為食仔海鮮火鍋專門店

营业中

休息中

週末晚約咗兩位好友出嚟聚一聚，揀咗嚟為食仔食卜卜蜆，貪佢九點半後有優惠價任食卜卜蜆，非常抵食。入舖頭之前店員會先喺店外為食客探熱，並提供酒精搓手液同放置口罩用嘅膠袋，仲提醒我哋餐廳內已經用納米光觸媒全面消毒過，令人感覺安心。除咗餐廳主打嘅卜卜蜆煲，仲有雞煲、海鮮鍋、水煮魚、雞煲翅同清湯鍋底，選擇豐富。另外最令我驚喜嘅係牛類嘅選擇亦非常多，除咗一般常見嘅和牛、安格斯牛同本地牛之外，仲有池板、封門柳、邊抓同腩底等刁鑽嘅部位。本來想挑戰下18禁卜卜蜆，但其中一位朋友唔係咁食得辣，所以最後我哋揀咗咸菜豬肚卜卜蜆煲，份量好多，而且蜆都幾大隻，唔係我哋想像中嘅細粒蜆，好足料。店員非常好，不時為我哋翻動卜卜蜆，提醒我哋蜆一開口時食最鮮嫩，更不時為我地清走蜆殼，服務滿分！蜆肉非常鮮味，啖啖肉而且冇沙，配上鮮濃嘅咸菜豬肚湯底，非常過癮。本來想點嘅池板已經冇哂，於是我哋揀咗邊抓，邊抓係喺牛肋骨附近包圍牛腩嘅肌肉，雖然望落脂肪多，但食落爽口冇油膩感，而且牛味重，非常優質。手打蝦丸加入黑松露，絕對落重本，味道亦自然冇得輸，而且口感彈牙，非常有驚喜！油麥菜新鮮翠綠，而且份量足。菠蘿沙冰大大杯，近乎滿瀉，飲落味道

呢段時期真係好想去打邊爐，但係又驚唔衛生唔乾淨！今晚🐽🐽帶我去呢間火鍋店就好講究衛生。我都食得好放心！招牌卜卜蜆煲（蒜蓉味）嘩呢個招牌卜卜蜆煲好多蜆！啲湯好鮮甜！😋😋😋牛封門（近江牛）我都唔知道牛封門係牛既咩部位！只知道食落牛味極濃又香甜！之後🐽🐽問番店員先知係控制牛橫隔膜既肌肉！咁下次識叫啦😆鯪魚釀冬菇呢個幾特別！所以叫來試吓！鯪魚肉幾彈牙個冬菇鮮甜😋😋😋蓮藕片新鮮爽口我至愛！仲好有益tim!自家制柚子蜜好味😋

一人一鍋係幾抵食，要叫多配菜自可以無限refill蜆，咁我叫左個豬紅......都幾失望...仲差過街市自己買...希望老闆都可以提升下配菜質素，淨係個蜆好食唔夠架......另外樓上一樓環境好逼，坐到好唔舒服...服務態度OK..個哥哥都幾勤力同我解釋！呢點值得抵讚，而且睇落防疫工作都做得好夠！可惜好多死蜆，好多隻滾左半個鐘都唔開蓋😂😂😂😂希望可以改善下..明白始終任refill質素難以保證🙏🏼

最辛苦工作嘅一日，就當然要慰勞自己啦， 咁我就同朋友一齊去呢一間為食仔度食火鍋。 其實呢一間嘢係朋友介紹，佢事先已經訂咗位咁我朋友介紹， 咁當然信佢 ，因為佢係食家。 裏面環境都尚算寬敞，都好似一般嘅火鍋店咁樣，咁其實坐得舒舒服服就ok啦。麻辣雞煲： 呢個麻辣雞煲我覺得佢啲雞都算幾滑，而且我淨係嗌bb辣，已經覺得啲辣嘅味道都唔錯。 辣味恰到好處而且啲雞都幾滑再加埋其他配菜例如有洋蔥加埋啲蒜頭 ，夾埋嚟食自己、已經覺得好好味，所以其實都唔需要點其他醬料。黑松露鮮蝦餃: 食完個雞煲，我哋就用清湯嚟打邊爐， 大概煮五至七分鐘左右，啲餃其實都已經可以食，呢個餃我覺得都幾好食， 因為啲蝦幾爽口，加咗少少豬肉，而個主角就係啲黑松露，味又香食嘅都食到有黑松露味，感覺非常良好，如果鍾意食黑松露嘅朋友可以試下。芝士墨魚丸： 呢個芝士墨魚丸，墨魚都幾爽 同埋食丸都知道鐘意大大粒，感覺上啲丸都幾彈牙幾爽口，大家可以一試。牛邊抓: 真係第一次食呢個牛邊抓 ，先知道原來係近肋骨位置， 佢呢個牛肉冇乜肥膏 ，但係見到佢好似有少少食到有啲牛筋嘅位置感覺相當特別，而且味道亦都有特別嘅牛味。 真係嘅，你要食過先知道嘅味

夜晚同朋友嚟呢間餐廳打邊爐，我諗應該係家庭式經營嘅，而且好有禮貌，所以都印象幾好。我哋叫咗雞煲一個，加鮑魚、花膠、牛，同埋白菜。兩個人呢個份量其實真係好飽同埋食得好足。其實我都聽講呢間餐廳嘅蜆係幾出名，所以其實我想食蜆煲，不過我朋友堅持要食雞煲咁就試吓啦。但係呢個雞煲都真係冇令我失望，因為我本身都幾鍾意食四川嘅麻辣，我地叫左少少辣，再加埋鮑魚，我覺得真係冇黎錯。之後店員有介紹我哋食花膠同埋牛，牛又真係幾薄，所以唔會好難咬；而花膠都係好味。而值得一提嘅就係呢間店有買一隻韓國嘅米酒，真係好好飲，我唔知道邊度有得買，喺呢間店飲完之後都好想買返去屋企飲！其實食雞煲家咁多嘢，係真係有啲貴，如果俾我客揀下次我會黎食蜆煲，因為過左某個時間（好似係9點）可以任食，仲平好多！！唯一美中不足嘅就係我覺得啲燈光有啲暗，餐廳裝修唔係好吸引，但係如果幫襯開嘅都知道佢嘅質素係唔錯，我諗都吸引到客人嘅！

專登留定肚終於搵到日9:30pm可以食佢既 $98蚊無限添加蜆，我認我係滿心歡喜雀躍。因為我期待已久😂😂對唔住😂😂就連肥仔都話我失禮死人😂😂 期實佢既蜆鍋湯底都有好多款，睇到人眼花撩亂。不過肥仔同我都覺得還是最簡單最好 。要佢地既招牌卜卜蜆鍋，湯底好簡單，有D蒜有D酒有D辣椒同埋主角梗係蜆啦😍😍目測個鍋一拎過黎無因為$98蚊呢個價錢而將價就貨 堆蜆肥仔話差唔多都有2斤。由於店員呀姐太熱情。我認我被蜆迷惑了咩都話好好好，店員呀姐話鮑魚新鮮我就好好好要左2隻咁啦（但係都唔係店員呀姐所言既真係好新鮮lol😅um...我當滾個湯底算）同埋叫左皇帝菜，冬瓜，韭菜餃（都ok，不過不失），黃金定流沙蝦丸（食到好重嘅鹹蛋黃味道，肥仔話同個蝦丸唔係好夾情願叫返個普通龍蝦丸算數）等等先...... 蜆煲我覺得一定要叫冬瓜！佢地無好朋友！冬瓜絕對係會好索味架！落埋鮑魚！一煲滾起好香好香好香！等食mode! 相當滋味！一滾起當然飲頭淡湯啦！好鮮甜😍😍！之後梗係唔洗再介紹啦！個湯咁鮮甜蜆如果咁都唔正咁我無野好講！不過我呢又試睇錯野 ！我見到香芋丸！我以為係蟹籽丸d fd，點知原來係甜品！肥仔仲要話我明知你係會錯

今天出旺角做野，搞完就約左朋友去食卜卜蜆之前食已經覺得好新鲜，難得今日去旺角，便介绍朋友一齊來食呢間卜卜蜆火鍋。係門口，店員已好細心，幫我地量體温，再送上一個密實袋俾我地放口罩，入口前提供消毒液俾我地清潔。店内提供一次性餐具戓已消毒餐具俾我地揀，坐低前職員會細心幫我地張椅再消毒一次，消毒功夫做得好足，而且每個鐘清潔一次。店員細心為我地講解同推介食物首先送上一杯柚子蜜，唔會好甜，味道啱啱好，我地叫左招牌卜卜蜆，美國黑豚肉，紐西蘭羊肉，黑松露芝士蝦丸，薯粉同蛙蛙菜。卜卜蜆份量好多，隻隻都好大隻，店員搞啱時間幫我地開蓋，啖啖肉，而且無沙，食完都半飽，個湯都好鲜甜。之後加魚湯做湯底，豚肉和羊肉都好好味，燙一陣就熟，食落去啱啱好，唔會太老，鍾意羊既我覺得羊肉好好味，夠蘇最要推介係黑松露蝦丸，真係超好食，除食落去有好濃既黑松露味外，仲好彈牙。個魚湯太好味，我地叫多個薯粉食，令到我地飽上加飽另外，點左杯咸寧七同酸梅湯，有助消化。總括來説，衛生做得咁足已加曬分，下次同朋友來試下一人一鍋先

好耐無食卜卜蜆啦❤️本身係睇中佢個9點半任食卜卜蜆，不過個日太肚餓，唔理啦直接沖入去食😂😂😂！————————————————————招牌蒜蓉卜卜蜆煲 $168蒜味香濃，但聞落去會濃味過食😆，沙白洗得好乾淨，全部都無沙同開哂口👏🏻，食落鮮味會突出過蒜味，都唔錯😋，下次可以挑戰下辣味卜卜蜆🌶！————————————————————本地新鮮牛頸脊(小) $218靚牛灼幾秒就食得🐂！口感結實，油脂分佈密集，脂肪位較少，肉味濃郁🤤。————————————————————手打蟹子蝦滑 $78平均每舊蝦滑都有兩隻蝦咁濟🦐🦐，好足料，又夠爽口彈牙，推介✅！————————————————————娃娃菜 $29打邊爐最中意食娃娃菜🥬，夠哂甜，吸汁之餘又可以令到個湯底更鮮甜，忍唔住飲左好多啖湯底🤤🤤。

卜卜蜆呀！食過翻尋味！都幾貼心架 提供密實袋比客人入口罩又可以提供即棄筷子同碗 疫情下都衛生啲安心啲另外一入坐就送上柚子蜜好舒服好好飲 可惜無得嗌黎飲 唔喺飲品名單內🙈選擇非常多 要夠人多食多幾次先試得哂😂有開胃小菜同小食 不過今次食蜆煲同邊爐先啦！呢個係咸菜豬肚卜卜蜆煲有胡椒香 非常暖身暖胃 蜆好鮮甜所以成個湯都好咸鮮 一黎忍唔住飲左一大碗，好爽呀！蜆有差唔多3斤 豬肚都好多好大方豬肚彈牙得黎又夠軟 唔輸蜆架肉方面揀左牛就係封門柳喇！姐係牛橫隔膜肌肉，每隻牛只有一條 夠罕有！油花少啲，但肉味好重 濃肉味既朋友必試 真心讚呀！呢個就係鵝肝蝦丸真係揀得好岩 因為真係好彈牙好大粒好鮮好夾呀！蝦膠包住左鵝肝粒鵝肝好香 蝦膠好新鮮 完美配搭皇帝菜翠綠新鮮 好嫩 吸哂湯底無得輸好大一兜 抵食！飲品揀左咸檸7甜中帶咸 好清新 上次試過沙冰都好正食物無可挑剔，服務都係因為啲職員好快手 又有禮貌 會留意住食客既煲洗唔洗加湯 又會幫手清蜆殼碟仲重要係我成餐飯都好涼唔熱 但又無風吹頭頂，原來有原因架！哈哈就係咁喇 擋哂啲風直吹頭頂！抵讚加分！

頂級安格斯肥牛 （大）放入胡椒雞湯卜卜蜆煲 超濃郁好好味😋牛味重 肉質鮮嫩😋😃🤩我哋encore左兩碟😂😂可能因為顧客人數多 所以店舖都唔算好闊落但好有地道風味🤣🤣限時90分鐘 記得預先訂座！價錢黎講唔算平而且佢只可散叫所以大食怪要注意⚠️

一直知道旺角有卜卜蜆可是一直沒有時間來。最近終於記得提早訂位，準時到達，門口有點車位方便泊車。這裡的衛生做得很好，在外面量體溫，又提醒除了進食一定要戴著口罩。最重要是還提供了一次性的口罩袋，又給客人選擇使用一次性或是消毒了的碗碟，很細心！一開始先來弄個自選醬，有蒜蓉、辣椒、蔥、XO醬等。柚子沙冰 $38柚子沙冰很大杯，還要特別用一隻碟子承托著，因為沙冰會多得融化在碟上。我一開始還顧不著喝，一直在吃蜆，店員又幫忙把碟子換一下。18禁卜卜蜆煲 $188這個我們要了中辣，對我們愛吃啦的一開始也不算太辣，不過要小心不要被辣椒嗆到呢。蜆都頗大隻又新鮮，吃完就可以請店員加湯下火鍋料了！近江和牛池板（小） $298聽老闆說他們最近開始引入了近江和牛，油脂分佈平均又肉味濃郁。我們要了池板，那是牛前腿的肌肉，脂肪多牛味十足！另外我們還要了點邊抓，這是排骨跟腩位中間位置，油脂多之餘不會韌，也是幾秒便可以吃！非常推薦！芝士蝦丸 $78芝士蝦丸彈牙，像龍蝦丸但有些芝士平均分佈。如果一心想吃流心芝士還是叫芝士丸份量比較多，但這個味道則更豐富，各有特色！自家黃金炸響鈴 $68響鈴新鮮炸起，上面佈滿了鹹蛋黃，可以新

今日同女朋友喺旺角，跟住去咗為食仔，因為朋友上次食完話個卜卜蜆煲好好食，我哋就去試吓，原來卜卜蜆煲都有幾種口味，我哋揀咗蒜蓉味，因為我地真係好鍾意食蒜蓉，個煲黎到店員介紹完就話我地知要食晒D蜆先可以開始打邊爐，我哋叫咗碟牛肉一碟菜，本來仲叫咗個四寶丸，但係食完個煲裡面嘅蜆之後我哋兩個已經好飽，你個卜卜蜆煲真係超抵，眨吓眼食飽咗🤣不過啲蜆真係好新鮮好爽，其實個蜆煲應該係四個人食，我哋兩個人食完真係食唔落其他嘢，下次真係要叫多啲人去😂第一次打邊爐叫咁少嘢食🙊😋好味程度: 😋😋😋😋 💞回頭度: 💕💕💕 💕📝服務: 📝📝📝📝🌉環境: 🌉🌉🌉#為食仔火鍋專門店

成日聽人哋講卜卜蜆，今日終於都有機會來試下啦。18禁卜卜蜆煲 $178來到當然要試一試佢地既，招牌18禁卜卜蜆啦，係用魔鬼辣椒煮的，所以會越煮越辣。 我地點了BB辣試下先，等於譚仔既小辣程度。一鍋大約有三斤蜆，隻隻都脹卜卜，且而冇沙，食落幾鮮甜，加埋香蒜辣椒，好惹味。食完蜆，店員好主動埋來加湯打邊爐。本地新鮮牛肩肉 $298果然牛味濃郁，雖然睇落唔算好肥，但肉質一啲都唔鞋，食落好香濃既牛肉味，直得一試。粟米墨膠奶黃包 $88大大粒，用粟米墨魚打成膠，裏麵包住鹹蛋黃，但可惜沒有流心效果。菠菜 $28洗得幾乾淨，菜新鮮。順帶一提，入餐廳前要先量體溫同消毒雙手，餐廳內會提供手精搓手液和膠袋比客人放口罩， 衛生環境做得好好。

呢日黎到旺角為食仔，因為疫情既關係店家係衛生方面都做得好足，入去前先度體溫，再俾搓手液你消毒雙手，入到去就見到枱與枱之間都有一定既距離，坐低左之後店員仲會係你面前消毒張枱，你仲可以揀要一次性碗筷定係平時個d，有咁樣既衛生同清潔程度，相信大家都可以食得安心同放心～ 店員都有提我地有食物到左先除口罩～我地揀左個雞煲卜卜蜆鍋，先講店鋪主打既卜卜蜆，簡直係冇投訴既地方～卜卜蜆份量多唔在講，重點係d蜆冇沙！！！呢個好緊要！夠哂鮮甜大粒！同埋點埋店員強力推薦既自家製Xo 醬真係好好食！ 我不在好多xo 醬點黎食～真係好夾好好食！ 雞煲既雞都好新鮮！夠哂嫩同份量都好多～！另外我地叫左牛𦟌、油麥菜、黃金粟米丸、酸梅湯同柚子沙冰，牛𦟌好有牛味，食落勁香，夠哂厚度，有番咁上下口感！黃金粟米丸夠哂特別，食得出手打同埋有好香既咸蛋黃做主打！ 酸梅湯酸酸甜甜水準之作，柚子沙冰份量十足，夠哂Refresh! 下次再黎想試下無限加蜆！ 值得一讚店鋪衛生同店員服務態度非常好！

近期疫情關係打邊爐都要搵一間防疫措施做得足的火鍋店， 在旺角白布街4號地舖的為食仔海鮮火鍋專門店， 在門口已經有酒精搓手液， 進店之前鞋底要消毒乾淨，也有口罩袋派發給客人， 在店內多處位置都看見酒精搓手液， 非常貼心。 店內有地下和一樓， 當晚店員安排我們在一樓的房間晚餐， 先點了一個麻辣鮑魚雞煲$198， 本地新鮮牛展$168， 珊瑚蚌$98， 油麥菜$29， 然後店員介紹當晚好新鮮的池板， 那就點一碟試一試吧！麻辣鮑魚雞煲～ 揀了bb辣， 這個辣度對我們來說剛剛好，麻香撲鼻， 香辣濃郁， 雞肉鮮味， 鮑魚剛剛好軟硬適中。本地新鮮牛展～ 口感比較硬身， 淥幾秒就好， 好容易熟透。池板～ 牛展和池板相比，我喜歡池板， 質地比較薄身， 脂肪比例多， 牛味十足。珊瑚蚌～ 質感爽口， 打邊爐索曬湯底的味道， 入口好惹味。油麥菜～ 打邊爐必備油麥菜， 是我最愛的 打邊爐菜類。走的時候仲見到店舖做緊九點半後$98卜卜蜆任食價， 好抵，下次我要再來食過。