為食龍 (已搬遷) 新店位置

【🍱銅鑼灣人氣 創意壽司便當🍣】Hungry Dino | #銅鑼灣時代廣場後面食肆林立，近日見有報道介紹一間日式外賣店！小店地方精緻，裝修好用心，帶一點摩洛哥風情，牆上有為食龍瓷磚！1⃣為食腐皮壽司 （$18-22)9款壽司組合任你揀！－明太子三文魚 （三文魚大大粒夠鮮味 加埋明太子嘅咸辣好惹味）－黑松露帶子 （黑松露夠晒濃味 但又無蓋過帶子鮮甜 有驚喜）－蔥吞拿拖羅蓉 （拖羅蓉鮮味 加上大大粒吞拿魚雙重口感）－柚子左口魚 （左口魚事先燒香 油脂滲落飯粒 加上柚子清香 可以食幾件） 2⃣懶人便當 － 咖喱溫泉蛋西京燒鯖魚飯溫泉蛋煮得完美，刺穿蛋黃流入飯配埋咖喱 好邪惡！西京燒鯖魚第一次試，估唔到又好夾 魚肉嫰 汁煮得入味！3⃣川味麻辣雞飯團 & 明太子三文魚 正飯團不少香港人包括我都係麻辣控，估唔到又可以加入飯團！飯粒飽滿有米香，麻辣雞麻得過癮 食唔停口！

Lunch hour ，銅鑼灣勁多人，唔知食咩好，隔離同窮介紹左間新開外賣店，見佢咁推即管試下喇牆試有恐龍仔做裝飾，好得意有便當，飯團，壽司簡，都幾多選擇咖<爆汁肥牛丼$48>爆汁肥牛丼唔止汁多，肥牛份量一樣不容忽視吉XX價錢，肥牛多一倍，未計味道，份量已經贏曬肥牛牛味足，飯粒稍稍偏硬，照燒汁俾得好大方，食到最後都仲有<正飯團+為食腐皮系列 @$20>同朋友兩個人食，再叫多左六件飯團/壽司本身以為岩岩夠食，點知最後食到勁飽*為食腐皮系列*叫左四舊腐皮系列，最鐘意蒽吞拿拖羅蓉、柚子左口魚蒽吞拿拖羅蓉-壽司飯上面真系鋪滿吞拿咖拖羅蓉厚厚一層好鮮味，加埋腐皮甜甜地咁食，超好味柚子左口魚-左口魚燒過黎，魚邊少少焦，左口魚勁重油脂，柚子味岩岩好解油，成個配搭好match *正飯團*蟹膏飯團- 蟹膏飯團好的骰，三角形細細個好得意，中間有濃濃的蟹膏，香滑勁邪惡

SHOPPING 真的能令人忘記時間, 我們兩個女子不知不覺已在商場"戰鬥"到過晒食飯時間, 於是我倆打算隨便吃點東西(保留銀彈)再繼續血併銅鑼灣。正想行去茶餐廳時發現新開了這間有趣的外賣店, 即時改變主意吃一個日式簡餐。以恐龍作裝飾的外賣店主打日式輕食和便當, 雖然只有兩張椅和兩邊BAR 枱, 但內裏裝修一點也不馬虎, 也有一點打卡位的。我們每人都點了一個LUNCH SET, 先送來綠茶和麵豉湯。我點的白麵豉湯內還有海帶和豆腐粒, 味道適中, 不會太咸。即使天氣這麽熱, 喝一口熱湯還是覺得幾舒服的。很快兩個壽司SET 就送來, 賣相很不錯。每人都有兩件腐皮軍艦和一件飯團, 初時都有點怕份量不夠, 但原來每件的SIZE 一點也不少。朋友仔的甜蝦腐皮軍艦色彩繽紛,材料新鮮。"估唔到係好好食喎" 朋友吃完整件壽司後的第一句, 甜蝦既大隻又鮮甜, 加上脆卜卜的蟹籽, 口感豐富。我的吞拿魚軍艦也很有水準, 不但吞拿肉一點也不瘦, 質感是柔軟中帶點魚油香。加上蔥花帶走了魚的腥, 換來多一份清香。用上帶甜的油豆腐皮, 加上日本米, 令整個壽司不但吃得更方便, 味道也更可口。看到這麽大的一件飯團,

見網上食評不錯，搵埋幾個同事一齊落去舖頭買外賣。叫左幾款便當同壽司，總體食物份量及質素都滿意，如果雞扒入味啲就更好! 外賣都等咗成20-30分鐘先有得攞，有啲耐囉，見係新店再俾多次機會你啦！

位於銅鑼灣呢一間速食店，速食店係以壽司為主題 ，主打外賣嘅快餐店。今日放工特登過嚟試，睇咗menu決定，要佢哋最出名嘅腐皮壽司，分別要咗黑松露帶子， 鰻魚玉子燒絲， 蔥吞拿拖羅蓉同柚子左口魚， 其實味道都算唔錯嘅感覺， 材料都好新鮮， 只係稍嫌有少少貴，因為每件都要差不多20蚊。因為係同朋友去食所以我哋另外友嗌咗兩個飯團同埋一個咖哩雞肉飯。飯糰分別係明太子三文魚飯團同蟹膏蟹肉飯團， 不得不讚明太子三文魚飯團真係好好食，三文魚十分新鮮，再配埋少少辣辣地嘅明太子味道簡直一流。蟹膏蟹肉飯團味道都算唔錯嘅，我好欣賞佢嘅蟹膏配埋香甜嘅蟹肉， 只有一個字鮮。至於咖哩雞飯，個人覺得其實個飯好抵食，雖然好似細細一盒，但係基本上都塞到滿一滿，而且上面都有好多雞肉，可惜唯一一個美中不足嘅地方係，個人覺得咖哩汁實在係唔夠多，覺得個味淡咗少少。最尾佢畀我哋每人一碗麵豉湯, 不過就真係鹹咗少少。

餓底最近常常到銅鑼灣工作，某天經過這間Hungry Dino，個名實在太正，因為有個餓字！哈🤣 ！今晚襯要跟朋友食個快飯就來會一會佢。兩個人點了爆汁肥牛丼加咖喱汁，四件腐皮壽司＆兩個飯團。肥牛丼極速送到，相機食完就跟朋友分食，這時發現肥牛的份量多到難以置信，厚厚的一層！本來收起了手機都忍不住要拔返出來影低佢！肥牛處理得不錯，夠腍夠Juicy，日本甜咖喱的味道食落好順口，飯是珍珠米，餓底至愛😋👍🏻然後腐皮壽司跟飯團都來了。腐皮壽司每粒都漲卜卜，入面收埋好多飯！上面又好多料，三文魚跟帶子是餓底的，左口魚＆鰻魚是朋友的。泡菜三文魚腐皮壽司：韓國泡菜跟三文魚都是餓底喜歡的食物，但從來沒想過可以配搭起來弄成壽司，加上腐皮，成件事好夾好夾，美味呀！黑松露帶子粒腐皮壽司：帶子幾大粒幾新鮮，少少黑松露調起個味，配合腐皮甜甜地，又一佳作。另外鰻魚＆左口魚是朋友吃的，他也讚好！我們都很喜歡魚肉跟腐皮的配搭，而且魚肉及飯的份量多，食一件等於普通壽司兩件，抵食！還有飯團，賣相幾得意，似足兒時卡通片入面的飯團！味道方面，蟹黃幾香，黃金魷魚脆脆地😌這間餓龍沒有座位，店內兩邊有位置可供食客立食，even是店舖細細，

剛剛落班我個肚就開始餓所以就喺附睇吓有咩好嘢食，突然就被一個好得意嘅小恐龍所吸引住於是就入去探一究竟。店舖空間不大，喺裝修方面睇得出得幾有心思以唔同顏色嘅小瓷磚堆砌成一個噴火嘅小恐龍既得意又有標誌性。川味麻辣雞，飯糰系列都係即叫即包，新鮮就一定咖啦！要大讚既係飯糰既米粒非常結實，餡料比例亦都好足，呢個麻辣味道好突出，完全是川菜果種麻辣。帆立貝好大只，又係必食！另外鰻魚都幾多，啖啖都食到，燒左口魚油脂豐富，最後拖羅都係驚喜，冇諗到同腐皮壽司可以咁夾。下次都會來。

外賣腐皮壽司😍 位於耀華街平日要排隊搭lift上百樂中心隔離，開左間即叫即做嘅外賣壽司🍣岩哂附近嘅打工仔，而且大大件絕對食得飽😛..............................明太子三文魚腐皮壽司 $20 好多料啊！有少少微辣，必點⭐️ 黑松露帶子粒腐皮壽司 $20黑松露味好濃配原粒帶子，黑松露味有啲掩蓋左帶子味，大家互爭😂鰻魚玉子燒絲腐皮壽司 $20鰻魚粒彈牙味道好豐富，大啖大啖好好味😘柚子左口魚腐皮壽司$22🤔柚子味略微唔突出，但魚肉彈牙新鮮😋              

經過銅鑼灣見到呢間咁得意既小店就入左去試 😋爆汁肥牛丼 ($48) 加咖哩汁 ($4) D肥牛份量好好好多 煮得好好味🤤 唔會煮得太un太老 又唔會太生 恰到好處 😋 配埋d日式咖哩汁 一啖一啖好快就食哂 😂 d飯就略嫌濕左少少 如果可以乾返少少就perfect喇！為食腐皮系列 - 叫左泡菜三文魚 ($18)，鰻魚玉子燒絲 ($20) ，蔥吞拿拖羅蓉 ($22)同明太子三文魚 ($20)！一直都好中意腐皮 呢個產品簡直係岩哂我口味呀😋 樣樣都整得好出色！但覺得泡菜同三文魚唔係超級夾 😂 同埋唔係好食得辣 其他三個合我口味d 🤗正飯團 - 叫左黃金魷魚 ($18)同蟹膏 ($20) 來試，以為會細細舊，點知好大舊😂 食唔哂 兩個人食到捧住個肚走呢 🤰

星期日探在銅鑼灣廣場附近返工既朋友, 經朋友介紹下試咗呢間位於耀華街百樂中心地下既日式速食便當店 - 「為食龍」Hungry Dino.Hungry Dino主打飯糰、腐皮軍艦同埋便當. 以外賣店為主,店內只有兩個企坐, 但裝修佈置卻好有心思,店內切合主題有唔少恐龍裝飾, ig打卡都好吸睛!便當好似日日唔同，而星期日既便當系三文魚絞$48 便當系即叫即整, 三文魚絞大大條，鮮嫩多汁, 比起某日式連鎖便當店家更加有誠意. 而且價錢五十幾更加平過日式連鎖便當店家. 另外仲有前菜及湯,絕對系CP值高既便當!腐皮軍艦壽司系列款式好多, 包括: 鰻魚玉子燒絲, 三文魚牛油果, 明太子三文魚子等等, 吞拿魚蓉 等等. 壽司大大件而且鋪滿配料, 配上鮮甜既豆腐皮, 亦都系抵食之選. 當然亦有傳統日式飯糰選擇. 包括蟹膏, 黃金魷魚, 溏心蛋等. 細食量既朋友亦值得一試.

哈哈我又去左尼條街搵野食啦，不過今次唔係唔係上樓，係係地舖覓食。然後行行下就見到尼間好有趣既恐龍店。舖面真係好迷你，一眼睇晒，所以成間野都只有企位，不過我都唔係好介意，因為啲恐龍仔太可愛啦哈哈。成間野啲裝飾都有種vintage(?)既感覺，唔識形容，但係覺得好可愛好靚。最後戈個人頭我當時睇左陣先留意到佢係裝餐具，好有趣。一間咁迷你既餐廳黎講，佢個menu都算多款式，我同朋友最後係叫左爆汁肥牛丼配三文魚豆腐味增湯、三文魚牛油果腐皮壽司、鰻魚玉子燒絲腐皮壽司、明太子三文魚飯團、蔥吞拿拖羅蓉腐皮壽司、黑松露帶子粒腐皮壽司同埋蟹膏飯團。湯個杯就真係好可愛，不過影出黎係影唔到啲咩哈哈，係好飲既就得啦。個飯就真係好香咖哩味，就exactly就係咖哩肥牛飯既味道，而最開心既就係啲飯係珍珠米阿！真係好喜歡食珍珠米。其實個肥牛飯都唔係重點，尼啲壽司同飯團先係！講真，佢啲飯團食落仲好食過華乜結，價錢又係差唔多，覺得可以一試。而啲腐皮壽司就仲西利，超足料，絕對係要分幾啖先可以食完。不過食戈陣就要小心啲拎，因為佢上面啲料真係好多，睇下粒巨形帶子就知啦，啲料大啖食戈陣好易跌，唔好晒野就要小心啲食啦。

睇完Annabelle，嚇到好似跑完十個圈咁，好肚餓，但要趕住攞啲衫去換所以都係依舊決定掃街。行過呢間見到啲精緻壽司大大件，一於入去試下啦！我地兩個人嗌左四件壽司，兩件飯團，同一個飯，再加兩個味噌湯。啲壽司真係好大件，刺身都好新鮮，特別係帶子，好鮮甜。而飯團就嗌左一個蟹膏一個明太子，蟹膏果個有埋蟹子蟹柳，好好食。而明太子飯團相對個味道就清啲。最後個咖哩雞扒飯啲咖哩好香，唔會話好濃味或好辣，而啲雞都好軟滑，最重要跑係真係肉多過飯，好抵食🤣另外佢跟嘅味噌湯好濃味而且好足料👍🏼雖然佢得企位俾人快速用膳，但舖頭嘅怖置絕不馬虎，全部都同恐龍有關，好得意。連張紙巾都過癮過人。🤣

今日難得黎到銅鑼灣行街 即時諗起為食龍 openrice零負評 應該真係好好味呢到主打腐皮壽司 同埋 飯團！仲有啲日式set 選擇都幾多👍👍👍今次叫左三款腐皮壽司泡菜三文魚$18 調味幾好 三文魚份量足夠 啖啖肉甜蝦蟹子$20 兩個晤會輸既配搭 鮮味十足黑松露帶子$22 黑松露好香 帶子係厚切 扺食👍不過要留意有啲難夾起會散 所以食要小心啲另外飯團叫左糖心蛋 呢個只可以叫流心蛋 不過味道都幾好 係食得比較麻煩牛油果鰻魚 呢個配搭晤算好夾 下次晤會試燒左口魚邊 左口魚邊好有驚喜 食落好重油香 仲有淡淡檸檬調味 推介👍👍飯都係做得有啲散 食起上黎有啲麻煩

唔知咁多位朋友仔有幾鐘意食日本菜？👦🏻👧🏻應該都會係10個就有10個咁鐘意，所以成日都會搵有咩好食，咁岩行過銅鑼灣見到呢間裝修好靚既舖頭就俾佢吸引左入去幫襯，用上恐龍做主題，一試就鐘意左🙈因為👦🏻👧🏻都幾肚餓既關係，叫左都幾多野食，分別有溫泉蛋西京燒鯖魚丼、為食腐皮系列既明太子三文魚、黑松露炒蛋、甜蝦蟹子、蔥吞拿魚拖羅蓉，仲有蟹膏飯團、黃金魷魚飯團，真係食得好滿足🤤👦🏻就好鐘意食腐皮壽司，貪佢甜甜地又係豆製品，所以一黎就揀左四款同👧🏻一齊share，👦🏻就鐘意蔥吞拿魚拖羅蓉同埋黑松露炒蛋，鐘意佢個吞拿魚蓉夠新鮮同埋好鮮甜；而黑松露炒蛋就夠曬香口同埋👦🏻都好愛炒蛋所以加分；而👧🏻就比較鐘意明太子三文魚同黑松露炒蛋，明太子加埋三文魚變得辣辣地，有唔同味道既層次，加埋甜甜地既腐皮好大對比。而兩個飯團都好夠鮮味，蟹膏飯團有唔吝嗇嘅蟹膏醬，所以基本上每一啖都食到蟹膏既味道；而黃金魷魚亦食得出佢既鮮味同新鮮既程度，👦🏻👧🏻都好鐘意❤️；最後既溫泉蛋西京燒鯖魚丼亦係👦🏻👧🏻都愛既一道日本料理，尤其👧🏻最愛食鯖魚，今次真係正中佢下懷，用西京燒既煮法加埋溫泉蛋既蛋黃拌勻每一啖飯，食到既係甜甜既小確幸，為呢

最近睇FB飲食介紹新開既Hungry Dino，位置幾就腳，擇日不如撞日，收工就去試～就係銅鑼灣百樂中心向前行多幾個鋪位就見到條為食龍～一入店內，即時感覺好田園Feel～工作長時間對住電腦，望到綠色田園既野，的確令個人精神d！爆汁肥牛丼（+$4咖哩汁）：加配既咖哩汁係日式咖哩，甜甜地易入口，而且幾多蔥花，令個丼飯更加香噴噴～而且的確爆汁，食到底都依然Keep住有牛肉汁同咖哩！肥牛多而且煮既時間都岩岩好仲嫩蟹膏、黃金魷魚正飯團🍙：出黎時候兩舊飯團白雪雪，有d伏既感覺，咬一啖，我要收番伏呢個用詞，絕對禾稈冚珍珠，入面d材料迫爆，絕對同價錢成正比～蟹膏夠鹹香做飯團既餡料絕對好夾！三文魚牛油果🥑、黑松露帶子粒、蔥吞拿拖羅蓉、鰻魚玉子燒絲—腐皮系列：必試既腐皮系列，先講外觀，件件都足一隻手指長，甜甜既腐皮包住厚厚既壽司飯，再配上款款都多到爆既材料係面，的確好吸引！🎀三文魚🍣肥美配牛油果肉質細膩，的確鮮美！🎀黑松露獨特香氣配上淡淡而又鮮甜既帶子粒，意想不到既夾！🎀蔥吞拿魚拖羅蓉無根非常好，入口都溶得快～🎀鰻魚配有濃郁既鰻魚汁同蛋絲，絕對美味因為材料新鮮同味道唔差，無加到豉油都夠曬味首件腐皮跟飯有-