烏節麵吧 (已結業)

2007年11月05日，烏節。Lunch來了烏節，似乎不太便宜，最後選了牛魔王喇沙。牛丸和肥牛配油麵米粉，我沒有覺得很差，一般啦。我不喜歡油麵太腍，湯底也不夠香，這樣的水準賣38元是貴了點。

記得以前報紙介紹過,前幾日經過便順便試下,叫了碗牛魔王蝦湯底,牛丸,牛肉都還可以,但麵質像是車仔麵的油麵, 湯底完全不像是蝦湯底, 老實講,車仔麵的腩汁重好食過佢, 下次就試下杜蘭街的蝦麵店, 看看分別有幾大

薏米水淡而無味。食物和雜牌快餐差不多水準, 寧可去吃大x 樂好好多。

前排同朋友去呢度食~ (第一次食)見店員向我地推介呢度既.. $120 (2 人) set dinner~抵食之餘又好多不同選擇! 幾岩我地胃口, 決定一試!(主菜)黑椒牛丸+肥牛喇沙(朋友食)魚蛋+魚皮餃喇沙(我食)--> 湯底味道幾好! 好大碗! 好多肥牛, 魚蛋好彈牙!!(小食)特色炒蘿蔔糕--> 諗住佢係因為set 既關係可能會得細細碟啦~ 原來唔係! 份量都唔少嫁!! 炒得幾好味!!(菜)清清地要左.. 腐乳通菜~--> 烚通菜+ 腐乳汁另上!(呢個做法幾好! 因為我麻麻地腐乳..)(甜品)炸香蕉--> 我地食晒主菜, d 職員就幫我地落單上呢個甜品~即落單即炸! 無我想像中咁油膩! 炸得幾好味~ 仲要有6 舊咁多!!(特色飲品)--> 我地兩個都係叫左.. 青檸水~我會覺得甜左D ~下次去可以試下珍多冰XD係咪好多野食呢!?都係$120.. 仲唔駛加一!!我同朋友攬住個肚俾錢走人~我地決定下次再黎食過~PS. 店員都幾有禮貌~! 幾細心! 值得一讚!!

好耐之前試過..當時正值LUNCHTIME，又多人，次次遲過我黎o個d人order o個d都上先過我，真係好唔滿意。不過附近間巴沙貴過佢d份量&quality真係唔係好得..所以都係再去烏節。過左咁耐冇去，真係大有改善.Order上得好快，而且service都好好。最重要係佢d麵真係好食丫嘛..尤其是係鮮牛肉.非常好食!!之前有d食評話佢點解會有油麵..其實我之前聽o個度d人講..正宗既新加坡喇沙係兩溝架....真唔真就唔知，不過又真係冇礙佢既味道喎。$36左右一個lunch set，o係灣仔真係算係咁。所以而家我一o係灣仔食lunch都會想去o個度..

十一月六日星期一約o左阿Mo午飯時間買跑鞋原來灣仔莊士敦道電車站改o左, 老麥個位已經要落車本應去再興吃燒味飯, 但經過烏節咪試吓囉... 點知..蝦麵味道真係好一般, 湯底無咩味, 咁已經唔掂啦, 須知湯底係蝦麵靈魂最恐怖就係個女侍應將佢亁睜睜o既頭髮一揚到碗蝦麵到, 但又見唔到佢頭髮有濕喇沙肥牛個喇沙醬又唔夠味, 仲有喇沙醬個味都唔係好正宗浪費了我肚子的Quota...

行街見累又餓咪搵野食囉~見佢個樣唔差咁~諗住試下啦!完全唔得~~我睇個餐牌~咩都有~都唔知似咩~印尼野唔似印尼野~唔得統一~好似亂葬崗咁~叫個喇沙湯啦~樣就呃到人既~飲落去- 唉~學周師父講~好過飲白開水囉~無味...d菜得個烚字~無獲氣...仲知食物就真係唔使講~~難食~去食老麥好過~~你話好食都好丫~收咁既價錢~食d咁既野~我唔好加少少錢食好d~講開服務~仲衰~d侍應好似借咗陳生對耳咁~"龍"架~自己掛住傾計,玩~都唔理你叫佢~扮聽唔到~都唔係做野架~想我下次再去~~除非全香港食市執晒啦~我都寧願自己煮公仔面呀~

佢開左無幾耐我就去食過..個蝦面..真係...點會加蟹柳同埋個D 急凍魷魚仔架....不知所謂...又貴...D 人又唔掂...野食又無選擇......死都唔會再去

本來想去食沙爹城的可是openrice的地趾好像有點問題……見附這間鋪子看像不錯的就內進了。叫了牛魔王喇沙的套餐，44元。喇沙竟然是面條……不是嗎……我在沙巴吃的好像不是這樣的\____/而且已經浸到軟軟的，難吃！喇沙湯底嗅了一嗅，不錯……可是喝一口……沒味道的……很淡，開水加紅油般般，垃圾。牛肉雪凍的，沒甚特別。有腐乳通菜送……不過不是炒的……是腐乳醬加烚通菜……又是難吃！最好的是lemon tea……起碼可以飲得下口的。桌子不穩……又要扣分喇而且招呼又慢……老兄大姐們……午餐多人也不要吃這間，又貴又不好吃……買面包好了。

話說今回落灣仔區視察民情，發現上個月仲賣緊珍珠奶茶，今回已經變左蝦麵喇沙，真係不禁要嘆一句：「世界變得認真快！」不過入去試試又無防。餐牌上無乜幾樣可以揀，保守d叫o左牛魔王喇沙。喇沙湯底好香，飲一口椰香四溢，食一啖齒頰留香，有d野喎；麵係摻摻，無話用瀨粉充米粉。唯獨所謂o既牛魔王只不過係牛丸同肥牛，平時打邊爐o既貨色都及唔上，$29蚊一碗，+4轉喇沙湯底，未值呢個價。食食下之際，呢度又犯左所有餐廳其一大忌：叫d食緊野o既客搬。睇番其他食評，真係抹一額汗，心諗：：好彩無叫蝦麵唶！

其實當佢地第三日開張時候，我地已經做過一次白老鼠！第一次幫襯時，等食碗「普通過唔普通」的「所謂蝦面」，足足食左成個鐘，無錯係連汽水都係唔知點解都係第等等等…總之成鋪頭D人都係同一個不耐煩同等食的表情！唔知以為碗野係幾驚喜！點知真係好驚，驚口既係蝦面唔見有蝦，喜係香茅雞翼唔洗用香茅。如果大家係前世未食過蝦同香茅雞翼的話，都算啦！之但係40蚊一碗極品，唔洗幫襯你啦，老襯！

在莊士敦道,有間新加坡麵食"烏節麵吧"剛開張不久.在188順路買些唱片兼等陣會有大戰在灣仔.看看他們的蝦麵有沒有蘭杜街"蝦麵店"一樣水準?周六下午接近黃昏時段,得小貓三四隻.睇個餐牌,麵食主要分喇沙同蝦湯麵.還有少量新加坡小吃.接下來會又飲又食.來一碗海鮮蝦湯麵作罷.上桌賣相,已經唔多對路.雙目無神的青口.快餐店外型的炸蝦,仲有蟹柳.非常求其.淺嘗一口湯底,蝦味?都有,不過唔多,整體味道似一些街邊車仔麵檔,顏色深紫,味道曖昧的湯底.正路黎講一碗令人心動的蝦湯底,離遠已聞其香.味道鮮甜清徹.絕非此店之車仔麵貨色.同青口四目交投,相對無言,思想鬥爭一論後放入口.不出所料,唔新鮮.炸蝦無蝦味.外面就炸得不錯.蟹柳無須多講,與超市本地包裝出品一樣酸臭.墨魚丸唔會自家製,一定外來交來的貨色.無甚墨魚味道.唯一素食材料豆卜,完全索唔到味.新奇.拿拿臨吃罷埋單,盛惠$32,感到無盡空虛.一間由新加坡人打正旗號開的星州麵店,水準竟然如此,真係要套用這個Slogan,"去大久保,難食到估你唔到."Singki一向當我們香港係假想敵,但請不當我們係傻瓜.好唔好吃,我們懂得去分辨的.PSet Shop Bo

見呢間烏節麵吧都開左好一陣子,一直想找機會試試,終於今日約埋幾個同事一齊去食lunch~入到去,成間鋪頭夾埋唔知有冇10款麵食,仲要價錢有返咁上下,仲諗住貴精不貴多,d野食應該有返咁上下, 點知....我地叫左牛魔王麵($29)同香茅雞翼麵($28),menu上面寫住"可轉叻沙湯底. 大蝦麵, + $4轉唔知乜乜乜"咁, 咁大家就諗住轉叻沙湯啦, 點知個waiter哥哥話, 轉叻沙湯係要加$4, 咁唔知係我地理解能力唔好, 定個menu寫得衰,跟住個哥仔順手拎左張新menu過黎,用label貼左"+$4轉叻沙湯底"既字眼,仲要新menu同舊menu既價錢係唔一樣的.....(當然價錢係貴左而唔係平左)一望之下,差唔多佢個個menu的肉容都唔劃一的, 真係好恐怖...我叫既牛魔王麵, 其實係有d肥牛同2粒黑椒牛丸, 加埋既"參參" (即米粉+ 油麵), 個叻沙湯底我個人認為一般,冇乜特別, 但又未至於難食....但粒牛丸一咬之下, 發現個心仲係凍的未煮滾既??....!!!同事叫既係清湯底,原來清湯即是指走左辣既蝦湯,但sorry,佢地真係食唔出有蝦味, 仲覺得個湯好淡...個香茅雞翼,

這裡新開冇耐，個店名用上新加坡一條街道的類似名稱，令我有點想起近排在新加坡搏鬥的日子，不如就來試一試，睇睇這裡的喇沙會唔會比新加坡食到的好。同太座二人差不多兩點半到達，見門口竟然掛著「close」的膠牌，但裡面就仍然有客人在用膳，推門問過後，原來還是營業的，就馬上找兩個位坐下。這個舖上一手是做台灣o野食，裝修可能沒有經過大執，所以一眼望落去，都跟那些所謂台灣食店沒多大分別，但就打著星馬的旗號，總有點格格不入。我們叫了一個「牛魔王」配蝦湯底，喇沙，香茅雞翼，星洲奶茶。但最後沒有喇沙，換來一碗蝦湯底湯麵。所謂「牛魔王」，其實是將肥牛肉、牛丸、貢丸等，配在蝦湯底油麵上，怪怪的，這是星馬o野？湯底不見得有什麼蝦的鮮味，丸類亦是外來貨，還帶有一點雪房味，以這樣的一碗麵，究竟同車仔麵有什麼分別呢？但價錢就貴得多了，要成30蚊碗。沒有喇沙，換來的那碗蝦湯底麵，除了幾條芽菜和豆腐卜之外，就沒有其他配料了，蝦湯底？好難食得出喎！香茅雞翼只是幾隻煎熟了較瘦的雞翼，咬落一d 味都冇，看來師傅真係沒有時間去醃雞翼，還有香茅呢？去左邊？唯一可以讚的是那杯奶茶尚算滑，但就落多了練奶，甜了一點點。當時三點幾，唔算多