炭火燒 (已結業)

見佢裝修門面都幾吸引, 所以就試下落完order之後等左起碼20分鐘先有野食(當時都係得2-3枱客), 都算啦...點知第一份上燒秋都魚係唔熱, 再上燒魷魚筒都係唔熱, 已經有少少不滿我地叫左個珍寶蠔, 點知原來個穀就係用珍寶蠔的穀, 蠔就係幾隻細細隻撈埋就當珍寶蠔, 好呃錢串燒雞翼咬落去一口油, 串燒牛同羊無肉味, 服務又差, d野又貴

o個日無端端入左呢間試，原來咁O岩有波睇，但係就要每人最低消費＄１００，我O地叫左串燒拼盤，明太子沙律，串燒黑椒牛肋骨，醬燒帆立貝，兩杯飲品，拼盤中ｏ既串燒牛舌最好味，仍然好有肉汁，串燒牛肋骨都幾香口，其他食物都係中規中矩，服務態度認真一般，部長級ｏ既都熟悉餐廳ｏ既一般事項，但係其他侍應就要再培訓ｏ下啦，好似未訓醒咁！總括來說，食物貴左ｄ，如果主要目的係睇波ｏ既就唔錯ｏ既！

去呢間野食過2次晚飯(1個月前及2個月前)2次都係點燒秋刀魚定食第一次去,朋友個餐都食完咁滯我個定食仲未上跟住催啦, 都仲等o左好耐上台果陣侍應話唔好意思之前條魚燒窿o左算啦, 我都有時間, 等得的條魚熱辣辣, 魚皮很脆有少少焦, 好香係我食過最好味的雖然等得耐, 但係睇得出佢有比心機燒的唔會因為個客等得耐就趕住咁求其燒比你食第二次去就唔使等咁耐條魚一樣咁好味冬菇串燒同雞軟骨串燒都好熱同好好味不過所有野一定要趁熱食, 千祈唔好等齊先食.

這裡是十點後吃飯的好地方，因為有66折，吃了豬軟骨烏冬，今次既豬軟骨縮左水，但味道依舊好，已經係第二次食烏冬，好滑，真係好好味，烏冬用的麵粉較為透身，由於大滑，好難夾..........我地成日黎架，上次黎食左靖魚，好大條好抵食，所以今次佢又食靖魚，好正！

宵夜時段荃灣有不少好的糖水舖、小店同茶餐廳，但似模似樣的餐廳，能夠開到凌晨後的實在唔多。今次黎呢度開飯，都係呢個原因。幫朋友搞生日會楝左呢度。先講環境，有tv（應該係可以睇波）。天花高高兩面落地玻璃，內籠應該唔錯，弊在個別位置ge燈光有問題，建議餐廳有時間調校一下上面石英燈的照射位置，切勿亂照一通。荃灣就有間本來唔錯的餐廳，最後死在自己的燈光下。洗手間乾淨，但又係好暗，獨自如廁，出現了自己反映在四邊四面黑牆的幽幽反光，怕黑者會有點恐懼。回到餐飲方面啦！主菜牌菜色中上級價錢：串燒拼盤8串任揀（$108、單叫每串$15-17）但10點後e+做66折；普通飲料每杯21-23，無得折，唔大杯，幸好叫定食有買一送一，整體為起都ok啦。招牌菜「霜降燒牛柳」（$68），一碟6塊，3-4 mm厚、八逹通咁大，冰鎮上枱，兩成熟，怕生的朋友會較難接受；當刺身咁點日本醬油、芥末、蒜茸食，唔會過勒但有咬口，無血水，外面炭火燒熟的部分尚有燒烤香味，可以一試。定食叫左燒羊肉、燒豚肉、仲有其他定食d因為人地叫又黑得滯睇唔真係乜。有部分燒得火候適中，外香內軟（豚肉有好香的肥肉，戒脂肪者勿點）。但又有一半係乾哂，好似趙

cable無英超播，好麻煩！客不多，座位很舒服！我倆彷如有一個私家電視，到直播時，侍應把聲量較大，很好喔！睇波好地方！叫了兩個餐，一個和牛，一個黑豚肉，兩個都好好味，肉大大片和切得薄薄的，sauce都好好味。有一個很黏的汁撈飯，我覺得似黃蘿"白"味，口感很怪！另有兩個配菜和一個湯。好好味好值得再黎！最後arsenal 3:1 贏portsmouth~!yeah~~~~~~~~~~~~!fabregas又入波了！

由於我住附近,都幾經常去食飯...但見到由最初既幾好食,到而家既唔係太好食...都幾失望好彩,我最愛既牛肋骨仍然咁好食...不過佢D侍應好煩

food tasted alright, what wasnt alright was ppl smoking in the restaurant even when there are NON SMOKING signs all over the place.

妹妹之前見這裡裝修幾特別，又好似食Ｄ特色食物，便帶我們一家共6人一起去試試！打開餐牌，無咩可揀！唯有每人叫了一個定食，另外加4串串燒試試。我地由看餐牌到Order都坐了十幾分鐘，完全無人去比水我們，直至我們叫他們才比！當時人不多，全場半滿左右，有好多枱人都已經食緊野，但我們order了的食物好耐都沒有，其中一個豚頸肉定食仲响我地食到一半先到！果4串串燒仲衰，Order完隔左一陣先話其中2串賣晒！果時先7點幾，咁快就賣晒！？好啦，改過另外2串，點知果2串要在我地食完所有食物，侍應收晒我地的餐盤，仲要等多半個鐘先有！我地已經追過一次order，佢地話等等，點知佢地又唔係即刻做番比我地，之後聽到佢地的對話好似仲要做完其他客的order先做比我地！喂！果2串野唔係佔個爐好多位啫！？跟住我地唯有叫cancel同埋單，點知佢地玩拖延！猛話做緊比我地，叫我地等！我地追order到cancel都已經起碼15分鐘，做咩都做到啦！响我地堅持要cancel時佢地立刻放碟串燒黎！真係吹脹！人地唔cancel都唔整！都唔知熟唔熟添呀！到最後埋單，佢地將我地4串串燒照原價計！我地咪話佢餐牌寫明2串平$1，點知佢竟

食個lunch,次次個menu都唔同,上次食過一次午餐牛肉定食,之後去幾次都無,得返豚肉,又唔係燒得有味千ge水準,D肉睇個面都OK, 反開個底黑晒,都唔知乜事D Waitress態度差到爆, 坐低左就唔理你, 柯打完又等得耐, 見你檯上有野食就唔再serve你, 想叫多D野都唔得!D 檯又唔乾淨, 真係拍得住佢母公司皇雀會, 如果入面光D一定見到佢既真面目: 烏煙障氣

Lunch時段得果兩三檯客，竟然話我地知廚房人手不足，不會有串燒。不是罷。名叫炭火燒，但無串燒。後來再講多兩講，先肯比我們落兩個拼盤。初頭都無人理，又唔主動比水我們。再加叫數個定食，都幾好味。o野飲好稀，唔好飲。半開放式廚房搞到間店好油煙。其實整體ok，環境亦不錯。價錢亦可接受。走時才見到，原來這店跟隔壁的Co Co Duck歌德，是同一公司的。

經過過附近幾次，見佢環境不錯，故今晚同左女友及她妹妹一齊去試下，點知真係一試"難忘"本來打算叫定食，但個經理落咀頭叫試下個聖誕餐，見個餐d野都ok，咪試下，點知出事....1.d食物油膩到，就咁拎起件野都有油滴出咁....2.西冷牛扒，得四片厚過白紙少少的牛肉片，重要落甜醬油，同想像完全不同3.串燒....唔多咬得入..鹹....4.黃金拼盤(炸龍蝦，蜆，象拔)除左食過到兩隻又"梅"又除左油味的龍蝦腳外...其他沒有心機再試5.個甜品- 士多啤梨芭菲=藥水味紅色的刨冰...總括來講.....唔知點講.....又唔好食又唔飽....服務就....叫咪幫你做下囉....好過無人招呼既...打死都唔會再去!!

某個星期五晚上, 心情不佳, 想來想去都不知食什麼好...最後決定去呢間所謂全港獨有的專門店首當白老鼠. 誰不知帶來了無限的驚喜; 總括呢度的服務員態度又幾好喎, 又不如其他食家話佢地奇差啫, 臨走時, 個經理重留張咭片俾我, 話下次再來, 先落Booking, 再有折扣俾我..幾好呀!! 想知道我倆叫了什麼食物嗎? 哈哈....睇睇, 都幾豐富:1) 燒墨魚咀(食法幾特別, 跟雞軟骨的口感很不同)2) 燒雞軟骨(不是太油膩, 可以接受)3) 黃金燒大蜆(芝士煙肉太濃烈, 蓋了蜆肉味, 其中有隻重有沙..幸好是鴨皇上中了頭獎, 哈哈)4) 炭燒扇貝(比較乾身, 但仍保留原隻扇貝的質感, 幾好)5) 凍冷豆腐(鴨后至愛的菜式, 幾好味, 豆腐幼滑)6) 和風牛定食, 包括麵豉湯1 客, 白飯, 芽菜仔, 山芋(經理話白飯要跟山芋一起食, 有益兼對腸胃好, 可惜我不太欣賞, 味道怪怪)7) 鬼殼燒龍蝦仔(原隻龍蝦送上, 很有蝦肉味, 肉質鮮味, 好)當然要加一瓶日本酒佐食啦....好味道, 心情立即舒緩!!

真係冇改錯名，食完火都黎，好失敗，唔好去。總結同其它食評一樣...1.D野唔熱2.食完好似冇食3.服務差(經理級)，其它Junior反而OK4.燒鮑魚仔係我所見最細隻既，個殼約細過一元硬幣，D肉仲細過一毫子，難為佢搵到，仲要收$585.我食左十串串燒，餐牌寫十串$88，但埋單收$115；問經理，佢好理所當然咁話，要佢地指定串燒先係$88，但我話餐牌冇寫明指定串燒，佢唔夠我講竟話係我自己冇問，堅持收$115。自己做左豬仔一次就算，寫出黎希望唔好再有人比人搵笨。

開頭見雜誌影既相幾靚,又係屋企果頭,走去試試,一路行見到有人派傳單,已經覺得怪,心諗係因為離中心遠,所以要咁做.行到去見裝修幾靚,但係入到去之後發現呢間係黑店.1)服務態度差:可以得幾台人都無乜人理,好似十問九唔理咁.2)上菜好慢:已經唔多台客架啦,仲可以等到傻都無菜上,問D waiter/waitress,好以上面咁講,無人理3)燒出黎既野...都可以係唔熱既:我未試過連飯都可以係唔熱既店到食野,仲要佢主打既野,全部都係燒既野,都可以一D都唔熱,唔好話熱,微温都唔覺4)五十幾蚊一個餐飲品要加成$8蚊之餘仲要食唔飽: 我開頭諗會唔會係我大食,但我同2個朋友一齊去大家都係食唔飽,睇埋其他食家既評語之後發覺真係出左事,講真去食完佢到我仲要出去另外一間再食過,係因為太火滾,唔想再留係果到多一刻.5)佢既happy hour叫啤酒可以貴過尖沙咀,我地净係叫野食,仲要係食唔飽,都要百幾蚊一個人,好似食裝修食人工(仲要係無服務既人工)咁.我一路食, 一路就諗住上黎鬧爆佢,實左太忍唔住啦!!!!