炑八Taste

营业中

休息中

幫襯一年，差唔多試勻晒，味道普遍唔錯，屬於韓式濃味風，基本上所有款都值得平日一試，但都係飯多肉少唔夠食，要自己加餸。如果中意食肉，絕對唔可以揀炒粉絲，因為只會得幾片肉粒攝「牙喇」。而石鍋飯就相對偏淡同健康。我有住戶證9折所以覺得抵食，但原價就唔建議因為肉少，並且鐵板餐雖然幾惹味，但可能有需要落多油，所以食到中段開始會好似飲緊油咁。琴日外賣6號鰻魚牛肉飯諗住食多舊肉，點知拎到番屋企先發現冇俾牛肉我，得條鰻魚，姐係話我俾多左十蚊去食鰻魚飯！呢間野已經唔係第一次漏俾野（唔同員工），第一次係堂食某個有泡菜嘅飯，冇俾泡菜我，我即時發現問佢拎番。第二次又係漏俾泡菜但外賣冇計，唯有當食少樣配菜。今次第三次直程冇俾我搵十蚊買嘅牛肉！下次真係要當面打開盒飯check清楚！！今日就食泡菜牛肉飯，本身想食豬手，但呢間野十次有八次都係冇豬手，我嗌左咁多次只係成功食過兩次，我真係唔明豬手咁普通嘅野點解會冇貨，不如直程咪鬼出呢款好過啦！今日女店員特別西面，態度特別差，連俾飛都係好晦氣求其咁隊俾我就即刻走開去做其他嘢，好似好不滿有人點餐咁。講真，呢間野係多人食而且員工只有兩個，忙到甩轆係可以體諒，但我都企喺前台等左

炑八帶來韓國地道韓食， 貼近的韓式潮食，炑八為一個把酒言歡，輕鬆愉快聚會及用膳的好地方。 韓式泡菜拌飯石頭鍋熱辣辣，豚肉辣辣地肉質鮮嫩，飯粒分明。荔枝梳打甜度適中。

今日叫咗個經典芝士牛肉鐵板飯，加多咗紫菜同埋cheeseeeee!!!!去到嘅時候好多人，但好好彩一下就搵到位～～等左大約10分鐘左右，就已經有得食。啲料俾得好足，有多肉～熱辣辣好好食～

一去到嘅時候就比呢一度嘅套餐吸引咗，呢度嘅海鮮套餐非常之豐富，海鮮有八爪魚同埋鰻魚，而且另外仲會有牛小排，五花肉同埋雞肉！整體來講份量都算非常之豐富！而且呢一度嘅材料都非常之新鮮，再加埋韓式燒烤嘅風味，真係好吸引

food court選擇好多 見到呢間係食韓國嘢 就望左下個menu 因為我超鍾意食牛肉 見到呢個就想試下牛肋骨煲配紫菜飯 $72其實價錢都唔算貴 通常有3-4大嚿牛肋骨 肉比較多!😆唔會話淨係得骨 同埋炆得幾淋👍🏻 好易脫骨啲汁都有味 撈飯啱啱好👌🏻唔知係因為比較少人叫定點 每次份量都多 肯定夠飽

元朗開咗個美食廣場終於有機會去試吓今次就想食少少韓式風味但係又有中式風味於是就去試吓呢間石鍋飯吧我個人呢就幾鍾意食因為熱辣辣同埋呢望落去份量都幾大我就揀咗呢個牛佢仲有好多配菜啦包括紅蘿蔔絲青瓜絲仲有冬菇芽菜等等咁啲汁整體撈埋一齊係唔錯嘅真平時同朋友傾吓計都係個唔錯嘅選擇另外呢間餐廳都有其他例如鐵板燒唔知大家有冇食過啲咩呢另外配嘢飲都係免費嘅可樂食到飽飽#打卡#cafe#生活#小記錄#隨心一拍#相機先食#美食 #隱世cafe #hkcoffeeshop #hkbar #西式餐廳 #foodiehk #hkig #hkgirl #食好西 #西餐 #餐廳 #香港美食 #香港好去處 #甜品

又比佢既香味呃咗😣巳經叫個貴小小既厚切西冷… 點知熟透都唔緊要，都唔好咬唔開嘛… 點食啫🥲仲要$108 ☹️☹️☹️成個foodeli 有咁多野食，唔想人地食一次唔再返轉頭，真係做返好小小啦😓

今日喺yoho mall行完街之後，到到都好多人食嘢，咁我哋就去咗呢個food court度食啦，因為可以個個朋友揀返自己想食嘅菜式。比較方便，因為呢度多國菜都有得選擇。見到呢度又有日本嘢甜品韓國嘢加雞髀港式小食都有。咁我哋其中一間就食咗韓國嘢，炑八，叫咗個人蔘雞湯，好大件雞，入面有啲飯。另外就會配紫菜飯嘅，另外仲有一個係用鐵板上嘅豚肉飯，啲豚肉都好多，入邊嘅芝士味都好濃，好香，味道好正！而且價錢都係幾十蚊人頭，性價比都好高。

Yoho Mall 既food court 食foodcourt 既好處就係可以自己選擇自己想食咩類型Lee 個foodcourt 咩都有！我地今次主力炑8 ✨韓式人參雞配紫菜飯（$68) 至於人蔘雞湯呢佢就製作需時，配埋紫菜飯😳係男士都夠飽嘅份量，人蔘雞湯清甜雞入邊仲讓咗糯米😋✨芝士牛肉鐵板拌飯（$58)我就揀咗芝士牛肉鐵板拌飯，一上枱已經咋渣聲！熱辣辣！芝士仲有拉絲嘅效果配埋牛肉撈飯食又飽又惹味！🤗就算平日food court都人山人海睇嚟下次可以再食唔同類型嘅菜式！

#我的吃貨日常🐽 韓國🇰🇷料理韓式炒粉絲 + 豬肉紫菜包飯 $70紫菜包飯 清清淡淡 好健康粉絲炒得比較偏乾身芝士辣炒年糕配拉麵 $67超飽的配搭🤣 鍾意食韓國年糕的可以試吓 元朗元龍街9號形點I期2樓2042號舖Foodeli#生活小記錄#隨心一拍#相機先食#美食 #隱世cafe #hkcoffeeshop #hkbar #西式餐廳 #foodiehk #相機食先 #hkig #hkgirl #食好西 #西餐 #餐廳 #香港美食 #香港好去處 #甜品控#cafe #拍拖👫#打卡#jessicafoodhunt#jessicafoodie

樣貌十分似pepper lunch😂唯一吾同嘅係味道濃度嘅分別， pepper lunch嘅飯汁係完全滲哂入去，好入味，但係呢間就比較淡味，味道較一般，份量正正常常，而且醬汁可以自己任意添加👍

鳳琴街打完波，就想嘆住冷氣食飯，想起元朗形點有新開的food court，就和波友一齊去。中午一點門庭若市我們都要等了十分鐘才找到位。每次食food court我一定會選擇韓國菜，原因是同樣價錢的話菜，食韓國菜比較化算，而且食飯質素通常也不會太差。原來炑八集團標了Yoho food court，那更新有信心保證。鐵版芝士牛肉配飲品，鐵板高熱把牛肉弄熟，芝士黑椒撈飯，香味十足，配上鮮甜粟米粒，增加飯的層次感。選用了韓式醬料所以味道偏甜牛肉亦都很入味。人參雞配紫菜飯，欣賞他的紫菜飯上面加咗芝麻和一些韓國麻油香味。人參雞有半隻雞，入面按照韓國傳統料理方式，有糯米，紅棗，大蒜，粟子。雞湯濃味，配飯一流。飲品荔枝冰茶柚子和檸檬梳打，天時暑熱飲確實一流，一解悶熱的感覺。我覺得這次也不錯，Food Court環境開揚，服務員也很迅速處理已用完的餐具和清理枱面。滿分為10分(1分最低，10分最高)食物：8環境：8衛生：8服務：8價錢: 8舒適度：8.5總分：8

炑八之前食過其他分店food court menu 好似有d 唔同都係用機order 再叫no., 好方便鐵板系列好多人叫，我地都叫左個芝士牛肉試下勁多芝士超正， 全部撈埋，再加埋個蒜蓉燒汁惹味好多係個鐵板再熱多少少就更好啦人蔘雞湯半隻，仲有飯跟，勁足份量湯仲有蔘味～ 飲落都唔算油膩，係鹹左少少雞肉夠嫩，易入口，而且好易整散，可以連埋湯飯一齊食飯加埋紫菜更加有韓式風味跟埋野飲，檸檬柚子梳打，柚子份量好多，連埋檸檬夠清新～～

見到foodcourt好多人都食緊熱辣辣嘅鐵板餐，睇起嚟好香好好味，所以我哋點左一個鰻魚韓牛漢堡鐵板拌飯同牛肋骨煲配紫菜飯🍚熱辣辣嘅鐵板上面嘅飯面放咗一條巨形燒鰻魚🤩鰻魚啖啖肉，醬汁用嚟撈飯一流😋漢堡扒軟稔又唔鞋👍🏼有鐵板保溫，慢慢食都唔驚會凍曬😆牛肋骨大大塊，醃🉐️夠入味，而且又唔韌，份量都好足添😍韓式醬汁帶點甜，用嚟撈飯好開胃。柚子檸檬梳打味逅酸酸甜甜，又有汽，飲完真係透心涼😌

下雨天到商場逛逛，中午到Food court 找食 選擇眾多，但喜歡肉食的我很快便決定吃炑八，因為之前餐廳是不錯的，試試這兒水準如何先找位置坐下，再到自取售票機下單，然後等號碼取食物芝士牛肉鐵板拌飯熱氣騰騰的鐵板上，有著大量生牛肉跟重量芝士，拿著回坐位的路上已經刺激味蕾了。攪拌至牛肉熟透，大大口的吃著，芝士跟牛肉配搭一絕，牛肉味絕不比芝士蓋過，還有粟米粒亦不可少，女生應該吃不完一份餐呢韓式人蔘雞配紫菜飯叫了半份的人蔘雞亦不馬虎，份量也比較大，雞裏亦有飯釀著啊。 先喝一口雞湯，味道濃而不油膩，鮮味十足，配上紫菜飯一起吃，非常滿足，女生們真的吃不完柚子檸檬梳打點了凍飲味道亦不錯，柚子配上淡淡檸檬香，推介👍