為食館

营业中

休息中

舊公司聚會適合8-9人嗌多點小菜分享🍚蘿蔔牛腩煲牛腩大大件好腍蘿蔔清甜煲到軟身汁水香濃清甜不油膩配白飯變成湯飯反而飲晒湯汁都未食晒牛腩🍚蒜香金沙鮮魷鮮魷爽脆彈牙咸蛋抄到變沙好香口略嫌炸粉偏多🍚砵酒焗桶蠔隻蠔大隻過匙羹新鮮完全無腥味洋蔥爆到好香都不會蓋過蠔味份量十足🍚為食脆皮雞外脆內嫩雞肉質仲可以好滑只係得雞皮係脆🍚豉椒炒蟶子皇蟶子皇大大隻新鮮又足料爽口彈牙豉椒香口又入味🍚鳳梨咕嚕肉小炒店必食肉質已經食得出新鮮配菜不會炒到太軟保留青爽口感酸酸甜甜非常開胃🍚籠仔海蝦蒸飯糯米飯滿滿蝦鮮味配上蒜香蔥花香口又不會蓋過鮮味改米飯底會無咁食滯為晚餐作上完美句號門面餐廳格局但座位似大排檔人迫人隔離枱大聲少少都傾唔到計人多一定要訂房不過值得一讚咁重味廣東小炒食完唔口渴下年再食

成班舊同事約食飯，過咗農曆十五都未約得齊人，終於叫做齊腳可以食個開年飯。有同事之前食過話幾好食，所以就揀咗呢一間大家一齊出嚟聚一聚。當日食係好嘅，因為可以試到唔同種類嘅嘢，同埋佢啲份量都唔細。先嚟碗杏汁豬肺湯，都幾清甜不過杏汁唔算好出。跟住先嚟個餐前小食，呢個好似將茄子嘅物體，個味道幾特別，唔會太鹹又夠清新。跟住陸續上主菜，蝦醬骨唔好俾佢個名嚇親，唔算太濃個味道教得啱啱好。反而隻雞就鹹咗少少，係舊派嘅味道。另外嗌咗個油浸筍殼魚，望落去好似炸得過火咗啲，但係配返啲汁食落去又唔會割喉，同埋啲魚肉都好嫩口。跟住啲舊同事都係未夠喉，繼續坐嗌啲小菜食。個素菜啲豆腐都幾稔滑有豆味。個牛腩條望落去好似好好滯口感，但食落去又OK可能配咗佢個汁食落去就冇咁油膩。幾鍾意佢個小炒王裏面有啲芋絲炸得脆脆。個金沙魷魚都好邪惡，濃濃嘅鹹蛋香味香味送啤酒一流。另外都好欣賞佢個籠仔蒸蝦飯，下便鋪咗錫紙，唔會黐晒啲飯喺個籠嗰度唔會洗死阿姐，客人又可以食晒啲飯唔會嘥。同埋個飯都幾乾身係唔錯。整體嚟講除咗隻雞之外，整體都相當出色。

一行10人去為食館幫家人慶祝生日。訂枱時已預留炸子雞，果然不負眾望，皮脆肉嫩，調味啱啱好，超級好味👍🏻另外杏汁豬肺湯也值得推介，$55一盅，超值。另外再點咗其他小菜，分別有清湯牛白腩、南乳骨、龍仔鮮蝦蒸飯、順德漁夫浸勝瓜、薑蔥龍躉腩、小炒王、炸大腸等；全部都好好味！餐館面積不大，共有一張大枱五張細枱，所以並不嘈吵。服務也很體貼，服務員會主動更換碟子及清理枱面。望見餐牌，已經諗定下一次在光顧的時候會點什麼菜式，期待中。

拍拖經過二人晚餐，見門口又有名人合照，又晒廚師相，都唔會惗到會中伏。伏到唔單只嘥錢，仲嘥哂食嘢嘅胃口！都只好怪我有期望。我哋叫咗砵酒焗大鱔煲，蒸蟶子皇，同埋薑汁炒芥蘭。蟶子皇個殼好大，粒肉好細，仲要係唔新鮮，「梅」嘅，雖然都有蒜蓉同粉絲，但係超級多油，價錢$248四隻。砵酒焗大鱔，竟然係好厚粉嘅炸大鱔，非常厚粉，大鱔亦都係唔新鮮嘅，啲肉都係「梅」嘅，價錢$228。 薑汁炒芥蘭，又燶又唔好味。唉！只可以話廚師嘅味蕾同我嘅味蕾真係不一樣。但係咁我就浪費咗好好嘅一個晚餐時間同胃口！

叫咗一個豆腐煲 淡過我屋企自己煮一個辣子雞又咸到食唔落仲有一個金莎鮮魷 本身碟魷魚冇問題最有創意都係個喼汁唔知邊個可以諗到喼汁溝水咁偉大嘅發明上到枱好似魚露咁，我問佢拎喼汁佢同我講已經係喼汁嚟…基於呢個咁新穎嘅喼汁配方我決定比六粒星呢間餐廳呢粒係5粒之後剩低嗰粒價錢仲要特別貴 應該唔會再嚟………………………………………………………………………………..

[ Fine Kitchenette 為食館 | 太子 ]This restaurant serves classic Cantonese/Guangdong dishes. It evokes some nostalgia with the separated dining rooms, I highly advise booking early to get to the main dining room where the staff can be more attentive. —— —— 銀杏豬肺湯 (almond pork lung soup) $53/per soupA classic soup. This version though is grainier than the other’s I’ve had with mild but lasting almond taste, not artificial at all. The pork lung is tender and fatty, delicious and nutritious! We got 4 bow

All dishes are tasty. Well prepared. Fresh ingredients. Nice service. Price reasonable. Very good value. Though location a little bit away from the Main Street. Still easily reachable by walk from MTR exist. Also with street level car parking slots available. I see a lot of take out orders coming out from the kitchen. You must call ahead to book your table. Always fully occupied by neighbors.

午餐小菜好食，上菜都好大份。好家常菜feel唔係茶餐廳，係中茶館👍🏿豬頸肉新鮮入味，中午平時好少有得食杯凍奶茶都唔錯慢工出細貨，等出餐就等得有啲耐，不過水準好好👍🏿😋

已經黎過為食館好幾次,可以滿足食小菜之欲!今次多小小人,所以可以食多d野!雖然好多碟一上台就清左,因為真係高汁好食!醬爆四季豆炒雞軟骨呢個極力推介!個雞軟骨入味四季豆夠穫氣開邊海蝦蒸飯多人數必點! 每粒飯都充滿住蝦同蒜泥的味道!我地仲留左蟶子的汁撈落去!超惹味!!!黃金脆鮮鮁咸蛋黃的外皮非常邪惡!內裡嫩口!非常入味!!!唔會話皮肉分開!炸蒜粒同樣香口!蟶子粉絲嫩滑新鮮!記得留返個汁!可以撈飯!龍躉腩店員推介!除左多骨都真係無咩好挑剔

喺太子基隆街食小菜一般都係大排檔，為食館算係比較衛生啲，五個朋友食咗大約六百幾蚊，可能我哋叫咗啲一般嘅小菜所以都唔算太貴。覺得最特色係個杏汁豬肺湯，飲落去都幾清甜，唔知係咪屋企冇飯開，所以覺得飲湯好似特別珍貴咁😆。希望佢可以繼續保持品質，下次嚟到都可以再飲返。整體來講一班人食飯最緊要係開心，所以都冇好注重食物嘅品質要求，小菜館來講算係咁上下啦。整體環境方面比一般嘅大排檔同小菜館都衛生一啲，起碼個廁所都係光猛啲嘅。同埋都叫做有啲裝修咁啦。

太子平時食小菜好難搵到坐得舒服又好味抵食嘅地方。今次同朋友兩個食，但叫左三個餸都食得唒，飽到上心口。 (因為太好食）朋友力推銀杏豬肺燉湯。一上枱見個湯禁白就知師傅不慳料，好重白果味，而不是味精湯，確實冇推介錯，好飲👍👍我則推介砵酒美國桶蠔煲。一煲有六隻蠔！一咬除了有香甜砵酒醬汁，仲有蠔嘅鮮味，加上脆口清甜洋蔥好滿足 呢外再炒左碟菜同牛柳粒，不錯不錯。佢牆上啲畫應該畫反舊時太子街街。呢間小店都坐得幾舒服同大廚都有同唔少明星合照，唔知下次黎會唔會撞到明星 😂😂😂

今日去到太子想食間潮洲店但關了門，再找其他店就看到這間為食館，都不少人，就諗住試一試，入到去見到有不少餸名在牆上都幾多選擇，最後選擇了二個餸和一個小食，秘制鎮江腩排，炸得比較乾身，醬汁味都夠，排骨比較大舊同乾身所以難咬開，洋蔥又不太熟。這個頭抽蔥油煎黃魚味道不錯，一來到見到有二條就覺得二百多元價錢都合理，魚面炸得幾脆口而入面魚肉都滑身，醬汁不太咸味道不錯。最後就叫了一個小食 : 豉味虎皮尖椒，就好失望，尖椒完全不辣而且切得比較碎，醬汁好杰身而且沒有豉汁味吾好食，價錢約四十多元都不叫十分平，只可講是個普通味的消夜。

今日嚟到呢一間類似打冷嘅鋪頭呢度嘅小菜款式都多同埋價格就比較貴左少少 叫咗個炒龍躉同埋炸子雞炒龍躉份量都算多有六七件左右到味道都唔錯炸子雞雞皮都係趣 肉質鮮嫩食物質素都門兒同埋如果要挑剔嘅話就豬肺湯偏鹹

在太子都有不少餐廳，其中有間叫為食館裝潢都幾舒服而且仲有電視所以都成日想去食，今日等到朋友收工就話不如去食，門口有推介餸名，其中一個湯十分吸引，就決定去食。十多點都不少人食有點驚喜，我地二人坐在二人桌都幾大張桌都坐得舒服，我們叫了一個銀杏豬肺湯，不用五十元可分二碗都抵飲，但沒有豬肺就有點失望，只有白果同豬肉，味道杏味都濃，味道不錯。菜就選擇了椒絲腐乳通菜，醬好淡冇腐乳味又杰身，通菜都炒不錯，但味道就好淡失望。待應推介的脆皮雞，皮的確做得不錯但雞沒有雞味就覺得有點普通，而價錢又不是特別抵食，一來就有的花生都十多元就貴了一點。

一家三口專程去太子基隆街搵食，因為記得上次去隔一條街的大南街打邊爐，發現了原來太子道與界限街之間的短短一段基隆街，差不多全部都是食肆，口味亦相當多元化，今晚選擇了港式小炒菜館「為食館」。小店門口掛了一塊小黑板，用工整粉筆字寫上廚師推介菜式，另外一個座地木架，就圖文並茂列出「榮師傅時令推介」⋯⋯ 非常典型的港式街坊小菜館格局。小店已經滿座、又沒有訂枱 ⋯⋯ 不用擔心，原來隔幾個鋪位另外有一間「偷雞」地舖：門面沒有招牌、兩旁的小店（非食肆）已經關門，完全唔顯眼；捲閘沒有完全拉起、捲閘後的磨砂玻璃趟門又只是半開狀態；差不多絕對肯定是沒有領有正式食肆牌照的餐廳「偷雞」舖。這種正規食肆的「偷雞擴張舖」在舊區小街尤其普遍，很懷疑食環署是隻眼開隻眼閉？抑或真的不知情？菜牌的選擇唔算多，但豬、牛、家禽、蔬菜、海鮮樣樣有齊；另外還有一些不在菜牌內的時令推介及冬季煲仔菜。銀杏豬肺湯（$43 / 盅）屬於花功夫的燉湯，住家嫌麻煩一般唔會煲；既然價錢唔貴，便要了兩盅。見到了每盅湯的份量、湯料、及試味之後，再次印證一分錢一分貨嘅道理；比較起不久之前在一間高級中菜館的菜膽燉白肺，雖然眼前這盅湯的價錢只是三份之一，