫瑰佛手柑熱飲，即刻舒緩韓燒的熱氣😜人都開心曬！最後細細聲話你知我睇到原來我地叫呢個餐有分會員價同非會員價。我地即刻做埋會員🤣 會員價真係好抵！
继续阅读
今晚去食我愛韓燒，位於黃大仙站超級方便。餐廳環境大，乾淨。點了鹽蔥牛舌旨味套餐-成個套餐份量幾多，有鹽蔥牛舌，厚度適中上面有鹽蔥燒時間不用太耐，味道濃厚，爽脆。牛胸腹肉，比較彈牙，包上生菜一齊食又脆又有口感。秘製醬油豬五花，肥瘦適中，秘醬汁香濃。咬口不錯。梨汁雞腿肉 夠嫩滑。芝士生蠔大粒又飽滿。每款都出色薯仔牛骨湯-真材實料，薯仔同牛骨都好入味，熱辣辣上枱，仲碗上白飯。正石頭鍋飯-上面鋪滿蘿蔔烤肉同荳芽、香菇撈埋一齊，仲有香口飯焦。點了玫瑰佛手柑熱飲，好香濃玫瑰，甜味不錯薑橙熱飲-味道好甲，冬天之選
继续阅读