炙・宴 (MOKO新世紀廣場)

营业中

休息中

每次經過「ABURI-EN」，都被佢嘅豬豬🐽燈籠🏮所吸引，而且長期排長龍，所以今次就一於去試吓～ 原來「ABURI-EN」係炙燒丼飯專門店，主打性價比高嘅日本丼，價錢親民而質素有保證，有多款丼飯，當中例如宮崎和牛飯、特上鰻魚飯、牛丼和豚丼都係人氣之選。餐廳裝潢走日系簡約風，使用了大量木紋和木製品，好有日式風情，而座位亦寬敞舒適。不過今次冇試佢哋嘅丼飯，反而係試咗佢哋近期推介嘅宮崎和牛一人鍋🍲宮崎和牛拼特上日本豚鍋 壽喜燒湯 $179啲個價錢可以嘆到宮崎和牛實在難得，淨係睇啲雪花❄️就知正，牛味十足，油脂豐富。選擇了壽喜燒湯底，味林同豉油比例得宜，再加上蛋漿，就是一個非常美味嘅壽喜燒！另外日本豚亦同樣美味，十分滿足😌宮崎和牛海鮮鍋 龍蝦湯 $218另外餐廳全新推出了海鮮鍋，除咗同樣有宮崎和牛，仲有多款海鮮包括帆立貝、三文魚及魷魚。最正係個海鮮湯底，鮮味十足，完全想一滴不留咁飲晒佢😝宮崎和牛 （追加 $149）見啲和牛咁好食，忍唔住追加咗，有4大塊，以咁嘅質素其實真係幾抵食👍🏻另外仲點咗兩杯飲品 （芒果熱情果梳打 $38/ 凍熱情果檸檬茶 $38），係用咗新鮮生果做嘅飲品，正👍🏻

諗緊晚餐食咩之際，就比我見到有間餐廳外面掛左豬豬紙燈籠🏮就咁吸引左入去… 環境整淨舒服和服務生有禮✨火灸沖繩琉香豚豬骨湯拉麵賣相很吸引，拉麵吸收了香味濃郁的湯搭配豚肉，味道非常適合和口感不錯✨熱情果檸檬茶淡淡的熱情果香味配上檸檬茶，味道不錯，有種不一樣的感覺✨沖繩豬肉蒸餃（5件）皮薄裏內有滿滿的豬肉餡，每一口都啖啖肉又不膩✨和牛火鍋🍲一人火鍋其實裏面有平時打邊爐既野，值得一提和牛有好多塊，涮下涮下又開心和肉質鮮嫩

雖然日式超市都好容易買到鰻魚 不過有時都係鍾意喺餐廳食 特別有炙燒嘅香味🔥 炙宴仲有鰻魚三食㖭 好豐富 食完真係會開心曬😇-🍱一本鰻魚三食 $1681️⃣ 品嚐鰻魚飯原汁原味 或加入山椒粉2️⃣ 加入蔥花 海苔 芝麻等等攪拌3️⃣ 加入茶湯 品嚐茶泡飯首先係品嚐鰻魚飯本身嘅味道 鰻魚肉質彈牙 配埋香濃醬汁 真係好滿足🥹 第二步就係加入佐料 我自己就最鍾意蔥花同芝麻 味道更豐富♥️ 最後一種食法係加入茶湯 鰹魚嘅香味令泡飯食落味道柔和 暖笠笠⛄-🍚鰻魚二重丼 $142除咗鰻魚三食亦都有丼飯揀 有燒鰻魚同南蠻炸鰻魚兩種配菜☺️ 同三食唔同 丼飯嘅燒鰻魚比較滑溜 係兩種感覺😍 南蠻烤鰻魚比較少見 炸到香脆 點埋他他醬 食落好特別🍤-🍓士多啤梨乳酸梳打 $42 / 荔枝乳酸梳打 $38乳酸梳打最適合解膩 我自己就鍾意荔枝梳打 入面有三粒荔枝 好滿足🍹-🍘鰻魚一口燒 $62一口燒係用海苔包住鰻魚同青瓜絲 灑上芝麻同岩鹽 一啖一粒 正呀🍺-📍炙・宴 (MOKO新世紀廣場)太子道西193號MOKO新世紀廣場1樓156號舖

每次經過呢間《炙・宴 》都俾佢外牆啲🐷🐷吸引🤣仲有佢最特別係每期都有不同嘅推廣‼️好似而家佢就出咗以鰻魚為主題嘅主食😍‼️價錢仲要幾親民❤️一本鰻魚三吃｜$168首先呢個價錢估唔到原條鰻魚都幾大條❤️，都有手掌到手腕咁長🫨三吃究竟邊三吃呢⁉️1️⃣原味+日本山椒粉鰻魚肉質細嫩，外層烤到焦香，加上醬汁嘅甘甜，令人忍不住一啖接一接🍚😍另外，生椒粉的辣味和香氣更能提升鰻魚的鲜美‼️2️⃣配搭各種配料-紫菜｜芥末｜芝麻｜蔥花分別伴入各種配料，令到鰻魚味道更加提升↗️和豐富‼️3️⃣茶漬飯🍵🍚將拌好嘅鰻魚飯加入茶碗中注入茶湯🍵，品嘗日本茶泡飯‼️食落品嚐到啖啖嘅茶香味，又能食到鰻魚嘅焦香味，非常特別鰻魚二重丼｜$142分別有炸和烤鰻魚，炸鰻魚加上檸檬汁🍋和南蠻醬，非常清新‼️第一次食炸鰻魚，原來幾惹味🤣鰻魚一口燒｜$62除了主食鰻魚飯外，餐廳仲推出了鰻魚小食🐟❤️將鰻魚切到一小口，用紫菜包裹住青瓜🥒、芝麻和椒鹽🧂，食落別有一番風味😄，有啲似食緊北京烤鴨感覺🤣🤣除了食物都幾高質外，員工服務都幾親切❤️，會介紹顧客鰻魚點樣食到三吃😄除咗推廣嘅鰻魚系列外，佢仲有啲日本牛、豬嘅丼飯，之前食過都唔錯，可以一試❤️

「炙。宴」係一間我覺得CP值非常高嘅日式料理餐廳，佢嘅丼飯好食之餘價錢亦親民，而且時不時都會推出新產品，可見誠意十足。最近又有新產品推出，就係「鰻 Unagi Signatures」，唔洗去日本都可以一嘗鰻魚三吃嘅食法，當然要試吓啦！🍱一本鰻魚三吃 $168一本鰻魚就係享用原條鰻魚定食，而且有三種食法：第一食享用原味，加少許山椒粉提味，食鰻魚嘅原味道；第二食加入佐料，包括芝麻、紫菜、芥末、葱等一起食，味道層次更豐富；最後第三食就係茶泡飯 ，加係了玄米茶昆布汁，又係另一種食飯。🍱鰻魚二重丼 $142如果原條鰻魚太多，亦可以選擇二重丼，一次過品嘗焦香鰻魚及經南蠻汁調味嘅炸鰻魚。用南蠻汁嘅炸鰻魚比較少見，原來同樣好食，加上了粉漿炸，外表香脆而口感更豐富，再沾上沙律醬更好食😋另外再額外點咗個鰻魚一口燒$62，有8大塊鰻魚，每塊加上靑瓜、芝麻和芥末，用紫菜包著一起放入口，口感好豐富，大滿足！而且價錢唔貴非常抵食👍🏻🎊推廣期由12 Dec 2024 - 28 Feb 2025

呢日食晏嘅時間比較較多，想搵間坐得舒服，又可以坐耐啲，都唔使驚阻到做生意嘅餐廳炙宴座位闊落，絕對係坐得舒服之選。最近天氣比較涼，食熱辣辣嘅拉麵都幾好，所以我order咗增量嘅火炙沖繩琉香豚豬骨湯拉麵🍜拉麵嘅賣相吸引，擺盤好靚。味道方面，豚肉油脂充足，好適合作為拉麵嘅餸菜；但係拉麵煮嘅時間，拿捏得唔係太準確，拉麵硬度不足，甚至可以話有啲糊雖然拉麵唔算話好難食，但因為未加服務費嘅價錢 已經價值$123 ，我認為收呢個價錢嘅話，理應提供更好嘅食物質素😛

蒜味洋蔥宮崎和牛丼配溫泉蛋這道蒜味洋蔥宮崎和牛丼，每一口都能品嚐到宮崎和牛的嫩滑與蒜味洋蔥的香氣。不會太肥太膩啱啱好，撈埋溫泉蛋，為這道菜增添了一份絲滑的口感。配上清爽的沙律和一碗暖心的麵豉湯，這是一頓讓人感到無比滿足的美味盛宴。豚肉鰻魚雙拼飯豚肉和鰻魚的雙重享受，絕對不容錯過。豚肉多汁鮮美，鰻魚香甜嫩滑，而且好大塊，形成完美搭配。餐後還有一道甜品蕨餅，Q彈的口感和淡淡的甜味，為這頓飯畫上完美的句號。

呢間日本餐廳望落好似好高級，心諗食物質素應該唔會差，點知就中伏。嗰日叫咗個和牛丼套餐，買到成160幾蚊。個餐送到上枱望落賣相都叫靚，點知食落完全唔係嗰樣嘢。啲日本和牛勁韌，完全咬唔到，唔好話講吞落肚。冇諗過啲黃牛係可以un成咁樣。所以佢呢個餐影相打卡就OK放入口就唔合格。環境方面算係正常日式餐廳擺設，而且唔會坐到好迫又夠光猛乾淨，服務算係不過不失，不過如果比到咁貴食個餐，但啲食物質素咁差就唔抵了。

試佢哋嘅「$168和牛丼定食」，心情真係有啲矛盾。😅首先，呢個和牛丼嘅賣相絕對係一流！啡紅色嘅和牛片圍繞住個金黃色蛋黃，再灑上蔥花同芝麻，睇落去已經好有食慾。🤤但係一食落去，就感覺有啲失望。和牛片雖然睇落去好鮮嫩，但實際上真係幾難咬。可能係切得太厚，又或者係煮嘅時間唔夠，總之食落口有啲費勁。😓不過個蛋黃就好正！同飯同肉一齊食，都幾夾。味道方面都幾出色，有濃郁嘅牛肉香同醬油香。套餐仲包括一碗味噌湯同埋蕨餅，蕨餅都有口感，都算係小小安慰。總括嚟講，呢個和牛丼定食有佢嘅亮點，但就因為和牛嘅口感問題，令整體體驗大打折扣。如果餐廳可以改善和牛嘅處理方法，相信會好好多。對於$168嘅價錢嚟講，我覺得性價比一般。如果你係睇相打卡為主嘅話可以一試，但想食到啖啖肉嘅就要諗下喇。

高質親民幸世二重丼系列✨📌角切魚生丼配冷烏冬角切魚生飯色彩繽紛，新鮮刺身大雜燴，帆立貝、油甘魚、三文魚、三文魚籽，玉子，食材新鮮，配料相當豐富，每啖也交集著不同的味道，衝擊味蕾！冷烏冬幼身順滑，冷食令口感更加彈牙，沾上高湯進食，味道清新醒胃📌宮崎和牛丼配烏冬和牛肥美，油脂分布平均且油脂豐富，肌肉紋理分明，火喉剛好，燒至微燻，入口隨即融化，肉質嫩滑，與珍珠米一同品嚐，一大享受！每款均配味噌湯、沙律、沖繩豬肉煎餃、甜品和飲品😋蜜桃檸檬茶蜜桃感覺清新，內有蜜桃果肉，果香配搭檸檬茶倍添清爽，推介@aburien_hk炙・宴 (MOKO新世紀廣場)📍旺角太子道西193號MOKO新世紀廣場1樓156號舖

次次去moko都無見到呢間餐廳！明明喺一樓都係當眼位，都係無食過！今次同小朋友一齊行，佢見到個門口好多豬豬燈籠同偽真火裝飾話一定要食呢間！好！最緊要有人決定食嘜野啦🤣第一次食，我覺得一定要食名物，間餐好唔好食最緊要係最出名嘅野食！雖然個豬腩肉丼係最出名，但係我真係比較想加埋隻生蛋黃😆😆😆都一樣係豬腩肉丼。朋友叫左個豚肉拉麵！佢話一定要試下！😆點樣知究竟嗰樣嘢好唔好食呢？就係小朋友搶住食呀！半碗佢食哂！但真係好好食！首先豚肉做到好難好香，佢個汁唔會太鹹仲帶少少甜！最重要係咩！係可以自己揀多汁呀！真係好美好！雖然呢朋友就話佢嗰個拉麵都好好食，但係我試咗一啖之後就覺得原來真係會相對地失色㗎😆😆😆最後仲叫左個吉士泡芙！同我個想像有啲唔同原來呢佢好似蛋糕咁，又香又少少脆卜卜，啱啱焗好，真係好好食！呢間餐廳應該又會成日去食😆

早排喺網上見到，呢間平時都有食開嘅日本嘢，竟然出咗一個叫做二重奏嘅丼飯，最鍾意食日本嘢嘅我就梗係一家大細一齊去試試佢🫶由於今日夜晚約咗一間喺尖沙咀附近嘅餐廳晚飯，所以我哋都揀咗去旺角食中午，食完順便仲可以行下街🫶我哋叫咗兩個二重奏套餐，一個係角切魚生飯拼冷烏冬，另外一個就係月見豬腩飯配黑咖哩炸雞🐟角切魚生丼每粒魚生都非常新鮮，份量都好足夠，配上飛魚子同埋特製嘅醬油，令到魚生顯得格外鮮味。冷烏冬配有烏冬沾麵嘅醬汁，食落去好爽口🫶🐷月見豬腩丼配黑咖哩炸雞飯首先我都有啲先入為主覺得呢一種豬腩咁樣燒出嚟應該係又乾又硬，所以我係食咗個炸雞飯先嘅，炸雞非常有水準，飯粒亦都粒粒分明👍喺我食豬腩嘅時候令到我非常意外，豬腩竟然係軟綿juicy😲😲面頭仲有啲切得好細嘅小蔥，非常香口。仲有一隻流心嘅日本溫泉蛋，撈落去啲飯嗰度帶有絲絲嘅蛋香💓每一個便當丼飯其實一個人真係食唔曬嘅😂你以為百幾蚊佢會畀好少你其實真係勁大份！另外仲會有沙律、麵豉湯、同埋甜品、飲品附送🥤芒果梳打菠蘿梳打套餐送嘅飲品我哋就唔想咁普通飲奶茶咖啡，見到餐牌上面有菠蘿梳打同埋芒果梳打叫咗嚟試下都好香嘅蔬果味！同埋都唔會太甜菠蘿梳打裏面仲有真嘅

>>和牛丼惹味軟稔 魚生就至啱夏日<<\\\\\\\ 好味又多➕正常價🟰 回訪率80% 🥢 ///////幸せの二重丼 每個set都有飯、烏冬同餃子，食落一啲都唔會heavy～個「宮崎和牛丼配烏冬(熱)」，薄切和牛口感幾好，撈埋菇菇同淋咗燒汁嘅飯食好正～「角切魚生丼配冷烏冬」啲魚生切粒，吞拿魚、三文魚、三文魚籽呢個無敵組合，同青瓜粒粒、甜蛋粒好夾，一食就知係夏日清爽味道～跟餐嘅豬肉煎餃多餡咬落又juicy，個黑糖麻糬都無令我失望，煙煙韌韌好有嚼口🤭🏷️幸せの二重丼餐牌定食 $138-$158（套餐配味噌湯、沙律、豬肉煎餃、甜品、飲品）\\\\\\📍炙。宴 Aburi-EN @aburien_hk //////（旺角MOKO）==============================👉Follow @nnthrive #筷筷和你食好西==============================#幸せの二重丼#炙#宮崎和牛#魚生丼#旺角美食#moko

平日有時候突然想吃日式丼飯都會來炙•宴 ABURI-EN，最近炙•宴推出了新定食，幸せの二重丼，可以一次過滿足有選擇困難的我。一個定食有兩款主食選擇。▶️ 月見豬腩肉丼 配 炸雞芝士黑咖喱飯 定食$128月見豬腩肉丼的豬腩肉大大塊，燒得十分香口，搭配溫泉玉子一起吃增加不同口感。炸雞芝士黑咖喱飯的炸雞即叫即炸，肉汁非常多，芝士黑咖哩飯很惹味。▶️ 宮崎和牛丼 配 熱烏冬 $158宮崎和牛丼內的和牛用燒肉醬汁調制，油脂豐富，和日本米一口一起吃是絕配。熱烏冬的鰹魚湯底味道剛剛好，不會太鹹，烏冬十分滑溜，很不錯。定食除主食外還會提供沙津菜、麵豉湯、沖繩豬肉煎餃、是日甜品和飲品。📍 炙・宴 屯門/元朗/荃灣/大圍/沙田/旺角/鑽石山/灣仔/銅鑼灣/將軍澳

旺角新世紀廣場炙. 宴日本菜，日本木系設計裝修座位寬敞舒適，晚餐有好多定食選擇。月見豬腩肉丼配炸雞芝士黑咖哩飯套餐火灼豬腩肉非常入味，日式炸雞肉質嫩滑嫩滑雞皮脆口，日式黑咖哩不辣味道香，配上日式溫泉蛋，日本珍珠米粒粒分明口感彈牙.跟餐免費凍熱飲.