影片
港铁旺角站 E2 出口, 步行约2分钟
继续阅读
营业时间
星期一至日
11:30 - 00:00
以上资料只供参考，请与餐厅确认详情
炳記牛牛係我讀書時嘅飯堂，真係差不多有六七年冇嚟過啦。今日行開過嚟呢邊，突然間醒起呢間有雞食，即管過嚟望吓仲有冇啦！呢度食飯真係好抵，雖然係旺角區，但四十蚊唔駛就食得飽你！我嗌左麻辣雞飯，份量超多！除咗面頭淋上嘅麻辣汁，仲有好多花生碎，十分之香口！味道唔太辣，再辣D就正！而飯都幾大碗，超抵食！對面女士見到我嗌佢都嗌咗份！但係佢就好似冇我呢碟咁靚啦～我呢份雞胸有厚，又有脾同埋雞翼！真係超抵！跟餐附送飲品，我貪新鮮叫咗杯青檸綠茶，味道OK都幾易入口，佢哋真係好有諗頭啊！
继续阅读
鍾意食海南雞配麻辣汁既朋友絕對可以呢度試下，佢嘅麻辣做得恰到好處，唔會太 辣辣到食唔到雞尾味， 上面嘅花生好脆好新鮮芫茜一兩片點絕得好香 而且 雞本身有味道唔會好似平時的口水雞個肉冇味咁嘅感覺 雞肉都好林 玩飯唔正常好味 唔會太乾亦唔會太濕 另外飲品我叫咗青檸綠茶，鍾意新鮮感既朋友不妨一試，但係比較傳統保守仁既人就唔好叫嘞
继续阅读
平，真係好平，40有找有個飯食送凍飲，無錢黎講真係窮人恩物，咁平既價錢質素當然唔係太好，同上年比質素都好似跌左，但仍然會keep住幫襯，因為真係好平，唔想食飯就叫幾個小食~
继续阅读
是日去左旺角shopping，心血來潮想食3年無去過既炳記牛牛，記得炳記既焗飯可謂好味又抵食。是日星期六下午 ，人並不多。order紙同以前一樣，圖文並茂。我留意到多左越式菜式，又多左類選擇。我一向鍾情炳記麻辣雞，今日都唔例外。無食呢個雞幾年，水準下跌左好多。雞本身肉不多，麻辣汁只有油膩感，味道卻不足。失望另外我再追加左3隻蒜茸焗青口，無食咁耐，青口味道無變，但size比以前的確細隻。是日埋單大約$60，在旺角用餐價錢上算合理，但希望炳記質素不要再下降，畢竟還有得很多好選擇。
继续阅读
話說有日同FD經過旺角呢間餐廳見肚餓價錢又唔係好貴（38左右）就諗住食個晚飯見到佢個炭燒豬頸肉飯張圖幾吸引， 仲配腸仔同沙律，我哋就嗌咗兩個黎食叫左杯凍鴛鴦，有啲難飲，差嗰啲紙包飲品， 我都算碟飯嚟咗， 得個幾片豬頸肉， 仲要成碟嘢都冇乜汁，但係啲豬頸肉就用汁煮到紅色， 冇所謂嘅炭燒， 又濕又難咬，同嗰張華麗嘅圖相比真係差好遠， 我都算張圖有條煎腸仔但我哋兩個碟飯都冇， 就問下個阿姐係咪漏咗或者已經賣完精彩嘅時刻來臨， 個阿姐居然話條腸仔係豬腩肉， 話係啲豬頸肉入面， 我真心真係未見過一個圓柱體嘅豬腩肉，又唔明點解豬頸肉飯會有豬腩肉， 而且好明顯張圖就好似司華力腸用剪刀剪邊位一樣冇一忽似豬腩肉我個fd真心接受唔到就同個啊姐吵， 之後一個一個阿姐分別就走過嚟， 一個話係醬汁，一個話係蕃茄， 個個啲囗供都唔一樣， 明顯玩我啫！！！阿姐仲好大聲講 ：［不嬲都冇腸仔㗎啦］仲要每經過我哋張枱一次 就望我哋一次， 又好大聲咁講我哋壞話， 我個fd勁火po埋文上高登順便一提，咁樣嘅服務態度買單仲收我哋加一服務費， 而且碟飯係超 ！級 ！難 ！食 ！， 已經唔想去形容有幾難食，仲要係圖文不符， 就算你畀錢我食我都唔會再嚟
继续阅读