影片
港铁荃湾站 B1 出口, 步行约7分钟
继续阅读
电话号码
24060488
营业时间
今日营业
06:00 - 02:00
星期一至日
06:00 - 02:00
以上资料只供参考，请与餐厅确认详情
今日上完堂又去搵嘢食啦！無意中見到呢間炳記，招牌上有個四人套餐好似都幾抵食咁，入咗去環境就係普通嘅茶餐廳模式，服務員嘅態度都幾好，呢間睇落嚟都係做街坊生意多，先來四個例湯，再嚟就係蠔油油麥菜，半隻海南，雞椒鹽魚腩，沙拉骨，土魷蒸肉餅，紅豆奶茶。例湯，蠔油油麥菜，好家庭版，冇味精。海南雞，味道正常，雞肉都唔會好多肥膏，雞肉都有啲嫩滑，唔會太柴太老。椒鹽魚腩，表面炸到脆，入面啲魚肉都仲保留咗啲肉汁，唔會太乾，冇乜腥味，幾特別 。沙拉骨，用嘅係豬扒，啲肉唔會太硬，沙拉醬配落去都幾夾。土魷蒸肉餅，呢個真係超正，啲魷魚係用乾貨魷魚，發咗再加豬肉剁碎，土魷唔會太硬，味道好出，再加上有少少肥肉，整體好好味。紅豆奶茶，唔會太甜，估唔到紅豆配奶茶都夾到下次可以再嚟
继续阅读
去年12月某一天，溫度不過雙位數，又凍又餓隨便走入一間冰室，點了一客海南雞飯🍗🍚。當晚八時左右，座無虛席，但服務員態度非常好，很親切。所以前兩天再去荃灣變，便帶埋從德國回港的親朋友去試試這港式味道。適逢下午茶時間，我們便叫了兩份炒粉麵🍲，分別是羅漢齋伊麵和肉絲炒麵，飲品則點了紅豆冰和熱奶茶☕️兩客炒麵都係脆底，人一啲都唔油膩，味道亦不似一般茶餐廳那麼下重口味，我們都食得很開心。最重要一提，無論下午茶或晚上的服務員態度都很好！我們今次二人入座時未有卡位，點餐後服務員見其他客人離開，便會幫我們轉到卡位坐。如是者，對其他幾枱客都係同樣服務，他們絕對不會厭煩搬枱改單，值得讚
继续阅读
荃灣茶記雲集，有時間坐低食早餐，我會揀炳記～ 味道穩定得嚟夠地道，杯鴛鴦滑得嚟夠香，有陣時仲有驚喜😆想食少少辣去刺激早上味蕾會點雪菜肉絲米粉+辣椒油～ 好似平平無奇，無乜待別，但老實講，相比起其他茶記，d湯底一係清淡如水，一係花巧地加好多嘢，依家可以搵一碗簡單好味嘅雪菜米已經好少最喜歡嘅係，間中會有好浪漫嘅碗，點解咁講？ 皆因送上嚟嘅時候，碗個show出You will never know 當差不多食完嘅時候，show出下一句係Dear How Much I Love You😆😆 食早餐見到咁有愛嘅碗，仲唔係Good Morning
继续阅读
想食煲仔飯，好耐㗎喇，喺荃灣好少地方有得食，見到呢間有就入去試吓啦！夥計服務態度好好，跌咗筷子佢話得唔使執我幫你，然後即刻攞隻新筷子俾你，你俾個眼神佢，佢就準備俾你，醒目到不得了👍🏻👍🏻 平時茶餐廳都唔好意思問人攞多隻碗仔講返食物，我就嗌咗冬菇雞臘腸煲仔飯，大概等咗半個鐘，好快就有，同埋啫啫通菜，冬菇雞臘腸煲仔飯，成件事個味道都好淡，食唔出有冬菇雞味😓，又冇臘腸味，可能因為得一條臘腸啦，連煲仔飯嘅燶味都唔出😳而個啫啫通菜，用鐵板上，上枱熱辣辣啫啫聲，所以叫啫啫通菜，好味，鹹鹹地要送飯，菜裏面有啲鹹魚、蒜頭、辣椒咁好足料，鹹香味十足，好惹味，送飯一流👏🏻
继续阅读
某月的星期五，下班約會家人的地點突然變了荃灣，頓時失去了食好西的計劃。會合之後，以平平地為目標的我們就決定去找平靚正的茶餐廳做晚飯地點。行來行去，看了又看，最後來到這一間《炳記冰室》門前。看見其餐廳又中又西，好似好多選擇。就決定入來了。當我細閱古舊的 menu 時，才發現《炳記冰室》的前身是《炳記西餐廳》，究竟，西餐廳變茶記之後，出品有什麼區別呢?當日，我們總共叫了三個套餐。而餐廳配的兩款餐湯，都是西式的。店方說明了粟米忌廉湯是沒有放肉之後，太太同兒子就點下每人一碗。太太一喝之後說，很好，這不是用湯粉開的湯。這一個忌廉湯，口感是香滑的，也能帶出少許粟米的香甜。不錯。這兒的羅宋湯稱得上是足料之作。不過，這一個足料是以菜為主。有超多的菜，有足夠的紅蘿蔔同牛肉。少少辣，味道既甜又酸。可以說是一個有足夠水準既羅宋湯。仔仔點的，是紅酒汁牛扒。一看，就知道這是傳統港式的瑩光汁西餐。厚切的港式牛扒，肉質夠腍，吃入口亦沒有那些化學的鬆肉粉味道。汁的味道好，也夠多，給了少少女兒來伴飯吃，看得出也食得開心。餐廳的素食選擇，除炒粉麵之外，就是這咖喱雜菜飯。這兒標榜的，是海南咖喱。相信，就是馬來西亞的咖喱，所以口味是比較辣的。而這一個咖喱雜菜內的菜真的是很雜，太太數了，應該有超過五種不同的菜在內。香口好味，惟是比較辣。我點了一份海南雞，再因小妹要求，我轉了雞蛋湯麵而不要飯。雞蛋麵的湯底很好，蛋也夠香滑。海南雞看起來好像很粗糙，但吃入口也夠香口的，嫩滑程度就不及那些海南雞專門店了。那天因為找餐廳而行到身水身汗，所以大家都要一杯凍飲品。凍奶茶，凍檸茶都沖得非常好。奶茶味夠濃香，奶味也是十足的，而入口亦帶有絲滑的感覺。檸茶的茶味同檸檬味很均勻，而且兩者都好夠凍，消暑良物。簡簡單單，要求不高的話，這《炳記冰室》算是食得過架。至於同之前叫《炳記西餐廳》時比較....以我的記憶，門面其實沒有變；也以我的資料搜集，《炳記冰室》同《炳記西餐廳》，其實都係同一間野，沒分別。
继续阅读