炳記牛牛 (已結業)

某人一直話想帶我黎呢度食焗飯今日經過深水埗就去試下呢間d lunch 啦..去果陣唔係好多人唔洗等位不過一入去個感覺好似有d 簡陋..想搵個卡位先發覺原來冇..我地叫左2個lunch set一個係芝士焗海鮮飯一個係芝士燒三文魚焗飯等左一陣就黎勒...d 飯係即焗既...由個碟邊已經感覺到d 熱氣..個飯面好多芝士同汁..差唔多每一啖都有汁..好好味,三文魚又夠大件..另一個飯d海鮮都算新鮮不過唔多..相比之下三文魚果個抵好多!2個同樣都係$28 連涷飲/ 熱飲真係值得一試..

第一次去依間食..聽人講焗飯唔錯..叫左個鮮尤魚筒焗飯..都幾大碟..但好多芝士係面..所以都幾飽下...連埋飲品每人都係$30..價錢ok

以港式西餐來說,味道是水準之作.價錢廉宜,特別是牛魔王扒餐及雞扒餐,大大塊扒再有蟹子沙律仲有野飲都係三十幾蚊.比起其他港式西餐好味得多~~大件夾抵食!!大小貓還試過三文魚焗飯,也是不俗.

焗飯焗意粉都好食，落足料。叫過焗魚扒飯，魚太多骨。下午茶時段就可以十零蚊一碟試到多款小食，不過好奇怪，呢度就算豬牛雞點整法都好(e.g.洋蔥、黑椒等等)，你都只會食到咖喱味。深水步分店比旺角好食，同一款焗飯，旺角分店料又少d，太多汁搞到碟飯好似一pat 野咁。

試左pasta同pizza~pizza一d都唔好食!!而個三文魚pasta都好普通。唔係一個食意粉既好地方~~

我食咗個雪魚扒，而豬仔就試咗個牛魔王。兩樣都唔係太好食。個雪魚就冇魚味，個牛扒就有'蘇'味，我都唔明點解仲咁多人去食，下次都唔會再去。

lunch 吃了牛柳粒焗意粉，勁少囉！得幾粒牛柳，意粉勁勁少！好唔夠食！返公司時已餓到腳仔軟．．．．．．雖然份量少，但個汁好得！！！牛柳粒有少少"un"，意粉都好食，唔怪得之佢地既焗野咁出名！如果份量多ｄ會好ｄ囉～有電視睇，ｇｄ～～

印象中好似成日經過，但係幫襯都係第一次。要左鹹牛肉通粉同鮮芒果牛奶。鹹牛肉通粉原來係忌廉汁通粉，好重奶味(對我黎講就重左D lu)，又有D芝士香味，但係鹹牛肉份量就好少....鮮芒果牛奶有甜甜既芒果香氣，而且好滑tim哦，好飲！

想去維記，但係排長龍，於是走嚟試下。叫咗芝士焗鱈魚飯($25)，加$2要熱奶茶，另外要香草燒骨($12)。原本以為佢焗飯會正，但係事實普普通通，只係芝士味重。個骨亦一般，醬汁偏甜。不過兩樣嘢都係即整熱辣辣，所以俾OK佢。

幾抵食+ 好食，不過焗野上碟時唔食得住(太熱...=.=)同埋細碟o左小小留意就係金太郎的開心卡係呢度都用得

四個人去食, 分別叫左三個扒餐(牛/豬/羊)($33@) 同埋一個芝士雪魚意粉($25)。意粉加野飲都係加$2, 抵!個扒餐一到,即刻聞到好香芝士味, 原來係跟餐既意粉, 估唔到跟餐既意粉都煮得咁好味, 一d 都唔淡。扒方面都唔錯。焗意最後先到, 因為係即焗既。哇, d 芝士熱辣辣, 好似熔岩咁不斷起泡泡, 而且傳黎陣陣芝士味, 好香呀~~ 以份量黎計夠一個女仔食得好飽, 但男仔就差少少啦。食完正餐後朋友發現甜品非常抵食, 刨冰/雪糕都係$10個, 所以每人叫左一個, 分別係石榴之戀同埋彩虹世界, 兩個刨冰d料都好足, 有生果又有清涼爽。總括黎講好好味同埋都好抵食, 下次一定會幫襯** 六點半前唔收加一

我同d同學lunch去過幾次....我每次都會order 芝士海鮮焗飯....真係非常之好味....好香!!個香蕉奶珍珠...都好好味!!好香香蕉味~~好濃~

呢間餐廳既芝士海鮮焗飯實在太香la~~而温度梗是熱到燙手~~~這裡的芝士焗飯與其他餐廳的焗飯不同的地方是所有材料均被芝士所覆蓋~~~芝士味道香濃, 實在令我回味無窮~~

頭先3點50分入去諗住食飯啦. 叫0左個焗飯, 魷魚筒再加杯凍啡. 落單後過0左幾分鐘. 首先0黎個凍啡, 要求唔係太高0既, 可以接受. 幾分鐘後再0黎個魷魚筒, 嘿! 居然係凍0既(當時差唔多每張枱都有客, 但並唔算係好繁忙, 而個廚房都唔係好遠0者, 冷氣又唔係好凍喎. 有冇咁離譜呀). 不過味道都ok既. 跟住我一等就等到4點25分(中間有客0黎答枱, 叫0左野食. 亦差唔多食完喇). 我心諗. 有冇攪......錯呀! 個焗飯使唔使焗咁耐呀. 心知不妙喇. 叫佢check單啦. 嘿! 得到0既答複係{唔好意思呀...... 而家同你焗0丫}. 唔係嘛. 又要我等你幾耐呀. 最後我決定埋單走喇. 不過都算佢識做, 魷魚筒加杯凍啡都係計我十幾0蚊0者. 唉!!! 希望呢個係個別案例啦......

白汁焗帶子意粉$28（晚市加一）: 帶子很美味，入口時發覺有些獻汁出，相信它本身事前已煮過。味道港式意粉當然不會期望al dente，但配了帶子、芹菜粒、白汁，和舖在面焗後香脆的芝士後，味道一流。以這價錢，絕對超值!另外，凡惠顧焗飯/意粉或pizza，只要加$2便可有奶茶等飲品。因是次光顧坐在半開放式的廚房附近，看到廚房的製作幾有條理，放材料時step by step，而且每放一種材料都會量度重量，製作算幾嚴謹。