烔路人

营业中

休息中

去葵廣掃街梗係要食下啲港式美食🇭🇰係2樓美食區嘅兵家必爭之地最近就見到有間雞蛋仔、格仔餅專門店－烔路人，新開不久已經有唔少人推介🙌🏻一於去試吓超級邪惡既開心果雞蛋仔。大部分款式都會加入麻糬。Weekend客人好多，要等大約半個鐘🕕🧇開心果麻糬雞蛋仔 $45第一啖食落有雞蛋仔本身嘅香味同麻糬嘅糯米香，不過開心果味唔算好突出，要慢慢逐粒逐粒嗒落就會明顯啲、香啲，如果開心果味突出啲會更好😗雞蛋仔加入軟糯麻糬，份量十足，不過就令到雞蛋仔唔夠脆。推介指數（10分為滿分）：6.5分

同小朋友一齊行葵芳，最鍾意掃街，啱啱好經過見到一間雞蛋仔，就買一底嚟試吓（開心果麻薯雞蛋仔 ＄45），從未試過食過有餡嘅。果然一試難忘，加咗開心果喺入邊都唔會好甜好漏仲脆卜卜，食落每一粒都有麻糬。煙煙韌韌。同出面傳統雞蛋仔好唔同。下次一定要試埋其他味道同埋唔同嘅餡。。

今日去咗葵涌廣場同朋友掃街，見到超多人推介開心果雞蛋仔，去到見到門口冇咩人，以為竟然冇人排，但原來係因為要等35-40分鐘😂咁我哋就決定行住街等我嘅開心果麻糬雞蛋仔～盛惠$45 🤑🤑🤑過咗35分鐘返到去，雞蛋仔仲用風機吹緊，不不過就變咗冇咁熱辣辣，但係雞蛋仔總括而言都係外脆內軟～而且開心果味香濃但偏甜，麻糬係偏軟腍腍嘅，有拉絲效果，唔算係好crewy嗰種～一個人食可能會有啲漏，同朋友share啱啱好！🥰

從來未食過咁難食嘅雞蛋仔，淋到一pat，好似未熟咁，問返店員，店員仲堅持話呢個口味係咁，跟住又話呢個味會發唔起，質地係咁，從來都未食過雞蛋仔係咁樣，仲咁多社交媒體網站紅人推介，以後都唔會再幫襯🤮🤮

呢個位置附近有一系列嘅小食小店 總有一間啱你心意 見呢間好多人喺門口等緊 又未試過 就決定買嚟試吓嗌咗一個原味格仔餅 $20等咗一陣間就到手 熱辣辣新鮮出爐 醬都算多 食格仔餅最開心就係多醬先食得滋味 但可惜佢口感一般般 唔啱我心意 太過淋又唔脆(我個人鍾意外脆內軟 就算唔脆都要咬落去有啲口感同厚度先係perfect🙈) 以呢個價錢 呢個質素 未必有下一次🙈

是日去葵廣掃街，巧遇開心果雞蛋仔平時食開雞蛋仔都係食開伯爵茶味，正當叫伯爵茶味既時候，竟然俾我見到有開心果雞蛋仔，當時1516，諗緊嗌伯爵茶味定開心果味好，但係又驚兩隻味嗌晒又掃唔到其他野食，所以最後決定試新野～轉軚食開心果味！！！一攞到即刻忍唔住咬咗一啖🤣先記得影相，因為真係太香了！開心果醬夠多，啖啖都勁香開心果味，食完真係好滿足 以後如果食雞蛋仔首選一定係開心果味，中意開心果既人真係值得一試！

香港人梗係鍾意食雞蛋仔同格仔餅。但食得太多搞到今年肥左。咁岩收工路過見到有間新既雞蛋仔味道仲有好多選擇，買個試一試，過下口癮都幾意外，呢間都做得唔錯，即點即做，外脆內軟嘅雞蛋仔，有雞蛋仔蛋香味，確實店主係認真做的，今次試咗開心果麻糬雞蛋仔，開心果味意外地好夾，唔係假開心果味，熱辣辣上手，每一粒都佈滿麻糬，甜味剛剛好，唔會太甜岩曬想減甜既人。依間第一次食，印象都幾好會再回頭買，下次試下食格仔餅同其他味既雞蛋仔。溫馨提示：要即刻食，凍左咩都唔好食，雞蛋仔更加係咁

好少寫食評，但呢間小店真係覺得要支持吓💪🏻💪🏻💪🏻好多種口味，用心經營👍🏻👍🏻行過葵廣見到有間好多口味嘅雞蛋仔，好多隻味都想試，因為未食飯，想食啲有鹹味嘅嘢，最後揀咗個豬柳蛋雞蛋仔！ 本來都唔會有好大期望，因為近排個個食M記pancake豬柳蛋，講到好好味，我試過覺得口感同味道都唔係好夾！所以見到雞蛋仔版嘅豬柳強就試一試啦！一咬落口🤩超級驚喜😍雞蛋仔烘得脆卜卜，食到雞蛋仔嘅蛋香味，再夾埋豬柳蛋芝士，每個味道都好平均👍🏻👍🏻👍🏻仲要係超級足料，每一啖食到尾都係好有料，最開心嘅係逐粒搣嚟食又得，當包咁成個咬又得😆😆食完一個都好夠飽，自己一個當食一餐都可以👍🏻👍🏻👍🏻一定會嚟返尋味試勻其他味🤣

阿女叫咗我去葵芳掃街，年紀大唔係太食得咁多熱氣／過辣／過甜嘅嘢食，試咗呢一間雞蛋仔，好彩唔係太甜適合我吃，因為店員話佢哋嘅雞蛋仔少甜又低脂，所以我一於試一試，我可以放心吃多幾粒🤣我十分鍾意飲茶，所以選擇咗伯爵茶雞蛋仔，果然有茶香味係我鍾意嘅味道👅如果鍾意飲飲茶嘅朋友仔，經過都可以試吓這個味道👍雞蛋仔比較濕潤，脆脆地，入面仲有麻糬，都幾多架～口感都唔錯，始終係少甜雞蛋仔，感覺上好健康～等咗10分鐘唔係太耐，即叫即做👍

本人超鍾意食開心果🤤已經係廣場買左一杯開心果飲品🍸點知經過見到好似新開既舖頭，有格仔餅開心果味，仲要有麻糬係裏面🌸因為係即叫即整需要等待既期間同店主傾左幾句，店主都好人因為我同佢講話想外皮脆啲整耐啲都得🫣佢都冇黑面仲叫我耐心等候😋俾我既時候仲叫我小心熱🥰係服務方便下一次都會再幫襯🙂‍↕️真係做到外脆內軟，開心果醬都好多，而且個麻糬都好好味🤤但係食一個已經好飽了，如果有多一個人一齊分享咁就可以繼續係葵芳掃街🤣

今日經過葵廣 突然好想食甜嘢 於是見到呢間款式好多嘅雞蛋仔店 門面都精神唔老土 適逢呢期興開心果 咁我又好鍾意食麻糬 我就揀咗個開心果麻糬雞蛋仔 咁就即叫即整嘅等咗十分鐘左右就拎得 一拎上手都幾墜手 證明都幾足料戒糖兩個月嘅我 本應對甜味好敏感 我都預咗會甜到漏點知一食落口 甜度好平衡 開心果 麻糬 蛋香 每一樣都可以好分明咁食到 火候同吹雞蛋仔嘅功夫都唔錯外脆內軟 麻糬更為雞蛋仔添加咗微微黏糯嘅質感 令口感更有層次 I will be back

今日同老公去葵芳掃街，見到呢間未食過嘅雞蛋仔，又冇人排隊，竟然有我最鍾意嘅開心果味❤️但開心果雞蛋仔唔係間間做得好食，呢度開心果雞蛋仔，還可以加麻糬喺入面架，好吸引了😃叫咗一份試吓，感覺開心果味係濃ga， 好香，內脆外軟好好食😋仲有店員好細心 有禮貌 ，提醒我小心熱添，因為真係新鮮出爐^ ^價錢都好親民，下次有機會再去葵芳再試吓格仔餅先剛剛做起，麻糬好足料，每一粒雞蛋仔都沾滿麻糬，吃起實在太香，忍唔住食咗2粒先記得影相

屋企塊碗布都好食過佢 雞蛋仔篇見佢打住生酮的旗號，咁行緊低碳嘅我，梗係嚟支持下烔路人一行到埋去見到個油頭既男仔，態度十分誠懇，諗住冇死啦，叫咗個出面冇嘅椰子味雞蛋仔等咗大概10分鐘，返嚟見到已經整好咗聞一聞發現冇椰子味？！唔緊要，試下味先發現佢個底完全扁塌，得上半個有雞蛋仔仲有口感好似毛巾，同埋入口凍凍地成舊嘢凍毛巾咁嘅感覺好似喺屋企攤咗成個禮拜嘅凍毛巾咁嘅口感難以理解地難食應該係我成世人食過最難食嘅雞蛋仔

平時好少打食評 今次真係忍唔住喺葵涌廣場電梯口見到個廣告 寫住流沙奶黃雞蛋仔 聽落好似好吸引就行咗過去試 去到都好多人排隊下 等咗大約八分鐘 終於有得食喇個店員同我哋講最好兩三分鐘內食咗去 如果唔係會腍 未食之前心諗都唔會脆得去邊啦 點知食落去真係外脆內軟😋😋食落去第一啖真係唔係講得少 超重流沙奶黃味 嗰陣鹹蛋香真係唔講得笑 真係好耐冇食過呢種口感嘅雞蛋仔🥹另外值得一讚嘅係 係葵涌廣場呢啲地方 仲有啲咁禮貌嘅舖頭真係冇幾多間👍👍 值得推介!

成世人食咁多間格仔餅，未食過一間會淋成咁....淋到拎都拎唔住...仲軟過疏乎里咁款，又濕口又淋。味道就還好，都算有蛋香味，但點解質地咁差，店家真係冇收過意見咩？