炭燒笑宴 (已結業)

姐妹生日 指定要食笑宴 好吧 生日大晒😂有火鍋同燒肉任㨂一款放題我地㨂左燒肉放題加錢食埋松葉蟹😋😋😋 來一客刺身拼盤 帶子勁厚切 甜蝦入口超鮮甜👍🏼 主角之一嘅松葉蟹隻隻都有返咁上下大 啖啖肉咬落肉質鮮甜彈牙 好好食👍🏼👍🏼👍🏼當然少不了雪花和牛 油脂分布平均輕輕煎下 油分吱吱聲流出黎入口牛味超香濃 肉質軟林 不禁一塊接一塊👍🏼👍🏼除左和牛 重有雞同豬食架 不過作為牛魔怪嘅我瘋狂地encore和牛 姐妹就狂食松葉蟹😂 今晚過後 又要狂跑步了😭😭😭

與和宴、樂宴同屬一集團的炭燒笑宴，主打A4/A5沖繩和牛燒烤或火鍋放題，$388價錢其實不算貴，若果食材質素高，更加值回票價。放題套餐包括牛、豬肉、雞、腸類及野菜。 鍾意蟹的，可加$50任食松葉蟹！唔加絕對係損失！松葉蟹肉非常鮮甜，每隻都好多肉，個人覺得蟹比和牛更超值！ 前菜的和牛野菜沙律，牛肉3片剛好一人一塊，個汁帶酸非常開胃！ 另外還有刺身拼盤，味道尚可，唯一帶子稍欠賣相。 全晚的主角來了，前後叫了4碟，和牛碟碟差不多，色澤基本一樣，但牛味的確欠奉，實在唔覺得特別，如果俾$388任食，但質素唔高，我覺得有更好選擇。唯一覺得松葉蟹的確鮮甜，反而配角搶分！ 奉勸如果想任飲梅酒，可三思，因為3款都好甜，味道需帶梅味。但質素還比阿x屋任何一支都差.....

平時出去食和牛燒肉總係要就住就住一個唔小心就食到over budget見到依間和牛任食就孖埋個foodie friend 一齊試下任食套餐包左餐前salad, 三款刺身 但就只得一份 無得再叫～不過重點都係任食肉姐～～呢個餐係有 沖繩A4/A5和牛，沖繩豬肉,雞肉,香腸 同埋蔬菜白飯 任食。雖然我地只係兩個人，但係份量一d都唔細！先黎當然要試下d牛肉啦見到色澤有唔同，店員都解釋每碟肉都有三款不同部位。不過碟碟都唔同，因為係由師傅決定！任食黎講，質素真係不錯！肉質夠軟，同宮崎和牛比脂肪較少，無個種脂肪溶化既感覺。不過同時亦無咁易膩，戰鬥力都高d! 而且牛肉味都頗香，簡簡單單加埋沖繩特產雪鹽已經好夠味！食完牛肉，就開始進攻其他肉類。豬肉都夠肥，燒完之後脂肪幾香，不過肉質唔夠軟，相對牛肉就失色得多。雞肉都一樣，食落有d乾。可能因為脂肪較少，始終肉都係肥d 香口d最後既沖繩香腸就有三種不同口味，分別係苦瓜，辣味同原味。苦瓜味係食到最後有輕微回甘，而辣味係比原味香口。我同朋友一致認為牛肉質素最高，建議去試既朋友都係專注食牛肉。

對於可以任食很開心～～～walk in 入去～好彩有位。平時最好預約，因為真係好full～ 尤其係燒烤。加錢食長腳蟹，已經預先煮好。直接可以食。真係好好吃啊 味道鮮甜。對於鍾意食菜ge人真係唔錯。我好鍾意胡麻醬～～～同菠菜好夾～ˊ_>ˋ同肉一齊食都唔錯。火鍋ge湯底有兩種，但係我食落好似都係醬油味多D⋯⋯D牛肉第一批ge比第二批ge好食，第一批D牛味出曬黎。第二批食落就差少少。不過脂肪分佈平均，好靚 ge牛肉真係好好食。豬肉對我黎講就太肥啦。雞肉也不錯，不過要煮耐D。味道一般般啦。BTW，女服務員ge態度比男ge好好多。比我感覺好兇⋯⋯身為日料餐廳真係差咁d服務態度。high ball調出黎味道參差不齊，每次都唔一樣。好求其。 其實，火鍋ge味道都係好日式，同普通平時食ge分別唔大。

一向愛吃日式燒肉, 可以大口大口吃肉之餘又同時有親自下廚的感覺, 最適合跟朋友邊聊邊吃~ 發現炭燒笑宴供應和牛放題, 價錢亦不太貴, 就跟朋友試試門口已很有氣氛, 不少報章雜誌都介紹過餐廳暗暗的, 很有情調; 亦看到不少日本客人, 食物應該很正宗燒肉套餐每位 $388, 包括和牛沙律和刺身拼盤各一客, 任食沖繩和牛、豬肉香腸、豬肉、雞肉、野菜及白飯吃肉前先吃個和牛沙律健康一下, 醬汁酸酸的很清新, 但牛肉有點韌刺身拼盤有三文魚、帶子和甜蝦, 全都很新鮮, 作為開胃菜很不錯接着到肉類登場~~和牛油脂分佈平均, 肉質鬆軟又多肉汁, 略嫌切得太小塊和有點薄, 吃得不夠過癮; 另外亦建議減少醬汁份量, 讓客人品嚐和牛的真味和牛超惹火的, 單看已經讓我口水直流雞肉普普通通, 很容易烤得乾柴, 還是主力吃和牛吧豬肉擺盤很漂亮, 烤成金黃色後仍然充滿肉汁, 香口好吃豬肉香腸分別有原味、苦瓜味和辣味, 最喜歡原味, 充滿蒜香; 辣味不算太辣但也挺刺激的; 苦瓜味很薄弱, 只有微微苦瓜香, 不講的話未必吃得出來差不多要燒好了, 好想吃~之後加點了兩次和牛, 水準也都一樣高, 吃得很盡興記得要試試沖繩限定

因為想食燒和牛，又咁岩特價，加50就可以任食蟹。佢係個套餐咁叫的，唔記得388定399一位，包了和牛沙津（沙津唔算細，菜新鮮好食，但裡面的和牛係半熟的，口感較硬，有少少腸仔，不過和牛同腸仔冇為沙津加分）刺身（睇人地食有3款的，當天每人只有2隻甜蝦同4片唔知咩魚，因為我唔鐘意食魚刺身，唔識分，新鮮，合格）豬肉（燒左幾次都好乾，唔好食）雞 （好正常的雞柳，冇咩特別調味，正常）和牛（一份有三款，最大塊個件最好食，好香好滑。最深色就最 韌，2人共食左4份，一份比一份肥，都正常既，有理由比晒最好既你）蟹（比係一田買百幾蚊果d好食，凍鮮黎講好得，有鮮味，冇雪味）豬，牛，雞，蟹可以任食加左150飲酒柚子梅酒好好飲，黑糖梅酒較甜，啤酒佢話佢唔知咩日本啤，正常啦，如果會飲3杯或以上都係任飲抵，因為一杯都55。可能係平日book左1930，去到竟然一個人都冇，8點先有第二枱，到走都冇其他人...餐廳環境不大，不過坐位都幾闊，仲要一提個廁所好大，好乾淨，仲要有部獨立冷氣食完已經林緊下次幾時再食多次

小弟之前見facebook有關優惠，$388任食兩小時和牛放題，仔仔剛11歲生日，所以訂了3位為他慶祝，當日訂了6點正，我們準時到達，揀選了燒的形式食和牛，當時只有兩三檯客人，但他20分鐘後才開始set爐，再過十分鐘後才來第一樣頭盆，這時已過了半小時才有得食，心諗仲有個半鐘都夠時間食就算啦。頭盆原本應該是A4/A5和牛沙律，但入面景然沒有和牛，而是換了腸仔代替，當時因為肚餓，所以都沒有理會照食，另外仲有每人一份刺生，但只來了兩份，我就問侍應點解3個人得兩份，他說因小朋友收半價所以是沒有刺身的，但優惠無講明收半價是沒有刺身的，當時佢咁講都無辦法。心諗我來最重點是食A4/A5和牛，如果和牛ok都無所謂，點知來到完全失望，半碟食落口是又硬又多榨的極差牛肉，其中半碟是有9成脂肪的肥糕，完全不覺得是A4/A5和牛，見到都唔想食。最後埋單仲收我3位成人價錢，唔check單就中晒招，佢話唔好意思出錯單，這次一家3口埋單都要千二蚊多，非常後悔。好可惜沒有影下証據，但實在不吐不快，如覺得無圖無真相就不防試試吧。個餐其實仲可加$100任食松葉蟹，加$80任飲汽水綠茶等，隔離檯就加了錢食蟹和任飲，但見他們的

老闆調職加升遷, 大喜. 臨別在即, 老闆請我地一班同事刷餐勁. 是晚一大班同事去到炭燒笑宴.老闆選擇咗$488任食松葉蟹和牛放題, 先上剌身三點, 剌身好新鮮好肥美, 有得再encore就好啦.烤A5/A4和牛沙律, 和牛牛味香濃蔬菜沙律好新, 都係有得再encore就好啦.冲繩松葉蟹登場, 我懶, 冇燒就咁食, 冲繩松葉蟹果然唔同阿拉斯加蟹腳, 冇雪味. 呢度有鉸剪方便客人, 食起上黎好方便.我對冲繩和牛同豬興趣不大, 不過油份一定好充足, 見同事燒起上黎好大火, 要員工幇手救火.加$80有任飲普通飲品, 都係一般汽水綠茶, 少貴.

生日飯 朋友幾番介紹下 我終於黎到呢間餐廳 價錢 - 講講價錢先 唔算平 但物有所值既 我已經吾系好記得 大概$388任食， 可以加$100松葉蟹任食，但我無加， 飲品方面 $80 普通飲品任飲， $150酒精飲品任飲， 前菜必加$20，同加一收費....食物方面 其實選擇無乜 前菜 沙律同魚生都好好食 可惜吾可以要多份... 我比較鐘意食雞同牛 牛我只系每面燒一燒就食佢有支salt 系旁邊比你加 但我覺得吾加已經好好味... 因為有個大廚朋友系到既關係 所以雞方面由佢燒 只要燒到岩岩熟已經好正 另外冬菇同粟米都勁正 但系最後佢竟然無哂冬菇 好失望 其實和牛 真系食吾得多 因為太油 環境 - 有點兒迫 坐左6個人之後手袋要放地下  吾算多油煙服務 - 侍應好似得3-4個 叫極都無人理 要系佢行過先捉住佢落野 

從未去過沖繩，以為沖繩都係食日本菜，壽司魚生之類。原來沖繩係有佢地獨有嘅菜點了很多款菜，有幾款較特別：日式salad(一般，沒驚喜）、山芋溶tuna （好fresh ,做前菜不錯）、生牛肉（配生蛋食，好正）芝士黑咖哩石頭飯（雖然味道係一般日本咖哩，不過黑mung mung 嘅咖哩好特別）、燒牛扒（好正，D牛好肥好靚）、燒雞球（好味，不過普通D嘅菜式）、炒麫（一般）總括來說驚喜不大，是一般日本菜，質數比一般的好，價錢偏貴，因為標榜食沖繩菜，好似懶特別嘅賣點。只能說原來沖繩菜是沒什麼特別的。試過一次就夠了。

今年是我們的結婚 17 周年帶埋兩隻小魔怪去食我們至愛的蟹放題慶祝【炭燒 笑宴】 除了蟹，牛肉也是我們的至愛 ... 所以今餐真是啱哂我地不只松葉蟹，還有沖繩和牛及沖繩豬 ... 都是任食前菜 ... 日式汁東風螺 ... heee 東風螺也是我們愛吃的 是日刺身三點拼盤 (一客) ... 刺身都新鮮又肥美 烤沖繩 A5 / A4 和牛沙律 (一客) 之後，就到我們期待的 ... 松葉蟹 (任食) ... 蟹肉鮮甜多汁，無冰鮮雪藏味我們追加了多碟，每碟上枱賣相都是一模一樣，不會因為放題而馬虎了事 一定要醮少少日式蟹醋，可以提升蟹的鮮甜味沖繩和牛 (任食) ... ... 油光分佈均勻選用日本冠軍沖繩和牛 ... A4 / A5 級的薄切的 ... 沖繩豬 (任食) 可以選火煱或燒烤方法 ... 火煱成日都食，我們揀了燒烤 沖繩和牛有很濃的牛肉香味，肉質鬆軟多汁，入口即化沖繩豬都很美味，但我們呢班牛痴都是鍾意和牛多點 蟹腳就咁食都好鮮甜美味，但蟹身烤過後，加多陣燒烤香味更好味蔬菜也是任食的 ... 食燒烤一定要配汽水，所以我們每位加多 HK$80 升級任飲可樂、芬達橙汁、Coca-C

今年是我們的結婚 17 周年帶埋兩隻小魔怪去食我們至愛的蟹放題慶祝【炭燒 笑宴】 位於銅鑼灣登龍街28號永光中心 13 樓 ... 位置方便易搵 除了蟹，牛肉也是我們的至愛 ... 所以今餐真是啱哂我地不只松葉蟹，還有沖繩和牛及沖繩豬 ... 都是任食前菜 ... 日式汁東風螺 ... heee 東風螺也是我們愛吃的 是日刺身三點拼盤 (一客) ... 刺身都新鮮又肥美 烤沖繩 A5 / A4 和牛沙律 (一客) 之後，就到我們期待的 ... 松葉蟹 (任食) ... 蟹肉鮮甜多汁，無冰鮮雪藏味我們追加了多碟，每碟上枱賣相都是一模一樣，不會因為放題而馬虎了事 一定要醮少少日式蟹醋，可以提升蟹的鮮甜味沖繩和牛 (任食) ... ... 油光分佈均勻選用日本冠軍沖繩和牛 ... A4 / A5 級的薄切的 ... 沖繩豬 (任食) 可以選火煱或燒烤方法 ... 火煱成日都食，我們揀了燒烤 沖繩和牛有很濃的牛肉香味，肉質鬆軟多汁，入口即化沖繩豬都很美味，但我們呢班牛痴都是鍾意和牛多點 蟹腳就咁食都好鮮甜美味，但蟹身烤過後，加多陣燒烤香味更好味蔬菜也是任食的 ... 食燒烤一定要配汽水，所以

小弟向來少食自助餐，放題之類，皆因小弟可以吃得多，但唔可以一次過。啲人話生日要食到爆肚，要食燒肉, 又要有質素，又唔想逐碟叫，驚埋單要天文數字，千山萬水終於响雜誌搵到呢間任食日式燒肉店。炭燒笑宴主打沖繩料理，晚市有放題，客人可以揀日式燒肉或火煱，任食A4/A5和牛，沖繩黑豚肉，松葉蟹，野菜等。$488加一任食，淨食和牛都抵番條數，爆肚都抵啦。一坐低，侍應就端上前菜，和牛沙律，刺身拼盤同半隻松葉蟹。心諗，駛唔駛咁趕，啱啱坐低咋喎，嘢飲都未揀。不過諗深一層，早上菜都啱嘅，限時兩粒鐘，時間緊迫，快啲食完前段，快啲有得燒。刺身同沙律嘅質素都唔錯，刺身厚切新鮮，和牛沙律味道清爽。松葉蟹味道鮮甜，蟹肉豐滿，唔腥，份量毫不吝嗇。我一氣過拆哂啲肉，加少許醋，鍾意食蟹嘅你真係要勿失良機。想濃味啲，將啲蟹腳放上爐燒一燒，味道更香濃。温馨提示一:如果食哂啲前菜沙律刺身松葉蟹先至燒肉，一來會唔夠時間慢慢燒，二來食太多嘢，戰鬥力下降，番唔到本。記得食到咁上緊就叫侍應上爐燒肉，千祈唔好食哂前段先叫，免得浪費時間。(拆蟹認真需時)溫馨提示二:水係免費嘅，不過要飲果汁汽水綠茶就要加70蚊任飲，要酒精飲品任飲就要150

A5和牛及大隻鮮味長腳蟹，竟然係放題。大胃王一定要食，值得推薦。首先，餐廳係茶都要$80一壺茶。 所以我們選了150蚊飲品任飲， 有汽水啤酒whisky soda, 經理幫我們轉了whisky coke. 所以如果飲酒的話都抵飲。首先來一客 20蚊的前菜但是好好味的。再來一客4式刺生，好好味但不是任食的。以下長腳蟹及和牛都是任食的和牛可以燒或打邊爐， 我們選了燒。和牛也有兩種選擇，而且還有一種豬肉，肉質是非常高質素，和牛A4及A5兩種，但和牛本身油份，不能吃太多。長腳蟹更加是非常鮮美的，還有沒有雪味和任食的，我們燒一燒才食更加好味。看圖片吧。我們用了openrice每人減100蚊的coupon 最後兩人食了 1200元。

有次睇飲食男女見到炭燒笑宴（以下將簡稱"笑宴")  好似好正咁，沖繩菜未試過，仲有任食和牛，睇相已經好吸引，就是但同S先生講下次去食，佢好是但答番我話：好呀😂如是者就到我生日果日佢就懶神秘帶我去銅鑼灣登龍街，去到樓下已經估到😂上到門口就有位男職員招呼我地入坐。入場時一台客都冇（當時7點）心諗可能時間尚早，晏少少就有人，當然我果時淨係諗食野多d😂放題有2種，1種係燒烤，一種係打邊爐，我地緊係燒烤啦😋放題每位$488 ，餐牌上面寫明前菜每位$20，套餐包三色刺身（每人一客），A4/5和牛沙律（佢只放低一碗），任食方面就有A4/5和牛同豬松葉蟹仲有任食野菜（菇、洋蔥、大小青椒、紅椒同南瓜，可接自己喜好再叫），飲品方面要比$80/位先有任飲（平均一樣飲品都$45，如果預計會飲2樣以上都抵既），亦只有免費熱茶提供唔會有冰水（冰水係支裝要另計😒）坐低一陣，男職員就遞上熱毛巾抹手，然後放低前菜，過多一陣就放低2碟松葉蟹，然後逐一簡介台上既醬汁係配咩食物，跟住我地都唔客氣了👍蟹好多肉，好juicy,新鮮好食👍我係大閘蟹愛好者，早已練成一流拆蟹功夫，唔使一陣拆晒成碟，對面果位豬先生就辛苦少少😂特別一提係