点心代表 (已結業)

繼蠟筆小新點心之後今次到emoji點心😝😱🤗是日心情蝦餃🦐($45)餃皮偏厚，但蝦肉餡算爽口彈牙。正呀喂蝦餃 ($49) 上面貼咗emoji公仔，不過貼得有啲馬虎走哂樣😅 蝦肉大粒調味不錯。食上癮蛋撻 🥚 ($39) 撻皮厚亦唔鬆化，中間嘅曲奇有啲硬。朱古力炸便便饅頭💩 ($35) 呢個設計見到真係講咗一句：咁都得？🙈 炸饅頭朱古力味唔重，中間唔算軟熟，淋上煉奶，並以米餅墊底，配搭有啲奇怪。反而覺得火星系列嘅點心實在啲，另外菠蘿特飲($49)都唔錯🍍

同女朋友行行下見到咁多得意公仔, 就緊係要入去試試喇!!餡料是好立克口味，夠特別之餘店家更保證「唔流包換」，記得趁熱食啊。正呀喂燒賣 : 餡料用上了原隻加拿大帶子、手剁本地豬肉及越南原隻大蝦，非常足料！ 涼浸浸柚香茶凍 $39以錫蘭紅茶、鮮柚子肉打造，配以芒果味雪糕和emoji表情糖霜餅乾，賣相吸引！朱古力味手造饅頭用糖霜畫上眼精，底下的是燒米餅和煉奶，口感豐富。原塊香脆豬扒、超賣樣日本煎蛋加上五穀米炒飯，絕對是飽肚之選！

*座位安排失當*因為我自己早到及朋友已訂位，所以先到餐廳拎定位等朋友。一去到先報上朋友已訂台，後門口小姐說到樓下轉左。到達地庫，先有一四眼哥仔問：3位？指著男廁門口叫我坐低，我拒絕！因裡面還有很多位，點解要我地坐廁所門口？之後佢話裡面全已訂座！轉要我地坐女廁及倉庫門口！朋友們到了，一疑似高層即問幾位？我地答3位。咁就帶我地入左葵卡位坐，我問剛才唔係話訂晒，所以唔比入？佢話：以為我係買外賣，所以冇安排坐裡面！！！即點？一入來就講明已訂台，咩買外賣？ 本已經火火地。。。朋友都到左，原想算啦！食野啦！*食物質素差及與價錢不相符*食物價錢偏貴，食物質素味道差，勁敷衍！*總結*冇下次，外加黑名單！！

今晚與家人一起吃飯，就找個方便大家的地點吧！小妹其實知道這家點心代表開了一段時間了，當時以Little Twins Star為是，給我的感大多都是好看不好吃，而且多數適合小朋友來吃。但由於最近得悉有朋友到訪過，評價不錯，就姑且試試啦！ 到了店外，主題已換成蠟筆小新了。店內呈長形，地方很大，感覺像間Cafe，亦充滿了小新裝飾。今晚人流很少，只有四五枱客，我想應該星期六日會相對旺。 先點蛋酥叉燒包($45)，賣相已經萌爆！脆皮的叉燒包上面放上一塊暖暖的芝士，還有可愛笑面，賣相100分！而包的温度夠熱，餡料味道有水準，包的外皮更是香脆，得！ 點了廚師推介，古法咖喱安格斯牛肉飯($79)，咖喱味道則屬一般，不夠香濃，而且還很辣，但牛肉就有驚喜，重牛味，肉質鮮嫩彈牙，果然是安格斯，好味！ 木乃伊尖椒($39)，鬼馬做型，其實是以脆絲包著蝦膠釀尖椒，眼睛是白色粉糖，再點了黑色作眼珠，都蠻花心思呢！尖椒新鮮，蝦膠鮮味，炸得不油不膩，好味！ 春風得意腸($39)，有點像炸両，以薄薄的腸粉皮裹著蝦春巻，鮮味惹味！ 其中一個小妹至期待以久的點心來了，屎朱古力流沙包($39)，就是貪其噱頭夠重口味！又是一

一家四口急急腳係中環搵食，比蠟筆小新個樣吸引左入去，假日唔駛排隊一味貪快，小朋友又貪得意。叫左八樣野先夠飽，先黎個招牌朱古力流水飽，小朋友一咬就食到成褲係😖仲要啡色，好惹人懷疑。完全無機會食，之後黎碟腸粉，唔夠熱，普普通通旨在填飽個肚，最好食都係碟乾炒牛河，最正常，但份量少，一人幾條就食完。其餘點心蝦餃、奶皇包、蛋鐽都唔好帶有希望，抱著小朋友開心就足夠的心態就好了。總結：貪得意既野，試過一次就算😫

見佢有全單7折優惠 兼小新做主題就試一試佢。。心諗唔食得都睇得啊。。又可以影相📸點知出乎預料嘅好味。。叫左5樣野食加杯特飲 埋單240。。抵😋👍🏻先係菜苗餃，皮薄入口好滑，包係入面嘅蝦仲好新鮮，好爽口，朋友大讚兼想encore💋再黎就係 蛋蛋流沙包，包面印上表情樣，見到就好想試，一咬落去，正。蛋汁即流出黎，仲有咸蛋粒粒，掂啊！必食啊！提提大家，入口小心，因為粗心嘅我，心急一咬就辣親自己個👄跟住就係 菠蘿炒飯，賣相唔錯，最中意隻雞雞嘅裝飾🐔，飯面亦有肉鬆，入口味道都唔錯，不過雞粒就有小小鞋口，另外食到底就濕濕地，應該係焗到菠蘿出水。🙈 仲有 白胡椒豬肚雲吞湯，本人最❤️。中意佢夠熱，入口好辣，辣到落喉嚨，但好快就冇野，而且唔覺係味精湯，重點有4粉雲吞係入面，雲吞都好爽滑，湯渣仲有酸菜同豬潤，yummy，我飲到見底啊🤣😂之後就到椰皇燉奶，賣相有小新大頭，最岩影相，但食落有椰香味不過唔太滑。一般般咋。。最後亦係最差嘅桃味特飲，不過又係影相一流，因為會有小新個hit嘅形狀嘅jelly 係面，仲可以拍到震騰騰嘅video。post ig呃like岩晒，不過飲落太淡，飲hot water仲好。。Sh

So I will start with describing the place, it is easy to find and on the main street. It is 2 floors underground, so away from the noise and the heavy traffic views outside. The place is hosted by a great lady who speaks very good english and will take you to your reserved seats. The ordering system is through marking on a menu, so you could tick mark on a menu and the menu is also printed in English. I would say the experience of the place is amazing. You would see the seats are ergonomically m

雖然主題款式不多。但食物質素不錯。流心系列都可以做到流心。因為並不是間間都有。而且分量足夠。因以好多餐廳出品的飯類偏少,但這間足夠。而且店員細心問每枱客人食物質素,十分欣賞👍店舖佈置亦切合主題,牆上掛畫令人想起很多小新特別情節。👏👏

世紀位處中環心臟地帶，樓上啲食肆向來迫爆，今日誤打誤撞落左嚟，發現咁多位嘅.... 即時諗緊係咪中左伏點心有signature嘅小新款式/蛋蛋家族/火星系列，同埋都有一般點心嗌嘅。不理不理左衛門奶黃流沙包，唔係睇開小新漫畫點會識佢？？兩隻造型係幾好，成品穩定唔走樣，不過索價$49兩隻（仲加一架喎）流沙餡唔夠咸香，但個餡質地係ok嘅，熱辣辣流出嚟。安格斯牛肉腸，腸粉皮好厚，包住生菜絲同牛肉，啲牛肉勁似打邊爐啲肥牛，唔係話唔好食，但冇乜腸粉嘅感覺。炸雲吞，樣又唔係特別吸引，兩粒眼係糖嚟，唔會食，包法卷埋再摺埋，變左個皮幾層一齊食，皮還皮餡還餡，唔夠一般包法咁鬆脆。仲有炒左個飯，好普通，$69大大碟食得飽咁解。值唔值真係見人見智，如果係小新fans嘅話，為影相純啅頭係ok嘅，一人食百幾二百蚊啦。如果為飲茶/食點心嘅就唔洗嚟呢度，正正經經揀間酒樓好過😌

一直都好想去呢間以卡通人物為主題的點心餐廳，只是次次都冇位，等到而家先有機會去試。一入門口見到好大個小新棟左O係度, 好似去左兒童樂園咁.今次我地點左好多好吸引的點心. 其中幾樣真係幾精緻同好好味如果係帶一D鍾意小新的小朋友黎, 一定會好開心呢~(PS. 唔知而家D細路仲係唔係鍾意小新)一睇MENU見到呢個小新包, 諗都唔諗就點左了, 是朱古力流心, 又鬆軟又好濃朱古力味, 正呀!之後當然不少得燒賣啦, 好CUTE蝦餃同埋菠蘿特飲, 個特飲好正呀~原個菠蘿上, 是新鮮菠蘿打出黎的SMOOTHE,好好飲呀!仲有呢個好可愛的小新瞓覺腸粉加多個菠蘿炒飯就夠飽了哈~仲有春卷都好脆最後都係點多左個鮮奶撻~

可愛系同事假日也不放過小人，硬邀往下午茶吃公仔點心，事實上小人並非太好此道，但見誠意拳拳，唯有頂硬上。遠遠已望到餐廳外有大大個蠟筆小新，非常趣致，店內放置很多小新供拍照，同事已是興奮莫名。小人之前吃過的公仔點心，都是做到立體的，豬有豬形、兔有兔形、雀有雀形，故此乍見這兒的點心，即覺得有點hea囉，都是一些點心鋪上平面的小新系列人物麵粉皮，比起來某些咖啡店的拉花公仔更見手工。話說回來，豬樣的是不理不理流沙包，另外三件裝的是小新 & friends牛奶流沙包，基本上是同樣的物體，流沙亦同樣地少，食味不會太甜，可以接受。還有小新 & 小白松子百合包，至少未在其他餐廳食過，淡淡的吃到百合的鮮味，頗特別。假若這對情人蛋撻是比喻一段愛情的話，那委實太平淡似水了，事關兩件齋撻，竟可以達至差不多無色無味的境界，廚房好像連糖都忘記了放。更吊詭的是蛋撻以生菜墊底，真是聞所未聞、見所未見……太高了，恐怕小人未達化境，不懂欣賞。或者不該只集中在小新點心上，或許會有更好的感受。

公司飯局食到悶悶地，今次開年飯我揀了這間點心代表，等老細請。(嘿嘿)老實說，蠟新小新比之前的little twin star更吸引我。而且好處是，即使有人遲到，其他人也可會忙著拍照而不覺得等得久了。這裡由門口到室內佈置到食物都是蠟筆小新的樣子。看看菜單，貼心的是有圖片可參考，很難會叫錯。但點心價格相當貴，還好是老細請客。情人蛋撻($35)粉紅色的撻皮都頗脆，中間是蛋白，面頭加一張小新和小葵的麵粉紙(可以吃)，其實冇咩特別，甚至可以話：無咩味。小新& Friends牛奶流沙包($49)來到這間店必點的是流沙包，馬上拎阿呆來戳穿個洞，幾經辛苦搾壓之下才搾出少少餡，裡面不夠飽滿，而且味道也無太大驚喜。只是過程依嘩鬼叫幾開心。不理不理左衛門奶黃流沙包($49)等於是牛奶流沙包的奶黃餡版，但是豬仔的眼眉是歪的，完全是毀了容的樣子。小新XO醬炒蘿蔔糕($69)只是加了一張黃色紙包著碟邊，幸好裡面的蘿蔔糕炒得頗入味，配有芽菜。黑松露野菌餃($39)這餐覺得最好吃的居然是一款完全沒有小新樣的點心，黑松露香味濃郁，中間有翠玉瓜爽脆有咬口，相當美味。這個推介！朦朦豬蝦餃海鮮腸粉($49)其實是一塊蝦餃拼上

有個外國朋友唻香港，想帶佢食啲得意嘅中國嘢，最好就係飲茶，有代表性又可以慢慢坐傾下計。香港友人介紹呢間得意主題餐廳，book好枱，一行5人唻到中環呢間點心代表。來到時是早上11點，時間尙早唔算多人，但被安排坐卡位加一張櫈，卡位有啲窄，因為我老公大人算高大，對腳坐得有啲辛苦。 服務人員唔夠細心，大把吉枱都唔比另一張枱我哋！各人點咗嘢飲，爸爸啤酒同桃味啤酒頂部的泡沫其實係沙冰，同我哋係日日麒麟啤酒廠飲嘅一樣，好味！ 另有桃味特飲ok，但朱古力特飲則較甜。另點咗好幾款點心，得意之餘，都幾好玩同好笑。 另叫咗雞亦、叫咗菠蘿炒飯同肉絲炒麵，味道尚可。 總括而言，食物水準ok，但外國朋友覺得好玩，有别於一般中國飲茶。

早排推出左蠟筆小新主題 有啲好療癒 有啲玩味十足 真係頂小新吾順 但又帶俾我地好多歡樂 我諗大家都有同感 價錢中等 造型可愛 味道吾會hea你 之前朋友去過食都推介俾我 今次小新主題令我忍吾住去朝聖一下酒控既我一泥嗌左兩杯Kirin一番榨既啤酒早前美麗華既store miss左 估吾到係点心Icon飲得到 啤酒配點心一大突破媽媽櫻花味啤酒/爸爸啤酒 $69 啲泡好挺身 連泡都有淡淡啤酒味同香氣 同埋櫻花味都我都幾鍾意 易入口過爸爸啤酒 吾怪得媽媽飲到紅都面晒 同埋都幾大杯不理不理左衛門奶黃流沙包 $49一督個鼻子 就流晒鼻水了 個流沙奶黃 都重蛋黃味既~ 加上造型可以 滿意收貨!大象朱古力流沙包 $49平時見奶皇流沙見得多 依個係朱古力流沙 流沙程度不容小覷 勁多餡 玩完仲大把餡係入面 但包可薄一啲

標榜萌爆廣東點心嘅「点心代表」早排推出多款蠟筆小新「心點」，除咗有小新出現之外，仲有小新屋企人，美冴、廣志、小葵同小白，同埋一班好朋友，正男、阿呆、妮妮，Aminn趕到尾班車去探探野原家！ 餐廳環境貫徹主題，由門口開始已經鋪天蓋地係蠟筆小新蹤影。無論係掛畫定係玻璃貼紙全部都係小新同朋友仔嘅蹤影，成間餐廳都係打卡位！ 一坐低見到本Menu成本漫畫咁精美！點心仲分成「搗蛋篇」同「被打篇」，好過癮囉！ 重口味嘅Aminn當然要玩下点心代表嘅超萌蒸包，另外仲點咗幾樣點心麵食，其實点心代表真係賣點心架！ 不理不理左衛門奶黃流沙包($49) 用筷子拮穿不理不理左衛門鼻哥窿，豬仔仲會流鼻。。。最啱post相呃like！ 大象朱古力流沙包($49) 朱古力流沙餡好有香濃朱古力味，同中式蒸包就唔係好夾混，不過有小新嘅小笨象同裸背，今次媽媽一定唔會發嬲嘅！ 点心代表嘅點心以即叫即做，確保客人可以品賞到最新鮮嘅美味，另外將潮流加入菜單，打造新派點心，Aminn仲點咗鮮蝦菜苗餃($29)、安格斯牛肉腸($39)、乾炒安格斯牛河($69/只限中環店)，估唔到喺中環用呢個價錢都飲到餐茶，而且兩款安格斯牛點心都無