影片
营业时间
今日营业
17:00 - 00:00
星期一至日
17:00 - 00:00
以上资料只供参考，请与餐厅确认详情
之前試過尖沙咀、銅鑼灣分店，筲箕灣店新裝修，感覺更加舒服，好有日式感覺，可以同朋友慢慢傾傾偈😌 叫咗一堆串燒同飲品，全部都即叫即燒個人最愛：🪄雞皮墨魚滑，雞皮加埋墨魚滑竟然意外好食🤤🪄汁燒免治雞肉軟骨棒，平時必叫，雞蛋做醬汁一流😎 🪄鹽燒豚肉荔枝卷，荔枝同豬肉好夾，荔枝嘅甜味中和豬肉油膩之後仲叫咗呢啲都好好食🪄明太子雞腿肉雞腿肉燒到香脆，滿滿嘅明太子醬，唔會過鹹，雞腿肉嫩滑🪄厚切鹽燒牛脷牛脷算厚切，油脂爆發🪄麻辣豚肉芫荽芫荽本身好鍾意食，少麻感覺惹味🪄味淋魚干燒到啱啱好唔會太濕，配梳打一流🪄鹽燒白鱔新鮮彈牙，配少少鹽調味就夠🪄豚肉節瓜波棒糖賣相好靚，將節瓜整成波板糖，豬肉同蛋好夾🪄鰻魚炒飯朋友驚唔夠飽，鰻魚炒飯好足料好大碟，大滿足🪄 孜然燒蒜蓉茄子茄子🍆咬落去軟淋淋，重點配上蒜蓉、調味粉🪄日本芝士年糕芝士年糕烤到半焦，軟綿綿流心，加埋甜甜煉奶不得了🧀🚩 燒烤堂 (筲箕灣)筲箕灣新成街8號新成中心C座地下F號舖#addifoodie #addifoodie筲箕灣#foodie #hongkongfood #drawing #香港美食 #吃喝好去處 #週末好去處 #goodfood #周圍食 #香港插畫 #情侶美食 #HKcouple #hongkongdraw #foodiecouple #愛情 插畫 #香港探店 #燒烤堂
继续阅读
筲箕灣都開了我最愛的燒烤堂 筲箕灣的座位非常闊落，適合和朋友聚會，飲酒聊天的好地方。這一次我們叫了以下食品。整體而已，燒烤堂是我最喜愛的串燒店，他們每一道的菜式都非常惹味，且燒得剛剛好， 用料選材亦非常好。尤其吸引我每次都必叫的是秘制燒羊架、蒜蓉燒廣島蠔、蜜糖菠羅、孜然茄子和雞皮。➿豬/牛/雞/海鮮➿1.手切牛胸爽（$22）2.牛舌（$28）3.雞皮（$44）4.麻辣免治雞肉冬菇（$28）5.焦糖鰻魚玉子燒（$28）6. 蒜蓉燒廣島蠔（2隻）（$44）7.雞皮墨魚滑（$38）8.鹽燒白鱔（$48）9.椒鹽燒鴨舌（$28）10.秘制燒羊架（$48）11.鹽燒豬肋肉（$24）12.麻辣豚肉韭菜花卷（$24）13.汁燒年糕卷（$26）14.鹽燒豚肉荔枝卷（$22）➿蔬菜/甜品/飲品➿1.蜜糖 菠羅（$36）2.蜜糖燒芋頭（$12）3.孜然茄子（$36）4.牛油蒜蓉焗什菇（$38）5.即打菠蘿乳酸（$28）6.即打芒果乳酸（$28）
继续阅读
最近約港島東朋友食飯，又想傾耐少少，就同佢去呢間開到凌晨嘅串燒店～❣️每款串燒都係$16 起，味道同質素都唔錯，絕對係幾抵食，仲有啤酒買一送一❣️呢到最特別係串燒調位，日泰港川新疆整法都有❣️開到凌晨，夜左食飯都唔使食得頹🐷鹽燒豬肋肉$24 - 超級推介，食落去超級juicy 滿滿豬肉濃香+油脂香，燒到外層脆香，調味好好🐑秘制燒羊架$48- 厚切，肉質夠軟嫩，味道唔錯🍆孜然燒茄子$36- 掛滿蒜粒好惹味，茄子淋香入味✨蒜蓉粉絲燒蟶子王/川燒聖子$52- 蟶子肉質唔錯幾甜香，特別鍾意川燒，個辣好入味✨鰻魚炒飯$58- 同樣推介，炒飯粒粒分明，炒得夠香好味道，配料都好豐富，有厚肉饅魚同菇。特別鍾意個菇炒得好香🐔香辣雞腳根$22- 超級推介！成條都係好有口感嘅根，加上辣粉更惹味🐔汁燒免治雞肉月見棒$38- 肉同脆骨比例剛剛好，外層燒到好脆，點上月見蛋黃醬濃香滋味🐷孜然豚肉韮菜花卷$24- 豬肉卷薄脆，配上juicy 韮菜，有層次🍋🟩飲品方面，推介青檸soda，好refreshing，青檸酸甜剛剛好呢到真係可以傾計、食好野好地方，仲可以暖著串燒滿滿食～
继续阅读
假期前夕約埋同事去慶祝！🪇⚡💫🍡有同事介紹筲箕灣燒烤堂，串燒款式特色又多選擇👍🏻！一班人一面倾吓計、食燒烤同飲啤酒，真係幾開心！😊🪇🌈桂花蜜糖本地蕃茄新鮮蕃茄切片，加上桂花蜜糖糖水，前菜之選！🌈秋葵秋葵十分爽口清新！🌈檸蜜牛油包鬆軟麵包，有檸蜜糖醬！上面有大大塊牛油！下次會再去食！🌈牛油蒜蓉焗什菇用蒜蓉牛油焗完之後，令什茹又有蒜香又惹味！🌈鹽燒豚肉豆苗卷軟軟的豚肉香味，包住豆苗!值得再試！🌈秘制燒羊架要用手拎住食，肉質鮮味濃郁! 🌈鰻魚炒飯必叫！小小熱入口甘香有鮮美鰻魚切成細粒，仲大大碟呀!好抵食呀！👍🏻🌈汁燒年榚卷醬汁又入味，煙韌很有咬口! 🌈鹽燒開邊雞翼一串有2隻！燒雞翼好多朋友也鍾意食！🌈豚肉日本蘋果卷肉質柔軟，中間是爽口日本蘋果，肉汁豐富! 🌈鹽燒和牛牛小排牛肉味香濃， 絕對不靭!🌈香脆咸蛋黃燒墨魚滑炸至爽脆，新鮮爽口彈牙!😍🌈 蒜蓉燒廣島蠔大隻又口感層次十足!以$44蚊2隻真抵食!😜🌈鹽燒萵荀好惹味！很有創意！真係要一讚！🌈鹽燒豬肋肉肉質鮮之外亦好可口，鹽燒夠惹味!🌈豚肉牛油果卷真係有驚喜!個人口味認為好獨特!好有新鮮感呀!🌈蜜糖燒菠蘿及黑糖燒菠蘿菠蘿多汁甜度極高，可中和吓今餐食得比較多肉!🌈糖不甩燒芝麻湯圓入口仍是熱辣辣，芝麻饀料煙韌而不太甜，推介甜品!🌈青檸梳打大大杯梳化水有青檸清新味道！🌈芒果乳酸解渴，清新芒果味味道濃! 🌈sapporo七寶生啤而家做緊買一送一!48蚊2杯!
继续阅读
可以唔使顧忌咁樣叫串燒，真係一種享受，仲要係高質嘅串燒。“燒烤堂”印象中之前筲箕灣已經有燒烤堂，但而家搬咗去新成街嗰邊，喺地鐵站站要行多兩步。今日七點幾嚟到已經座無虛席，八點幾開始有其他客人都入唔到，可見呢度有幾受歡迎。呢度同好多日式串燒店唔同嘅係，十幾廿蚊都有好多選擇，係真正做到平有平食，貴有貴食嘅地方。因為咁我哋今晚叫咗好多嘢，但我盡量先寫啲最值得叫嘅: 豚肉節瓜波板糖（附月見） $38 - 又平，又大份，仲有月見可以點，仲有黑松露味道，係一定要叫嘅串燒。汁燒免治雞肉棒(附月見) $38 - 夠熱，雞軟骨夠鬆軟，點埋蛋汁非常好食。焦糖鰻魚玉子燒 $28 - 最值得讚係玉子上面用咗焦糖燒到有啲甜味，連同鰻魚食，味道豐富一流。雞皮墨魚滑 $38 - 幾特別嘅串燒，雞皮包住手打墨魚滑嘅質感，既脆亦軟，亦幾大嚿。鹽燒豚肉荔枝卷 $22 - 荔枝夠晒甜，可以想像油分高而調味足夠嘅豚肉包落去係咩效果🤤海苔黑豚肉鵪鶉蛋 $22 - 加咗大量海苔喺上面嘅黑豚肉鵪鶉蛋，味道豐富好食，滋味無窮。除此以外，雞皮大塊夠脆，A4和牛入口即溶，牛舌腩更加係會食到感動。廣島蠔一份2件夠晒抵食，七里香充滿香料嘅味道。燒白鱔、麻辣豬大腸、豚肉牛油果卷，表現亦非凡。甜品仲有柑桔鹹蛋黃卷、糖不甩燒芝麻湯圓，特別係後者，燒過嘅湯圓甜到入心…冇錯，啲嘢食係多到寫唔晒😂。最後一定要講埋生啤買一送一，$48有兩大杯！
继续阅读