炳記牛牛 (已結業)

入到去食嘢 預左啲位係逼嘅 好正常 一拎起個餐牌有啲手足無措 因為食物嘅選擇真係好多好多因為都未食過所以叫個最穩陣嘅越南牛河 配凍檸茶，一定冇死 越南生牛河的牛肉韌死為止，要咬好耐好耐先可以吞， 湯嘅味道略慊偏淡 有四片薄荷葉， 但其實係應該落金不換又一舊仔青檸，兩粒辣椒仔，整體嚟講38蚊有杯嘢飲，唔係做得好好食，但總算抵食另外我老婆 叫咗個撈檬 檬粉ok份量，但係得四片豬頸肉而真係要講佢嘅檬汁，偏鹹 因為正常檬汁都係偏甜， 所以我哋唔係好啱食叫咗兩個小食，一個係芝士西蘭花 佢係有心去焗嘅，不過焗到過曬火 啲西蘭花好“林“，而白汁方面也是很一般，可以不叫而春卷上枱時真的很熱很熱 但皮很奇怪是硬的皮，不是鬆脆的皮 所以咬落去感覺好像有渣一樣，台上台下沒有任何汁可以用， 好奇怪，所以也可以不叫總括而言四個字 “正常一般“ 開餐地方，完!

行完黃金, 想醫肚, 間間都好多人, 見到炳記牛牛有位就入去試下, 叫左個海南雞飯, 來到睇到D雞有少少水蒸氣發出, 一咬入口好多水份, 原來是用水返蒸, 無雞味, 附上個醬料不知所謂, 食完一肚火重要加一收費, 以後唔會再去

深水埗出名多野食，我買完野去福華街搵食啦，奶野。間野叫炳記越南邨，打算食碗河，食了幾口，feel到酸宿味，唔係咁恐怖嘛...加了10蚊飲珍珠奶茶，d珍珠軟到似粉一入口散晒，完全唔係香港人或台灣飲果隻味。呢間野仲開到分店真係累死人，我無食晒就走。班待應估住吹水，跟本無理d客落單叫order。

今晚我們搵到一間餐廳，嘩，好抵喎，30至40幾元就食到，而且包飲品《香茅雞扒撈檬》好大块雞扒，加上青檸檬汁，添上酸酸甜甜檬粉醬汁，撈埋青瓜絲和紅蘿蔔絲，好爽口，甚至乎好開胃《蛋包飯十豬扒》豬扒很入味，煎蛋 包上飯加入茄汁，非常好味星期一至五免收加一《午餐至下午六時》

住附近，1，2年前來過食，當時見佢咁平又多選擇就試下 點知飲品同食物都好難食 其實我本身對食無乜要求 但都覺得好難食 所以好耐無再來，今日因為老公想食焗飯 附近只有呢度有 周圍都係粉面同大家食，所以膽粗粗比多次機會佢，點知 有進步 今日我嗌左牛牛燴意粉$38 同埋老公的鮮茄豬扒焗飯$36 都包凍飲 同叫左金姑肥牛卷$16/3件 老公竟然食哂 話好食 話呢度有焗飯 多個選擇 好開心 而且好平 日常食飯佢都食啲經濟啲既！而我個意粉同出面啲餐廳差不多，食哂，仲包凍飲好驚喜以後會再來

之前已食過1，2次，睇價錢既話整體都還可以，但今晚再去就出事！見有好多越南河粉，想食香茅雞奕湯濛，偏偏冇香茅雞奕呢個配搭，迫你散叫，算，最後叫左豬頸肉撈濛，想飲熱野，明明我阿媽個餐見到可以叫熱柑桔，佢話我個餐冇得嗌，一定要飲乜冰物冰一係熱奶茶咖啡，我已經百思不得奇解嫁啦，算，我要左紅豆冰！個豬頸肉撈濛黎到，嘩，豬頸肉極度厚切，仲要鞋過啲煲湯的肉，我自認食野方面接受能力好高嫁啦，但呢個豬頸肉真係不得了，感覺似擺左好耐，個撈濛如果你唔落酸汁就真係淡到一個點，紅豆冰又係甜到不得了，成個餐我都唔知有冇食左1/4，真係第一次食野食到我咁激氣，仲要加一！平時再難食都盡食唔好浪費咁多，但呢個真心食唔落，sorry!真係唔會再有下次！

去完寶血探病，走向黃金搵食，已經幾年沒食過炳記牛牛了，所以走入店內⋯記得以前每次食炳記牛牛都要5，6個人迫在一張小圓枱，而且枱與枱之間的距離也幾乎是背貼背，今晚客人不多，枱與枱之間的距離雖然仍然好窄，但2個人終於可以在一張小圓枱上進餐，小了一份擠迫⋯多年來款式沒有變化，而價錢也跟幾年前差不多，沒有加價，好難得👍🏻我們2人點了牛牛繪意粉餐$38，味道普普通通另外點了芝士巴汁鮮魷筒焗飯$32，感覺上醬汁比從前味道差了一點，但還是0k的以晚餐來說份量夠又熱辣辣，算好經濟，可是當晚店內有2枱客人說話聲浪之大確實令我們耳朶活受罪，店舖已經不大，大家坐得擠擁，為甚麼還要製造這麼大的聲浪呢？雖然店員多次望向2枱客人，但沒有提示他們降低聲浪，我們只好快快吃完速速離開～

食物環境服務可以的、焗飯需時太耐40分鐘、小食抵吃尤其葡汁餃子同雞翼。加一服務費等了40分鐘的和風叉燒飯令人失望凍的及好鞋）$3x。保寧雞飯可以一試（價錢合理）。

入店前已經問是否有油飯！到上菜竟然也是白飯，還告知已經是油飯雞又沒有肉，員工的服務態度又不好。以為有點新意的小店也不外如是，不知道用失望還是無望來形容比較好了。不會再來！

黃金商場後面街一向多野食, 但價錢唔平,食碗雲吞麵等閒都收你三草野, 呢間舖明顯係平左一截果日一點前入去但都好多人, 唔使等但要撘枱裝修好平民化, 大部份係圓枱, 佈置其實幾曳午餐平均35-48, 包野飲, 冷熱同價上次食過比目魚飯, 今次食沙汁豬扒飯豬扒: 巴西豬扒一塊, 好厚下, 邊D肥炸到脆, 滿意巴汁: 開頭唔知乜係巴汁, 食落似沙嗲汁但淡味d, 一pat pat外望麻麻生菜: 一塊, 無乜特別菜絲: 我係一個唔鐘意食伴菜既人, 但菜絲入面加左千島醬, 食落甜甜地幾好味, 今次竟然食晒蕃茄: 中茄兩片, 新鮮, 無野講飯: 唔算多, 對我黎講有少少唔夠飽檸檬茶: 普通size, ok啦盛惠: 38蚊

距離上堂仲有啲時間，想慢慢坐食個飯又想平，非茶記莫屬。記得附近有炳記牛牛，學生時代間唔中都會幫襯下，咁就坐低慢慢揀下食咩。下午茶同晚餐之間嘅尷尬時間，無乜人，仲好啦可以慢慢坐～揀呀揀，都係揀焗飯，印象中巴黎汁(而家叫巴汁)好似都唔差嘅，清清地配個比目魚。等呀等，等到焗完，好味與否唔講住。熱氣向上升，然後聞到香草味，再望下，芝士係比較少，比目魚都唔大塊，係汁多～好熱好熱，飯入面有好多西芹粟米洋蔥紅蘿蔔，其實會覺得怪，不過夾住飯同汁一齊食，叫做多啲爽脆口感多啲蔬菜味道。飯粒有啲過淋，有啲就焗到脆得滯，以為食到殼，反而魚肉算滑，唔太覺有腥味。整體味道其實又唔係太差～巴汁有香草香味帶少少酸都幾開胃，食極都有，令個飯唔會乾身。有啲味道，有時就係要重溫下～

附近買完電腦野, 隨便入左呢度食午飯, 茶記格局不過環境算OK.要左個野菜煎蛋飯, 係菜切成一粒粒, 加埋少少蟹柳, 撈埋蛋醬一齊煎. 菜粒都幾多, 咬落爽口, 不過煎蛋有點過左火, 同埋幾油, 唔夠乾身. 而配搭白飯, 兩者都無汁, 連豉油都無, 有D淡口, 太清.

叫左一個鮮茄雞柳焗意粉叫左多汁，可見真係有比多汁我地食開重口味，個汁好濃好正酸酸甜甜越食越開胃好少餐廳做到呢種味道既茄汁美中不足係芝士太少另外仲買左雞翼餃子外賣雞翼餃子就麻麻地裡面既餡唔好食，不太吸引。

是日和朋友經過深水埗福榮街，噤啱肚餓就找吓有乜平價美食，見到炳記牛牛門囗餐牌都幾多嘢食又幾平一於入去試吓舖裹環境同普通茶餐廳格局一樣，坐低就睇吓餐牌有幾個國家美食,有泰國、曰本、印度……吾同種類:飯、麵、薄餅、小食……我哋就見下午茶又套餐，就選左一個芝士三文魚海鮮焗飯，一杯泰式青檸水，我朋友就要左個芝士煙鴨胸焗意粉，一杯凍檸茶，芝士三文魚海鮮焗飯，睇賣相都可以，個飯真係好熱，食落囗不太亁身，芝士和個汁可以撈暈個飯但芝士味不夠濃三文魚就食落不太老和硬，而且有幾多三文魚，海鮮就係魷魚和人造蟹柳，都可以接受，青檸水一飲落去都真係有泰式感覺好fresh不太酸幾好飲，而個芝士鴨胸焗意粉，個汁一樣可以撈暈個意粉，芝士味都唔夠濃，個意粉軟硬度適中，而煙鴨胸份量足夠味道就幾好夠軟滑不亁，在茶餐廳用呢個價錢食到算係不過不失

琴日同阿哥見間野平平地就入去食 首先黎左杯凍檸蜜真系要比個讚佢 完全同飲水無分別  之後黎左我既鮮茄豬扒焗飯  個味同茄汁無分別 重要勁酸 得3小塊豬扒 我睇openrice d 食評話好多芝士 完成食吾到 之後到哥哥既芝士巴汁鮮魷魚筒飯先講講個外貌 圖系有完整一條魷魚 但以30幾蚊黎講我吾expect 佢有一條都有半條 但系佢連半條都無 完成系欺騙消費者 個汁根本系咖哩汁溝水溝到勁稀 真系好難食最後到餃子雞翼本來對佢期望最高 點知真系跌落谷底雞翼頭系燶到黑色既 之後個汁酸到好奇怪咬落去d豬肉紅色既 呢間野真系好難食 呢世都吾會再去 完全系一個伏黎 連我哥平時咩狗屎垃圾都食既都食吾到 ... 可想言之有幾難食...