炙・宴 (時代廣場)

营业中

休息中

負責安排坐位職員, 安排嚴重失當, 不斷將2人台, 安排到4人坐位, 拎位3-4人飛有幾台客人已等超過一小時以上, 而2人台因已全部入坐, 職員以場內再無3-4人台為由, 不斷按制白叫了20幾張2人台, 因當時2人台早已於較早前全部入坐, 所以一直叫都無拎住2人飛客人, 淨下全部攞住3-4位飛客人, 在門口白等, 大約有10幾個客. 如果大家唔想比人, 因為安排失當而浪費寶貴嘅時間, 奉勸都係唔好來幫襯啦. 餐廳老板如果你睇到依個評論, 麻煩你自己思考下, 仲需唔需要一個咁倒米嘅員工.

今次要去銅鑼灣time Square，之前經過都想入去試下 ，見有優惠券當然趁機會試下！餐廳環境唔錯，坐得舒服，裝修以豬為賣點，連燈罩也是豬的造型。今次叫咗個宮崎和牛鰻魚雙拼飯加15蚊配個味噌湯及迷你沙律套餐、特上日本豚肉飯、火焰牛舌、厚炸沖繩島豆腐。整體食物性價比高，味道好，質素高！開得喺銅鑼灣時代廣場，質素係要有番咁上下嘅。 Ops…..不過留意番有加一服務費！「宮崎和牛鰻魚雙拼飯配味噌湯及迷你沙律套餐」HKD169 + HKD15啲嘢食味香到出門口， 企喺度等一陣都因為啲香味令到本來已經肚餓的我更加肚餓！炙燒丼飯最出名，今次試咗呢個宮崎和牛鰻魚雙拼飯，非常之正！ 鰻魚唔會太薄啖啖肉，加埋啲鰻魚汁， 同埋個宮崎和牛完全係完美配搭！分量絕不少家，性價比高！「特上日本豚肉飯」HKD224薄切豚肉，豚肉亦唔會好多脂肪，而且入面醬汁都幾多，醬汁亦都係偏甜類別，份量亦唔算少，送飯一流！連埋其他配料，味道配搭恰到好處，仍然可以食出豚肉嘅鮮味！ 「火焰牛舌」HKD58 四片厚牛舌，賣相放得精緻， 有片檸檬比你檸檬汁落啲牛舌度，除咗可以增加牛舌嘅鮮味外，亦都可以令你更加開為容易入口！令到牛舌整體唔

趁而家時代廣場都仲有得用優惠券，今次嚟咗試呢間日本丼飯，可以用app訂位先。去到門口已經聞到好香嘅嘢食味😋 佢哋最出名就係炙燒丼飯，我就試咗「宮崎和牛·鰻魚飯」同埋「ABURI-EN 豚肉·鰻魚雙拼飯」🤩 兩個都超正，好好食！鰻魚啖啖肉，加上有啲鰻魚汁撈飯👍 和牛有四片，豚肉有三片，全部都大大塊，性價比高！食完超飽😂 值得返嚟再食🤩 另外佢哋都有一人鍋，呢個就可能要下次再返嚟試吓啦😋 超推介！

店內店外都掛住好多豬仔🐷燈籠🏮店內中間位置有個巨型豬豬🐷燈籠🏮在正中好在早咗少少食晏，食食下見出面勁多人等位🍀午餐定食No.1 人氣ABURI-EN 豚肉丼『雙重滋味』宮崎和牛。鰻魚雙併飯一次過滿足兩個願望😂南蠻炸雞🍗

時代廣場多咗好多間食肆，但一到食飯時間特別多人排隊，最主要原因係因為可以使用$50食肆優惠卷，變相半價優惠，而可以用半價嘅價錢享用和牛絕對係物超所值。適逢新店，當然要更加一試宮崎和牛。宮崎和牛拼鰻魚飯厚切和牛肉，肉質味重同豐富，併上鰻魚絕對好味，份量夠一人食。宮崎和牛鍋（一人前）配料雖然唔算好多，但主打宮崎和牛嘅和牛肉有四片都算多，而和牛脂肪比例完美，油脂豐富，口感一流，湯底選用壽喜燒，但相對比較甜。總括如果用半價價錢，$100都唔使就可以享用宮崎和牛，絕對物超所值，值得一試，個人喜愛宮崎和牛鍋。

星期日中午同太太行時代廣場時，發現商場6樓開了間新日式餐廳 ABURI-EN, 是日本人氣炙燒丼飯專門店，此店憑著北海道十勝著名的鄉土料理「豚丼」及宮崎和牛飯而打出名堂。看見門面的裝修已經覺得吸引，所以決定一試。我哋等咗大約20分鐘就可入座，環境新淨整潔。我們點了：厚炸沖繩島豆腐火炙牛舌櫻花蝦叉燒拉麵特上日本豚肉飯沖繩四季柑汁香檸蝶豆花梳打落單時估唔到職員會細心講解食物的特色，此service 值得一讚👍先講飲品沖繩四季柑汁，之前有飲過，入口解渴消滯，秋天飲有種潤喉嘅感覺。太太飲香檸蝶豆花梳打，太太話無乜花味，主要是香檸梳打嘅感覺。前菜厚炸沖繩島豆腐：炸得外脆內軟，好香豆腐味，點些海鹽來食，有種清新嘅豆腐香味感覺，是作為前菜的好選擇。火炙牛舌：燒得好嫩滑，好有鹽燒嘅味道主菜太太食樱花蝦叉燒拉麵，湯底應該是豬骨湯底，但有好重樱花蝦味，麵身爽口，主角當然是樱花蝦🦐。整體味道比預期中好，原先無打算來食拉麵！我點了特上日本豚肉飯，豚肉大大塊，燒好後再掃上甜燒醬汁，好好味，如果豚肉燒得再燶少少會仲香口（不過純粹是個人比較重口味）總結：優質高水準的日式餐廳

Who says chain resto food is inedible. It’s the second time I paid Aburi-En a visit. Their pork rice is delicious and fulfilling (not a beef person, but heard the wagyu beef bowl is incredible). Who can resist a bowl of succulent grilled Japanese pork atop perfectly cooked tender, moist, soft and chewy Japanese short grain rice at under $100 ($112 tops)? Totally a yummy and value for money go-to place to have a quick meal.

近期吃過最好吃的日本炙燒丼飯就在這裡！這間主打北海道十勝著名鄉土料理豚丼店外有大大隻燈籠豬挺可愛～其中必吃ABURI-EN豚肉丼✨選用宮崎豚肉眼，大大塊厚切口感嫩滑及充滿油香配搭日本珍珠米及特調醬汁，惹味可口。另外亦十分推介特選宮崎和牛丼✨宮崎和牛吃落軟嫩無比，啖啖牛油脂香不愛吃飯的話，宮崎和牛壽喜燒也很不錯！喜歡吃牛肉的一定要試試看！。多款小食亦十分出色其中有沖繩名物的水雲醋物、厚炸豆腐及豬肉腸等火炙牛舌必吃！口感柔嫩有嚼勁再喝杯酸爽的沖繩四季柑梳打像回到沖繩一樣～～～

當然係有一大堆時代廣場嘅飲食優惠券, 見佢最近開咗一間新嘅餐廳就去咗試, 都係第一次食, 但原來間餐廳係港島同新界已有分店我地去到先搵位都等咗差唔多一個鐘, 用the gulu個app睇番叫到嘅編號就可以周圍行, 唔使企喺度等餐點如下:🍽特選宮崎和牛飯 $169一共有7塊和牛, 食得岀係和牛, 油脂分佈均勻, 入口即溶, 配醬油飯同小配菜, 醬油嘅分佈都適中, 係我哋點餐當中最好食🍽豚肉鰻魚雙拼飯 $138而我就唔建議點豚肉鰻魚, 豚肉比較韌, 且有點老, 鰻魚亦都太多骨, 整體比不上和牛飯🍽炸北海道八爪魚 $58八爪魚嘅味道香口而且新鮮, 可惜太過煙韌完全咬唔開, 都唔會建議食去到可以淨係食和牛, 會比較出色

十月一日假期，去左時代廣場嘅炙・宴丼專門店食午餐。差唔多兩點到達，基本上唔洗等位，安排到坐四人卡座。餐廳裝修以淺色木材為主，光猛新凈。叫得炙・宴丼專門店，餐牌當然以炙燒丼為主，材料有和牛，豚肉，雞肉，鰻魚同海鮮，價錢由幾廿蚊至百幾蚊一碗不等。除左丼，都有拉麵烏冬同一人鍋，仲有小食，飲品同甜品。宮崎和牛鍋 $179 另加一呢度有3款鍋揀，湯底可揀豬骨清湯或者壽喜燒風配生雞蛋一隻，我哋揀左壽喜燒湯。主角宮崎和牛都有好幾塊細細塊嘅，個樣超粉嫩，油脂分佈平均，千祈要淥得仲生生哋就配撈好嘅生蛋一齊食，食落嫩滑又有蛋香，如果唔係整到和牛熟哂就浪費。蔬菜配料有皇帝菜，冬菇一隻，少少金菇，一磚豆腐，3片紅蘿蔔絲，洋蔥絲同芋絲兩舊，質素可以，吸左壽喜湯都好好味，鹹中帶甜。個鍋跟白飯1碗，轉烏冬加$10。烏冬係幼身兼滑溜同有咬口，份量雖少但唔錯。另外可追加配料。加宮崎和牛 $139 另加一餐牌寫一共4塊宮崎和牛，可能切開左多個細塊，賣相都係粉嫩兼油脂分佈平均，味道好好。當然唔平啦。反正份量唔多，如果追加不如叫多個宮崎和牛鍋。加特上日本豚肉 $98 另加一餐牌都係寫4塊特上日本豚肉，可能呢幾塊細所以俾多啲我

如題，亳無蝦味的特濃蝦湯底。由於冇蝦味，得啲濃湯，於是向店員查詢一下，店員都唔知自己賣乜，大大聲話：豬骨湯吖嘛！我話,唔係喎，應該係蝦湯喎！店員：乜蝦湯咩？得啦！總之唔會錯！Well….大家order嘅時候唔好俾咁大嘅expectation

/𝐴𝑏𝑢𝑟𝑖-𝐸𝑁 宴🇭🇰/#sa銅鑼灣篇 ➖➖➖<新分店登陸times square >➖➖➖幾個月前曾經食過一次呢間店嘅丼飯 覺得佢嘅特選宮崎牛飯係幾高質～除咗宮崎牛飯亦有拉麵刺身丼🙆🏻‍♀️最近time square 都開左分店再同朋友去食多次😛銅鑼灣呢間分店卡位算寬敞幾好坐✨仲有好多隻豬仔吊係半空🐷➖➖➖1️⃣特上日本豚肉飯 $112豚肉薄切 唔算好多脂肪 入面都幾多醬汁醬汁較牛甜唔算好乾 而且份量頗多 送飯幾好 仲有啲蔥作配料 味道恰到好處 唔會蓋過肉味➖➖➖2️⃣宮崎和牛丼 $149 (+温泉蛋 $12) 相比下同之前食嘅特選宮崎和牛丼無咁肥膩但肉味都差唔多濃 但肉相對較少温泉蛋流心 呈橙黃色 幾香蛋味➖➖➖3️⃣沖繩豬肉腸 $48 蘸上蜜糖 帶甜味 比平日食嘅香腸油膩少少不過不失～➖➖➖4️⃣沖繩四季柑梳打 $38 中和到肉帶嚟嘅肥膩感～ 而且唔會太甜酸酸地幾開胃 送飯不錯 ➖➖➖📍Aburi -EN 宴

❣️ Time Square人氣日本炙燒丼飯專門店「炙‧宴ABURI-EN」❣️今次同哥哥嚟到銅鑼灣時代廣場嘅「炙‧宴ABURI-EN」😍呢度由日本人主理🇯🇵門口有好可愛嘅小豬燈籠裝飾非常吸睛🐷醬料、米飯、肉類都係日本當地食材，黎德呢度一定要食日本名物「一見鍾情米」🌟❇️特上日本豚肉飯宮崎豚肉眼部位，肉質嫩滑，油花均勻，加埋秘傳燒汁！微甜不膩，入口彈滑爽脆❇️沖繩豬肉腸使用一碟有四條用沖繩豬肉製成嘅豬肉腸！肉味濃郁、肉質豐富！爽口唔油膩❇️宮崎和牛拼日本豚鍋打邊爐就梗係配壽喜燒湯底😍同埋烏冬啦😆材料非常豐富有日本豚肉、和牛、芋絲、豆腐、冬菇、蔬菜等等❇️沖繩四季柑梳打四季桔係沖繩柑橘！含有比檸檬高維生素C，清爽酸味同海鮮相當搭配！❇️熱情果檸檬茶香甜嘅熱情果配搭檸檬！酸酸甜甜好開胃！

我哋係平日嘅12點去食，呢個時間完全唔使排隊，應該其他人都未放lunch。我哋4個人叫咗一個特上豚肉丼，普通嘅豚肉丼，豚肉鰻魚丼，櫻花蝦拉麵。特上同普通嘅豚肉當係有分別嘅，油脂比例同肉質真係特上好食啲，建議都係叫特上豚肉丼。櫻花蝦拉麵相對份量比較少，可能男仔會食唔飽。豚肉鰻魚丼亦都係正常。因為用times square coupon，所以平均一個人一百蚊都唔使，屬於Times Square抵食之選。不過我自己覺得其實冇coupon都可以去試下，以times square 黎講$100一個lunch 我都覺得合理。🙂

銅鑼灣新開既丼飯專門店！晚飯時間好多人呢！好彩等左陣就有位，叫左人氣No.1✨ABURI-EN豚肉丼✨選用宮崎豚肉眼部位，有5大塊厚切豚肉！肉質非常嫩滑，配特製醬汁超好食😋唔止豚肉，呢度和牛丼都相當出色！✨特選宮崎和牛飯✨同樣選用宮崎和牛🐂油脂分布平均，入口軟滑充滿油香🤤另外仲叫左✨宮崎和牛一人火鍋✨性價比極高！配上4大片宮崎和牛🥩另外仲有多款小食，水雲醋物、厚炸沖繩豆腐、沖繩豬肉腸等等，其中✨火炙牛舌✨超好食呢，厚切彈牙👍🏻飲品方面有沖繩名物✨四季柑汁✨同埋✨四季柑梳打✨味道清爽酸甜，有非常豐富既維生素C😚