燒洒一族 (TKO Gateway東翼)

营业中

休息中

今天買慢煮醬烤肋骨,行去付款時,見男職員專心地用洗潔精抹,見有好多泡,抹在放了數隻是已烤過的咸豬手的櫃枱, 而另外一位男職員就用水喉猛响住,擺放有咸豬手的櫃檯及隔離的焗爐下方噴水洗,焗爐內裏也有烤住数隻咸豬手,我叫職員我想付款買醬烤肋骨,他才轉身收錢,而另一職員也繼續噴水,我就同收銀男職員話你們這樣噴水會否噴到落擺喺枱上的咸豬手,而噴水的男職員即刻收了喉,沒有噴水而對我講話在枱上那些咸豬手是未熟的,就算趕收工,都請把食物收好才清洗.何況當時五點都未夠.請為食客著想一下.

炎炎夏日成日冇胃口，最啱食涼拌菜開開胃～～而我就好鍾意食「燒洒一族」的酒醉系列小食，攞黎加餸一流！佢地最近仲推出了麻辣系列🌶，一樣咁受歡迎😍😍🔸麻辣薫蹄 🔸麻辣豬耳 🔸麻辣金錢肚用上秘製麻辣醬、豆蔻及八角等超過十款的辛香料製成～～全部味道都唔錯，我就最鍾意「麻辣薰蹄🐷」！！爽彈的薰蹄配上秘製麻辣醬汁，入口麻辣惹味🌶，食完好醒胃！！🔸酒醉雞卷 🔸酒醉溏心蛋呢個係佢地的人氣產品，次次黎都會買返去食😋😋一打開已聞到陣陣花雕酒香，就算平時唔飲開酒都食得到～～「酒醉雞卷🐥」咬落啖啖肉，酒香濃郁！而且醃得好入味，整體唔錯👍🏻👍🏻

這間新派燒味店同時照顧鍾意食冷盤、麻辣口味的顧客😋每次經過見到佢嘅燒豬頸肉同燒腩仔都流晒口。收到order今日加餸嘅目標係要買冷盤😋門口凍櫃有自家製作酒醉、麻辣冷盤小食。款款都想試，未試過麻辣，今次揀返兩樽品嘗。所有冷盤密封包裝，一般未開啟放雪櫃都保存到兩星期左右。消費滿$90即送保溫袋，方便顧客超貼心❣️麻辣豬耳$48麻辣唔會嗆喉，麻味辣味兩者平衡，麻辣油香，辣度溫和，豬耳爽脆，小朋友簡直係當零食😆大人都好似食到唔停得口😆麻辣牛肚$48這款更加入味，牛肚唔會好靭，有啲似人氣零食魔芋爽😆酒醉海蜇$48粗身嘅海蜇，特別有口感，入口勁爽脆，吸滿酒醉汁香味，令人吃上癮，不吃麻辣嘅朋友極速K.O. 了酒醉海蜇❣️❣️酒醉雞卷$48帶酒香的雞卷啖啖肉，夏日配啤酒一流！雞卷做工比較複雜，至少比雞翼少啲脂肪✨酒醉燻蹄$48豬皮部份入口彈牙，份量不少，配上海蜇絕對經典百搭😋冷盤口味多樣化，麻辣口味更有驚喜，啱我唔太吃得勁辣嘅人~

坑口｜燒洒一族 .夏日火火，最好就係食下冷盤，所以我經常都去坑口燒洒一族買啲西式烤焗燒味同冷盤小食，又快又方便，即買即食，舖面又乾淨企理，除咗我最鍾意酒醉系列外，麻辣系列都好醒目😂.🔺酒醉薰蹄🔺酒醉溏心蛋酒醉系列跟以往一樣，酒味香濃，薰蹄入味爽口，送酒做餸兩樣都可以，溏心蛋必買系列，雞蛋流心效果一流，酒味滲入蛋內，絕對令人回味無窮💞.🔺麻辣牛展🔺麻辣金錢肚🔺麻辣腎片麻辣系列不會過辣令人失去味覺😂 保有麻香，微辣，麻辣牛展用嚟拌麵原來好正😋 金錢肚夠味而且軟腍，腎片爽口，令人吃不停口😋.店名：燒洒一族地址：厚德TKO Gateway 15號鋪

之前試過燒洒一族的洒醉系列覺得不錯，這次他們新推岀了麻辣系列，吸引到我去試試看🌶️ 懶得煮餸的日子買幾罐加餸真的好方便！夏天吃涼拌菜很開胃🔸酒醉系列Encore了上次買的雞卷，另外點了薰蹄試試。繼續保持到水準，兩款都很入味，滿嘴鮮味酒香，而且啖啖肉，正😋 🔹麻辣系列他們的醬汁用了袐製麻辣醬、豆蒄及八角等超過十款辛香料製成，我點了腎片、薰蹄和金錢肚，辣度非常剛好，是過到口癮的麻辣但又不會辣到吃到滿頭大汗，如果只能吃小辣的朋友也可以試試，非常惹味金錢肚軟腍吸汁，腎片爽口，兩款送酒都一流。而麻辣薰蹄我拿了來配麵，撈汁吃一流

夏天必食嘅冷盤小食‼️🌞行過坑口街市見到間燒酒一族🥳新推出自家研制嘅冷盤食品🤤啱哂夏日炎炎無胃口食熱嘢🥳轉吓口味酒醉及麻辣冷盤小食❄️方便唔洗煮所以買幾樽加餸😋麻辣金錢肚，55蚊樽💰金錢肚牛味突口感，滿麻辣醬汁，軟嫩非常有嚼勁，份量十足😋麻辣腎片，46蚊樽💰麻辣腎片口感嚼勁，配上麻辣汁回味無窮☺️麻辣薰蹄，46蚊樽💰薰蹄肉質結實有嚼勁，薰蹄份量十足，豬皮部份爽口，佔滿哂麻辣香味😋麻辣豬耳，46蚊樽💰豬耳爽脆帶點彈牙口感，肉質細緻，吸收麻辣香辣，越嚼越滋味🐷酒醉豬手粒，45蚊樽💰酒同杞子等食材浸到豬手粒勁入味，酒味香濃，豬手爽口充滿骨膠原🐷整體每樽用膠樽密封，方便衛生，仲有食用最佳日期，加餸嘅好選擇😋

話說我媽媽好鍾意喺度買小食，煮小個餸慳時間又慳力，特別係一樽樽嗰啲，可以放喺雪櫃得閒拎出嚟食。可惜嘅係暫時港島未有分店🥲。🐮#麻辣金錢肚 ($55)▪️爽口彈牙唔會太辣✨▪️有少少爆汁嘅感覺🐔#麻辣腎片 ($46)▪️結實得嚟又幾爽▪️少少麻，辣油嘅香味比較突出🐣#麻辣雞軟骨 ($46)▪️一罐入面有好多粒，size都幾大▪️有啲比較爽口，但有幾粒大嘅會硬少少🐤#酒醉雞卷 ($45)▪️上次介紹過，覺得好好食，所以再回購▪️最鍾意就係大嚿冇骨，好方便▪️吸滿曬花雕酒嘅味道勁香🐷#酒醉薰蹄 ($45)▪️又脆又大片▪️同樣無骨，薄薄地一片口感不錯除咗坑口店之外仲有其他分店嫁，大家有興趣試吓嘅話不妨睇吓會唔會有一間喺你附近😆？

之前食過燒洒一族嘅酒醉系列，最新更推出咗一系列麻辣冷盤小食，每樽用上易拉罐設計密封包裝，感覺衛生！而且即開即食，加餸超級方便！🌶️麻辣牛𦟌🌶️麻辣豬耳🌶️麻辣薰蹄🥃酒醉薰蹄🥃酒醉雞軟骨麻辣系列以秘製麻辣醬、豆蔻及八角等超過十款辛香料製成，麻辣味香好惹味，同時唔會話太辣，唔食得辣嘅朋友都可以試吓！牛𦟌好有驚喜，肉質結實帶點嚼勁，整得好入味！豬耳口感脆嫩，配上麻辣汁回味無窮～酒醉系列用上黃酒、花雕酒同其他香料浸泡而成，酒味香濃，每款食物都浸得好入味！雞軟骨好有口感，份量又夠多，一粒接一粒！薰蹄好爽口，肉質香軟，酒香味濃郁，重口味之選！仲有好多款食物，包括鴨舌、金錢肚！腎片、豬手粒、雞翼尖、海蜇同糖心蛋，下次要試埋其他！

👩🏻一向鐘意食燒洒一族嘅酒醉蛋同酒醉薰蹄。佢哋最近有新產品鴨舌，仲推出咗麻辣系列冷盤，即開即食勁方便！而家買兩樽仲可以減5蚊。🌶️麻辣豬耳 $46🌶️麻辣牛𦟌 $55佢哋嘅麻辣味又香又惹味。辣度唔算好高，唔會太過刺激。豬耳軟滑爽脆兼備。牛𦟌半筋半肉，軟腍易咬。🍶酒醉薰鴨舌 $96🍶酒醉薰蹄 $46酒香十足，但唔會濃到冇晒食材原味。鴨舌肉質香脆，做小食、餸酒都一流。薰蹄塊塊扎實完整，軟腍又充滿膠質！

燒洒一族📍@grillmanhk分佈係港九新界 ~ 全港一共8間分店真係好方便✔️@grilmanhk 加餸好幫手之前介紹過佢地西式烤焗燒味🍗🐽呢排禁熱🔥當要食佢地冷盤小食分為麻辣🌶️系列同酒醉🍶系列有辣有唔辣～任君選擇～不論買來做加餸抑或配酒做小食都一流特別喜歡佢地鋁罐蓋膠樽獨立包裝設計即開即食又易保存😄🙌非常方便我就入定幾罐放屋企✔️隨時都食得💯麻辣系列～入口惹味香辣🌶️食唔停口* 以秘製麻辣醬、豆蔻及八角等超過十款辛香料製成~酒醉系到～酒味香濃～非常入味*用左黃酒、花雕酒等其他香料浸泡 有多款不同食材選擇～更不時推出新款式。鴨舌 。牛𦟌。金錢肚 。薰蹄。雞軟骨 。豬耳 。腎片。雞翼尖。海蜇。糖心蛋。豬手係味好正呢～佢地有8間分店～快D去買來試下🩷💯馬鞍山店📍恆安街市 48號鋪藍田1店📍啟田市場1003號鋪藍田2店📍德田街市 80號鋪南昌薈店📍南昌薈街市 5號鋪坑口店📍厚德TKO Gateway 15號鋪大埔店📍大元街市 403號鋪大圍店📍顯徑街市 30號鋪樂富店📍樂富街市406號鋪#hkfood #hkfoodie #hkkol #kolhk #hkfoodlover #foodiehk

屋企人煮左飯，所以叫我出面買啲嘢加餸。咁最簡單就出去買啲燒味番嚟，路過見到依間《燒洒一族》除左燒味之外，原來都有好多款主食同小食。德式燒豬手超過我手掌咁大隻嘅燒豬手，好貼心咁已經切好哂一片片。豬手外皮拎到番屋企嘅時候仲係好脆，肉質肥瘦都適中，充滿咸香味。自家製燒肉出面食燒肉好驚燒完放左好耐，佢地係新鮮焗製，燒肉厚身但係異常香脆，中間有一層恰到好處嘅肥肉，最底層就係充滿鹹香嘅瘦肉，好值得一試。酒醉豬手粒好可便嘅盒裝，食唔晒都可以放落雪櫃。濃濃嘅酒香味道，豬手又煮到好腍。燒洒一族 (TKO Gateway) (將軍澳)將軍澳常寧路2號TKO Gateway 東翼地下EF15號舖

難得有一次係屋企食飯，但係煮唔到咁多，咁梗係唔少得買啲燒味啦，今次碰巧去坑口，見到依間主打燒味同酒類醃製食物，睇到我流晒口水買番啲返屋企食先！分量夠大，價錢又夠平，加餸好介紹！蒜香南乳燒春雞春雞預先用咗南乳醃製，外皮燒到微微出油，咬開滿滿嘅肉汁。慢煮醬烤豬肋骨豬肋骨經過慢煮，骨肉好容易分離。肉質軟腍又帶少微甜味。酒醉燻蹄聽人哋講佢既酒醉小食好入味又方便，果然冇錯，買返盒返屋企食，個盒用上食物級安全物料，食材夠新鮮可以放兩個星期，最重要係足料，酒味濃郁

作為外賣店我覺得佢哋款式都算多，價錢亦唔離地。當我買到返屋企打開啲食物時發現份量好足，啲海蜇仲分咗兩日食。呢間絕對會回頭👍🏻。🐷#德式燒豬手 ($98)▪️燒豬手好大隻▪️即場幫你起埋肉，食嘅時候更方便✨▪️味道鹹鹹地，肉就幾彈牙而且唔會太乾，表皮脆卜卜又香口▪️另外可以點埋蜜糖芥末醬，甜甜辣辣又係另一種味道🤩🍗#香甜蜜味烤雞髀 ($22)▪️用蜜糖燒過非常香，買嘅時候已經聞到甜味🤤▪️雞髀肉雖然燒過但一啲都唔鞋，仲幾嫩滑▪️每咬一啖都有肉汁流出嚟，好正😍🐔#酒醉雞卷 ($45)▪️花雕酒嘅味道好濃郁，味道偏向甜甜地▪️雞卷非常入味😋▪️大大嚿雞卷一啖食落去好滿足▪️一樽起碼有七舊雞卷，size唔細嫁🍾#酒醉海蜇 ($45)▪️海蜇同平時茶樓食到嘅好唔同，燒洒一族嘅海蜇勁脹卜卜▪️口感絕對稱得上爽口彈牙👍🏻▪️充滿花雕酒香，有少少爆汁嘅感覺燒洒一族除咗坑口之外仲有多間分店，而且周不時會推出新款式同味道，大家得閒經過可以望望有冇啱心水嘅燒味😆。

有時懶得煮就會斬料番屋企燒洒一族食物款式都幾多今次叫左豬手、燒腩仔同酒醉系列返去食▪️德式燒豬手 $88豬手份量都幾多 層皮烤到脆卜卜 內裡肉質嫩滑又入味 咬落有肉汁味道真係唔錯 幾香口同時附上芥末醬 想重口味既再點埋食更惹味▪️自家制燒腩仔 $48每件斬到大小適中 燒腩仔精華所在就係塊豬皮 外皮勁香脆肉質夠腍 肥瘦適中 咸香味十足 仲有芥末醬點▪️酒醉溏心蛋 $30醬汁酒味好香 整得好入味成隻蛋都食到酒香味 蛋黃呈半熟狀態 口感一流▪️酒醉雞翼尖 $30份量都幾多 每隻雞翼尖都索盡醬汁 正!

༺ 燒洒一族༻☽‎⋆.•*¨¨¨¨¨¨¨¨¨基本資料¨¨¨¨¨¨¨¨¨*•.⋆☽‎➳ 燒洒一族𖠚ᐝ 酒醉薰蹄($45)𖠚ᐝ自家製燒腩仔($48)𖠚ᐝ 蜜糖黑椒煙鴨胸($25)𖠚ᐝ香草法式春雞($65)⚑ 將軍澳常寧路2號TKO Gateway 東翼地下EF15號舖 ʀᴇᴠɪsɪᴛ: 7.5/10☽‎⋆.•*¨¨¨¨¨¨¨¨¨食後感¨¨¨¨¨¨¨¨¨*•.⋆☽➳ 酒醉薰蹄($45)店家有幾款酒醉產品，款款都喺唔即食，超方便！一打開就散發出好香酒味😍薰蹄味道好好，外層有滿滿酒香，之後就食到豬手味！份量都幾多，肉質爽口，好正🥳評分：7.6/10➳ 自家製燒腩仔($48)燒腩仔肥瘦啱啱好，一層肥一層瘦😆外皮都幾脆！評分：7.3/10➳ 蜜糖黑椒煙鴨胸($25)一份嘅份量都唔少，肉質都唔鞋，幾嫩😚而且會食到有蜜糖同黑椒味，又甜又有少少辣味😋評分：7.4/10➳ 香草法式春雞($65)呢個價錢有原隻雞都幾抵食！食落都有香草味，肉嘅份量都幾多，但唔算好滑～評分：7.2/10