為食仔海鮮火鍋專門店

营业中

休息中

其實卜卜蜆都hit咗一段時間不過一直都未試過今日同男朋友終於去食係有得揀辣度我哋就叫咗小辣之後店員好快就將一鍋蜆送上嚟之後等咗一陣啲蜆就開晒啲蜆好新鮮全部都冇沙而且個湯都好夠辣所以非常之鮮味之後我哋仲叫咗一啲配菜呢度仲有近江牛所以我哋就叫咗邊抓脂肪分布好靚而且都好有口感之後我哋仲叫咗四寶丸每一粒都彈牙同埋好大粒充滿着鮮味之後仲叫咗油麥菜我覺得同個湯底非常之夾最後我哋仲叫咗個鵝肝蝦丸都幾特別入面真係有鵝肝嘅同埋不得不提佢哋嘅沙冰非常之消暑解渴

為食仔為於黃店林立既白布街，蜆同雞煲都好出名。於是今日同屋企人嚟試吓。首先需要讚嘅係佢衛生措施做得好足，入門口前會量體溫，派發膠袋比客人裝口罩，門口仲有酒精搓手液提供。食物方面，叫咗蒜香蜆煲，啱晒唔食得辣嘅朋友。喺店員熱情推介下，叫咗池板牛肉，識落新鮮，肉質軟熟，的確唔錯！我地仲叫咗黑松露芝士丸，芝士流心超正！最後，想同大家大力推薦佢嘅飲品。我叫咗$38嘅有子沙冰同菠蘿沙冰，唔單只係用新鮮果肉整成，夠晒口感，仲好fresh~

今晚同朋友去了旺角食飯，去了白布街食雞煲，這間餐廳有多款卜卜蜆煲，有辣有唔辣。枱面有幾款醬及葱等，亦有XO醬。我們點了一個18禁卜卜蜆雞煲，試了中辣，蜆肉鮮甜，但有幾隻有沙，雞件嫩滑，辣度都幾厲害，不過辣得夠香又惹味。之後加了雞湯打邊爐，叫了個黃金炸響鈴，十分邪惡，響鈴表面淋上咸蛋王醬，浸一浸湯就食得，咸蛋王蛋香味十足，響鈴香脆。珊瑚蚌碌一碌就熟，入口爽脆。好彩有個咸檸7，因為雞煲都幾辣，檸7正好減輕辣味感。

好耐無食過卜卜蜆煲 好掛住所以今日去左出名食卜卜蜆煲既為食仔👅 人流都唔少 都算坐無虛席架👍🏻坐低店員會先安排醬料 有我鐘意既麻醬同XO醬 點卜卜蜆同牛肉都好正😚 到蜆方面 我地就試左個18禁卜卜蜆煲 揀左小辣 個人覺得都算幾辣 不過非常惹味🤤 蜆既份量超多 大大隻好新鮮甜美 99%都開哂口 食蜆都食飽😋食到咁上下 我地都揀左d火鍋配料打邊爐 唔好浪費左咁鮮甜既湯底🥳 係店員介紹之下我地試左滋賀縣近江牛既邊抓部位 仲有黑松露鮮蝦餃同蛙蛙菜😊 之前我地都無試過邊抓 一試果然難忘丫🤩 邊抓係肋骨 包圍住牛腩既肋肉 脂肪相對上比較多 所以食落特別香 又好重牛味 一食就知係靚牛👍🏻👍🏻 黑松露鮮蝦餃大6粒 好大粒 黑松露味好濃 仲有爽口蝦肉 高質素好味道😋飲品方面 我地飲左菠蘿沙冰同柚子沙冰 配卜卜蜆煲真係一流 用鮮果肉打成 真材實料又解辣😍 呢到9:30後卜卜蜆只需$98 仲要係無限時任食😱 服務態度非常好 唔怪得咁多人泥食啦🌟

由於鍾意食辣嘅緣故，所以揀咗為食仔嘅卜卜蜆試一試，蜆煲比想像中更加大煲，而且湯底越食越辣，越辣越過癮，淨係聞都已經有刺鼻嘅味道，不過粒粒蜆都脹卜卜，味道鮮甜，食落仲唔會有沙。yummy！食完蜆之後，我哋都叫啲火鍋配料嚟食，有牛肉、芝士蝦丸、黃金炸響鈴等等😀芝士蝦丸咬落好彈牙，而且裏面嘅芝士味道好香😋而黃金炸響鈴上邊就佈滿左鹹蛋黃，響鈴好吹口，加上鹹蛋黃嘅味道，識落更加有層次，好想再encore啊！😍

分享下一則不愉快經歷，我都唔介意講係22/5晚去食。上菜食完發現有曱甴，諗住唔好搞到人做生意我就唔張揚，淨係細細聲叫個疑似老板娘既人收返。佢過一陣行過黎我以為佢會講句唔好意思，點知無都算仲要原來係趕我走(仲有5分鐘先夠1.5小時)。唔係話貪你一句道歉，但個感覺唔係幾好。加上中間點左一罐普通汽水，有個侍應同我講10蚊咁ok啦都正常價，但最後個疑似老板娘行埋黎同我講話要18蚊。總之食完成個體驗係覺得，嘢食ok但處理對客既問題就感覺好差下。下次仲去唔去? 會由一定變成抱有保留。純粹分享。p.s. 門口帶位男人就識做好多

打邊爐，來來去去都係選湯底，今次我地食呢間為食仔，佢地主打卜卜蜆煲，重有啲時段係可以無限加蜆，勁抵食，打家去之前，可以打電話去book位同問埋個優惠😀一入到餐廳，店員會為我們雙手消毒，又會向地氈噴上消毒藥水，讓我們鞋底也消毒。，非常細心👍🏻每一位客人都會獲贈一杯柚子蜜，開餐前先暖一暖個胃。我地選擇左一個卜卜蜆雞煲，味道吾會太濃，辣度選擇了小辣，非常好味。而且佢地啲蜆，好大隻，一啖一隻都可以👍🏻食完咁好味既雞煲同蜆，就加入上湯，開始打邊爐。我地叫左一碟封門柳，鵝肝蝦丸同埋西洋菜，重叫左兩杯特飲，柚子沙冰同埋波蘿沙冰。封門柳好重牛肉味，鍾意食牛既我，啱晒👍🏻 下次重想試埋特級牛頸脊😍鵝肝蝦丸 新鮮彈牙嘅手打蝦丸包住鵝肝粒，令蝦丸多左一重鵝油香西洋菜吸收上湯精華，分外好味，重有少少辣，非常野味👍🏻一路食，覺得辣都吾緊要，佢地啲沙冰，係加入左鮮果，好味得黎又有少少解辣。柚子沙冰可以食到柚子肉，果種感覺好清新，菠蘿冰係用新鮮菠蘿打成沙冰，爽呀👍🏻如果大家都想食卜卜蜆火鍋，都快啲去為食仔試下啦，記得先book 位同埋問下有咩優惠

同朋友兩人光顧 朋友訂左位7:307:20左右到門口 19:2x落單 19:45分個蜆煲黎到 20:00已經比員工（提示）要食快啲 因為舖頭好旺 會爆場 所以要食快啲 20:26分 再被提醒就夠鐘🤗兩人幫襯大約$800 未夠1個鐘就被（提醒）感覺唔好受 光顧左5 6次（以往同朋友5-6人坐房 ）第一次感覺咁差 如果同朋友聚會 要慎重考慮🙂因有時間限制 會被提醒夠鐘要離開

呢間為食仔海鮮火鍋專門店，每次路過都見到排長龍， 原來有荀野，晚上九點半前有$1一隻甜蝦，九點半後又有$98一位的任食卜卜蜆，今晚我都為左任食特價卜卜蜆而來。先奉上醬料，全部用小瓶子裝著，蓋好蓋，保證衛生。每人裝了適當份量後，職員便會收走。醬料費每位$20,值得一讚的辣味的xo醬，配蜆食超好吃，有小蝦乾，很香很惹味！要先吃完卜卜蜆才煮其他火鍋配料，因為蜆肉煮完後令湯底十分鮮甜，也不要太快加湯，吃完第一輪卜卜蜆殼後，再品嘗一下湯的鮮甜味道。蜆肉很新鮮大隻，不是迷你蜆，幾乎全部都煮得開口，而且無限添加，任食就是超值！愛吃蜆的話，最少也能加添三、四份。 喜歡這裏招呼週到，不時過來看看gas 爐有沒有火，幫你換gas, 又主動問你需不需要加蜆，真誠服務不造作，食都食得開心。加了一份池板牛肉$298,是這裏最高級的牛肉，見到牛肉脂肪紋理分佈很均勻，在鮮甜的蜆湯裏面煮一會，牛肉味香之餘，也吃到湯底鮮甜味。再點醬料，增加香味和鹹味，口感又爽口煙韌，真的不錯。為了減低罪疚感，點了一份生菜$29,吃得營養均衡。很驚喜的是，生菜在蜆湯煮完甜上加甜，超好吃，又爽口！而且生菜份量不少，是吃卜卜蜆必點的配料。還

食物味道可以 蜆好味 牛$200碟 好薄 切到好細片 好似係食過咁 價錢可以 其實叫餐禮貌都可以 就是 臨尾不停有被cher住 不太舒服 都就走架啦 都要戴口罩執袋走架 cher到我急步走咁 咩事

今日又到訪黃店，見到他們有我最愛的卜卜蜆煲，當然要試一試！店家說小辣適合一般吃辣者，愛辣要吃中辣，有意挑戰不妨點大辣！我只點了中辣，吃到一半就有點後悔了店家除了進店前要量體溫外，還有酒精消毒液，而且樓上的間隔甚寬，大房細房一應俱全我們坐在一個二人位，點了一個卜卜蜆煲（$178）接著才發現原來21:00後$98就有卜卜蜆任吃，難以置信的價錢！中辣的卜卜蜆還真的有點哽，有點考起我這嗜辣之徒，吃到一半還要去油，果然名不虛傳！蜆肉也絕不馬虎，軟滑兼煙韌，口味非常重。辣得我要點一瓶飲品解解辣特級牛頸脊（小）$228以價格來說算滿大碟了，入口鬆化無筋，肉味也濃，性價比頗高黑松露蝦餃 $88非常重的松露味，蝦仁帶彈牙口感，唯一不夠好是煮完會有點咸，因為湯底本身味道已經滿重的四寶丸$78牛丸 蝦丸 墨丸 豬丸各具特色口感跟味道，這價錢滿抵吃的醬料費$10，還不算貴，值得再訪

週末晚約咗兩位好友出嚟聚一聚，揀咗嚟為食仔食卜卜蜆，貪佢九點半後有優惠價任食卜卜蜆，非常抵食。入舖頭之前店員會先喺店外為食客探熱，並提供酒精搓手液同放置口罩用嘅膠袋，仲提醒我哋餐廳內已經用納米光觸媒全面消毒過，令人感覺安心。除咗餐廳主打嘅卜卜蜆煲，仲有雞煲、海鮮鍋、水煮魚、雞煲翅同清湯鍋底，選擇豐富。另外最令我驚喜嘅係牛類嘅選擇亦非常多，除咗一般常見嘅和牛、安格斯牛同本地牛之外，仲有池板、封門柳、邊抓同腩底等刁鑽嘅部位。本來想挑戰下18禁卜卜蜆，但其中一位朋友唔係咁食得辣，所以最後我哋揀咗咸菜豬肚卜卜蜆煲，份量好多，而且蜆都幾大隻，唔係我哋想像中嘅細粒蜆，好足料。店員非常好，不時為我哋翻動卜卜蜆，提醒我哋蜆一開口時食最鮮嫩，更不時為我地清走蜆殼，服務滿分！蜆肉非常鮮味，啖啖肉而且冇沙，配上鮮濃嘅咸菜豬肚湯底，非常過癮。本來想點嘅池板已經冇哂，於是我哋揀咗邊抓，邊抓係喺牛肋骨附近包圍牛腩嘅肌肉，雖然望落脂肪多，但食落爽口冇油膩感，而且牛味重，非常優質。手打蝦丸加入黑松露，絕對落重本，味道亦自然冇得輸，而且口感彈牙，非常有驚喜！油麥菜新鮮翠綠，而且份量足。菠蘿沙冰大大杯，近乎滿瀉，飲落味道

呢段時期真係好想去打邊爐，但係又驚唔衛生唔乾淨！今晚🐽🐽帶我去呢間火鍋店就好講究衛生。我都食得好放心！招牌卜卜蜆煲（蒜蓉味）嘩呢個招牌卜卜蜆煲好多蜆！啲湯好鮮甜！😋😋😋牛封門（近江牛）我都唔知道牛封門係牛既咩部位！只知道食落牛味極濃又香甜！之後🐽🐽問番店員先知係控制牛橫隔膜既肌肉！咁下次識叫啦😆鯪魚釀冬菇呢個幾特別！所以叫來試吓！鯪魚肉幾彈牙個冬菇鮮甜😋😋😋蓮藕片新鮮爽口我至愛！仲好有益tim!自家制柚子蜜好味😋

一人一鍋係幾抵食，要叫多配菜自可以無限refill蜆，咁我叫左個豬紅......都幾失望...仲差過街市自己買...希望老闆都可以提升下配菜質素，淨係個蜆好食唔夠架......另外樓上一樓環境好逼，坐到好唔舒服...服務態度OK..個哥哥都幾勤力同我解釋！呢點值得抵讚，而且睇落防疫工作都做得好夠！可惜好多死蜆，好多隻滾左半個鐘都唔開蓋😂😂😂😂希望可以改善下..明白始終任refill質素難以保證🙏🏼

最辛苦工作嘅一日，就當然要慰勞自己啦， 咁我就同朋友一齊去呢一間為食仔度食火鍋。 其實呢一間嘢係朋友介紹，佢事先已經訂咗位咁我朋友介紹， 咁當然信佢 ，因為佢係食家。 裏面環境都尚算寬敞，都好似一般嘅火鍋店咁樣，咁其實坐得舒舒服服就ok啦。麻辣雞煲： 呢個麻辣雞煲我覺得佢啲雞都算幾滑，而且我淨係嗌bb辣，已經覺得啲辣嘅味道都唔錯。 辣味恰到好處而且啲雞都幾滑再加埋其他配菜例如有洋蔥加埋啲蒜頭 ，夾埋嚟食自己、已經覺得好好味，所以其實都唔需要點其他醬料。黑松露鮮蝦餃: 食完個雞煲，我哋就用清湯嚟打邊爐， 大概煮五至七分鐘左右，啲餃其實都已經可以食，呢個餃我覺得都幾好食， 因為啲蝦幾爽口，加咗少少豬肉，而個主角就係啲黑松露，味又香食嘅都食到有黑松露味，感覺非常良好，如果鍾意食黑松露嘅朋友可以試下。芝士墨魚丸： 呢個芝士墨魚丸，墨魚都幾爽 同埋食丸都知道鐘意大大粒，感覺上啲丸都幾彈牙幾爽口，大家可以一試。牛邊抓: 真係第一次食呢個牛邊抓 ，先知道原來係近肋骨位置， 佢呢個牛肉冇乜肥膏 ，但係見到佢好似有少少食到有啲牛筋嘅位置感覺相當特別，而且味道亦都有特別嘅牛味。 真係嘅，你要食過先知道嘅味