炙 (德寶大廈)

营业中

休息中

本人在此店叫外賣好多次，今日見精神好去了此店堂食 本上 不求 有任何服務態度 都要有食物質素嘅要求， 先上 刺身四款及 壽司 食物還算可以， 最後 上了 生蠔一客六件 令我大失所望 一客六件生蠔 有五個生蠔 完全唔新鮮變黃暗呀色 呢啲食物質素 都可以上畀客人食 雖然我個套餐係298唔算貴 都唔好畀啲垃圾客人食， 我就睇下今晚 本人身體有沒有問題發生， 我到最後付款 問我買唔買現金券 唔買 就黑口黑面 一間沒有服務食品沒有控制好的店如何可以再有第二次幫襯呢，

咧次係海膽變左普通鵝肝壽司。其實之前都俾錯過幾次。但係其實我每次都只係叫大概六到七件。唔明點解成日都會錯？😅味道就係我行到去自取既範圍入面都算ok但係囉嗰時記得要對一對先

一入去就聽到老闆大人的介紹！所以就叫了生蠔🦪 還有一堆新鮮的壽司🍣雪櫃入面也有不少小食和飲品提供，好味😋現買優惠券也是抵算的選擇🥰期待下次再光臨😝😝感謝！☺️

喺openrice搵深水埗有咩食嘅時候，無意中搵到呢間壽司小店，於是嚟試下。呢日12點幾嚟到，唔洗排隊，入面得一枱客，不過入面都只得6個位，都見到有啲人嚟買外賣。坐低劃紙揀食乜，有壽司、手卷、剌身、烏冬、丼飯，我哋叫咗好多壽司所以唔叫丼飯了，刺身拼盤可以優惠價加，不過睇落冇乜特別就冇加到。軟殼蟹手卷軟殼蟹好脆，個沙律醬好食，紫菜好脆。壽司size適中，飯夠黏，有壽司醋味有酸味唔係白飯，不過啲米好似有少少生。炙燒個啲好香，刺身唔算太凍，暖暖咁。旁邊有雪櫃可自行選購飲品、刺身、漬物老闆老闆娘都好nice

今日試左個激安套餐$298美國珍珠蠔半打什錦刺身一份精選壽司10件今日去深水埗黃金商場買野，行到8點左右諗住買外賣返屋企，望見呢間灸響對面就過左去試😍其實鋪頭都有堂食，不過位置唔多，加上原本都係諗住外賣就望下餐牌一望見到有個叫激安套餐即刻就落order，店員話今日有少少忙，因為果下鋪入面都坐滿人！大約要等15-20分鐘！俾完錢又響附近行下，真係岩岩好拎得👍🏻👍🏻👍🏻無論刺身，生蠔同壽司🦪都好新鮮！下次再有機會想試吓堂食！總結食物質素⭐️⭐️⭐️⭐️⭐️（份量適中）環境⭐️⭐️⭐️⭐️（主要係座位少啲）服務⭐️⭐️⭐️⭐️⭐️（落單快態度親切）

嘩，呢度嘅美食真係正！心口開心開，肚仔都滿足晒🍣「炙」嘅炙燒系列真係一試難忘！首先講下嗰碟炙燒三文魚，啖啖肉嘅感覺；燒面金黃，夾帶啲沙律醬同黑椒味，齒頰留香。再有嗰厚切鰻魚，遮住成塊壽司嘅規模，一口咬落去皮酥肉嫩，鰻魚汁仲淋過面，香味直撲鼻！鵝肝就更加別緻，幼滑得黎上面嘅焦香又引人想嚐一嚐，彷彿帶你去咗遠方嘅高級餐廳😉。霜降牛肉真係服務員力推嘅必食選擇，即刻瞓甜，肉質柔軟得黎味道濃郁。我都唔好意思話我最鍾意嗰燒魷魚，外層焦香咁香，真係啖啖鮮味，截然好食到抹唔口🤤！特別讚嘅係香蔥三文魚，新鮮爽滑，沙律醬同香蔥配搭得宜，好似春風吹過般清新。啱啱提到嗰手握鵝肝都值得一讚，入口即溶，價錢公道到不能。另外個左口魚邊，味道層次感豐富，既爽口又富彈性。實話話，呢度嘅食物真係夠晒精心，無論係視覺定味道，都係噴火等級🔥！打緊包票，下次再來，咁滿足嘅美食體驗，係要日日都享受嘅！

係附近見完醫生 就突然心血來潮想食壽司就去咗炙 有一種熟悉的感覺因為都好耐冇去食店鋪位置都好顯眼其實位子都不多 去個陣冇人入去有雪櫃 有麵飲品刺身點餐就要去櫃檯拎點餐卡就點咗手握壽司各二(花之戀 三文魚 北寄貝辣味三文魚 吞拿魚沙津 螺肉)趁製作就食蟹柳烏冬檸檬茶御茶園飲品一向信心保證食材新鮮都係即時製作出餐好快 都係不過不失 食完好飽略嫌舊飯比較細 但一口一件總數$127 12件1盒鳥冬1枝飲品依餐平平穩穩 輕鬆KO眼前會有Qr code 社交平台可以禁入專頁 望下了解一下

完全顛倒我對火炙壽司的偏見！唔知有無人同我一樣，食火炙壽司都會食到一陣火水/煤氣味⋯⋯明白嘅，大家都係用火槍去燒一燒，但點解會有陣化學味⋯⋯⋯令我之後都唔食火炙壽司⋯但今日，經過深水埗，一個比較市井飲食文化的地方，抱著不高的期望，又就腳，就入咗去。點菜時，午市個套餐，明顯睇溜咗「火炙」2個字⋯淨係數梗有邊樣我唔想食無端端又叫咗套餐A，坐定定先發覺「火炙」2個字，心諗：算～ 叫多個軟殼蟹手卷填肚⋯點知食咗個火炙甜蛋⋯哇！無火水味！仲有燶邊的香口！咁有層次嘅！我以後應該只會去呢間先食火炙壽司

我好中意周圍出去搵好野食，但唔係成日寫食評，因為懶得滯😆😆 。今次呢間係我經常幫襯開嘅小店食物賣相吸引，好味又平，尤其我最最最中意佢地嘅火炙壽司（左口魚同香蔥三文魚無得頂，必食）經開深水埗一個人都一定去堂食。 最近朋友生日，我落鋪頭預訂壽司拼盤（10人份量），八卦問店員可唔可以送貨🤣🤣 原來佢地係可以幫手call Lalamove （當然運費自付啦）💓 幫到唔少忙😂😂 小店有呢啲彈性服務真係好好，好有人情味♥️ 佢地啲外賣冰袋入面擺哂冰粒，送到時啲壽司仲係整整齊齊🍣🍣！！👍🏼👍🏼👍🏼 今次跟拼盤嗌無左口魚，加張之前堂食圖比大家望下 我無吹水！每次食佢嘅左口魚好味到真係覺得好幸福！♥️♥️

呢間壽司刺身店好抵，啲店員又好人，買左中拖羅（$88）、帶子（$40）、三文魚刺身（原價$68，俾我$50換購）、一盒蟹籽（$30），咁多樣嘢都只需要約$208，真係抵到爛！當中果盒蟹籽，因為我好趕，就叫佢地唔駛磅啲蟹籽，隨便俾啲我，結果佢地超快手做我個柯打，仲送左兩個$15日本啫喱俾我。攪到我都唔好意思感謝你地嘅努力，令我成功在黃色暴雨到達前走番入地鐵站！你地啲刺身都好靚好新鮮！性價比極高，一定會再幫襯！

今日訂咗「炙壽司」嘅外賣，真係好正啊！我揀咗佢哋嘅三文魚壽司、花之戀、甜蝦、火炙比目魚壽司同埋火炙帶子壽司，全部都好好味！😋首先講三文魚壽司，三文魚肉質新鮮，味道鮮美，加上壽司飯香甜爽滑，真係好好食！👌花之戀同甜蝦都好鮮美，甜蝦肉質鮮甜嫩滑，花之戀嘅配搭更加豐富口感。👍火炙比目魚壽司同帶子壽司都好有層次感，火炙嘅烤香味令魚肉更加鮮美，而帶子肉質嫩滑，加上壽司飯軟滑，真係好好味！😍雖然係外賣，但食物嘅質素都好不錯，唔會有太大嘅影響。而且店員服務態度好好，送餐速度亦好快，真係好滿意！👏總體來講，「炙壽司」嘅壽司質素好好，外賣嘅品質亦唔差，好推薦給大家！不過價錢稍為貴了一點，但係如果要享受高質素嘅壽司，那就值得一試了！💰💰食物：⭐️⭐️⭐️⭐️⭐️服務：👏👏👏👏👏價錢：💰💰💰總評：⭐️⭐️⭐️⭐️⭐️

panda pro外賣自取滿80蚊有25%折扣三文魚腩皇壽司 💰25/件 燒得唔夠完整，個底無燒過，半生熟感覺怪怪的，亦無乜三文魚味🫤霜降牛肉壽司 💰18/件有少少牛嘅油香味，無牛味🫠厚切鰻魚壽司 💰18/件 正正常常，都有鰻魚味嘅〰️鵝肝壽司 💰18/件有層焦糖喺面，少怪，無乜鵝肝嗰陣油香味，少腥🤌🏻（劍魚腩壽司 💰13/件 男友食哂成舊，無俾我食一啖，不予置評😤）⚜️共$81.9 整體性價比 4/10分

一般好少寫食評，但見呢間係小店，又抵食同埋高質，真係忍唔落手。事先聲明，絕對唔係打手。我食過三次，都係抵食兼好食😋本人喜歡食帶子，佢啲帶子壽司都厚同埋鮮甜，不會令人失望。而一般壽司如果偏平價啲，似乎海膽都會腥臭，令人作嘔，但佢呢間啲海膽完全唔會，只會令我食落覺得有海洋既味道，正！其他壽司都係好食，對得起個價錢。我係叫外賣自取，佢寫係寫30分鐘準備，但其實次次都可以好快準備好，呢個都係令我想再幫襯既原因之一。

佢個menu上面係冇青瓜卷, 係我唔啱唔無問清楚,但之前我都order過係10幾蚊嘅,今次叫個仔去拎,佢收我個仔$25, 畀你賺一次錢又如何, 之後我個仔攞返嚟,我想打電話去問,打去幾次佢都cut我線

夏天熱辣辣唔想食飯，所以就選擇落街外賣壽司返去食。本身好鍾意食火炙壽司，難得呢間小店主打就喺炙燒壽司，當然要試試。打開盒子發現壽司既份量都幾迷你，每件飯量唔多。燒三文魚腩幾好味，好重油香。蝦同帆立貝就不過不失，但鰻魚就比較令人失望，魚肉燒到偏乾身食落鞋口。芥末八爪魚手捲細細件，岩女仔食，男士可能就唔夠飽了。手捲食落略嫌芥末味唔夠重，偏向咸味多啲。整體性價比唔高，價錢偏貴，純粹想過口癮食下火炙壽司，下次都未必會再試呢間。