為食仔海鮮火鍋專門店

营业中

休息中

幾個朋友都有向我介紹過呢間火鍋店，但係佢開咗幾年我一直都冇嚟過，今日特登搵個機會嚟呢度試吓。叫咗「18禁卜卜蜆煲」，要小辣。好快個煲就嚟到，嘩真係成煲都係蜆，有好多，見到上邊加咗辣椒醬、蒜蓉、紅椒、香蔥，未開始煮已經覺得好惹味😆跟住就嗱嗱聲開火煮，蜆好快就打開口，代表熟咗，即刻食，超鮮甜，肉質結實好新鮮，加上小辣嘅湯底，果然係好惹味。仲叫咗碟牛肉，叫「邊抓」，根據餐廳嘅資料，係「在肋骨位、包圍牛腩的肌肉，脂肪特別多，肉味香有質感」。將「邊抓」放在鍋中稍稍一灼就食得，超濃郁牛味，有少少肥，但係又有咬頭，真係好正😋我又將「邊抓」包住蔥蒜嚟食，又試吓包住灼過嘅芫荽嚟食，兩樣都好好味👍仲叫咗白蘿蔔，超嫰超甜。一開始就將白蘿蔔放入鍋中，煮到最後先食，白蘿蔔盡吸湯汁嘅精華，變得超美味😋杯鹹檸七都好好飲，有粒結實大粒嘅鹹青檸。感覺呢間餐廳嘅食材新鮮，真材實料。店員姐姐服務亦都好好，同我講解各種食物，又幫我調校大細火，抵讚👍

想食卜卜蜆好耐，前幾日男朋友又提起，見之前呢間餐廳‪夜晚9點半後做優‬惠，就上佢社交平台睇睇，發現全日做緊$98任食卜卜蜆優惠🤩，難得一遇咁吸引就即刻book左位，因為呢段時間夜晚禁堂食，所以午餐去試試佢。  去到餐廳防疫措施好充足，入餐廳前除左探熱，另外有提供搓手液消毒雙手。入左餐廳餐枱上面亦有一枝搓手液，仲派有膠袋放口罩，好貼心👍🏻櫈下面可以擺袋。 由於唔食得辣，叫左招牌卜卜蜆煲(蒜蓉)，另外優惠要求每人最少點一個火鍋配料，分別點左一份萵筍同埋一份手打四寶丸。卜卜蜆鍋好快上枱，蜆好多又唔細隻，有d仲幾大隻，好飽滿鮮甜絕無欺場，有幾隻有少少沙。手打四寶丸有牛丸、墨魚丸、豬肉丸、蝦丸，粒粒彈呀有咬口；萵筍好厚切，係男朋友最愛。店員熱情貼心，同我地有講有笑，仲請我地飲可樂☺️食完一round蜆，會主動過黎問駛唔駛加蜆；知道我地揸車黎泊左喺餐廳出面，仲幫手睇車，有車位又通知我地，用餐體驗很好 👏🏻👏🏻

疫情底下，趁仲可以係堂食既時候，收工同同事去左旺角既為食仔度打邊爐。餐廳店員態度良好，餐廳環境安全，與鄰枱之間有隔板，而且坐得有適當既距離。食材湯底有好多選擇，淨係卜卜蜆都有多款味道，仲有雞煲、龍蝦鍋底、魚湯底、雞煲翅、各款清湯底，全部都好吸引。我地叫左招牌龍蝦海鮮鍋(HKD 298)，至尊牛拼盤(HKD $448)，黑松露鮮蝦餃 (HKD $88)，手打蟹子蝦滑(HKD $78)，凍豆腐 (HKD 28)，手打四寶丸(HKD $78)。飲品就要左菠蘿鮮果沙冰 (HKD $42)和柚子鮮果沙冰 (HKD $42)。✅招牌龍蝦海鮮鍋(HKD 298)龍蝦海鮮鍋好足料！龍蝦大大隻，啖啖肉！仲有好多海蝦同蜆，海蝦肉質彈牙鮮嫩，蜆肉冇沙又鮮甜！海鮮底下仲有大量娃娃菜，湯底濃郁，味道非常鮮甜，用黎打邊爐真係一流！✅至尊牛拼盤(HKD $448)牛拼盤賣相好靚，而且好夠份量！有安格斯、牛肩胛、牛頸、吊龍及牛柳粒，各有特色，好值得食！肉質非常鮮嫩，入口即融，牛肉同脂肪比例適中，有口感。✅黑松露鮮蝦餃 (HKD $88)至於個鮮蝦餃，皮薄餡靚，外皮彈牙，一咬開餃子，黑松露嘅香氣馬上湧出嚟，蝦肉鮮味彈牙

e間餐廳主打卜卜蜆火鍋但我同朋友就試咗佢哋嘅招牌龍蝦海鮮火鍋🦞🦞佢地嘅龍蝦海鮮火鍋十分足料🤤有大大隻龍蝦🦞好多隻蝦🦐🦐🦐同埋海量嘅蜆！！！而且火鍋本身就有好多配菜係入面👍🏻例如 豆腐、雞髀菇同好～多～娃娃菜所以其實唔太需要額外加配菜🙈正！不過我地都額外點左竹笙、蟹子墨魚滑、黃金炸響鈴、芝士丸、近江和牛肩胛肉、椒鹽雞軟骨😋🤤😋🤤😋🤤😋🤤由於海鮮份量好足料🙈上枱個陣個鍋係飽和狀態所以湯底好濃郁😋豆腐、娃娃菜、竹笙可以充分吸收濃郁嘅湯底✨超級入味！而黃金炸響鈴係佢地餐廳獨有~黃金即係鹹蛋黃🙈佢地會將鹹蛋黃鋪係炸響鈴上面😍我第一次試尼種食法！椒鹽雞軟骨都極力推薦！👍🏻炸得超級香超級酥脆🤤用黎下酒🍺應該一流😍🤤😋嘢飲方面就分別嗌左一杯菠蘿沙冰同柚子沙冰🍧佢地嘅沙冰係用新鮮水果打出黎~好fresh嘅感覺特別要讚嘅係餐廳職員嘅服務態度！真係超級好👍🏻👍🏻👍🏻好熱情向我地介紹餐廳嘅特色食物💕主動幫我地加湯底👍🏻同成日主動問我地有咩需要~SO NICCCCCCCCE~~~~~~e間餐廳無論係味道定係服務都絕對好評👍🏻👍🏻👍🏻下次一定會帶埋朋友仔再去食過😍💕💕

卜卜蜆平時我就真係好鍾意食今次去到呢度食就唔係蜆煲啦因為我見到佢仲有其他選擇😂雞煲、龍蝦鍋、魚鍋、等等，同朋友慶祝生日就不如試新野！最近新推出嘅招牌龍蝦海鮮鍋嗌完之後佢同我哋講話裏邊好多配料所以可以之後再睇下要食蔬菜🤣同埋佢哋醬料都好齊全㗎！<龍蝦海鮮鍋>裏面真係有大大隻嘅龍蝦🦞 同埋有幾隻大蝦🍤，裏面配料豆腐、蛙蛙菜、冬菇、雞髀菇等等龍蝦熟透之後我已經忍唔住想食啦，湯有龍蝦同大蝦嘅鮮味，好鮮甜！龍蝦都好新鮮，真係大大隻又多肉！菜同豆腐會吸曬湯味道！✨椒鹽雞軟骨熱辣辣送上嚟而且份量比我想像中多，調味調得啱啱好✨朋友話想食<鮮竹笙>呢個真係好正可以有埋湯嘅鮮甜🤞🏻一齊落口非常好味！✨手打蟹子墨魚滑手打食得出有墨魚🦑粒，而且真係好彈牙！彈牙香口我最鍾意！✨自家黃金炸響鈴黃金係乜嘢黃金就係鹹蛋黃啦！佢哋全部都係新鮮炸出嚟，非常爽口唔會軟淋淋禁！最鍾意就係吸收晒個湯汁！✨近江和牛肩胛肉我哋想食多啲唔同部位嘅牛，但係已經食唔落啦⋯⋯所以就要左份細嘅試一試，牛味濃郁而且油脂分布都非常之好！✨芝心丸朋友就話好鍾意個爆汁出嚟嘅感覺😂嗯⋯⋯我就覺得食完之後更加飽，芝士味好

去旺角次次食黎食去都係個d，諗住行遠小小搵下有d咩食，就見到有海鮮既火鍋🍲，就揀左佢黎試下店員推介我試吓招牌海鮮龍蝦鍋🦞 $298鍋入面既材料好，有各式既菇菌、大量娃娃菜、大概10隻蝦🦐 同埋一隻大龍蝦🦞😍大龍蝦勁鮮甜，再配合埋個湯底💯尼間既湯底好處係佢會refill番個湯底俾你，所以我加左幾次湯，個湯依然好香甜芥末陳醋雲耳 $32估唔到尼個價錢可以有咁大牌，第一次試芥末汁，好惹味安格斯肥牛(小) $198出面食小份，真係尼到既小份係出面既大份，超抵，4人食，平均都係$50黑松露芝心蝦丸 $98 (6粒)黑松露味幾香濃，仲要好大粒，不過就芝士味唔夠濃

之前已經嚟過為食仔食卜卜蜆，好好味，印象好深刻，事隔半年，又想起食卜卜蜆，所以今日就專登訂枱同老公一齊撐枱腳。呢度嘅主打當然就係卜卜蜆啦，不過除咗卜卜蜆外，其他火鍋配料都好高質素，所以今次都係每樣點啲，試吓其他嘢。首先我要力推佢嘅XO醬，因為出面打邊爐，就算較高質嘅火鍋店都未必有提供XO醬，而呢度嘅XO醬係佢自家製，真材實料，香而不辣，所以唔好意思，我忍唔住食咗佢半樽😅😅因為之前食過卜卜蜆，所以今次打算試吓另一啲新嘢，就決定叫招牌龍蝦海鮮喎。店員一放低我就感覺到裏面相當豐富，所以忍唔住開蓋睇吓，比相機食先！大概等咗10分鐘，終於水滾食得啦！指定動作，首先飲啖靚湯先，湯底非常鮮甜，帶點橙黃色，有海鮮湯底嘅味道。而且呢個龍蝦海鮮鍋真係非常足料，首先當然係主角龍蝦一大隻，另外仲有八隻大海蝦，下面有大量娃娃菜、什菇、豆腐，所以連菜都唔需要另外再點喇！龍蝦肉質厚實，爽口彈牙，食得出佢係新鮮龍蝦而唔係急凍嘅龍蝦。而佢嘅大海蝦同樣新鮮爽口，娃娃菜雖然喺鍋入面只不過係一個配菜，但佢索哂龍蝦上湯，非常入味，真係連條菜都好食過人。努力地掃清鍋底後，重新添加湯底，就開始食牛肉啦。順帶一提，如果叫龍蝦鍋的話，

成個下晝係旺角行街，行到夜晚超級肚餓！經過白布街既時候 見到「為食仔」一個好生動既招牌！「無上限 怒食！卜卜蜆」諗都唔諗即刻行入去食！ 湯底方面，由於我同朋友都唔食得辣，所以就揀咗完味既卜卜蜆，無去試18禁既湯，不過食得辣既朋友就可以試下，仲有分四隻辣度，迎合不同辣友既所需要！咁一開始就係食晒啲蜆先，等幾分鐘就有得食，啲蜆肉勁鮮甜，就算唔點醬料已經好鮮味！食左第一隻已經停唔到手！最重要既係咁多蜆肉竟然係得一兩隻有少少沙，算係唔錯既水準。食完啲蜆之後就叫下其他野食，由於我地只係得兩個人食，所以份量都唔係話好多，我地就order左一碟細碟既安格斯牛肉片同埋黑豚肉片。兩碟肉類都好有光澤，食落去都唔會好韌，都有好重既牛肉味，所以好快都清晒啲肉類。之後仲有order其他既材料，例如蔬菜類既粟米、生菜同埋薯仔片，全部都好新鮮，價錢都尚算合理，同埋啲肉類一齊食就最好！好多丸類都好想食，最後叫左手打墨魚丸，咬落口超彈牙，入面仲有少量鹹蛋黃，同墨魚肉夾得唔錯。 飲品方面都有好多種類既選擇，除左汽水之外，我哋仲叫左一啲比較清淡既野飲，例如椰子水同埋柑咭檸檬，黎解除下一啲來自肉類既肥膩感。炸魚片本身係一個佐

朋友仔真係超級鍾意打邊爐今次大食妹就帶左佢去食旺角白布街嘅海鮮火鍋-為食仔唔知大家記唔記得前排火紅嘅卜卜蜆鍋呢?大食妹本身係諗住食果個嘅, 但咁啱果日無貨, 就揀左其他鍋底<招牌龍蝦海鮮鍋>我地嗌左份招牌龍蝦海鮮鍋成個鍋都係滿滿嘅料, 湯底偏淡但清甜, 唔會搶過海鮮嘅味道原本見龍蝦海鮮鍋無咩湯, 以為會唔夠水, 點知啲白菜會出水, 變成一鍋湯海鮮鍋有多隻鮮蝦, 蝦味突出龍蝦都幾有肉地, 鮮甜肥美仲有菇菌同好多嘅白菜<手打蝦子蝦滑>食到咁上下, 終於有位打邊爐啦手打蝦子蝦滑食得出有蝦粒, 彈牙有咬頭<鵝肝墨魚丸>因為見到好特別, 我地仲嗌左份鵝肝墨魚丸鵝肝好肥美, 同墨魚丸竟然可以咁match<滋賀縣近江牛 - 邊抓>食到最後當然到左重頭戲牛肉上場啦牛肉味濃, 而且雪花好有美感<菠蘿沙冰>打邊爐打到熱辣辣, 飲返杯凍冰冰嘅菠蘿沙冰, 就最爽皮啦

話說前幾日同女朋友食完牛肉放題火鍋之後，大家都未夠喉，於是我哋又去烚吓烚吓。女朋友今晚就帶咗我去旺角白布街嗰邊嘅為食仔，佢上網訂咗枱，一去到前台就有資料，仲比咗兩個口罩套我哋添！好快店員就帶咗我哋上2樓。可能今日係星期一晚，所以上層就未坐爆(下層滿咗)，我哋彷彿好似包咗場咁。女朋友之前就已經嚟食過，佢話可以喪食卜卜蜆好正，點知呢日卜卜蜆暫停供應，喺熱情女店員嘅推介下，我哋試咗招牌龍蝦海鮮鍋($298)，其實都係比起卜卜蜆鍋湯底貴$100，我覺得都幾合理，話晒都係龍蝦喎。落單後店員為我哋送上調味架，佢特別推介呢度嘅自家製XO醬，而我就喪落辣椒絲🌶🌶🌶。唔使幾耐食物就送上，但個鍋就要等陣！所以我哋一於飲住沙冰降下溫先，畢竟旺角站行過嚟都唔係太近，我又流晒汗，阿姐見我咁所以都專登開大冷氣俾我，服務非常好。沙冰有兩個口味，分別係菠蘿同柚子，兩杯都係用上新鮮生果製。女友鍾意菠蘿多啲，但我就覺得兩樣都幾好。嘩嘩嘩龍蝦鍋終於出現啦，一打開個鍋我哋已經流哂口水🤤。大大隻波士頓龍蝦鋪面，再搭配海蝦，好澎湃啊。下低就墊咗大量芹菜、椰菜同雜菌。無聊野一則就係個鍋好淺身，要記得將食物浸哂入湯入面。首先我哋就梗

昨晚大約7時左右，和友人一齊進食黃金卜卜峴然係打邊爐，食完兩個人今天都腸胃炎，不斷柯水達數10次以上，非常惡劣，此店舖衛生很有問題！我們先叫了一份$198黃金卜卜峴，然後店員加水（完全無味像清水）讓我們打邊爐，叫了小份牛肩肉，芝士蝦丸，粟米墨膠奶黃包，響鈴卷及一份烏冬！總共$713，價錢不合算，而且！更使我們兩人腸胃炎，柯了整天，非常不愉快之經歷！！不推介任何人去此骯髒的食店

員工服務態度十分好，都會主動幫手加湯，見到我地個火咁耐唔滾都好主動幫我地換！食物方面都無令人失望！試左bb辣雞煲，再叫左唔同食物，當中超級推介豬牛羊，特別係羊肉，超級驚喜！其他食物都有中上水平！調味料/飲品都有唔少嘅選擇！可惜當日試唔到佢地自家製薏仁水，希望下次試到！當日可能係提早訂位關係，老闆都有提供房間比我地 （5人），房入面都有電視，座位尚算舒適。最後好想再一次感謝當日嘅員工 你地嘅態度好好！ ！

先講下呢間店嘅好嘢， 首先每個位下面都有個籃畀你裝袋， 另外店員嘅服務態度幾誠懇， 食物嘅質素係高嘅， 特別係響鈴墨魚丸同埋牛肉， 響鈴唔係一般出街食嗰種又薄又鬆， 呢間店響鈴係有紫菜喺入面而且口感好紮實， 唔會好似食空氣感。 傳一個好處就係如果唔係繁忙時間， 雖然佢就話最多食一個半鐘， 但我哋最尾都 由七點半坐到十二點半。 同啲朋友吹水傾計一流。缺點就係嗰日我哋冇海鮮， 即係冇蝦冇魚嗰啲， 另外整體嘅種類唔係太過有特色， 但係價錢都比較偏貴， 如果人數太少嘅話好容易食下食下就會 超出budget， 結果我哋最尾冇人埋單都要成四百幾蚊。

心血來潮想食卜卜蜆，當然係認起旺角白布街嘅為食仔仔海鮮火鍋專門店啦。天意弄人，去到先知今日無卜卜蜆食，但都嚟到喇，就照樣入去食啦。為食仔出名卜卜蜆相信大家都知。除咗蜆煲，佢哋仲有雞煲、龍蝦鍋、魚鍋、雞煲翅。店員就介紹我佢嘅新推出嘅蟹雞煲（大、中、細、BB辣）同埋龍蝦雞煲。不過我今日唔想食雞煲，所以最終揀咗招牌龍蝦海鮮鍋。依個招牌龍蝦海鮮鍋俾咗我意外驚喜，大大隻嘅龍蝦，旁邊仲有幾隻大蝦相伴。鍋底仲有豆腐、蛙蛙菜、冬菇、雞髀菇，十分足料。個煲一滾起，龍蝦都差唔多熟透。先試個湯頭，湯吸收咗龍蝦同大蝦嘅鮮味，非常鮮甜。龍蝦夠哂大隻，非常好肉，而且好新鮮。大蝦亦同樣新鮮。煲底嘅菜同豆腐吸哂湯嘅味道，成個煲都好正。食唔到卜卜蜆都唔係一件壞事嚟喎。齋食招牌龍蝦海鮮鍋又點會夠、所以點咗封門柳、彈牙香口嘅鵝肝墨魚丸。為咗唔好浪費咗龍蝦海鮮鍋嘅鮮味，再加點咗雜菜同薯粉。一份封門柳嘅份量都幾多，不過封門柳唔同肥牛，佢無肥牛個種油香，取而代之嘅係濃郁嘅牛肉味，而且比起肥牛有𡁻頭，所以大家諗清楚想食牛味濃定油香味，唔好浪費食材呀。

朋友果然冇介紹錯，呢間食打邊爐果然一流！地方大坐得又舒服，嘢食好味不在話下，連餐廳嘅服務員都一流！有賓至如歸嘅感覺我哋叫咗個龍蝦🦞海鮮鍋，主打龍蝦大大隻，仲有8隻大海蝦添，湯底十分鮮甜，配有娃娃菜、豆腐同雜菇，配菜入晒啲鮮味，連我呢個唔係好鍾意食菜嘅人都食晒呢度食近江牛，出名牛味濃郁，聽店員包包推介左食「邊抓」，係我哋第一次食，果然無得頂，唔止擺盤靚，煮熟後好有咬口，食落非常之有質感，真係大力推薦再黎叫左個黑松露蝦丸，鍾意食黑松露嘅人一定唔可以錯過，蝦丸彈牙兼充滿黑松露香味！嘢飲方面就叫咗一杯鹹檸七同埋菠蘿沙冰，菠蘿🍍沙冰非常之特別，飲得出有鮮菠蘿粒，真材實料！不得不提醬料方面，必試自家製XO醬，呢個係廚師獨家秘製，充料又惹味，出面一定食唔到！哈哈😄，我又忍唔到想約朋友再食啦！