炙・宴 (荷里活廣場)

营业中

休息中

炙・宴 (荷里活廣場)之前食過，俾佢門口嗰幾隻火燒豬吸引咗。入到去食好鍾意佢啲肉同飯夠熱，上枱一定熱辣辣岀煙。今次食好似有少少水準下降，上枱嘅時候唔係熱辣辣，但都一樣咁好食。🍜火炙沖繩琉香豚辣味噌豬骨湯拉麵💰 98 （另需加一）唔係好食得辣嘅朋友唔使驚，佢唔係好辣，豬骨湯味濃，荀、木耳、蔥同粟米粒做配菜，一啖拉麵飲埋湯，正！豚肉輕輕燒過，大大塊好好食😋🍚ABURI-EN豚肉丼       💰 88 （另需加一）有5大塊豚肉鋪面，每塊豚肉都燒過，有啲焦香味，加埋照燒汁撈飯一流！

好耐無幫襯呢一間日本🇯🇵炙燒定食嘅餐廳🍴，係尖沙咀開業多年嘅 #和宴 燒肉同一個集團，食物方面相對有保證。近日有一個「幸せの二重丼」嘅定食套餐，有四個套餐，相當經濟抵食，真係可以試一試😋———————————————————————————.🇯🇵角切魚生丼配冷烏冬🍜💬唔食肉唔食熱食可揀呢一款丼，有角切魚生飯、有冷嘅烏冬（爽彈喎🤔），仲有沙律🥗、餃子🥟、麵豉湯、甜品、飲品🥤，咁豐富真係幾正😋.🇯🇵宮崎和牛丼配熱湯烏冬🍜💬又飯又烏冬細食少少都真係會幾飽，兩款澱粉質，配上烤和牛，係極上嘅選擇；同樣有齊沙律🥗、餃子🥟、麵豉湯同甜品及飲品🥤，非常滿足😋

平時都會黎炙•宴食日式丼飯，見今次推出左個新定食，幸せの二重丼，可以一次過滿足有選擇困難既我，仲要百幾蚊就食到兩款主食，有齊沙津菜、麵豉湯、沖繩豬肉煎餃，甜品同飲品，超值！可能星期五關係，今日比較多人，等位大約20分鐘就可以入去，餐廳座位闊落，，環境舒適，豬🐽燈籠嘅吊飾好特別。同男朋友每人都叫左一set 宮崎和牛丼 配 熱烏冬 $158沙律菜夠哂開胃沖繩豬肉煎餃好出色，入口係爆汁😋。宮崎和牛丼，和牛品會太膩，但食得出油脂豐滿，牛味香濃。加埋日本米既軟綿口感，真係食唔停口。熱烏冬鰹魚湯底好濃郁，但唔會太鹹，烏冬煙un彈牙，好食。黃豆粉蕨餅，撲上黃豆粉，香甜q彈，非常美味。

黑咖哩牛肉飯得兩舊，肋骨湯面3舊，成舊水一份，面都係少量。呢啲叫正常份量咩，有冇甘客薄。好吾好味見人見智。我第一次忍唔住上來食評。呢間真係好野🙃我哋吾會再幫襯。

日式丼飯店「炙・宴 」喺香港都有幾間分店，以前仲係住喺荃灣嘅時候就食過一次，每次經過餐廳前面都比三隻豬仔吸引。今次就到訪佢哋鑽石山分店，同樣保持高性價比，同埋款式又多做賣點。角切魚生丼配烏冬最近天氣咁熱，食返碗凍冰冰嘅魚生丼就啱晒啦。可以見到佢哋嘅魚生顏色相當鮮艷，一睇就知道新鮮，有齊三文魚吞拿魚同埋帶子，加埋Wasabi同埋豉油就一流啊。ABURI-EN豚肉•鰻魚雙拼飯如果唔鍾意食生嘢，咁就不妨試吓佢哋呢款兩併飯，同時可以試哂肥美嘅鰻魚同埋充滿油香嘅豚肉。小食方面就可以試吓佢哋嘅南蠻炸雞同埋沖繩風炸豬肉芋蓉餅都唔錯㗎。炙・宴 (荷里活廣場) (鑽石山)鑽石山龍蟠街3號荷里活廣場1樓131-133號舖

荷里活廣場有咩好食呢? 行來行去,比三隻肥豬吸引咗...😜好彩早,唔係好使等位啫...一入門口,侍應就即刻話以入坐起計75分鐘還枱😥其實剩係食飯,係夠時間嘅🤔呢度係用QR Code落單...見有好多唔同嘅推廣😍我哋揀咗月見豬腩肉丼配炸雞芝士黑咖哩飯, 照燒雞肉丼配烏冬(熱)套餐包括味噌湯+迷你沙律套餐,沖繩豬肉煎餃2件 ,甜品,飲品.豬腩肉燒得好香,炸雞皮好脆👍照燒雞,味道調味幾好,皮燒得香脆💞飯粒煮到剛剛好. 整體上都幾好食☺️每人大約$120,可以encore😋

話說𝙰𝙱𝚄𝚁𝙸-𝙴𝙽喺新城市分店初開張時卡路同卡里間唔中都會食呢間嘅雙併飯🐷因為覺得炙燒豚肉同宮崎和牛都好好食👅無去一排 發現呢家晚市都有套餐可以選擇✨相比之下 呢家比之前竟然仲平咗😳​-【🍡 炙の御賞祭】🐷 𝙰𝙱𝚄𝚁𝙸-𝙴𝙽豚肉 • 鰻魚雙併飯 💰$118配味噌湯、是日甜品及飲品豚肉邊邊嘅部份比較肥美 而中間部份就比較瘦一共有3大片 口感上唔會好鞋身 但有少少乾身而鰻魚就淋上好香嘅蒲燒鰻魚醬汁✨再配上日本本菇一齊食 成個配搭幾餸飯~-【🎌 幸世の二重丼】🐮 宮崎和牛丼配烏冬(熱) 💰$158配味噌湯、沙律、沖繩豬肉煎餃2件、是日甜品及飲品呢個幸世の二重丼系列 可以一次過食兩款迷你丼‼️當然要食翻當年必點嘅宮崎和牛啦 一共有4塊雖然就比較薄身 但咬落牛味都幾重 而且都幾腍身烏冬嘅湯底清淡得嚟又幾好味😹煎餃可以當餸-當日嘅甜品嘅黃豆粉味道蕨餅 口感尚算煙韌呢兩款主食 卡里同卡路係少有地可以清到90%😳 擔心男仔嚟食嘅話會唔夠飽😹不過可以再點小食👅-🦪 吉列炸蠔 💰$56 一共有2隻大大隻嘅炸蠔 上枱時熱辣辣咬落隻蠔仲勁juciy 推薦!!😳​-🍠 沖繩風炸豬肉芋蓉餅 💰$22再試埋期間限定

見唔洗等位又肚餓就即刻入左去食～ABURI-EN豚肉丼🍚呢碗店內人氣NO.1嘅丼飯！一上枱就見到又大又燒得好靚嘅5塊豚肉鋪左係上層🤤豚肉真係鬆軟又香濃，每一塊肉配上一大啖飯，真係好正！火炙牛舌🐂本身唔好太好牛舌，但呢碟牛舌燒得真係好好食😍炙烤嘅外皮微微脆🔥但內裡肉質又唔會太軟，有啲啲咬口，無左我唔中意嘅奇怪質感，真心推介！

－家人有老有少去食晚餐，小朋友特別鍾意特色飲品小新仲夏物語，同埋荔枝乳酸梳打，味道好清新醒胃，甜得嚟不會過份，有少少酸帶起整體感覺，我都覺得好好飲！大人就最愛火炙沖繩琉香豚豬骨湯拉麵，拉麵仲可以增量，值得一讚。不過，另外叫嘅不理不理豚腩丼，啲肉就太肥，有啲；仲有一個特上日本豚鍋壽喜燒，味道過甜，可以調節一下；照燒雞翼就非常正。總括－下，職員態度好好，服務周到，食品有可以改善嘅地方，飲品就非常好味，好啱小朋友同埋一家大細去的餐廳。

已經係下午二點，仍然坐滿。一看怪不得，兩張枱幼幼組，都係兩大兩小，坐四人枱叫兩個餐算，還食完坐多半小時，出面有人等位都真係要識做，唔怪得有D餐廳要底消啦。拉麵正常份量可以，不過有木耳，要夾走有點麻煩。跟餐只係得麵豉湯同沙律，雖然15蚊，不過真係好唔吸引。燒雞飯落果時已經講左要與時間耐少少，落單時已講明，一貫日本餐廳都係個餐唔包飲品，通常有茶，不過呢度係提供水日本餐廳向來清潔要求高規格，簡簡單單一次清潔劑感覺衛生。枱面有個QR CODE 問卷, 做完下次幫襯可以減10蚊架。

點了一個親子丼及一客招牌燒豚肉飯。侍應冇戴口罩上菜時對住碗親子丼飯大大聲講乜乜親子丼飯，係呢個時勢經過三年疫情一啲警覺都冇，雖然而家係可以唔使戴口罩，但係可唔可以都唔好對住碗冇遮掩嘅食物講嘢咁大聲，你保證你啲口水冇單落去嗎？再有一個戴口罩嘅侍應上門豚肉飯嘅時候只不過係好細聲咁講其實都聽唔清楚佢講咩呀。即係上菜時唔使講你上緊咩菜都可以嘅，何必唔戴口罩又要大大聲聲咁講呢！我只係叫咗兩碗野我冇跟餐。我用張紙寫咗叫佢哋唔好對住碗食物，冇口就冇遮無掩咁講嘢？！接着我哋食咗半，佢哋就有個冇戴口罩嘅女士走過來，但佢從來冇介紹自己係邊個係，又冇戴口罩，「控」到好埋咁同我講：頭先係咪覺得我哋啲同事做得唔啱，仲話佢哋會改善㗎啦！態度係玩嘢囉，明知佢唔鍾意佢哋唔戴口罩同埋啲食物度就唔戴口罩空到好埋嚟同我講嘢，衛生啊！係你地做飲食業應有嘅態度尊重下你自己嘅職業啦！你咪以為我唔知呀跟住搵個戴口罩嘅男人擘大口係咁放臭氣過嚟執嘢啊，臭到不得了喎，呢間嘢真係唔好再去幫襯！😑😑😑😑😑😑😑😑😑😑😑😑😑😑😑😑😑😑😑😑😑😑😑

火炙宮崎和牛拉麵 ($138)，湯底唔會太濃郁，剛剛好，和牛肉質嫩滑，拉麵係用幼麵，唔同一般日本拉麵之粗度，整體都好食。今次是加錢(+$15)要咗個套餐，味噌湯好飲，迷你沙律係用沙律醋，味道適中。宮崎和牛芝士黑咖喱飯($128)，味道都尚可接受，和牛就比較普通，不過不失啦。

好離譜！水準大跌！外賣生薑燒豚肉丼的幾片肉，不但薄，竟然幾乎全部是肥豬肉！嘆為觀止，沒有誇張！完全放唔入口！再重申一次，已經不是次貨，薄左少少，多少少肥肉嘅問題，係全塊都係肥肉，中間只有－絲瘦肉，邊緣有豬皮僅僅連住嘅肥豬肉片！點可以容忍用呢種食材？太憤怒，忘記影相留念！如果係堂食，－定擧手投訴。其實今次不是第一次幫襯，之前已試過外賣多次，每次都有買豚肉丼，兩個月前的水平不是這般，份量正常而且幾好味，價錢合理。係咪轉左廚師或老闆？係咪外賣食品就求其啲？但無論有乜改變都要有基本水平，對得住僱客！極度失望，絕對唔會再幫襯！

兩個字垃圾叫咗一碗火焰沖繩咩琉豚肉拉麵 $98 有幾火焰我就唔知啦淨係知道得兩塊豬肉，個麵極少份量 紫菜都冇塊 呢個碗麵嘅份量應該夠小朋友食點左個咩沖繩炒豬肉 ,,$48 成碟小食豬肉只係得四舊半 , 夾埋得半隻手指尾咁大嘅豬肉 真係多謝曬個餐廳係咪好窮定係當我係乞衣個廚師煮啲咁嘅食物出嚟對唔對得住自己呢個價錢煮啲垃圾出嚟service 就更加唔洗講啦 零我都知道鑽石山荷里活廣場係出咗名冇好嘢食全部垃圾餐廳冇估到一山還有一山高...建議大家都係好似我老公咁樣叫番個正常嘅丼飯起碼有套餐都係98蚊+$15冇咁嬲such a bad dining experience$98 noodles with extremely small portion. should be enough for children but not for adultsrubbish food with zero services

今日落雨濕濕，又黃雨又落冰雹咁，就決定要揸車去啲商場行吓，嚟到荷里活廣場，打算搵啲嘢食，嚟到呢一間叫炙．宴嘅餐廳，睇落好似唔錯，就試下佢啦🤤人氣最高嗰三款菜式，分別係豚肉飯、和牛飯同埋拉麵，因為呢排食拉麵食得太多嘅關係嘅，所以就唔係幾想試，最後決定叫左和牛鰻魚雙拼飯、和牛豚肉雙拼飯同埋炸豆腐宮崎和牛．鰻魚雙拼飯 日本和牛入口即溶，油脂好豐富，四片剛剛好，唔會食得太滯，鰻魚都好新鮮，唔會有雪藏味，亦都唔會腥，肉質好嫩好好味，用嚟送飯一流宮崎和牛．ABURI-EN豚肉雙拼飯 呢個和牛就同和牛鰻魚雙拼飯啲牛係一樣嘅，豬肉都好好食，唔會話好硬，口感都軟熟，但唔知係咪因為同埋啲和牛一齊食，有比較之雨下，感覺上有少少乾厚炸沖繩島豆腐 即炸嘅熱辣辣豆腐，都唔錯，味道就不過不失啦，如果豆味可以燶返少少就好喇